Monday, July 19, 2010

ကံကောင်းတယ်

၂၀၀၈-ခုနှစ် အောက်တိုဘာလ ၃-ရက်နေ့ နံနက် ၆-နာရီ ၄၅-မိနစ်အချိန်။ ပဲခူးမြို့ ဥဿာမြို့သစ်ရပ်ကွက်နေ ကျွန်တော့်အိမ်အပေါ်ထပ်ရှိ ဘုရားခန်း၌ ဆွမ်း၊ ပန်း၊ ဆီမီး၊ ရေချမ်းကပ်ပြီး ငါးပါးသီလခံယူလျက် ဘုရားရှိခိုး နေစဉ် ၇-နာရီ ၁၀-မိနစ်အချိန်ခန့်တွင် မိုးများ သည်းထန်စွာ ရွာချလေသည်။ လျှပ်စီးများလက်လျက် မိုးချုန်းသံများနှင့်အတူ မိုးကြိုးပစ်သံများပါ ကြားရသဖြင့် အိမ်အောက်ထပ်ဆင်းပြီး ဘက်ထရီကလစ် အင်ဗာတာ မီးခလုတ် ကောတလက်ဖုန်းကြိုးများကို ဖြုတ်ခဲ့ပြီး အိမ်ပေါ်ပြန်တက်၍ ဘုရားဆက်ရှိခိုးနေခဲ့ပါသည်။

ကျွန်တော် ရွတ်ဆိုပူဇော်နေကြဖြစ်သည့် ပဲခူးမြို့ ဓမ္မာလင်္ကာရဆရာတော်ဘုရားကြီး၏ သရဏဂုံသစ္စာနှင့် ဘုရားရှိခိုးပူဇော်ခြင်း၊ မေတ္တသုတ်၊ ဓာရဏပရိတ်၊ ပထ၀ီဇယမန္တာန်ဂါထာတော်များ ရွတ်ဆိုပူဇော်ပြီး နောက်ဆုံး မကွေးတိုင်း ကံမမြို့နယ် ထုံးကြီးကျေးရွာမှ သက်တော်ရှည် ထုံးကြီးဆရာတော်ကြီး ချီးမြှင့်ထားသော သိဒ္ဓိဆယ်ပါး ဂါထာတော်ကြီးကို ရွတ်ဆိုပူဇော်ပြီးချိန် နံနက် ၇-နာရီ ၃၀-မိနစ်ခန့်အချိန်တွင် မိုးများ ပိုမိုသည်းထန်စွာ ဆက်လက်ရွာသွန်းသည်။

ထို့နောက် လျှပ်စီးများလက်လျက် မိုးချုန်းသံများနှင့်အတူ မိုးကြိုးပစ်သံများလည်း ဆက်လက်ကြားနေရသည်။ ထိုစဉ် ဖုန်းကြိုး ဖြုတ်မထားခဲ့မိသည်ကို သတိရ၍ အိမ်အောက်ပြန်ဆင်းပြီး ဆက်တီစားပွဲပေါ်တင်ထာသော ဖုန်းစကားပြောခွက်ကိုကိုင်၍ ဖုန်းမှကြိုးဖြုတ်ရန် ကိုင်လိုက်စဉ် ဗုန်း-ဆိုသောအသံနှင့်အတူ ဖုန်းခွက်မှာ လက်ထဲမှ လွင့်ကျသွားသည်။ ကျွန်တော့ရင်ဘတ်ကိုလည်း လေနှင့်ဆောင့်တွန်းလိုက်သလိုဖြစ်ကာ တပေအမြင့်ခန့်ရှိ ကျွန်တော်ထိုင်နေသော ကြိမ်ခုံလေးပေါ်မှ နောက်ဘက်သို့ နှစ်ပေခန့် လွင့်ကျသွားခဲ့ပါသည်။

ကျွန်တော်လည်း ချက်ချင်းပင် မိုးကြိုးပစ်ခံရလျှင် လူခန္ဓာကိုယ် မဲသွားသည်ဟု ကြားဖူးသဖြင့် ကျွန်တော့ကိုယ် ကျွန်တော် ကြည့်လိုက်ရာ ဘာမှမဖြစ်ဘဲ ပကတိအတိုင်းသာ ရှိနေသည်။ ဒဏ်ရာဒဏ်ချက်လည်း တခုမှ မရှိသဖြင့် ငါ ဘာမှ မဖြစ်ဘူး-ဟု သတိထားမိလိုက်ပါသည်။

မိုးချုန်းသံများ၊ မိုးကြိုးပစ်သံများ ရပ်သွားသောအခါ ကျွန်တော့်အိမ်တွင် ကျွန်တော်နှင့် ဇနီးတို့ နှစ်ဦးတည်းသာ ရှိနေသဖြင့် ခေါင်းရင်းကပ်လျက်အိမ်မှ စိတ်ပူပြီး လှန်းခေါ်သံကြားရပါသည်။ အိမ်နောက်မှ ထွက်ကြည့်ရာ ဘာဖြစ်သွားလဲ-ဟုမေးသဖြင့် ကျွန်တော်က အဖြစ်အပျက်ကို ပြောပြရာ ကံကောင်းတယ်၊ ကံကောင်းတယ်-ဟု ပြောပါသည်။ အိမ်နီးချင်းဖြစ်သူ ဦးတင်ဌေးက ကျွန်တော့်အိမ်ခေါင်ပေါ်တွင် ထောင်ထားသော ကော့လက်ဖုန်း တိုင်မှ မီးခိုးလုံးကြီး တက်သွားသည်ကို တွေ့ရကြောင်း၊ တိုင်ထိပ်တွင်တပ်ထားသော ပစ္စည်းများလည်း ဘာမှ မရှိတော့ပါကြောင်း၊ အလင်းရောင်တန်းကြီးကလည်း သူတို့အိမ်ပြတင်းပေါက်ကို ၀င်လာသလို မြင်လိုက်ရ ကြောင်း ပြောပြပါသည်။

ကော့လက်ဖုန်းတိုင်မှာလည်း သားအငယ်ဆုံးသည် ဌာနဆိုင်ရာ အရာရှိငယ်ဝန်ထမ်းတဦးဖြစ်ပြီး အိမ်ချင်းနီးနေသဖြင့် မြို့နယ် ခရိုင် တိုင်းရုံးတို့နှင့် အချိန်မရွေး ဆက်သွယ်နိုင်ရန်အတွက်လည်းကောင်း၊ လုံခြုံရေးကိစ္စများ ဆောင်ရွက်ရာတွင်လည်းကောင်း လွယ်ကူအဆင်ပြေစေရန် သက်ဆိုင်ရာသို့ ခွင့်ပြုချက်တောင်း၍ တပ်ဆင်ထားခြင်း ဖြစ်ပါသည်။

ကျွန်တော့်အဖြစ်အပျက်ကို ပြောပြသဖြင့် သိရှိကြသူများက ကျွန်တော့အား ကံကောင်းတယ်-ဟုသာ ပြောနေကြသဖြင့် စဉ်းစားကြည့်ရာ ဗုန်း-ဆိုသောအသံနှင့်အတူ ခန္ဓာကိုယ်ကြီးပါ လွင့်သွား၏။ အကယ်၍သာ နှလုံးရောဂါရှိနေသူတယောက်ဖြစ်လျှင် နေရာတွင်ပင် ပွဲချင်းပြီးသွားနိုင်သည့် အခြေအနေတွင် ရှိနိုင်ပါသည်။ ထို့ကြောင့်လည်း ကျွန်တော့်ကို ကံကောင်းတယ်-ဟု ပြောနေကြခြင်း ဖြစ်မည်ထင်ပါသည်။

ကျွန်တော့်တွင် နှလုံးရောဂါမရှိခြင်း၊ ၀န်ထမ်းဘ၀ကလည်း သေနတ်သံ၊ ဗုံးသံများကြားတွင် နှစ်ပေါင်းများစွာ ကျင်လည်ခဲ့ရသည့် အတွေ့အကြုံများ ရှိခဲ့ခြင်းတို့ကြောင့် မိုးကြိုးပစ်၍ ကျွန်တော့်လက်ထဲရောက်လာသော ဗုန်း-ဆိုသည့်အသံကို တုန်လှုပ်ချောက်ချားမှု မရှိခြင်းဖြစ်သည်။ ဤကဲ့သို့ အသက်အန္တရာယ်နှင့် ကင်းဝေးပြီး တုန်လှုပ်ချောက်ချားမှု မရှိရခြင်း၏ အဓိကမှာလည်း ဤအဖြစ်အပျက်ကြုံရမည့် အချိန်တွင် ဘုရားရှိခိုး၍ ငါးပါးသီလခံယူခြင်း၊ ဘုရားစာများ ရွတ်ဖတ်ပူဇော်ခြင်းတို့ကြောင့် အသက်ချမ်းသာပြီး လူအများပြောကြသလို ကံကောင်းတယ်-ဟုသာ ဆိုရမည်ဖြစ်ပါသည်။

ဤဖြစ်ရပ်ကြောင့် ကျွန်တော့်ရင်ထဲတွင် ခံစားနေရသော အချွဲကျပ်-ရောဂါသည် ပျောက်သွားခဲ့ရပါသည်။ ခါးနာရောဂါလည်း သက်သာခဲ့ရပါသည်။
ကံကောင်းတယ်-ဟုပြောရမည့်အပြင် သေကံမရောက် သက်မပျောက်ဘဲ ရောဂါပျောက်ခဲ့ရခြင်းမှာ ဘုရား တရား သံဃာ မိဘ ဆရာများကို အမြဲဦးထိပ်ထား၍ ဘုရား တရားစာများကို ယုံယုံကြည်ကြည် ရွတ်ဖတ်ပူဇော် နေခြင်းကြောင့် ဖြစ်ပါကြောင်း လူအများ သိရှိနိုင်စေရန် တင်ပြလိုက်ရပါသည်။

မောင်မောင်မြင့် (ဥဿာမြို့သစ်)
(မြတ်မင်္ဂလာ ၂၀၀၉-ခု ဧပြီလ)

No comments: