Sunday, February 27, 2011

သစ်သီး နှင့် အသီးအရွက်များ


ကမ္ဘာ့ကျန်းမာရေးအဖွဲ့ကြီးက လူတိုင်း အသီး-အရွက် ၅-မျိုးကို နေ့စဉ်စားသုံးသင့်ကြောင်း တိုက်တွန်း ထားသည်။ တရုတ် (ဟောင်ကောင်) ကျန်းမာရေးဌာနက (၂+၃) စီမံကိန်းကို အင်တိုက်အားတိုက် တိုက်တွန်းလုပ်ဆောင်နေသည်။ ထိုစီမံကိန်းအရ အသီး ၂-မျိုး၊ အရွက် ၃-မျိုးကို နေ့စဉ် စားဖြစ်အောင်စားရန် တိုက်တွန်းထားသည်။

လတ်ဆတ်သော အသီးများ---
     လတ်ဆတ်သော အသီးများတွင် ပေါကြွယ်ဝသော (က) ရေတွင်ပျော်ဝင်နိုင်သည့် အမျှင်ဓာတ်နှင့် (
ခ) ရေတွင် မပျော်ဝင်နိုင်သော အမျှင်ဓာတ်ဟူ၍ နှစ်မျိုးပါဝင်သည်။ 
ရေတွင်ပျော်ဝင်နိုင်သော အမျှင်ဓာတ်သည် သွေးရည်တွင်ရှိသော ကိုလက်စထရောဓာတ်ကို လျှော့ချပေး နိုင်သည်။
ရေတွင်မပျော်ဝင်နိုင်သော အမျှင်ဓာတ်သည် အူလမ်းကြောင်း ကျန်းမာရေးကို ထိန်းသိမ်းထားနိုင်ပြီး ၀မ်းချုပ်ခြင်းနှင့် အူမကြီးကင်ဆာ ဖြစ်ခြင်းမှ ကာကွယ်ပေးနိုင်သည်။
လတ်ဆတ်သော အသီးတွင် ရေဓာတ်များစွာ ပါဝင်သဖြင့် နွေအခါတွင် စားလျှင် လူကို အေးမြစေနိုင်သည်။
*********************************************************************

ရှောက်မျိုးနွယ်ဝင် အသီးများ---
     ရှောက်မျိုးနွယ်ဝင် အသီးများသည် ဗီတာမင်-စီ ပေါကြွယ်ဝသာ်။ သရက်သီးနှင့် သင်္ဘောသီးတို့သည် ဗီတာမင်-စီ ကို အဓိကပေးစွမ်းနိုင်သည်။ သရက်သီးကဲ့သို့သော လိမ္မော်ရောင် အသီးများတွင် ဗီတာ-ကယ်လိုတင်းဓာတ်များ ပါဝင်သဖြင့် ဗိတာမင်-အေ ကို တည်ဆောက်ပေးနိုင်သည်။ ထို့ပြင် လူကို အကျိုးပြုသည့် အင်တီအောက်ဆီဒေးရှင်းခေါ် အပင်ဆိုင်ရာ ဓာတုပစ္စည်းများလည်း ပါဝင်သည်။
********************************************************************

အသီးများ စားသင့်သောအချိန်---
     ထမင်းတနပ်နှင့် တနပ်ကြားအချိန် (သို့မဟုတ်) ထမင်းမစားမီ အချိန်များတွင် အသီးများကို စားသင့်သည်။ ညစာစားပြီးချိန်တွင်ကား မစားသင့်ချေ။

သရေစာများ---
     ဈေးကွက်တွင် အရောင်အသွေးစုံလင်သော သရေစာများ များပြားစွာ ပေါ်ထွက်နေသည်။ တရုတ်ပြည် တပ်မတော်ဆေးတက္ကသိုလ် ရှင်ချောင်ဆေးရုံမှ ကလေးအထူးကု ဆရာဝန်ကြီး ပါမောက္ခ ကျောက်ချုံမင်-က ကလေးများ မကြာခဏ သရေစာစားခြင်းသည် ကလေးများအတွက် အကျိုးမရှိဟု ပြောကြားလိုက်သည်။ 

သရေစာဟူသည် အသီးယိုမျိုးစုံ၊ ငါးမုန့်ကြော်၊ ပုစွန်မုန့်ကြော်၊ အာလူးကြော်၊ ပြောင်းဖူးပေါက်ပေါက် စသည်တို့ဖြစ်သည်။
အသားခြောက်၊ ငါးခြောက်မျိုးစုံနှင့် တာရှည်ခံအောင် ပြုလုပ်ထားသော ငါးခြောက်ကြော်၊ ဆိတ်သား ခြောက်ကြော်၊ အမဲသားခြောက်ကြော်၊ ၀က်သားမှုန့် စသည်တို့ပါဝင်သည်။ ယိုးဒယား အကင်မျိုးစုံ သကြားလုံး၊ ပီကေ၊ အချိုရည်ဘူး မျိုးစုံနှင့် ဂျယ်လီမျိုးစုံတို့လည်း ပါဝင်သည်။

ယင်းတို့မှာ အစားအသောက်များကို ထုပ်ပိုးသည့်အခါ ဖြည့်စွက်ဓာတုပစ္စည်းများ ပါဝင်လာသော သရေစာများ ဖြစ်သည်။ ဥပမာ-ဆေးသကြား၊ ဆိုးဆေး၊ မပုပ်မသိုးသော ဆေးတို့သည် အသီးယိုမျိုးစုံတွင် ပါဝင်နိုင်သကဲ့သို့ ဆိုးဆေး၊ အချိုမှုန့်၊ ယမ်းစိမ်း၊ ဆား များစွာတို့သည် အသားခြောက်၊ အချိုရည်များ၊ သကြားလုံး၊ ဂျယ်လီတို့တွင် ဆိုးဆေး၊ ဆေးသကြား၊ မပုပ်မသိုးဆေး၊ အမွှေးဆီများ ပါဝင်နိုင်သည်။

အသုံးပြုသော ဓာတုပစ္စည်းများသည် မည်မျှ လုံခြုံစိတ်ချရသည်ဟု ဆိုစေကာမူ လူ့ခန္ဓာကိုယ်အတွက် ဆိုးကျိုးဖြစ်စေသည်မှာ ဧကန်ဖြစ်သည်။ အထူးသဖြင့် ကလေးသူငယ်များအတွက် ဆိုးကျိုးကို ပို၍ဖြစ်စေသည်ဟူ၍ ပါမောက္ခ ကျောက်ချုံမင်-က ပြောကြားသည်။

သရေစာများသည် အရသာကောင်းအောင် ဖန်တီးလေ့ရှိသည်။ အချိုများခြင်းသည်  ကလေးကို ၀စေနိုင်သကဲ့သို့ သွားများကိုလည်း ဖျက်ဆီးထိခိုက်စေလွယ်သည်။ ဆားများစွာ စားခြင်းသည် ကလေးများ၏ ကျောက်ကပ်ကို ၀န်ပိစေနိုင်သည်။ နှလုံးသွေးကြော ဖွဲ့စည်းမှုကိုလည်း ထိခိုက်စေနိုင်သည်။ အမွှေးအဆီနံ့ များခြင်းသည် ကလေးများ ဓာတ်မတည့်၍ ချောင်းဆိုး၊ ရင်ကြပ်ခြင်းကို ဖြစ်စေနိုင်သည်။

ပါမောက္ခ ဒေါ်ခင်ဖြူ (မြင်းခြံ) 
(မြတ်မင်္ဂလာ ၂၀၁၀-စက်တင်ဘာလ)

1 comment:

yamin emera said...

I think it is right ray for healthy life.