Tuesday, July 27, 2010

စေတနာ မကောင်းလျှင်

လွန်ခဲ့သောနှစ်ပေါင်း ၄၀-ကျော်က ဗန်းမော်မြို့တွင် ဦးချမ်းသာဟူသည့် ငွေကြေးချမ်းသာသော လုပ်ငန်းရှင်ကြီးတဦး ရှိပါသည်။ သူသည် သစ်လုပ်ငန်း၊ စိုက်ပျိုးရေးလုပ်ငန်း၊ ကုန်စုံဆိုင်လုပ်ငန်းများ လုပ်သည်။ လုပ်ငန်းများ အောင်မြင်သဖြင့် ငွေကြေးချမ်းသာသော်လည်း စိတ်ရင်းကောင်း၊ စေတနာကောင်းမရှိပါ။ ငွေကို နှမြောသည်။ လှူဒါန်းပေးကမ်းစွန့်ကြဲခြင်း လုံးဝမရှိပါ။

သူ့လုပ်ငန်းတွင် လခစားလုပ်သော လုပ်သားများစွာရှိသည်။ ငွေကြေးချမ်းသာသော်လည်း အလုပ်သမားများ အပေါ် ကိုယ်ချင်းစာစိတ်၊ ညှာတာစိတ် လုံးဝမရှိပေ။ လုပ်အားခကိုလည်း ဈေးနှိမ်၍ပေးသည်။ လစာကို ပေးသင့်သည့်အချိန်တွင် ပုံမှန်မပေးဘဲ အချိန်ဆွဲ၍ ထားသည်။ ရသင့်သည့်အချိန်ထက် နောက်ကျပြီးမှ ရသဖြင့် အလုပ်သမားများမှာ စိတ်ဆင်းရဲကြသည်။ စိတ်ပျက်အားငယ်ကြရသည်။ သူ့ထံက အလုပ်ထွက်ချင်ကြ သော်လည်း အဆင်မပြေမှာစိုး၍ မထွက်ရဲကြပေ။ တချို့မှာ စိတ်ဆင်းရဲသဖြင့် မျက်ရည်ကျရသည်။ အလုပ်ရှင်အပေါ် စေတနာမေတ္တာမရှိကြတော့ပေ။

တနေ့သောအခါ ဦးချမ်းသာသည် တောထဲရှိသစ်စခန်းသို့ သူ၏ဒရိုင်ဘာနှင့်အတူ ဂျစ်ကားစီး၍ သွားသည်။ သစ်စခန်းတွင် အလုပ်နှင့်ပတ်သက်၍ အလုပ်သမားတွေအပေါ် မကျေနပ်သဖြင့် ဆူပူအော်ငေါက်စိတ်ဆိုးသည်။ အပြန်မှာ မိုးချုပ်စပြုပြီ။ ကားမီးကလည်း မလင်းပါ။ ဒရိုင်ဘာက ကားကို လျင်မြန်စွာ မောင်းလာရာ မြို့နှင့် ၁-မိုင်အကွာတွင် ကားဘရိတ်ပေါက်ပြီး လမ်းဘေးရှိ သစ်ပင်ကြီးကို ၀င်တိုက်မိရာမှ ကားတိမ်းမှောက်သွားသည်။ ဦးချမ်းသာနှင့် ဒရိုင်ဘာတို့နှစ်ဦး ပွဲချင်းပြီး သေဆုံးကြရသည်။ အခင်းဖြစ်ပွားရာ၌ အနီးရှိရွာလူကြီးကမြင်သဖြင့် သက်ဆိုင်ရာသို့ အကြောင်းကြားရာ အလောင်းကိုအိမ်သို့ ညတွင်းချင်း ကားဖြင့်သယ်သွားကြသည်။ ဦးချမ်းသာ၏ဇနီးနှင့် သားသမီးတို့မှာ တညလုံး ငိုကြွေးကြသည်။ ဆင်းရဲသားအလုပ်သမားများ မျက်ရည်ကျအောင် လုပ်ခဲ့၍ ယခုလို အသေဆိုးနှင့် သေရတာဟု လူအများက ဝေဖန်ကြသည်။

လောကတွင် စိတ်ရင်းကောင်း၊ စေတနာကောင်းရှိရန် အထူးလိုအပ်ပါသည်။ စိတ်ရင်းမကောင်း၊ စေတနာမကောင်းသူမှာ မကောင်းကျိုးကို ခံစားရမည်။ စိတ်ရင်းကောင်း၊ စေတနာကောင်းရှိလျှင် ကောင်းကျိုးခံစားရမည် ဖြစ်ပါသည်။

ကောက်ရိုးနွယ် (ရွှေကူ)
(မြတ်မင်္ဂလာ ၂၀၀၉-ခု မေလ)

No comments: