Tuesday, February 8, 2011

ခန္ဓာကိုယ်ထဲက အရေးကြီးအင်္ဂါတွေကို သန့်စင်ကြရအောင်

စစ်ထုတ်ကိရိယာ အဆုတ်---
အဆုတ်ဟာ ပြင်ပပတ်ဝန်းကျင်နဲ့ အမြဲတစေ ထိတွေ့နေရတဲ့ ခန္ဓာကိုယ်အတွင်းထဲက အင်္ဂါအစိတ်အပိုင်းပါပဲ။ မျက်နှာရှေ့မှာ ဝေ့၀ဲနေတဲ့ ဖုန်မှုန့်နဲ့ ညစ်ညမ်းတဲ့လေထုဟာ အသက်ရှူးသွင်းလိုက်တိုင်း အသက်ရှူလမ်းကြောင်းထဲ ရောက်သွားပါတယ်။ အဆုတ်တွေကို Cilia လို အမွှေးအမှင်တွေနဲ့ ကန့်သတ်ထားတဲ့အတွက် အသက်ရှူလိုက်လို့ ၀င်လာတဲ့ ဘက်တီးရီးယား၊ ဗိုင်းရပ်စ်ပိုးနဲ့ ညစ်ညမ်းတဲ့လေထုကို တံမြက်စည်းလှည်းသလို လှည်းထုတ်လိုက်ပါတယ်။ အဆုတ်ဟာ လေထဲက အောက်ဆီဂျင်စစ်ယူပြီး ကာဗွန်ဒိုင်အောက်ဆိုက်နဲ့ ဖလှယ်တဲ့ အဓိက လုပ်ငန်းတာဝန်ကိုလည်း ထမ်းဆောင်ပါတယ်။ ဒါပေမဲ့ ညစ်ညမ်းတဲ့လေထုနဲ့ အဆက်မပြတ် ထိတွေ့နေရတဲ့ အခါမှာ ဒီလုပ်ငန်းတွေ အနှောင့်အယှက်ဖြစ်သွားပါတော့တယ်။

ဘယ်လိုသန့်စင်အောင် လုပ်မလဲ---
ပန်းသီးစိတ်တချို့ကို ကိုက်ဝါးပေးပါ---
ပန်းသီးအများကြီး ကိုက်စားတဲ့သူတွေဟာ အနည်းငယ်စားတဲ့သူတွေထက် နာတာရှည် သလိပ်ပါတဲ့ ချောင်းဆိုးနိုင်ခြေ ၃၃-ရာခိုင်နှုန်း လျော့နည်းကြောင်း အမျိုးသားကျန်းမာရေး တက္ကသိုလ်ရဲ့ လေ့လာမှုအရ သိရပါတယ်။ ပန်းသီးခွံထဲမှာပါတဲ့ Pectin နဲ့ ဓာတ်တိုးဆန့်ကျင်ပစ္စည်း (Antioxidants) တွေဟာ အဆုတ်ထဲမှာ ရောင်ရမ်းမှုကို လျော့ကျစေပါတယ်။ ဒါ့အပြင် အိုဇုန်းအဆင့်မြင့်မားနေချိန်မှာ အိမ်ထဲမှာပဲနေပါ။ လေထဲက အဆိပ်ငွေ့တွေဟာ အသက်ရှူလမ်းကြောင်းကျဉ်းစေနိုင်တဲ့ ရောင်ရမ်းမှုကို ဖြစ်စေပါတယ်။ 

တကယ်လို့ ပြေးတဲ့လေ့ကျင်ခန်းလုပ်ပြီး ပုံမှန်မဟုတ်ဘဲ မောဟိုက်နေရင် သင်ဟာ အိုဇုန်းနဲ့ ထိတွေ့မိတာကြောင့် ဖြစ်နိုင်ပါတယ်။ ဒါကြောင့် လေထုညစ်ညမ်းမှုများတဲ့အချိန်မှာ အပြင်မထွက်ဘဲ အိမ်ထဲမှာသာ နေသင့်တာဖြစ်ပါတယ်။

ဇွန်ခိုင်ဦး (ဆေးဝါးကျွမ်းကျင်မှု တက္ကသိုလ်) 
(Good Health 3-17-10) 

No comments: