Wednesday, October 20, 2010

တောင်တွင်းကြီးဆရာတော် အတုလခင်ကြီးပျော် ရေးသားရွတ်ဆိုသော လက်နက်ကိုးဖြာ အောင်ဂါထာ

တောင်တွင်းကြီးဆရာတော် အတုလခင်ကြီးပျော်ကို တောင်တွင်းကြီးမြို့တွင် ၁၀၈၄-ခုနှစ်၌ ဖွားမြင်သည်။ အင်္ဂါသားဖြစ်ပြီး ငယ်မည်မှာ မောင်ပျော် ဖြစ်သည်။ ၁၉-နှစ်သားကျော်ကျော်အရွယ်တွင် ရဟန်းပြုသည်။ ရဟန်းဘွဲ့မှာ ဦးဉာဏ၀ရ ဖြစ်သည်။

ဆရာတော်သည် တနေ့လျှင် ပေစာ ပါးစပ်ဖြင့်တကိုက်ရအောင် ကျက်မှတ်တော်မူနိုင်သည်။ သက်တော် ၃၉-နှစ်၊ ၀ါတော် ၁၉-၀ါတွင် ပျံလွန်တော်မူခဲ့သည်။ ထိုအသက် ၃၉-နှစ်အရွယ်အတွင်း-
(၁) လောကီကျမ်း။
(၂) အာဒိကပ္ပကျမ်း။
(၃) ဒွါဒရာသီကျမ်း။
(၄) ဓာတုဗေဒကျမ်း စသည်ဖြင့် အဂ္ဂိရတ်ကျမ်းပေါင်းများစွာ ပြုစုခဲ့သည်။ ထို့ပြင် အဂ္ဂိရတ်ကျမ်းပေါင်း ၁၄-ကျမ်းကိုလည်း ရေးသားပြုစုတော်မူခဲ့သည်။

ထိုမှတပါး လောကုတ္တရာအခြေပြုစာများဖြစ်သော သဒ္ဒါကျမ်း ၄-ကျမ်းကိုလည်း ပြုစုခဲ့သည်။ ယင်းတို့မှာ-
(၁) ပုဒ်ဆစ်ကျမ်း။
(၂) ဉာသ်အရကောက်ကျမ်း။
(၃) ယမိုက်ခက်ဆစ်ကျမ်း။
(၄) ပဋ္ဌာန်အရကောက်ကျမ်းများ ဖြစ်သည်။
ဆရာတော်ရေးသားသော ကျမ်းများကို စုပေါင်းလိုက်ပါက ကျမ်းပေါင်း ၃၅-ကျမ်းဖြစ်၍ စာမျက်နှာပေါင်း နှစ်သောင်းနီးပါးမျှရှိသည်။

ပျံလွန်တော်မမူမီ ၃၉-နှစ်အတွင်း ဤမျှလောက်များပြားသော ကျမ်းများကို အရွယ်နှင့်မလိုက်အောင် ရေးသားပြုစုတော်မူနိုင်သဖြင့် ဒုတိယစစ်ကိုင်းမြို့တည် နောင်တော်ကြီး မင်းတရားက လွန်စွာကြည်ညိုလှ သဖြင့် ဉာဏလင်္ကာရမဟာဓမ္မရာဇဂုရု ဘွဲ့တံဆိပ်နာမံတော်ကို ဆက်ကပ်တော်မူခဲ့သည်။ ထို့ပြင် မဟာဘုံသာကျောင်းကြီးကို ဆောက်လုပ်၍လည်း ဆရာတော့်ကို လှူဒါန်းတော်မူခဲ့သည်။

ထိုစဉ်က ဆရာတော်ကို တောင်တွင်းပုဂ္ဂိုလ်ကျော်ဟူ၍ လူအများက ခေါ်ဝေါ်ကြသည်။ ယခုအခါတွင်လည်း မ,တလုံးကြေသော အတုလဆရာတော် ခင်ကြီးပျော်ဟူ၍ ခေါ်ဝေါ်ကြသည်။

အောက်ပါဂါထာမှာ ဆရာတော်ကြီး ရေးသားရွတ်ဆိုသော ဂါထာဖြစ်သည်။ ဤဂါထာကို ယုံကြည်စွာ ရွတ်ဆိုပူဇော်ခြင်းဖြင့် အမျိုးမျိုးသော လက်နက်အန္တရာယ်ဘေးတို့မှ လွန်မြောက်နိုင်ပြီး မည်သည့်လက်နက် ဘေးတို့ကြောင့်မျှလည်း အသက်မသေနိုင်ဟု သာသနာရေးဦးစီးဌာနက ထုတ်ဝေသော ဗုဒ္ဓဘာသာ လက်စွဲကျမ်း (ပထမတွဲ)၌ ဖော်ပြထားသည်။


( လက်နက်ကိုးဖြာ အောင်ဂါထာ )
ဝါတံ ၀ဿဉ္စ ပါသာဏံ၊ အာဝုဓံ ၀ါဠုကံ တထာ။
ကုက္ကုဠံ ကလလင်္ဂါရံ၊ အန္ဓကာရန္တိ မေ န၀။

သတ္ထေ မာရေန ၀ိဿဋ္ဌေ၊ ၀ိဇယန္တံ ဇိနံ နမေ။
အဟမ္ပိ တေန ပုညေန၊ ၀ိဇေယျံ သဗ္ဗမာယုဓေ။

( မြန်မာအသံထွက်)
ဝါတံ ၀တ်သင်စ ပါသာဏံ၊ အာဝုဓံ ၀ါဠုကံ တထာ။
ကုတ်ကုလံ ကလလင်ဂါရံ၊ အန်ဓကာရန်တိ မေ န၀။

သတ်ထေ မာရေန ၀ိတ်သတ်ဋ္ဌေ၊ ၀ိဇယန်တံ ဇိနံ နမေ။
အဟမ်ပိ တေန ပုန်ညေန၊ ၀ိဇေယျံ သတ်ဗမာယုဓေ။

(၁) အုံ့မှိုင်းလေဆိုး မုန်တိုင်းမျိုးကို၎င်း၊
(၂) မိုးကြမ်းရေဆိုး လက်နက်မျိုးကို၎င်း၊
(၃) ကျောက်ခဲကျောက်စိုင် မိုးကို၎င်း၊
(၄) တဖက်သွား နှစ်ဖက်သွားဟူသော လှံဓားစသော လက်နက်မျိုးကို၎င်း၊
(၅) သဲထုမိုးကို၎င်း၊
(၆) ပြာပူမိုးကို၎င်း၊
(၇) ရွှံ့ညွှန်မိုးကို၎င်း၊
(၈) မီးကျီးမိုးကို၎င်း၊
(၉) အမိုက်မှောင်ကို၎င်း၊
ဤသို့ မာရ်နတ်ပစ်လွင့်အပ်ကုန်သော လက်နက်အန္တရာယ် ကိုးမျိုးတို့ကို အောင်ခြင်းကြီး အောင်တော်မူသော မြတ်စွာဘုရားကိ်ု ရိုသေစွာ ရှိခိုးပါ၏။
တပည့်တော်သည် ထိုသို့ရှိခိုးရသော ကုသိုလ်ကံစေတနာကြောင့် အလုံးစုံသော လက်နက်မျိုးတို့ကို ယနေ့ကစ နိဗ္ဗာန်ရသည့်ဘ၀တိုင်အောင် မမြင်ရ၊ မကြားရ၊ အဝေးကပင် အောင်နိုင်ရသည့်ကိုယ် ဖြစ်ရပါလို၏ မြတ်စွာဘုရား။

မင်းဉာဏ်ဝေ
(မြတ်မင်္ဂလာ ၂၀၁၀-ဖေဖ်ာဝါရီလ)

No comments: