Friday, November 19, 2010

ကွန်ပျူတာအသုံးပြသူများ သတိပြုရန်

(၁) ကွန်ပျူတာကြည့်သူတိုင်းသည် မျက်စိညောင်းညာခြင်း၊ မျက်ရိုးကိုက်ခြင်း၊ မျက်စိနီခြင်း၊ မျက်ရည်ပူ ကျခြင်း၊ ရှိပါက မျက်မှန်တပ်ဆင်ဖို့ လို-မလို စစ်ဆေးပါ။

(၂) မျက်မှန်တပ်ဆင်ရန် လိုသူများ မျက်မှန်တပ်၍သာ ကွန်ပျူတာ အသုံးပြုကြပါ။
(အသက် ၄၀-ကျော်သူတိုင်း စာကြည့်မျက်မှန် အသုံးပြုပါ။ အသက် ၃၈-၄၀ အောက်လူငယ်များ အဝေးမျက်မှန် တပ်ဆင်အသုံးပြုရန်၊ အဝေးမျက်မှန်ပါဝါ မရှိပါက တပ်ဆင်ရန် မလို)။

(၃) ကွန်ပျူတာ အသုံးပြုသူတိုင်း ကွန်ပျူတာကို ဆက်တိုက်အသုံးမပြုဘဲ နာရီဝက်ကြည့်ပြီးတိုင်း မျက်စိကို နှစ်မိနစ်ခန့် ခေတ္တပိတ်၍ နားပါ၊ ကလေးများကိုလည်း ကွန်ပျူတာဂိမ်း ကစားပြီးတိုင်း ပြေးလွှား ဆော့ကစားစေပါ။

(၄) အသက်အရွယ်ကြီး၍ ကွန်ပျူတာသုံးရသူတိုင်း မျက်စိ ပူစပ်ပူလောင် ဖြစ်ပါက မျက်ရည်ခန်းခြောက်ခြင်းမှ ကာကွယ်နိုင်ရန် မျက်ရည်တု မျက်စဉ်းကို အသုံးပြုပါ။

(၅) ကလေးလူကြီးတိုင်း မည်သူမဆို ကွန်ပျူတာ ကြည့်၍ မျက်စိပူစပ်ပူလောင်ဖြစ်ခြင်း၊ ခိုးလိုးခုလု ဖြစ်ခြင်း၊ မျက်စိနီခြင်းတို့ ဖြစ်ပါက မျက်စိကို ပွတ်သပ်ခြင်းမပြုဘဲ မျက်ရည်တု မျက်စဉ်းကို လေးကြိမ်မှ ခြောက်ကြိမ်အထိ ခတ်ကြည့်ပါ။ မသက်သာပါက နီးစပ်ရာ မျက်စိဆရာဝန်များနှင့် ပြသပါ။

No comments: