Monday, February 28, 2011

မျက်စိ၊ နှာခေါင်းတို့ ယားယံလျှင်


မျက်လုံးယားယံလျှင် လူအများစုက လက်ချောင်းများဖြင့် ပွတ်လေ့ရှိသည်။ လက်ချောင်းများသည် ရောဂါပိုးကပ်ငြိရန် အလွယ်ကူဆုံးဖြစ်သည်။ ယင်းလက်ချောင်းများမှ တဆင့် မျက်လုံးအတွင်းသို့ ရောဂါပိုး ကူးစက်ဝင်ရောက်သွားနိုင်သည်။ လက်ကောက်ဝတ် အရိုးဖုများသည် လက်ချောင်းများနှင့် စာပါက ရောဂါပိုးကပ်ငြိရန် ခက်ခဲသောနေရာဖြစ်သည်။

သို့ဖြစ်၍ မျက်စိ၊ နှာခေါင်းတို့ ယားယံပါက လက်ချောင်းများ အသုံးပြု ပွတ်သပ်ခြင်းထက် လက်ကောက်ဝတ်အရိုးဖုကို အသုံးပြုခြင်းက ပိုမို၍ ကျန်းမာရေးနှင့်ညီညွတ်ပေသည်။ မျက်စိသည် ခန္ဓာကိုယ်တွင်းသို့ ရောဂါပိုးဝင်ရောက်ရန် အရေးကြီးသော ၀င်ပေါက်တခုဖြစ်သည်။

လူတဦးသည် မျက်စိ၊ နှာခေါင်း ပွတ်သပ်ခြင်း၊ မျက်နှာအား ကုတ်ခြစ်ခြင်း စသည့် အလေ့အထကို တနေ့လျှင် အကြိမ် ၂၀-မှ အကြိမ် ၅၀-အထိ ပြုလုပ်လေ့ရှိကြောင်း ကျွမ်းကျင်သူများက ပြောဆိုပေသည်။
အကိုး။ ။ ခန္ဓာကိုယ်တွင်းဖောက် အလှဆင်ခြင်းနှင့် ကျန်းမာရေး ဆောင်းပါးများ (အောင်ဇင်)

မင်းစောထက်

No comments: