Friday, August 27, 2010

ငရုတ်သီးကို သာမန်ထက် ပိုမိုစားသုံးပါက အသည်းနှင့် ပန်ကရိယ ကင်ဆာ ဖြစ်ပွားနိုင်

ငရုတ်သီးကို သာမန်ထက် ပိုမိုစားသုံးပါက အသည်းနှင့် ပန်ကရိယ ကင်ဆာများ ဖြစ်ပွားနိုင်ကြောင်း အမေရိကန် သုတေသန ပညာရှင်များ၏ သုတေသနပြုချက်အရ သိရှိရသည်။

ငရုတ်သီး အခြောက်တွင်ပါသော မှိုများက အသည်းကင်ဆာဖြစ်ပွားစေရန် တွန်းအားပေးကြောင်း၊ ထို့အပြင် အသည်းတွင်ဖြစ်ပွားနိုင်သော ကင်ဆာဆဲလ်များကိုလည်း ပြန့်ပွားစေကြောင်း အဆိုပါသုတေသန ပညာရှင်များက ပြောကြားခဲ့သည်။

ထို့အပြင် ငရုတ်သီးအခြောက်တွင် ပါဝင်သော ဓာတ်များက အသည်း၏လုပ်ငန်းစဉ်များကို ထိခိုက်စေကြောင်း၊ အသည်း၏ အပေါ်ယံမျက်နှာပြင်တွင် အကျိတ်များ ဖြစ်ပေါ်စေကြောင်း၊ ငရုတ်သီးကို များများစားသုံးသူတို့တွင် သွေးကြောငယ်များ ရုတ်တရက် ပေါက်ထွက်မှု ဖြစ်ပေါ်စေနိုင်ကြောင်း သုတေသနပြုချက်အရ သိရှိရသည်။

သို့သော် လတ်ဆတ်သည့် ငရုတ်သီးစိမ်းကိုမူ သင့်တင့်မျှတစွာ စားသုံးခြင်းဖြင့် သွေးလည်ပတ်မှု ကောင်းမွန်စေသည်။ ထို့ကြောင့် လတ်ဆတ်သည့် ငရုတ်သီးစိမ်းကို အနည်းငယ် သင့်တင့်မျှတစွာ စားသုံးသင့်ကြောင်း အဆိုပါ သုတေသနပညာရှင်များက အကြံပြုထားသည်။

မင်းစောထက်

No comments: