ပူဇော်သင့်၊ ပူဇော်ထိုက်သော ပုဂ္ဂိုလ်တို့၏ အရိုး၊ အသား၊ အသွေး၊ အသုံးအဆောင် စသည်တို့ကို ဌာပနာ၍ စေတီတည်ရာ၌ စေတီတည်ထိုက်သော ပုဂ္ဂိုလ်တို့ကို ဤနေရာ၌ သိသင့်၏။
၁။ သဗ္ဗညု မြတ်စွာဘုရား။
၂။ ပစ္စေကဗုဒ္ဓါဘုရား။
၃။ အရိယာရဟန်း။
၎။ စကြာမင်း။
ဤလေးယောက်တို့၏ အရိုး၊ အသား၊ အသွေး၊ ဆံပင် စသည်တို့သည် စေတီတည်၍ ပူဇော်ထိုက်၊ ကိုးကွယ်ထိုက်ကုန်၏။
ပုထုဇဉ်ရဟန်းတို့၏ အရိုး၊ အသား၊ အသွေး၊ ဆံပင် စသည်တို့ကား စေတီ မထိုက်ပေ။
အဘယ်ကြောင့်ဆိုသော် အံ့သြဖွယ်မဟုတ်၍ စေတီမတည်ကောင်းခြင်း ဖြစ်၏။
သို့သော် ဆရာစသည့် ဂုဏ်ကို ရည်မှန်း၍ ပူဇော်သောအားဖြင့် ခမ်းနားစွာ သင်္ဂြိုဟ်ကောင်း၏။ ပုထုဇဉ်ရဟန်းတို့၏ အရိုးကို စေတီတည်၍ ကိုးကွယ်ရလျှင် ဤမြေပြင်ဝယ် စေတီများဖြင့် ပြည့်နှက်၍ လူများနေဖွယ်ရာပင် ရှိတော့မည် မဟုတ်ပေ။
Subscribe to:
Post Comments (Atom)
No comments:
Post a Comment