Saturday, October 30, 2010

စိတ်ဖိစီးမှု ဒဏ်များအား ၁၀-မိနစ်အတွင်း ဖြေဖျောက်နည်း

ဤဆောင်းပါးတွင် ကိစ္စများမြောင် လူတို့ဘောင်၌ နိစ္စဓူဝ လူတို့အား နှိပ်စက်ကလူ ပြုနေသော ဖိစီးမှုဒဏ် (Stress) များက လူတို့၏ ကျန်းမာရေးအပေါ် မည်သို့ သက်ရောက်ကာ ဆိုးကျိုးများကို ဖြစ်ပေါ်စေနိုင်ပုံ၊ ထိုဖိစီးမှု ဒဏ်များအား အချိန်အနည်းငယ် ပေးရုံဖြင့် ဖြေဖျောက်ပုံများကို ရေးသားဖော်ပြထားပါသည်။

ပြဿနာကြီးသည်ဖြစ်စေ၊ ငယ်သည်ဖြစ်စေ ဖိစီးမှုဒဏ်တည်းဟူသော သဲကန္တာရအလယ်တွင် အေးမြ တိတ်ဆိတ်သော အိုအေဆစ်ငယ်ကလေးကို တွေ့ရှိရုံမျှဖြင့် စိတ်၏ အေးချမ်း တည်ငြိမ်မှုကို ရရှိစေပြီး သင်၏ အသက်ကိုပင် ကယ်တင်နိုင်မည် ဖြစ်ပါသည်။

ဖိစီးမှုဒဏ် တောက်လျှောက် သက်ရောက်ခြင်းသည် သင်၏နှလုံး ကျန်းမာရေးကို အန္တရာယ် ဖြစ်စေရုံမျှမက နှလုံးသွေးကြောများ အတွင်း ပိတ်ဆို့မှုကို ပိုမို ဖြစ်ပေါ်စေနိုင်ပါသည်။
ထို့အပြင် ဖိစီးမှု ဟော်မုန်း (Stress Hormone) ၏ ပမာဏမှာ ခန္ဓာကိုယ်အတွင်း အမြင့်တက်လာကာ ခန္ဓာကိုယ်၏ ခုခံမှုစနစ်ကို အားလျော့စေနိုင်ပါသည်။ ထို့ကြောင့် အအေးမိခြင်း၊ တုပ်ကွေးမိခြင်း၊ အစာအိမ် ရောဂါ၊ အအေးဒဏ်ကြောင့် အနာများ ဖြစ်ပေါ်ခြင်း၊ ပန်းနာ ရင်ကျပ်နှင့် ကင်ဆာရောဂါ စသည်တို့ အားလုံးမှာ ဖိစီးမှု ဟော်မုန်းပမာဏ မြင့်တက်လာခြင်းနှင့် ဆက်စပ်မှု ရှိနေကြောင်း လေ့လာတွေ့ရှိကြရပါသည်။ ထို့အပြင် အသက်အရွယ် ကြီးရင့်လာသော အခါ၌ မှတ်ဉာဏ်စွမ်းအားကိုပင် ကျဆင်းစေနိုင်ပါသည်။

လူ အတော်များများက သူတို့ သိပ် အလုပ်များသဖြင့် ဖိစီးမှုဒဏ်များကို လျှော့ချရန် အချိန်မပေးနိုင်ကြောင်း ပြောတတ်ကြပါသည်။
ဤဆောင်းပါးတွင် ဖိစီးမှု ဒဏ်များကို မည်သည့်နေရာတွင် မဆို လျှော့ချနိုင်သော နည်း၊ မိနစ် အနည်းငယ် ပေးရုံမျှဖြင့် အကျိုးရှိနိုင်သော နည်း ခုနစ်နည်းကို ဖော်ပြပါသည်။

ရှေ့လာမည့်အပတ်တွင် နေ့တိုင်း ဖော်ပြပါ နည်းခုနစ်နည်းအနက် တနည်းနည်းကို ကြိုးစား၍ စမ်းသပ်ကြည့်ပါ။ သင်၏ ဖိစီးမှုဒဏ် မီတာ မြင့်တက်လာသည့် အခါတိုင်း ဖော်ပြမည့် နည်းနှစ်ခု သို့မဟုတ် သုံးခုကို လက်ကိုင်ထား လေ့ကျင့်နိုင်ဖို့ အရေးကြီးသည်ကို မမေ့ပါနဲ့။

(မိနစ်အနည်းငယ်မျှ ဘာမျှ မလုပ်ဘဲ နေပါ)
တနေ့တွင် အနည်းဆုံး ငါးမိနစ် သို့မဟုတ်-၁၀-မိနစ်ခန့် ဘာမှမလုပ်ဘဲ ငြိသက်စွာ ထိုင်နေရန်။ သင့်ပတ်ဝန်းကျင်မှ အသံများကို နားစွင့်ရန်။ သင်၏ စိတ်လှုပ်ရှားမှုများ၊ သင်၏ လည်ပင်းကြော၊ ပခုံး၊ လက်မောင်းနှင့် ရင်ဘတ်ကြွက်သားများ အတွင်းမှ တင်းမာနေမှုများကို လျော့ချရန် အာရုံစိုက်ရန်။

ဖိစီးမှု ပညာရှင် Robin-Gueth က လူတွေအတွက် ဒါက သိပ်လုပ်ဖို့မလွယ်တဲ့ အလုပ်ပဲ၊ ကျုပ်တို့က ကျုပ်တို့လုပ်လိုက်တဲ့ အလုပ်ရဲ့ အကျိုးကျေးဇူးကိုပဲ ရယူနေချင်ကြတာ၊ ဘာမှ မလုပ်ဘဲ ထိုင်နေဖို့ ဆိုတာ လက်တွေ့မှာ သိပ်မလွယ်လှဘူးဟု ဆိုသည်။

ငြိမ်သက်စွာ ထိုင်နေခြင်းဖြင့် နှလုံးခုန်နှုန်း (Heart Rate) နှင့် သွေးပေါင်ချိန် (Blood Pressure) အား လျော့ကျသွားစေပါသည်။ ဖိစီးမှုဒဏ်၏ သက်ရောက်မှုကို သိသိသာသာကြီး ခံရသော အချက်နှစ်ခုအား တန်ပြန် လျော့ကျသွားစေသည်ဟု ဆိုနိုင်၏။ ထိုအခါ နိစ္စဓူဝ အဖြစ်အပျက်များ အပေါ် မိမိ၏ ထိတွေ့လေ့လာ သုံးသပ်ဆင်ခြင်မှုများအပေါ် ကောင်းသောအကျိုး သက်ရောက်မှုများ ရှိစေမည် ဖြစ်၏။ လေ့လာချက်များအရ ဖိစီးမှုဒဏ် အသက်ရောက်ဆုံး အခြေအနေများမှာ အဖြစ်အပျက်များအား မထိန်းသိမ်နိုင်မှုများကြောင့် ဟု ဆိုကြပါသည်။

မက်ဆက်ချူးဆက်ပြည်နယ် ဆေးတက္ကသိုလ်ကြီးမှ စိတ်ကျန်းမာရေး အထူးကု ဆရာဝန်ကြီး James Carmody က ကျူပ်တို့ဟာ အတိတ်ကိုလည်း မပြောင်းလဲနိုင်၊ အနာဂတ်ကိုလည်း ကြိုတင် မှန်းဆလို့မရ၊ ကျုပ်တို့ ထိန်းသိမ်းနိုင်တာ တခုကတော့ ဒီနေ့ ပစ္စပ္ပုန်ကိုသာပါပဲ၊ အခု ကျုပ်တို့ရဲ့ အစီအစဉ်များ လူတွေက လေ့ကျင့်မှုရလာနိုင်ရင် သူတို့ဟာ အခြေအနေ တရပ်ကို ဘယ်လို ထိန်းသိမ်းနိုင်မယ် ဆိုတာကို သဘောပေါက်လာကြမှာပါ-ဟု ရှင်းပြခဲ့ပါသည်။

(အားပါးတရ ရယ်မောပါ)
အလွယ်တကူ ရယ်မောနိုင်သော အရာများ သင့်အနီးမှာ ရှိပါစေ။ ဥပမာ-ရယ်စရာ ရုပ်ပြဇာတ်လမ်း အပိုင်းအစကလေးများ၊ သို့မဟုတ်-သင့် သားသမီး၊ မိတ်ဆွေများထံမှ ပျော်ရွှင်ဖွယ်ရာ ပေးပို့သော အသံများ (E-mail သို့မဟုတ်-တယ်လီဖုန်းဖြစ်စေ) စသည်၊ သို့မဟုတ်-သင်၏ ဖေးဘရိတ်ရုပ်မြင်သံကြားမှ ရယ်မောဖွယ် အစီအစဉ် တခုခုအား ကြည့်ရှုခြင်း။ တနေ့တာလုံး မကြာခဏ ဖော်ပြပါ ရယ်မောဖွယ်ရာများနှင့် ထိတွေ့နိုင်ပါစေ။

သုတေသီ Berk ၏ လေ့လာချက်များအရ ကောင်းကောင်း ရယ်မောခြင်းကြောင့် ဖိစီးမှု ဟော်မုန်းဖြစ်သော ကော်တီစောလ် (Cortisol) ၏ ပမာဏ ကျဆင်းသွားကာ ခုခံမှုအားကိုလည်း တိုးမြှင့်စေနိုင်ကြောင်း၊ ထို့အပြင် အားရပါးရ ဗိုက်ကြွက်သားများ နာသည့်တိုင် ရယ်မောခြင်း၏ ကောင်းသောအကျိုး သက်ရောက်မှုမှာ ၂၄-နာရီအထိပင် ကြာရှည်ခံနိုင်ကြောင်း။

ရယ်စရာ လိုက်ရှာလျှင်ပင် စိတ်၏ တည်ငြိမ်မှုကို ရရှိနိုင်ကြောင်း၊ ၂၀၀၂-ခုနှစ်၌ Berk ၏ လေ့လာမှုတွင် ရယ်မောဖွယ် ဗီဒီယို အစီအစဉ် တခုအား ကြည့်ရှုရန် လုပ်အားပေး အချို့ကို ကြိုတင်ပြောပြ စမ်းသပ်ရုံနှင့်ပင် သူတို့၏ အမူအရာများမှာ အထူး ကောင်းမွန်လာကြပြီး သူတို့၏ ဖိစီးမှုဒဏ်များအားလည်း တချိန်တည်းမှာ လျော့ကျစေနိုင်ကြောင်း တွေ့ရှိရပေသည်။

(ဂီတကို နားဆင်ပါ)
အလုပ်မှာ ခက်ခက်ခဲခဲ ရင်ဆိုင်ရပြီ ဆိုလျှင် ဂန္ထ၀င်ပဲ ဖြစ်ဖြစ်၊ ကျေးလက် သို့မဟုတ်-ဂျပ်ဇ်ဂီတပဲ ဖြစ်ဖြစ် နားသောတ ဆင်လိုက်ပါ။
သြစတေးလျ နိုင်ငံ၊ မဲလ်ဘုန်း ယူနီဗာစီနီတွင် အစမ်းသပ်ခံ အုပ်စုနှစ်စု ခွဲလိုက်၏။ တစုက တိတ်ဆိတ်ငြိမ်စက်စွာဖြင့် အလုပ်လုပ်ရန်၊ ကျန်တစုက တေးဂီတကို နားဆင်ရင်း အလုပ်လုပ်ရန်၊ ဖိစီးမှုဒဏ်က တိတ်ဆိတ်စွာ အလုပ်လုပ်နေသူများ၏ နှလုံးခုန်နှုန်းနှင့် သွေးပေါင်ချိန်ကို မြင့်တက်စေ၏။ တေးဂီတ နားဆင်သူများမှာတော့ အခြေအနေ တည်ငြိမ်ကာ ပြောင်းလဲမှု မရှိ။ သူတို့ အလုပ်လုပ်ရတာ သက်သောင့်သက်သာ ရှိလှကြောင်းပင် အစီရင်ခံ ပြောကြားလာကြပါသည်။

သင် နားမထောင်သင့်သော ဂီတဟူသည် ရှိပါသလား။ အချို့က ဂန္ထ၀င် (Classical) ဂီတကို ပို၍ နားဝင်လက်ခံကြ၏။ အချို့က မကြိုက်။ မည်သို့ပင်ဖြစ်စေ မည်သည့်တေးဂီတကို လက်ခံ လက်ခံ၊ ဖိစီးမှုဒဏ်အား လျှော့ချရန်မှာ အဓိက ရည်ရွယ်ချက် ဖြစ်ကြောင်း အလာဘာမား ပြည်နယ် တက္ကသိုလ်မှ စိတ္တဗေဒ ပညာရှင် Elise Labbe-က ပြောကြားခဲ့ပါသည်။

( ပျော်ရွှင်စရာ တွေးတောပါ)
မည်သည့် နေရာမှ ဖြစ်စေ၊ သင် နှစ်နှစ်ကာကာ ချစ်မြတ်နိုးသူ တဦးကိုဖြစ်စေ၊ အကြောင်းအရာ တခုကိုဖြစ်စေ ၁၅-စက္ကန့်မှ ငါးမိနစ် အထိ အာရုံ စူးစိုက်လိုက်ပါ။ သို့မဟုတ်-ပျော်ပွဲစားထွက်ရာမှ မြင်ကွင်း တခုခုကို ပြန်လည် စဉ်းစားလိုက်ပါ။ သို့မဟုတ် သင်နှင့် ကမ္ဘာကြီး အတွက် အပြုသဘောဆောင်သည့် စာပိုဒ် တပိုဒ်သည်ပင်လျှင် အလုပ်ဖြစ်စေနိုင်ပါသည်။

ဥပမာ-သင့်ထံအမှတ်တရ ပို့လိုက်သော greeting card ကတ်ပြားလေးမှ စာသားလေး တခုသည်ပင်လျှင် သင်၏ စိတ်ချမ်းမြေ့မှုကို ပေးစေနိုင်ပါသည်။ ပျော်စရာတွေးခြင်း၊ အတွေးများအား တည်ငြိမ်စေခြင်းများက ဖိစီးမှုဒဏ်ကြောင့် ဖြစ်ပေါ်သော ဇီဝကမ္မ ပြောင်းလဲမှုများအား တန်ပြန်သက်သာစေနိုင်ပါသည်။

အနုတ်လက္ခဏာပြ စိတ်လှုပ်ရှားမှုများ ဖြစ်သည့် အခဲမကျေနပ်မှုများ၊ မကျေနပ်မှုများ၊ ဒေါသများ၊ နာကြည်းမှုများက လူတို့အား နှိပ်စက်ကလူပြုသော ဖိစီးမှုဒဏ်များ အရင်းခံများပင် ဖြစ်ပါသည်။ မိမိနှင့် အဆင်မပြေ စိတ်တိုင်းမကျသူ တဦးဦး အကြောင်း စဉ်းစားလိုက်လျှင် ဖိစီးမှု ဟော်မုန်းများက ခန္ဓာကိုယ်၏ ဖွဲ့စည်းမှု စနစ်အား ပျက်စီးစေနိုင်ပါသည်။ သို့သော် မိမိ နှစ်သက်သူ အကြောင်းကို ဖြစ်စေ၊ အဖြစ်အပျက် တခုကို ဖြစ်စေ စဉ်းစားလိုက်လျှင်မူ ယင်းနှင့်ဆန့်ကျင်ဘက် အကျိုးရှိမှုကိုသာ ဖြစ်စေမည် ဖြစ်ပါသည်။

(လမ်းလျှောက်ပါ)
ထိုင်နေရာမှ ထ၍ မည်သည့်နေရာ ရောက်ရောက် ၁၀-မိနစ်ခန့် အပြင်ထွက် လမ်းလျှောက်ပါ။
လူအတော်များများက လမ်းလျှောက်ခြင်းသည် စိတ်ကိုတည်ငြိမ်စေသည်ဟု ယူဆကြပါသည်။ ယခု ယင်းအယူအဆကို သိပ္ပံပညာရှင်များက သက်သေပြနိုင်ပြီ ဖြစ်၏။
၂၀၀၂-ခု ခုနှစ်တွင် စတင်းဖို့ဒ် ဆေးတက္ကသိုလ်မှ သုတေသန ပြုချက်အရ Dementia ခေါ် မှတ်ဉာဏ် ချို့ယွင်းသည့် ဦးနှောက်ဆိုင်ရာ ရောဂါရှင် အချို့တွင် ရက်သတ္တ တပတ်လျှင် လေးကြိမ် လမ်း-စတင် လျှောက်ကျင့်သူများ၌ စိတ်သက်သာမှု ရရှိပြီး ကောင်းမွန်စွာ အိပ်ပျော်ကြောင်း တွေ့ရှိကြရပါသည်။ ထို့အပြင် စိတ်ဖိစီးမှုဒဏ် ကင်းစင်သည့်အခါတွင် သူတို့၏ သွေးပေါင်ချိန် (Blood Pressure) မှာလည်း တည်ငြိမ်မှု ရှိကြောင်း တွေ့ကြရပါသည်။

ထို့ကြောင့် နာရီဝက်ခန့် အချိန်ပေးပါ။ ချွေးထွက်ခံစရာမလိုပါ။ သင့်တွင် ဖိစီးမှုဒဏ်များ ရှိနေသည့်အခါတိုင်း ငါးမိနစ်၊ သို့မဟုတ်-၁၀-မိနစ်ခန့် လမ်းလျှောက်ထွက်လိုက်ပါ။ သုတေသန ပြုချက်များအရ ဖိစီးမှုဒဏ် အရှိန်အဟုန် များများ သက်ရောက်လာသည့် အခါတိုင်း မိနစ် အနည်းငယ်ခန့်မျှ မိမိ၏စိတ်ကို တည်ငြိမ်အောင် ကြိုးစားခြင်းသည် အထူး အကျိုးကျေးဇူးရှိနိုင်ကြောင်း ထောက်ပြကြပါသည်။

(အသက်ကို ဖြည်းဖြည်း ရှူပါ)
ငါးမိနစ်ခန့် အသက်ကို ဖြည်းဖြည်း ရှူပါ။ တမိနစ်လျှင် ခြောက်ကြိမ်ခန့် ၀မ်းဗိုက် ကြွက်သားများကို လှုပ်ရှားစေခြင်းဖြင့် အသက်ကို ဖြည်းဖြည်း ရှိုက်၍ ရှူရန်၊ နောက်တနည်း လွယ်လွယ်ပြောရလျှင် ငါးစက္ကန့်မျှ အတွင်း အသက်ကို ရှူသွင်းပြီး နောက်ထပ် ငါးစက္ကန့်မျှ အတွင်း အငက်ကို ရှူထုတ်ရန်။

ကျွန်ုပ်တို့ တစုံတရာကြောင့် စိတ်အနှောက်အယှက် ဖြစ်နေချိန်တွင် အသက်ရှူခြင်းမှာ တိမ်၍ မြန်လာတတ်၏။ ထိုအခါ အသက်ကို အားပါးတရ ရှူရှိုက်လိုက်သော အခါ၌ ပခုံးကြွက်သားများ ဆန့်တန်းသွားပြီး တင်းနေသော ကြွက်သားများကို လျော့ကျသွားစေပါသည်။

အသက်ကို ဖြည်းညင်းစွာ ရှူခြင်းဖြင့် မမျှော်လင့်သော အကျိုးကျေးဇူးများ ရရှိစေနိုင်ပါသည်။ (၂၀၀၁-ခုနှစ် နိုင်ငံတကာ သုတေသနပြုချက်)။
သုတေသီများက တစုံတဦးသည် ယောဂ (Yoga) လေ့ကျင့်ခန်း ပြုလုပ်စဉ်သော်၎င်း၊ ဘုရားရှေ့တွင် ဆုတောင်းမှု ပြုလုပ်စဉ်သော်၎င်း၊ သူ၏ အသက်ရှူသွင်း ရှူထုတ်မှုမှာ စောစောက ဖော်ပြခဲ့သလို ငါးစက္ကန့်မျှစီ ရှိကြောင်း၊ ယင်း အသက်ရှူသွင်း ရှူထုတ်မှု ဖြစ်စဉ် ၁၀-စက္ကန့်မျှ ကြာမြင့်ခြင်းသည် သွေးပေါင်ချိန် ၁၀-စက္ကန့်လျှင် တကြိမ် အနည်းငယ် အတက်အကျ ရှိခြင်း သဘာဝဖြစ်စဉ်နှင့် သွား၍ ကိုက်ညီမှု ရှိသည်ကို တွေ့ရပေသည်။

ထိုကဲ့သို့ အသက်ရှူခြင်းဖြစ်စဉ်နှင့် နှလုံးသွေးကြော အဖွဲ့အစည်း၏ လှုပ်ရှားမှုတို့ သဟဇာတ ဖြစ်ခြင်းသည် ခန္ဓာကိုယ်၏ တည်ငြိမ်မှုကို အားပေးပြီး နှလုံးကျန်းမာရေးကိုလည်း ပိုမို တိုးတက်ကောင်းမွန်စေသည်ဟု ဆိုကြပါသည်။
အကယ်၍ သင်သည် စိတ်တိုစရာ အဖြစ်အပျက်များနှင့် ပြည့်နှက်နေသော နေ့တနေ့ကို ဆုံတွေ့ရပြီ ဆိုပါစို့။ သင်၏ လက်ပတ်နာရီ၊ သို့မဟုတ်-စာပွဲတင်နာရီ မှန်ပေါ်တွင် အဖြူရောင် ဆေးစက်ငယ် တခုချ၍ ယင်းဆေးစက် အမှတ်ငယ်အား စိုက်ကြည့်ပြီး အသက်ကို ခပ်နက်နက် အချိန်ကြာကြာ ရှူရှိုက်ခြင်းကို နှစ်ကြိမ် သုံးကြိမ်မျှ ပြုလုပ်ပါ။ သင်၏ စိတ်တည်ငြိမ်မှုကို အံ့သြဖွယ်ရာ ရရှိ်ပါလိမ့်မည်။

(အကြောလျှော့ပြီးမှ အိပ်ရာမှ ထပါ)
နံနက်ခင်း အ်ိပ်ရာထ နိုးစက် မြည်ပြီးနောက် အိပ်ရာမှ ချက်ချင်း မထသေးဘဲ ငါးမိနစ်ခန့် အချိန်ယူ အကြောလျှော့ပါ။ ခြေချောင်းလေးများကို ပထမဦးစွာ ခပ်ပြင်းပြင်း လှုပ်ရှားပြီးမှ ဖြည်းဖြည်းချင်း လျှော့ချရန်။ ထိုမှတဆင့် ခြေထောက်၊ ခြေသလုံး၊ ပေါင်နှင့် တင်ပါးဆုံ ကြွက်သားများကို အဆင့်ဆင့် လှုပ်ရှားစေပြီးမှ အနားယူ လျှော့ချပါ။ မျက်နှာမှ ကြွက်သားများ လျော့ကျသည်အထိ အပေါ်ကို တဖြည်းဖြည်း တက်လာရန်။

ဖိစီးမှု ကျွမ်းကျင်ပညာရှင် Gueth က ပြောသည်မှာ သင်၏ တနေ့တာကို စိတ်ပူပန်မှုဖြင့် စတင်ခဲ့ပါက တနေ့ တာပတ်လုံး ယင်းဒဏ်ကို သင် ခံနေရမည် ဖြစ်၏။ ယင်းဖိစီးမှု ဒဏ်များအား သင်၏ အိပ်ရာသို့ ယူဆောင်သွားခဲ့ပါက သင် အိပ်မပျော် ဖြစ်မည်။ ထိုအခါ အခြေအနေက ပို၍သာ ဆိုး၍လာမည် ဖြစ်သည်။ ထိုအခါ အိပ်ရေးပျက်ခြင်းကြောင့် ဖိစီးမှု ဟော်မုန်း (Stress Hormone) များ ခန္ဓာကိုယ်အတွင်းတွင် ပို၍ မြင့်တက်လာမည်ဖြစ်၏။ ထို့ကြောင့် တနေ့တာ၏ အစနှင့် အဆုံးတွင် မိမိ၏ စိတ်ကို တမိနစ် သို့မဟုတ်-နှစ်မိနစ်ခန့် သိသိသာသာ လျှော့ချအနားပေးရန် လိုအပ်ပါသည်။

ယင်းထိရောက်သော နည်းနာအား Progressive relaxation ဟု ခေါ်တွင်ကြ၏။
အမေရိကန် ပြည်ထောင်စု မစ်စီစီပီ တောင်ပိုင်း ယူနီဗာစီတီ တခုမှ ၂၀၀၂-ခုနှစ် လေ့လာမှု တရပ်တွင် လုပ်အား
ပေးလူ ၄၆-ယောက်အား အထက်ဖော်ပြပါ အကြောလျှော့ချခြင်း နည်းနိသျှအား လေ့ကျင့်စေရာ သူတို့၏ နှလုံးခုန်နှုန်းများ သိသိသာသာ လျော့ကျသွားခြင်း၊ ဖိစီးမှုဒဏ်များအား ခံနိုင်ရည်ရှိပြီး ကော်တီစောလ် ခေါ် ဖိစီးမှု ဟော်မုန်းပမာဏ လျော့ကျသွားခြင်းများ တွေ့ရှိကြရ၏။

ရှယ်လီဝေးလ်က ကျွန်မတော့ တနေ့လုံး အလုပ်များလို့ ချာလပတ် ရမ်းနေတာပဲ၊ တကယ်တော့ ကျွန်မရဲ့ တနေ့တာကို အဲဒီလို မစလိုက်ချင်ပါဘူး။ ဒါကြောင့် ကျွန်မရဲ့ စိတ်အာရုံထဲမှာ ရှုပ်ထွေးလို့ မလာအောင် ငါးမိနစ်လောက် အမြဲ အချိန်ယူပြီး စိတ်ကို တည်ငြိမ်အောင် ကြိုးစားတယ်။ ဒီလို အမြဲဖြစ်အောင် ကြိုးစားရတာ တကယ်တော့ မလွယ်လှပါဘူး၊ ဒါပေမဲ့ ဒီလို လေ့ကျင့်တာဟာ ကျင့်သားလည်း ရသွားရော အားလုံး အိုကေပါပဲ-ဟု ပြောခဲ့ပါသည်။

ဒေါက်တာဇော်သန်း
(အပျိုစင် ၂၀၀၄-ဧပြီလ)

No comments: