Wednesday, February 16, 2011

ပြုသည့်အတိုင်း ခံရသူ

ကျွန်တော့်အကိုဖြစ်သူ ဖိုးမောင်သည် ခွေးသားအလွန်ကြိုက်သည်။ ထို့ကြောင့် သူ့အပေါင်းအသင်းများနှင့် အတူ အရက်သောက်ရင်း ခွေသားဟင်း ချက်စားတတ်ကြသည်။  အဖေနှင့်အမေက အကိုအား ထိုသို့မပြုရန် အမျိုးမျိုး ဆုံးမပြောဆိုသော်လည်း အပေါင်းအသင်းများကို ခေါ်၍ ရွာအနောက်ဘက်ရှိ ခြံထဲတွင် သွား၍ ချက်စားတတ်သည်။ 

လူမိုက်အချင်းချင်း ပေါင်းသင်းကြသည်ဆိုသော စကားကဲ့သို့ သူတို့တတွေ ခွေးသားစားလိုသောအခါ ခွေးရှာကြသည်။ ၀ယ်သည့်အခါ ၀ယ်ကြသည်။ ခိုးဖမ်းသည့်အခါလည်း ရှိသည်။ ခွေးတကောင်ကို ရသည့်အခါ ပီနံအိတ်အတွင်း ထည့်၍ နှာခေါင်းကို ချုပ်ကိုင်ထားပြီး လူသူများနှင့်ဝေးရာ ခြံများဆီသို့သွား၍ ရိုက်သတ်ကြတော့သည်။ သတ်ပြီးလျှင် ဖျက်၍ ချက်ကြသည်။ အရက်သောက်လျက် စားကြသည်။

ခွေးသားစားသူများကို ခွေးများက သူတို့ဘာသာဘာဝအလျောက် သိကြသည်။ သူတို့ကို အနိုင်ကျင့်၍ ရက်စက်ကြမ်းကြုတ်စွာ သတ်ဖြတ်သူများ၏ အနားသို့ ဘယ်တော့မှ မကပ်ပေ။ သူတို့ကိုယ်မှ အနံ့များထွက်လေသလားမသိပါ။ သူတို့ ရွာတွင်းသို့ လမ်းလျှောက်သည့်အခါ ခွေးများက စူးစူးဝါးဝါး ထိုး၍ ဟောင်တတ်သည်။

ခွေးသားစားသူများသည် အပူပြန်တတ်သည်။ ခန္ဓာကိုယ်မှာ ပူလွန်းသဖြင့် မကြာခဏ ရေချိုး၊ ရေစိမ်ကြရသည်။ အကိုကြီးသည် တနေ့တွင် ခွေးသားများ တ၀စားပြီးနောက် ညအချိန်တွင် အပူပြန်တော့သည်။ ညခုနစ်နာရီခန့်တွင် ရေချိုးဆိပ်သို့သွား၍ ရေချိုးသည်။ ကမ်းစပ်နားအရောက်တွင်---
ဟေ့ကောင်တွေ ငါ့ကို မဆွဲကြနဲ့ကွာ၊ မလုပ်ကြနဲ့ကွာ၊ ငါကြောက်တယ်၊ အမယ်လေး လုပ်ကြပါဦး။

အကိုကြီး၏ အော်ဟစ်သံများကို ချောင်းကမ်းပါးအနီးတွင် နေသူများက ကြားရသော်လည်း သူတို့အပေါင်းအသင်းများ အချင်းချင်း နောက်ပြောင်နေကြသည်ထင်၍ မည်သူမှဆင်း၍ မကြည့်ကြပေ။
ဤသို့အော်ရင်း၊ ဟစ်ရင်းပင် အသံပျောက်သွားတော့သည်။ နောက်တနေ့မနက်တွင် အကိုကြီး အိမ်ပြန်မရောက်သဖြင့် ဟိုဟိုသည်သည် လိုက်၍ရှာကြသည်။ ရေချိုးဆိပ်တွင် သူချွတ်ထားသော အ၀တ်အစားများကို တွေ့ရသဖြင့် ချောင်းထဲသို့ ဆင်း၍ရှာကြသည်။ တော်တော်နှင့် ရှာမတွေ့ပေ။ နေ့လယ်လောက်တွင်မှ အလောင်းကို ကန်စွန်းဘောင်ဘေးတွင် တွေ့ကြရသည်။

ကျောက်ချက်ချသော် အကိုကြီး ရေနစ်သေဆုံးရခြင်းပင် ဖြစ်သည်။ မကောင်းဆိုးဝါးများက သူ့ကို ရေထဲသို့ ဆွဲချနစ်သတ်သည်-ဟု ပြောသူများကလည်း ပြောကြသည်။
ခွေးများကို အိတ်ထဲတွင်ထည့်၍ သယ်ယူကြသည့်အခါ အသက်ရှူကြပ်ကြရသလို သူလည်း မွန်းကြပ်သေရသည်ဟုပင် လူအများက ဆိုကြသည်။ သူပြုသည့်အတိုင်း သူပြန်၍ခံရခြင်းပင် ဖြစ်သည်။

ဆရာအေး(ကျုံပျော်)
(မြတ်မင်္ဂလာ ၂၀၁၀-ခု ဇူလိုင်လ)

No comments: