Saturday, October 30, 2010

အမျိုးသမီး နှင့် သားအိမ်ကျခြင်း ပြဿနာ

သားအိမ်ကျခြင်းသည် အမျိုးသမီးများ အသက်ကြီးလာသောအခါ ကြုံတွေ့ရတတ်သည့် ပြဿနာတရပ် ဖြစ်သည်။ အသက် မကြီးလှသေးသော်လည်း အချို့သောအကြောင်းတရားများကြောင့်လည်း သားအိမ်ကျခြင်း ဖြစ်တတ်လေသည်။ ရောဂါအခြေအနေ အနုအရင့်ပေါ် မူနည်၍ ကုထုံးများလည်း ကွဲပြားခြားနားလေသည်။ ပုံမှန်အားဖြင့် ဆိုလျှင် အသက်အန္တရာယ် စိုးရိမ်ရသော ရောဂါတော့ မဟုတ်ပေ။ သို့သော် ထိရောက်မှန်ကန်သော ကုသမှု ခံယူရန်တော့ လိုအပ်လေသည်။

(သားအိမ်ကျ ရောဂါ ဖြစ်နိုင်ခြေ ရှိသူများ)
-မွေးရာပါ သားအိမ်ဘေးရှိ ကြွက်သားအားပျော့သူများ၊ မိန်းမကိုယ် နံရံနှင့် ဘေးဘက်အားပျော့သူများ။
-ကလေး ခဏခဏ မွေးသူများ။
-ကလေးမွေးရ ခက်၍ မွေးချိန် ကြာရှည်နေသူများနှင့် သားအိမ်ကို ဖိတွန်း၍ ကလေးမွေးသူများ။
-ရောဂါ တခုခုကြောင့် ခွဲစိတ်၍ သားအိမ် ထုတ်ထားရာမှ ချန်ထားသော မိန်းမကိုယ် ကျွံကျခြင်း။
-သွေးဆုံးပြီးချိန် သားအိမ်ကြွက်သားများ အားပျော့လာခြင်း။
-သားအိမ်နှင့် သားအိမ်ခေါင်း မိန်းမကိုယ်တို့တွင် ကလေးမွေးစဉ်က ထိခိုက်မှု ရှိခဲ့ခြင်း။
-မျိုးရိုးရှိခြင်း။

(သားအိမ်ကျ ရောဂါဖြစ်စေဖို့ တွန်းအားပေးသော အခြေအနေများ)
-ရက်ရှည်ကြာစွာ ပြင်းပြင်းထန်ထန် ချောင်းဆိုးခြင်း။
-အလေးအပင် မ,ခြင်း။
-မကြာခဏ ၀မ်းချုပ်လေ့ ရှိခြင်း။
-သားအိမ်တွင် အသားလုံး ရှိခြင်း၊ (Myoma)
-ကလေး မွေးပြီးနောက် သားအိမ်ကျုံ့အား မကောင်းခြင်း။
-သားအိမ်ခေါင်းတွင် အညှာပါသော အလုံးဖြစ်ခြင်း (Large cervical polyp)/

(သားအိမ်ကျခြင်း -Uterine Prolapse)
ပထမအဆင့်-သားအိမ်ခေါင်း (cervix) သည် မိန်းမကိုယ် အတွင်းပိုင်း၌သာ ရှိသေးခြင်း။
ဒုတိယအဆင့်-သားအိမ်ခေါင်းသည် မိန်းမကိုယ် အပြင်သို့ ရောက်လာခြင်း။
တတိယအဆင့်-သားအိမ်(uterus) တခုလုံး မိန်းမကိုယ် (vagina) ၏ အပြင်သို့ ရောက်လာခြင်း။

(မိန်းမကိုယ် ကျွံကျခြင်း-Vaginal Prolapse)
-မိန်းမကိုယ်၏ ရှေ့ဘက်နံရံ ကျွံကျခြင်းတွင် Cystocoele ဟုခေါ်သော ဆီးအိမ် ကျွံကျခြင်း၊ Urethrocoele ဟုခေါ်သော ဆီးပြွန်လမ်းကြောင်း ကျွံကျခြင်းတို့ ဖြစ်နိုင်သည်။
-မိန်းမကိုယ် နောက်ဘက် နံရံမှ ကျွံကျခြင်းတွင် Enterocoele ဟုခေါ်သော ကိုယ်တွင်းခေါင်း (Pouch of Douglas) မှ တဆင့် အူနှင့် အူဘေး အမှေးများ ကျွံကျခြင်း၊ Rectocoele ဟုခေါ်သော အစာဟောင်းအိမ်နံရံ ကျွံကျခြင်းတို့ ဖြစ်နိုင်သည်။

(ရောဂါလက္ခဏာများ)
-မိန်းမကိုယ်ထဲတွင် အရာဝတ္ထု တခုခု ရှိနေသလို တစ်ဆို့ဆို့ ဖြစ်နေခြင်း။
-မတ်တတ် ရပ်လိုက်လျှင် မိန်းမကိုယ်တွင်းမှ တခုခု ကျဆင်းလာသလို ခံစားရခြင်း။
-၀မ်းဗိုက် အောက်ပိုင်းနှင့် သားအိမ်နေရာတို့၌ တခုခု ဆွဲချနေသလို သရိုးသရီ ဖြစ်နေခြင်း ကလေးမွေးသလို ညှစ်ချင်ခြင်း။
-ဆီး ခဏ ခဏ သွားခြင်း၊ ဆီးကုန်အောင် သွားရခက်ခြင်း၊ ဆီးကျန်သလို ခံစားရခြင်း၊ ဆီးကျင်ခြင်း၊ ဆီးမထိန်းနိုင်ခြင်း၊ ချောင်းဆိုးလျှင်နှင့် ဟက်ဟက်ပက်ပက် ရယ်မောလျှင် ဆီးထွက်ကျခြင်း။
-၀မ်းသွားရာတွင် မစင် မကုန်သကဲ့သို့ ခံစားရခြင်း။
-ခါးနာခြင်း။
-မိန်းမကိုယ်မှ အဖြူဆင်းခြင်း၊ ညိုပုပ်သော အကျိအချွဲ ဆင်းခြင်း၊ သွေးရောင်ပါသော အကျိအချွဲ ဆင်းခြင်း။
-အမျိုးသားနှင့် ဆက်ဆံရာတွင် အခက်အခဲ ရှိခြင်း။
-ရောဂါ ရင့်လာလျှင် အသားလုံး တခု မိန်းမကိုယ်မှ တွဲလွဲ ထွက်လာခြင်း။

(မိန်းမကိုယ်နှင့် အတွင်းပိုင်း၌ စစ်ဆေးခြင်း)
ဆရာဝန်မှ လိုအပ်သလို စစ်ဆေးပေး၍ သားအိမ်ကျွံကျခြင်း အဆင့်၊ မိန်းမကိုယ် အရှေ့ အနောက်ဘက်မှ ကျွံကျခြင်းတို့ကို ခွဲခြား စစ်ဆေးမည် ဖြစ်သည်။ မိန်းမကိုယ်ထဲသို့ စစ်ဆေးရမည် ဖြစ်သလို စအိုတွင်းသို့လည်း (လိုအပ်လျှင်) စစ်ဆေးမည် ဖြစ်လေသည်။

(အချိန်မီ ကုသမှု မခံယူလျှင် ကြုံတွေ့ရမည့် ပြဿနာများ)
(၁) Keratinization ခေါ် သားအိမ်သည် မိန်းမကိုယ်၏ ပြင်ပ၌ ကြာရှည်စွာ ထွက်ကျနေသဖြင့် ပွတ်တိုက်မိရာမှ ပြင်ပလေ ထိတွေ့လာရာမှ မာကြမ်းလာခြင်း၊ မျက်နှာပြင် ထူ၍ ခြောက်သွေ့လာခြင်း၊ ညိုမည်းလာခြင်း။
(၂) Decubitus Ulcer ခေါ် အနာဖြစ်လာခြင်း။
(၃) သားအိမ်ခေါင်း နံရံ ထူပိန်းလာခြင်း။
(၄) ဆီးလမ်းကြောင်း ပိတ်ရာမှ ကျောက်ကပ် ရေ၀င်ခြင်း၊ ဆီးလမ်းကြောင်း ရေ၀င်ခြင်း။
(၅) ဆီးလမ်းကြောင်း ပိုးဝင်ခြင်း။
(၆) အမျိုးသားနှင့် ဆက်ဆံရာတွင် အခက်အခဲ ရှိခြင်း၊ နာကျင်ရောင်ရမ်းခြင်း။

(သားအိမ်ကျခြင်း အတွက် ကုသနည်းများ)
သားအိမ်ကျခြင်း ကုသနည်း အထွေထွေ ရှိလေသည်။ မည်သည့် ကုသနည်းဖြင့် ကုသသင့်သည်ကို ဆရာဝန်မှ ရွေးချယ်ပေးမည် ဖြစ်သည်။ အမျိုးသမီး၏ အသက်အရွယ်၊ သားသမီး ထပ်ယူဖို့ ဆန္ဒ ရှိ-မရှိ၊ ရောဂါ အနု-အရင့်၊ ဆရာဝန်ညွှန်ကြားသည့်အတိုင်း လိုက်နာနိုင်မှု၊ ခွဲစိတ်ဖို့ ကျန်းမာရေး အခြေအနေ fit ဖြစ်-မဖြစ် စသည့် အချက်များပေါ် မူတည်၍ သင့်လျော်သလို ရွေးချယ် ကုသပေမည် ဖြစ်လေသည်။ ကုသနည်းများမှာ-
(၁) သားအိမ် အောက်ဘက်ရှိ ကြွက်သားများ ကြံ့ခိုင်လာအောင် လေ့ကျင့်ခန်း လုပ်ခြင်း။
(၂) Pessary Trealment-သားအိမ်ကို မူလနေရာသို့ ပြန်ထား၍ ထပ်မံ ထွက်ကျမလာအောင် ကွင်းကလေး စွပ်ပေးထားခြင်း ဖြစ်သည်။ ယင်းသည် ယာယီ ကုသမှုသာ ဖြစ်သည်။ ကွင်းကလေးကို ဆရာဝန် ညွှန်ကြားသည့် အချိန်တွင် အသစ် လဲလှယ်ပေးရမည် ဖြစ်သည်။
(၃) ခွဲစိတ်ကုသခြင်း။
-Anterior corporrhaphy-မိန်းမကိုယ် အရှေ့ဘက် နံရံ ကျွံကျလျှင်ဤနည်းဖြင့် ခွဲစိတ်ကုသမည် ဖြစ်သည်။
-Posterior colpoperineorrhaphy-မိန်းမကိုယ် အနောက်ဘက်နံရံ ကျွံကျပြီး perineal body တွင် စုတ်ပြဲမှုပါ ပူးတွဲ ရှိနေလျှင် ဤနည်းဖြင့် ကုသနိုင်သည်။
-Repair of enterocoele-မိန်းမကိုယ် နောက်ဘက်နံရံ ကျွံကျ၍ အူနှင့် အူဘေး အမြှေးပါးများ တွဲကျမှုရှိပါက ဤနည်းဖြင့် ကုသမည် ဖြစ်သည်။
-Vaginal hysterectomy-သားအိမ်ထုတ်၍ ကုသမည် ဖြစ်သည်။
-Manchester poeration-မီးယပ်သားဖွား ဆရာဝန်မှ ခွဲစတ်ကုသပေးမည် ဖြစ်သည်။

(ကုသမှု ခံယူပြီးနောက် အမျိုးသမီးမှ လိုက်နာသင့်သည်များ)
-၀မ်းချုပ် မခံရ။
-အလွန်အမင်း ချောင်းမဆိုးရ။
-အလေးအပင် မမ,ရ။
-ကြာရှည်စွာ ဆောင့်ကြောင့် မထိုင်ရ။
-အမျိုးသားနှင့် ခြောက်ပတ်မျှ မဆက်ဆံရ။
-သားအိမ်တွင်း Pessary ထည့်ထားသူများတွင် ဆရာဝန် ညွှန်ကြားသည့်အချိန်တွင် လဲလှယ်ရန်။
-မိန်းမကိုယ် သန့်ရှင်းစွာ ထားရန်။
သို့ဖြစ်ရာ သားအိမ်ကျခြင်းသည် ကုသ ပျောက်ကင်းနိုင်သော ရောဂါတခု ဖြစ်သဖြင့် လိုအပ်သလို ကုသမှု ခံယူသင့်ပေသည်။

ဒေါက်တာ ဆုအိထိုက်
(အပျိုစင် ၂၀၀၄-ခု ဧပြီလ)

No comments: