Saturday, March 26, 2011

အရှင်ဥပဂုတ္တ

(မေး) ဆရာတော် အရှင်မြတ်ဘုရား၊ သမီးက ဗဟန်းမှာ နေပါသည်ဘုရား။ မနီးမဝေးမှာ အရှင်ဥပဂုတ္တ ကျောင်းဆောင်ရှိပါတယ်။ နာဂစ်မုန်တိုင်းကြီး တိုက်လို့ အရှင်ဥပဂုတ္တကျောင်းဆောင် အနည်းငယ် ပျက်စီးသွားတာကို ပြုပြင်ဖို့ ယခုအခါ ဂေါပကတွေက အလှူခံနေကြပါတယ်။ သမီးတို့ အိမ်နားက ဘကြီးက ဥပဂုတ္တဟာ ဘုရားဟောမဟုတ်ဘူး။ ဟုတ်တယ်ဆိုရင် ခုလိုမျိုး လေဘေးဆိုးကြီးနဲ့ မကြုံအောင် ဘာပြုလို့ တားဆီးမပေးတာလဲ၊ မိုးမရွာအောင် တားပေးနိုင်တယ်မဟုတ်လားလို့ သမီးတို့ ဖေဖေကို ပြောတာကို ကြားလိုက်ရပါတယ်။ အဲဒီဘကြီး ပြောတာ ဟုတ်ပါသလားဘုရား၊ အရှင်ဥပဂုတ္တမထေရ် အကြောင်းကို သိလိုပါသည်ဘုရား။
(ဦးတင်လျက် မြမဉ္ဇူ-ဗဟန်း) 

(ဖြေ) 
သက္ကတကျမ်းတွေ အဆို---
ဒိဗျာဝဒါနကျမ်းမှာ ဗုဒ္ဓမြတ်စွာက မထုရာမြို့ကို ရောက်ခိုက် နောင်နှစ်တစ်ရာအကြာမှာ ဒီမြို့မှာ ဥပဂုတ္တဘွဲ့အမည်နဲ့ ရဟန္တာတစ်ပါး ပွင့်ထွန်းပြီး ဗုဒ္ဓကိုယ်စား ဗုဒ္ဓသာသနာတော်ကို စည်ပင်အောင် ဆောင်ရွက်မယ်လို့ ဗျာဒိတ်ပေးတော်မူကြောင်း ဖော်ပြတယ်။ (စကားမစပ် မထုရာမြို့ကို ဗုဒ္ဓရောက်ကြောင်း ထေရ၀ါဒ ပါဠိတော် အံ-၂၊ ၂၂၄-မှာလည်း ဖော်ပြတယ်)။ 

ဘီစီ ၃-ရာစု အသောကခေတ်က မထုရာမြို့မှာ သဗ္ဗတ္ထိဝါဒီဂိုဏ်း ထွန်းကားပါတယ်။ အရှင်ဥပဂုတ္တမထေရ်အကြောင်းကို သဗ္ဗတ္ထိဝါဒီဂိုဏ်းသားတွေဆီက ရရှိတာလို့ ဆိုတယ်။ ဒါကြောင့် အရှင်ဥပဂုတ္တဟာ အိန္ဒိယအနောက်မြောက်ပိုင်း မထုရာမြို့သား သဗ္ဗတ္ထိဝါဒဂိုဏ်းဝင် ဖြစ်ဖွယ်ရှိတယ်လို့ ခန့်မှန်းရတယ်။

သက္ကတအစဉ်အလာနဲ့ ရှေးကျတဲ့ တရုတ်တိဘက် မှတ်တမ်းတွေအရ အရှင်ဥပဂုတ္တဟာ ထေရ်စဉ်အရ လေးပါးမြောက် သံဃာ့ခေါင်းဆောင်မထေရ်၊ အသောကမင်းရဲ့ ထင်ရှားတဲ့ ဆရာအရှင် ဖြစ်ရုံမက အသောကမင်းကို လုမ္ဗိနီ စတဲ့ ဗုဒ္ဓ၀င် နေရာတွေကို သွားရောက်ဖူးမြော်ဖို့ တိုက်တွန်းသူလည်း ဖြစ်တယ်။ သဗ္ဗတ္ထိဝါဒ ၀ိနည်းကို စုစည်းသူ၊ နေတ္တိပဒကျမ်းကို ရေးသားသူအဖြစ်လည်း လေးစားကြတယ်။ (John H.Strong. The Legand and Cult of Upagupata, Intro. P.6)

ထေရ၀ါဒကျမ်းနဲ့ အရှင်ဥပဂုတ္တ---
အရှင်ဥပဂုတ္တနဲ့ အသောကမင်းတို့ ပတ်သက်ပုံ အစအနကို ထေရ၀ါဒ ပါဠိတော် အဋ္ဌကထာတွေမှာ မတွေ့ရတာကတော့ အင်မတန် ထူးခြားတာပဲ။ ဒါပေမဲ့ အေဒီ ၁၂-ရာစု မတိုင်ခင် ရေးသားခဲ့တဲ့ ရှေးအကျဆုံး ၀ိနည်းဋီကာဖြစ်တဲ့ ၀ဇီရဗုဒ္ဓိ ဋီကာမှာ ယခုဖော်ပြနေတဲ့ အရှင်ဥပဂုတ္တအကြောင်းကို ရှားရှား ပါးပါး ရည်ညွှန်းထား (စာ၊၆၃) တာကလည်း စဉ်းစားစရာပါပဲ။ John. H.Strong ရဲ့ အလိုအရ အေဒီ ၁-ရာစုအချိန်က စပြီး အိန္ဒိယ အနောက်မြောက်ပိုင်းမှာ အရှင်ဥပဂုတ္တကို ကိုးကွယ်မှု စတင်ခဲ့ပြီး မြန်မာ-ထိုင်းနဲ့ လာအိုနိုင်ငံတွေမှာတော့ အေဒီ ၁၂-ရာစုလောက်မှာ စတင် ကိုးကွယ်ခဲ့ဖွယ် ရှိတယ်။ သီရိလင်္ကာမှာတော့ အရှင်ဥပဂုတ္တအကြောင်းကို လုံးဝ မသိကြဘူးလို့ ဆိုတယ်။ (ibid.p.5)

ကစ္စည်းသဒ္ဒါကျမ်း (အေဒီ ၅၊ သို့မဟုတ် ၆-ရာစုခန့်) မှာ ဥပဂုတ္တေန မာရော ဗန္ဓော-လို့ ရည်ညွှန်းထား တာကို တွေ့ရတယ်။ အဲဒီဝါကျကိုပဲ ပုဂံခေတ် မြန်မာနိုင်ငံသား အရှင်အဂ္ဂ၀ံသ ရေးတဲ့ သဒ္ဒနီတိ ပါဠိသဒ္ဒါကျမ်း (အေဒီ ၁၂-ရာစု အစပိုင်း) မှာလည်း ထပ်ဆင့်ဖော်ပြတယ်။ ဒီပါဠိသဒ္ဒါကျမ်းတွေကို မြန်မာတို့ ပုဂံခေတ်ကပင် သင်ယူခဲ့ကြတာ ဖြစ်လို့ မထုရာမြို့သား အရှင်ဥပဂုတ္တ အကြောင်းကို အနည်းဆုံး အေဒီ ၁၂-ရာစု အချိန်က မြန်မာနိုင်ငံသားတို့ ကြားဖူးနေပြီလို့ ဆိုနိုင်တယ်။

ယိုးဒယား၊ ဇင်းမယ်အရပ်က အမည်မသိ ပုဂ္ဂိုလ် ပါဠိဘာသာနဲ့ ရေးတဲ့ ပဌမသမ္ဗောဓိကျမ်း (PTS version နိဒါန်း ဖော်ပြချက်အရ အေဒီ ၁၂-ရာစု) နောက်ဆုံးခန်း (မာရဗန္ဓနအခန်း၊ အေဒီ ၁၈-ရာစု ထပ်ဖြည့်သည့်အခန်း)မှာလည်း ဥပဂုတ္တနဲ့ အသောကမင်းအကြောင်းကို ဖော်ပြတယ်။ နှောင်းခေတ် မြန်မာဘာသာ ကျမ်းတွေဖြစ်တဲ့ ဦးကုလား မဟာရာဇ၀င်၊ မှန်နန်းရာဇ၀င်၊ မဟာဝင်ဝတ္ထုနဲ့ ကျီးသဲလေးထပ် ဆရာတော်ရဲ့ ဇိနတ္ထပကာသနီကျမ်းတွေမှာလည်း အရှင်ဥပဂုတ္တမထေရ်က မာရ်နတ်ကို တန်ခိုးနဲ့ ဆုံးမပုံအကြောင်းကို တခမ်းတနား ဖော်ပြတယ်။


လောကပညတ္တိကျမ်း
အေဒီ ၁၁၊ သို့မဟုတ်-၁၂-ရာစုလောက်မှာ မြန်မာနိုင်ငံ သထုံမြို့နေ အရှင်သဒ္ဓမ္မဃောသမထေရ် ပါဠိဘာသာနဲ့ ရေးစီရင်ခဲ့တဲ့ ကျမ်းပါ။ ပါဠိ-ပြင်သစ် နှစ်ဘာသာနဲ့ ၁၉၇၇-ခုနှစ်က ပဲရစ်မြို့မှာ ထုတ်ဝေတယ်။ မူရင်းဖြစ်တဲ့ သက္ကတကျမ်းကတော့ ယခုအခါ တရုတ်ဘာသာနဲ့ပဲ ရှိတော့ကြောင်း သိရတယ်။ ဒီကျမ်းမှာ အရှင်ဥပဂုတ္တမထေရ်က အသောကမင်းကို ကူညီပြီး သာသနာပြုပုံကို ဒီလို ဖော်ပြပါတယ်။


အသောကမင်းဟာ စေတီပေါင်း ရှစ်သောင်းလေးထောင်ကို တည်ပြီးနောက် စေတီပူဇော်ပွဲကို ကျင်းပဖို့ ပြင်ဆင်ရာမှာ ပွဲကို မနှောင့်ယှက်နိုင်အောင် ထိန်းစောင့်ဖို့ ပြည့်စုံတဲ့ ရဟန္တာတပါး ခန့်အပ်ပါရန် သံဃာကို လျှောက်ထားတယ်။ သံဃာက သမုဒ္ဒရာထဲမှာ ရတနာပြာသာဒ် ဖန်ဆင်းပြီး တပါးတည်း သီတင်းသုံးနေထိုင်တဲ့ အရှင်ဥပဂုတ္တမထေရ်ကို ခန့်အပ်လိုက်တယ်။ ဥပုသ်ပြုခြင်း စတဲ့ သံဃာ့ကိစ္စကို လာရောက် မဆောင်ရွက်လို့ အပြစ်ပေးတဲ့သဘောနဲ့ပါ။


ပါဋလိပုတ်မြို့နားက အသောကမင်း တည်ဆောက်တဲ့ မဟာစေတီ မီးထွန်းပွဲတော် ပျက်အောင် မာရ်နတ်က မိုးရွာ၊ လေတိုက် လုပ်ပြီး နှောင့်ယှက်တာကို အရှင်ဥပဂုတ္တက တားဆီးတယ်။ မာရ်နတ်က ဧရာမ နွားကြီး အသွင်၊ ကျားအသွင်၊ နဂါးအသွင်၊ ဂဠုန်အသွင်နဲ့ ဆီမီးတိုင်တွေကို ဖျက်ဆီးဖို့ ပြေးလာတာကို အရှင်ဥပဂုတ္တက နှစ်ဆကြီးတဲ့ ကိုယ်ကို ဖန်ဆင်းပြီး မာရ်နတ်ကို မောင်းထုတ်တယ်။ နောက်ဆုံး အရှင်ဥပဂုတ္တဟာ လူအသွင်နဲ့ နှောင့်ယှက်ဖို့လာတဲ့ မာရ်နတ်ရဲ့ လည်ပင်းမှာ လောက်တွေ ပြည့်နေတဲ့ ခွေးသေကောင်ပုပ် တခု ဖန်ဆင်းပြီး ဆွဲပေးလိုက်တယ်။ အဲဒီခွေးပုပ်ကို အရှင်ဥပဂုတ္တမှတပါး မည်သူမျှ မဖြုတ်နိုင်တဲ့အတွက် (Journey to the West ထဲက မျောက်မင်း ၀ူခုန်းရဲ့ ခေါင်းမှာ ဘုရားလောင်း ရဟန်းမှတပါး မည်သူမျှ ဖြုတ်မရတဲ့ ခေါင်းပေါင်း စွပ်ပေးလိုက်သလိုပါပဲ) နောက်ဆုံး မာရ်နတ်က အရှင်ဥပဂုတ္တကို ရှိခိုးတောင်းပန်ရတယ်၊ မာရ်နတ်ဟာ ဗုဒ္ဓ၀ါဒီ ဖြစ်သွားပြီး ဘုရားဆုကို ပန်တယ်။
(လောကပညတ္တိ၊ စာ ၂၄၁-၂၆၄) 


ဒီကျမ်းအလို မာရ်နတ်ဟာ ဘုရားလောင်းပါ။ 


အ၀ိရောဓိ အမြင်
အယောနိသော မနသိကာရ (မသင့်မတင့် နှလုံးသွင်းမှု) ဖြစ်ရင် ကုသိုလ်မဖြစ်ဘူး။ ခပ်ငယ်ငယ်က စာပေ အဖတ်အရှုများတဲ့ အသက် ၆၀-လောက် ဒကာကြီးတယောက်နဲ့ ဆုံဖူးတယ်။ သူက ဘုန်းကြီးနေတဲ့ ကျောင်းဝင်းထဲက အရှင်ဥပဂုတ္တ ကျောင်းဆောင်ကို ဖျက်ပစ်ဖို့ ဆရာတော်ကို အကြံပေးတယ်။ ဆရာတော်က လက်မခံဘူး။


ဘုန်းကြီးရဲ့ အမြင်အရ တချိန်က အနည်းဆုံး အရှင်ဥပဂုတ္တဘွဲ့တော်နဲ့ တန်ခိုးဣဒ္ဓိပါဒ်ရှိတဲ့ အများအကျိုးဆောင် ရဟန္တာကြီးတပါး ဧကန်ရှိခဲ့ဖူးတယ်။ အဲဒီ ရဟန္တာကြီးကို ရည်ညွှန်းပြီး ကိုးကွယ်တဲ့ မြန်မာတို့ရဲ့ အစဉ်အလာဟာ သူ့အသက်ကိုသတ်ပြီး အလှူပေးတာ၊ ယဇ်ပူဇော်တာမျိုးလို ဆိုးသွမ်းတာမှ မဟုတ်ဘဲ။ တည်ရှိပြီး အစဉ်အလာကောင်းကို ဘာလို့ ဖျက်ပစ်မလဲ။ ကိးကွယ်ကောင်းပါတယ်။ အရှင်သာရိပုတ္တရာကို ကြည်ညိုရင် အရှင်သာရိပုတ္တရာ အထိမ်းအမှတ်ပြု ဆင်းတုကိုလည်း ထုလုပ်ကိုးကွယ်ကောင်းတာပဲ။ အရှင်သီဝလိကို ကြည်ညိုရင် အရှင်သီဝလိ ဆင်းတုပေါ့ ။


တချို့ အရှင်ဥပဂုတ္တ ဆင်းတုတော်တွေဆိုရင် သက်တမ်းအရ နှစ်ပေါင်း ရာချီရှိနိုင်တယ်။ ဒီသမိုင်းဝင် အမွေအနှစ်ကို ကျမ်းဂန်နဲ့ မညီလို့ သို့မဟုတ်-ထေရ၀ါဒ မဟုတ်လို့ ပျက်ရင် မပြင်နဲ့၊ ရှိနေတာကို ဖျက်ပစ်-ဆိုရင် အာဖဂန်နစ္စတန်က သမိုင်းဝင် ဗုဒ္ဓဆင်းတုကြီးကို ဖျက်ဆီးသူတွေနဲ့ ဘာထူးဦးမှာလဲ။ အနည်းဆုံးတော့ အဲဒီလို (သမိုင်းဝင်) ဆင်းတုတွေဟာ နိုင်ငံရပ်ခြားက လူတွေကို ဆွဲဆောင်နိုင်လို့ မိမိတို့မှာ နေရင်းထိုင်ရင်း ဂုဏ်လည်းတက်၊ အမြတ်လည်း ထွက်နိုင်တာပဲ။


နေကို ကြည့်နေပုံ
အစဉ်အလာ ပြောဆိုချက်အရ အရှင်ဥပဂုတ္တ နေကိုကြည့်ပြီး ဆွမ်းဘုဉ်းပေးရာမှာ အဓိပ္ပါယ် နှစ်မျိုးရှိတယ်။ အရှင်မြတ်ဟာ ၀ိနည်း အင်မတန်လေးစားလို့ မွန်းမတိမ်းမီ ဆွမ်းစားပြီးအောင် နေကိုကြည့်နေတာ။ နောက်တမျိုးက ဆွမ်းဘုဉ်းပေးနေတုန်း နေမွန်းတည့်နေလို့ မွမ်းမအတိမ်းအောင် တန်ခိုးနဲ့ နေကို ဖမ်းကိုင်ပြီး ဆွမ်းဘုဉ်းပေးတာ ဖြဟ်ပါတယ်။ ဒီလို နားလည်ထားရင် အနှစ်သာရအနေနဲ့ နှစ်သက်စရာ ဖြစ်လို့ လည်ပင်းစောင်းကြီးနဲ့ ဆင်းတု ဆိုပြီး ဘာမှ ကဲ့ရဲ့စရာ မရှိပါဘူး။


သဒ္ဓါ၊ ပညာ တူမျှရင် ဆိုင်ကလုံး မုန်တိုင်းကို တားမပေးလို့ ဆိုပြီး အရှင်ဥပဂုတ္တ ဆင်းတုတော်ကို အပြစ်မတင်သင့်ပါဘူး။ မိဘဘိုးဘွားတွေ တည်ဆောက်ခဲ့တဲ့ ဆင်းတုဆောင် ပျက်စီးသွားတာကို မွေခံထိုက်တဲ့ သားသမီးတွေအနေနဲ့ ပါဝင်လှူဒါန်းပြီး ပြုပြင်သင့်ပါတယ်။


အရှင်ကေလာသ
ဓမ္မာစရိယ၊ B.A. (Philo)
M.A. (Buddhism)
(မြတ်မင်္ဂလာ ၂၀၁၀-နိုဝင်ဘာလ)

No comments: