Tuesday, February 1, 2011

ဆီး နှင့် ကျောက်

လူ့ခန္ဓာကိုယ်ရှိ အင်္ဂါများတွင် ကျောက်တည်သည့်ရောဂါမှာ ကမ္ဘာဦး အစကပင် ရှိသည့် ရောဂါဟု ဆိုနိုင်သည်။ အီဂျစ်နိုင်ငံ၌ တွေ့ရှိရသည့် မံမီရုပ် အလောင်းအတွင်းတွင် ကျောက်တည်မှုကို တွေ့ရသည်ဟု ဆိုသည်။

ကျောက်တည်ခြင်းသည် သည်းခြေအိတ်နှင့် ဆီးလမ်းကြောင်းတို့တွင် ဖြစ်ပွားလေ့ရှိသည်။
ဆီးလမ်းကြောင်းတွင် ကျောက်ကပ်၊ ဆီးပြွန်နှင့် ဆီးအိမ်တို့ ပါရှိသည်။ ကျောက်တည်ခြင်းသည် ဆီးလမ်းကြောင်း မည်သည့်နေရာတွင် မဆို ဖြစ်နိုင်သည်။


ဆီးကျောက်တည်ခြင်းသည် ယခင်က အမျိုးသားများတွင် အဖြစ်များခဲ့သော်လည်း ယခုအခါ အမျိုးသမီးများတွင်လည်း အဖြစ်များလာသည်ကို တွေ့ရသည်ဟု သိရသည်။


အကြောင်းရင်း---
ဆီးတွင်း၌ ကျောက်ဖြစ်စေသည့်ဓာတ်များ၊ ဥပမာ ကယ်လ်စီယမ်ဓာတ် အလွန်အမင်း ပါရှိခြင်းကြောင့် ကျောက်တည်နိုင်သည်။ ဆီးလမ်းကြောင်း ကျဉ်းခြင်း၊ ပိတ်ခြင်းတို့ကြောင့် ဆီးအသွားနှေးပြီး အနည်ထိုင်ကာ ကျောက်တည်တတ်သည်။

ဆီးလမ်းကြောင်းအတွင်း ရောဂါပိုး ၀င်ရောက်ခြင်းသည် ဆီးကျောက်တည်ရန် အားပေးနေသည်။ ကလေးများ ဆီးအိမ်ရောင်သည့်အခါ ဆီးကျောက်တည်နိုင်သည်။
ကယ်လ်စီယမ် ခေါ် ထုံးဓာတ်အများအပြား ပါသည့် အစားအသောက်များကို ကာလကြာရှည်စွာ အမြဲစားသောက်သူတို့တွင် ဆီးကျောက်တည်တတ်သည်။

ဆီးကျိတ် (Prostate gland) ကြီးနေသော သက်ကြီးရွယ်အို အမျိုးသားများတွင် ဆီးအိမ် ကျောက်တည်ခြင်း များပြားသည်။
ဂေါက် (gout) ခေါ် ဒူလာ ရောဂါ ဖြစ်သူတို့တွင် ယူရစ် အက်ဆစ်ဓာတ် များပြားပြီး ကျောက်တည်သည်။
ချွေးထွက်များပြီး ဆီးနည်းသူများတွင်လည်း ဆီးကျောက်တည်တတ်သည်။
လေ့လာမှုတခုက ၀သူများတွင် ဆီးကျောက်တည်မှု ပိုလာနိုင်သည်ဟု ဆိုသည်။


ရောဂါလက္ခဏာ---
ဆီးလမ်းကြောင်းတွင် ကျောက်တည်သည့်အခါ ခါးနာခြင်း ဖြစ်လေ့ရှိသည်။ ပြင်းထန်စွာ ခါးနာပါက ပျို့အန်တတ်သည်။ ဆီးပူ၍ ဆီးသွားသည့်အခါ သွေးပါတတ်သည်။ လူနာသည် ချမ်းတုန်၍ ဖျားနိုင်သည်။
ရောဂါလက္ခဏာများသည် ကျောက်တည်သည့် နေရာပေါ်တွင် မူတည်၍ ပေါ်ပေါက်လာသည်။

ကျောက်ကပ်တွင် ကျောက်တည်ပါက ခါးနာခြင်း၊ ခါးအောင့်ခြင်း ဖြစ်၍ ဖျားလာနိုင်သည်။ ဆီး မကြာခဏ သွားပြီး ဆီးပူခြင်း ဆီးထဲတွင် သွေးပါခြင်းတို့ ဖြစ်နိုင်သည်။
ဆီးအိမ်တွင် ကျောက်တည်လျှင် ဆီးသွားရာ၌ ခက်ခဲနိုင်သည်။
ဆီးပြွန်အတွင်း၌ ကျောက်တည်သည့်အခါ ခါးတွင်းမှ ထိုးအောင့်ခြင်း၊ ပျို့အန်ခြင်း၊ ဆီးတွင် သွေးပါခြင်းတို့ ဖြစ်နိုင်သည်။ နာကျင်မှုသည် ပြတ်တောင်းပြတ်တောင်း ဖြစ်ကာ မကြာခဏ ပြန်နာနိုင်သည်။


နောက်ဆက်တွဲ ရောဂါများ---
ကျောက်သည် ဆီးလမ်းကြောင်းကို ပိတ်ဆို့စေနိုင်ပြီး ကာလကြာရှည်လျှင် ကျောက်ကပ် ထိခိုက် ပျက်စီးနိုင်သည်။ ထို့အပြင် ဆီးလမ်းကြောင်းတွင်လည်း ရောဂါပိုးများ လွယ်ကူစွာ ၀င်ရောက်နိုင်သည်။ ကျောက်ကပ် မပျက်စီးသည့်တိုင် ကျောက်ကပ် ရောင်ရမ်းနိုင်သည်။


ရောဂါ ရှာဖွေခြင်း---
ဆီးကျောက် တည်ခြင်း ရှိ-မရှိကို ဆီးစစ်ခြင်း၊ ရိုးရိုး ဓာတ်မှန်ရိုက်ခြင်း။ ဆေးသွင်း၍ ဓာတ်မှန်ရိုက်ခြင်း၊ ပိုက်ထည့်၍ ဓာတ်မှန်ရိုက်ခြင်းတို့ဖြင့် ရောဂါရှာဖွေနိုင်သည်။
ထို့အပြင် ဆီးအ်ိမ်တွင်းကြည့် ကိရိယာဖြင့် ကြည့်ခြင်း (cystoscopy) ဖြင့်လည်း ဆီးကျောက် ရှိ-မရှိ သိနိုင်သည်။


ကုသခြင်း---
ကျောက် သေးငယ်လျှင် ဆီးနှင့် အတူ အလိုအလျောက် ထွက်နိုင်သဖြင့် ဆီးများများ သွားစေရန် ရေများများ သောက်ပေးရသည်။
ကျောက်ကို ခွဲစိတ် ထုတ်ယူခြင်းကို ပြုလုပ်နိုင်သည်။ ကျောက်အလွန်ကြီးပြီး ကျောက်ကပ်မှာလည်း ပျက်စီးနေပါက ကျောက်တည်သည့် ကျောက်ကပ်ကိုပါ ခွဲထုတ်ပစ်ရသည်။

ဆီးပြွန်ချောင်း အောက်ပိုင်းရှိ ကျောက်အား ချိတ်နှင့်ချိတ်၍ ချူယူနိုင်သည်။ ကျင်ချောင်းဝရှိ ကျောက်ကို ခြေပြီး ထုတ်ပစ်နိုင်သည်။ ဆီးအိမ်၌ ရှိသော ကျောက်သည် အရွယ်ကြီးပါက ဆီးအိမ်ကို ခွဲ၍ ကျောက်ကို ထုတ်ယူရသည်။ အသံလွန် အသံလှိုင်းဖြင့် ဆီးကျောက်ကို ခြေဖျက်နိုင်သည်။


ကာကွယ်ရေး---
ရေများများ သောက်ခြင်းက ဆီးကျောက်တည်စ အချိန်တွင် သက်သာပျောက်ကင်းစေနိုင်သည်။
ထုံးဓာတ်ပါသည့်ရေနှင့် အစားအစာများကို ကာလကြာရှည်စွာ နေ့စဉ်စားသုံးခြင်းမှ ရှောင်ကြဉ်သင့်ပါသည်။
ချွေးအထွက် မလွန်စေရန်လည်း သတိပြုသင့်ပါသည်။

ဒေါက်တာအောင်သန်း
(အပျိုစင် ၂၀၀၇-စက်တင်ဘာလ)

1 comment:

yinmin khine said...

ဖတ်မှတ်ခဲ့ပါတယ်