Wednesday, April 13, 2011

ရသေ့ကြီး ဦးခန္တီ၏ ရွှေဖြစ်ငွေဖြစ် ဂါထာတော်

ကျွန်တော်သည် တခုသောရုံးအားရက်တွင် သတင်းကိစ္စတခုဖြင့် ပုဇွန်တောင်မြို့နယ် စာပေနှင့်စာနယ်ဇင်း အဖွဲ့ ဥက္ကဋ္ဌဖြစ်သူ သတင်းထောက် ခင်အောင်ထံသို့ ရောက်ရှိခဲ့ပါသည်။ သတင်းထောက် ခင်အောင်နှင့် သတင်းကိစ္စများ ပြောဆိုဆောင်ရွက်ပြီးသောအခါ အချိန်ရသေးသဖြင့် မရောက်တာကြာပြီဖြစ်သော ရွှေဘုန်းပွင့်စေတီတော်သို့ ၀င်ရောက်ဖူးမြော်ကြည်ညိုခဲ့ပါသည်။ ထိုစဉ် ဘုရားရင်ပြင်ပေါ်၌ အနှစ်(၂၀)မျှ ကွဲကွာနေသော ဦးသန်းထွန်းကို အမှတ်မထင် ပြန်လည်တွေ့ဆုံခဲ့ရသည်။

ကျွန်တော်နှင့် ဦးသန်းထွန်းတို့သည် ၁၉၇၅-ခုနှစ် ဗိုလ်တထောင် လုပ်သားများကောလိပ်၌ အတူတက်ရောက်ခဲ့ကြသော ကျောင်းနေဖက်များ ဖြစ်ကြသည်။ ဦးသန်းထွန်းသည် စာတိုက်နှင့် ကြေးနန်းဝန်ကြီးဌာနတွင် ကြေးနန်းဆက်သွယ်ရေးသင်တန်း တက်ခဲ့ပြီး အလုပ်မှနုတ်ထွက်၍ နိုင်ငံခြား သင်္ဘောလိုင်းတခုတွင် ရေဒီယို ဆက်သွယ်ရေးအရာရှိ(RO)အဖြစ် လိုက်ပါသွားခဲ့၏။ ထိုအချိန်မှစ၍ သူနှင့်ကျွန်တော်တို့ ပြန်မတွေ့ရတော့ဘဲ အခုမှ မမျှော်လင့်ဘဲ ဦးသန်းထွန်းကို ပြန်တွေ့ရခြင်းဖြစ်သည်။

* ဟေ့---ဦးသန်းထွန်းပါလား၊ ခင်ဗျားနဲ့ မတွေ့ရတာ အတော်ကြာပြီ။ တွေ့ရတာ ၀မ်းသာတယ်ဗျာ။ အခု ဘယ်မှာနေကြလဲ။ မိသားစုတွေ နေကောင်းကြရဲ့လား။ သင်္ဘောလိုက်သေးလား။
* အေးဗျာ၊ ကျွန်တော်လဲ ကိုမြင့်နဲ့ တွေ့ရတာ ၀မ်းသာတယ်။ မတွေ့ဆို ကျွန်တော်တို့ ကွဲကွာသွားတာ အနှစ် ၂၀-ကျော်နေပြီ။ အခု ကျွန်တော်တို့ ပုဇွန်တောင် ပန်းခြံလမ်းထဲမှာ တိုက်ခန်းဝယ်လိုက်တယ်။ သင်္ဘောမလိုက်တော့ဘူး။ နားလိုက်တာ သုံးနှစ်ကျော်ရှိပြီ။ ပုဇွန်တောင်ဈေးထဲမှာ အထည်ဆိုင်ဖွင့်ထား တယ်လေ။ မစိန်မြပဲ ထွက်တယ်။ ကျွန်တော်ကတော့ ဘုရားသွားကျောင်းတက်ပဲ လုပ်တော့တယ်။ 

ဦးသန်းထွန်းက ကျောင်းသားဘ၀တုန်းကလို ၀မ်းသာအားရ ပြုံးပြနှုတ်ဆက်ရင်း သူ၏လက်ရှိဘ၀ အခြေအနေကို ပွင့်ပွင့်လင်းလင်းပြောပြနေသည်။ သူ့ကိုကြည့်ရသည်မှာ အရွယ်ထောက်လာသည့်တိုင် ကျန်းမာဝဖြိုးပြီး တက်ကြွလန်းဆန်းနေသည်။ သူ၏မျက်နှာသည် သန့်စင်ကြည်လင်နေ၍ ချမ်းမြေ့မှုအရိပ်များ လွှမ်းမိုးနေသည်။

* ဦးသန်းထွန်း ဘုရားကို နေ့တိုင်းလာဖြစ်သလား။
* ဟုတ်ကဲ့ခင်ဗျား၊ အဓိဋ္ဌာန်(၉)ရက် ၀င်နေဖြစ်လို့ နေ့တိုင်းလာပြီး ပုတီးစိပ်နေပါတယ်။ ဒီဘုရားမှာ ပုတီးစိပ်ရတာ သိပ်အာရုံမိတယ်။
* ဦးသန်းထွန်း ဘာကိုအာရုံပြုပြီး ပုတီးစိပ်ပါသလဲ။
* ကျွန်တော် အခုပုတီးစိပ်နေတာ ရသေ့ကြီးဦးခန္တီရဲ့ အဆောင်ကောင်း ဘုရားရှိခိုးဂါထာကိ်ု အာရုံယူစိပ်ပါတယ်။
* ဒီလိုဆိုရင် ရသေ့ကြီး ဦးခန္တီရဲ့ ပုတီးစိပ် ဘယ်လိုရတာလဲ။ ထူးခြားမှုတွေ ရှိမှာပေါ့။ သိသလောက် ပြောပြပါလားဗျာ။

ကျွန်တော်လည်း ရသေ့ကြီး ဦးခန္တီ ပုတီးစိပ်နည်းဆိုသဖြင့် ပိုပြီးစိတ်ဝင်စားသွားပါသည်။ ရသေ့ကြီး ဦးခန္တီကား နှယ်နှယ်ရရ ပုဂ္ဂိုလ်ကြီးမဟုတ်၊ မြန်မာနိုင်ငံ သာသနာပြုသမိုင်းမှာ ထူးချွန်ထင်ရှားသော ပါရမီရှင် ပုဂ္ဂိုလ်ကျော်ကြီး ဖြစ်သည်။
* အင်း---ပြောရမယ်ဆိုရင်တော့ တနေ့ ကျွန်တော် ဘုရားမှာ ၀တ်ပြုနေစဉ် ဓမ္မမိတ်ဆွေတဦးနဲ့ စကားစပ်မိရာက အဲဒီမိတ်ဆွေက ဦးခန္တီ ပုတီးစိပ်နည်းကို ပေးခဲ့တာပဲ။ ပုတီးစိပ်နည်းကိုလည်း အသေအချာ ပြောပြခဲ့တယ်။ ရသေ့ကြီး ဦးခန္တီရဲ့ အဆောင်ကောင်းပုတီးစိပ်က အစွမ်းလည်းထက်တယ်။ အကျိုးထူးလည်းရတယ်။ စိတ်ဝင်စားဖို့ အင်မတန်ကောင်းပါတယ်။ အဲဒီမိတ်ဆွေ ပြောပြသွားတာက ဒီလို။

အချိန်က ဒုတိယကမ္ဘာစစ်ကြီး မဖြစ်မီကဖြစ်သည်။ ထိုအချိန်က ရသေ့ကြီး ဦးခန္တီသည် မြန်မာနိုင်ငံ တနံတလျားတွင် အံ့မခန်းသော သာသနာပြုလုပ်ငန်းများကို လုပ်ဆောင်လျက်ရှိသည်။ ရသေ့ကြီး ဦးခန္တီ ပြုလုပ်သမျှသော သာသနာပြု လုပ်ငန်းများတွင် မည်သည့်အခါမှ အထက်အခဲမတွေ့ရဘဲ အလိုအလျောက် အလှူရှင်များ ပေါ်ပေါက်လာပြီး လုပ်ငန်းအားလုံး ပြီးမြောက်အောင်မြင်သွားသည်သာ ဖြစ်သည်။ ပဋ္ဌာန်းဆက်ကောင်းသော ထူးခြားသည့် ပါရမီရှင်ပုဂ္ဂိုလ်ကြီး တဦးပင်ဖြစ်သည်။

တနေ့တွင် ရသေ့ကြီး ဦးခန္တီသည် စစ်ကိုင်းတောင်ရိုးသို့ ကိစ္စတခုဖြင့် သွားရောက်ခဲ့လေ၏။ ရသေ့ကြီး ဦးခန္တီသည် ယခင်က သိကျွမ်းရင်းနှီးခဲ့သော သုဗောဓာရုံကျောင်း ဆရာတော်ကြီးထံသို့ ၀င်ရောက်ဝတ်ပြု လေ၏။ ဆရာတော်ကြီးသည် နိုင်ငံအ၀ှမ်း သာသနာပြုအကျော် ရသေ့ကြီး ဦးခန္တီအား တွေ့ရသောအခါ "ဒကာ မောင်ခန္တီ မင်းသာသနာပြုနေသည်မှာ အံ့မခန်း အောင်မြင်ကျော်ကြားလှပေတယ်။ မင်း သာသနာပြုသမျှ ဒကာ ဒကာမများက အရန်သင့်ပါဝင်လှူဒါန်းခဲ့ကြတယ်။ မင်းမှာ အဆောင်ကောင်းများ ရှိလေသလား။ ရှိခဲ့ရင် အဲဒီအဆောင်ကို ဆရာတော်ကြီးလည်း သာသနာပြုချင်လို့ လှူဒါန်းခဲ့ပါကွယ်"ဟု မိန့်တော်မူသည်။

ထိုအခါ ရသေ့ကြီး ဦးခန္တီက မှန်လှပါဘုရား၊ တပည့်တော်မှာ အဆောင်ကောင်းရှိပါတယ်။ ယင်းအဆောင်ကောင်းကို အရှင်ဘုရားအား လှူဒါန်းခဲ့ပါမည်-ဟု ပြန်လည်လျှောက်ထားခဲ့သည်။

ထို့နောက် ရသေ့ကြီး ဦးခန္တီသည် သုဗောဓာရုံ ဆရာောတ်ကြီးအား လက်အုပ်ချီမိုးလျက် အောက်ပါဘုရား ရှိခိုးဂါထာကို (၉)ခေါက်တိတိ ရွတ်ဆိုပူဇော်ကန်တော့လေသည်။ ထိုသို့ ရွတ်ဆိုပူဇော်ပြီးသောအခါ ၀တ်ဖြူစင်ကြယ်နှင့် ပုဂ္ဂိုလ်တဦးသည် ကျောင်းပေါ်သို့ရောက်ရှိလာပြီး ၀တ်ဖြည့်ကာ ရသေ့ကြီး ဦးခန္တီအား ငွေ ၅၀၀-ကျပ် လှူဒါန်းပြီး ပြန်ဆင်းသွားခဲ့သည်။ ထို ၀တ်ဖြူစင်ကြယ်ပုဂ္ဂိုလ်အား ဆရာတော်ကြီးလည်း မသိ၊ ရသေ့ကြီး ဦးခန္တီလည်း မသိဟု ဆိုပါသည်။ 

ရသေ့ကြီး ဦးခန္တီက အခု ဘုရားရှိခိုးဂါထာဟာ တပည့်တော်ရဲ့ အဆောင်ကောင်း ဖြစ်ပါတယ်ဘုရား-ဟုလျှောက်ထားပြီး သုဗောဓာရုံဆရာတော်ကြီးအား လှူဒါန်းခဲ့လေသည်။ သုဗောဓာရုံဆရာတော်ကြီးသည် ဦးခန္တီပေးခဲ့သော ဘုရားရှိခိုးဂါထာတော်ကြီးကို ယုံကြည်စွဲမြဲစွာ ရွတ်ဆိုပွားများခဲ့ရာ အလှူရှင်များ ပေါ်ပေါက်လာပြီး လှူဒါန်းမှုကြောင့် သုဗောဓာရုံ ကျောင်းတော်ကြီးကို ခမ်းနားထည်ဝါစွာ မွမ်းမံပြုပြင်နိုင်ခဲ့ လေသည်။

ထိုဘုရားရှိခိုးဂါထာတော်ကို ရရှိသော ဦးသိန်းဟန်ဆိုသည့် ဒကာတဦးက ပုဇွန်တောင် ရွှေဘုန်းပွင့် ဘုရားပရ၀ုဏ်အတွင်းရှိ သီရိမင်္ဂလာကျောင်းတိုက် ပဓာနနာယကဆရာတော် အရှင်ဉာဏိဿရအား မြန်မာလို အနက်ပြန်ဆိုပေးရန် လျှောက်ထားချက်အရ ဆရာတော်က ယင်းဂါထာကို အနက်ပြန်ဆိုပေး ခဲ့သည်။ အောက်တွင် မူရင်းဂါထာတော်ကို ဖော်ပြလိုက်ပါသည်။ 

ရသေ့ကြီး ဦးခန္တီ၏ ရွှေဖြစ် ငွေဖြစ် အဆောင်ဂါထာ---
အရဟံ ဗဟိအန္တဇယံ သုဂတံ၊
အမိတံ ၀ိရဇံ လလိတံ အတုလံ။
စရဏံ တိဘ၀ူပသမံ ယမကံ၊
သုခဒံ သရဏံ ပဏမာမိ ဇိနံ။


အရဟံ=လူမင်း၊ နတ်မင်း၊ ဗြဟ္မာမင်းတို့၏ ၀ပ်စင်းကော်ရော် ပူဇော်အထူးကို ခံယူတော် မူထိုက်ပါပေထသော၊

ဗဟိအန္တဇယံ=အတွင်းရန်၊ အပြင်ရန်တို့ကို အတန်တန် အောင်တော်မူပြီးထသော၊  
                                                                           
သုဂတံ = ကောင်းသော စကားကို ဆိုတော် မူတတ်ပါပေထသော၊
သုဂတံ = ကောင်းသော နိဗ္ဗာန်သို့ ကြွသွားတော် မူပါပေထသော၊

အ,မိတံ = မနှိုင်းယှဉ်အပ်သော ဂုဏ်တော် အပေါင်းတို့နှင့် ပြည့်စုံတော် မူပါပေထသော၊

ဝိရဇံ = ရာဂ အစရှိသော ကိလေသာမြူ ကင်းတော်မူပါပေထသော၊

လ,လိတံ = ရောင်ခြည်တော် ခြောက်သွယ်တို့ဖြင့် ကွန့်မြူးစံပယ် တင့်တယ်တော် မူပါပေထသော၊

အ,တုလံ=သီလ အစရှိသော ဂုဏ်တို့ကြောင့် တစ်စုံတစ်ယောက်သော သူနှင့်မျှ တူတော်မမူပါပေထသော၊

စရဏံ = နိဗ္ဗာန်ရောက်ကြောင်း အကျင့်ကောင်းနှင့် ပြည့်စုံတော် မူပါပေထသော၊

တိဘ၀ူပသမံ = ဘ၀သုံးပါး၊ ဘုံသုံးပါးတို့၌ ကိလေသာ အပူမီးတို့ကို ငြိမ်းအေးစေတော် မူနိုင်ပါပေထသော၊

ယမကံ = ရေမီး အစုံ အစုံ အစရှိသော တန်ခိုးပြာဋိဟာတို့ကို ပြစွမ်းတော် မူနိုင်ပါပေထသော၊

သုခ,ဒံ = လူချမ်းသာ၊ နတ်ချမ်းသာ၊ နိဗ္ဗာန်ချမ်းသာ တို့ကို ပေးစွမ်းနိုင်တော် မူပါပေထသော၊

သရဏံ = လူ၊ နတ်၊ နဂါး၊ သိကြား၊ ဗြဟ္မာ သတ္တ၀ါဝေနေ များဗိုလ်ခြေတို့၏ အားထား ကိုးကွယ်ရာအစစ်  
              ဧကန်ဖြစ်တော် မူပါပေထသော၊

ဇိနံ = မာန်ငါးပါး အပေါင်းကို အောင်တော်မူပြီးထသော မြတ်စွာဘုရားကို။

အဟံ = ဘုရားတပည့်တော်သည်။

ပ,ဏမာမိ = ကိုင်းညွတ်ရိုကျိုး လက်စုံမိုး၍ ရှိခိုးပါ၏ ဘုရား…။
 
                               ( ဂါထာ တစ်ခါဆုံးလျှင် ပုတီးတစ်လုံးချ ၁၀၈-လုံး ပုတီးတစ်ပတ်စိပ်ပါ)


၂၀၀၂-ခုနှစ်တွင် ပုဇွန်တောင်မြို့နယ်ရှိ ရွှေဘုန်းပွင့်ဘုရားကို သက်ဆိုင်ရာမှ ဘက်စုံမွမ်းမံပြုပြင်ခဲ့ရာ ဆရာတော် အရှင်ဉာဏိဿရသည် သူ၏ရှေးဟောင်းကျောင်းကြီးကို သင့်လျောက်ပတ်စွာပြုပြင်ရန် ကြိုးပမ်းရတော့သည်။ ဆရာတော်သည် သာသနာပြုပုဂ္ဂိုလ်ကျော် ရသေ့ကြီး ဦးခန္တီ၏ အဆောင်ကောင်း ဘုရားရှိခိုးဂါထာတော်ကြီးကို သတိရပြီး အဓိဋ္ဌာန်(၉)ရက်ဝင်၍ ပုတီးစိပ် ပွားများခဲ့သည်။ ဆရာတော်သည် ရွှေဘုန်းပွင့်ဘုရား၌ နံနက်အရုဏ်တက်တွင် ပုတီးတပတ်၊ နေ့လယ်မွန်းတည့်ချိန်တွင် ပုတီးတပတ်၊ ညနေဆည်းဆာ၌ ပုတီးတပတ် တနေ့ ပုတီးသုံးပတ် ပုတီးတလုံးလျှင် ဂါထာအစမှ အဆုံး တခေါက်ရွတ်ကာ အဓိဋ္ဌာန်(၉)ရက်တိတိ မပျက်မကွက် ပုတီးစိပ်ခဲ့လေသည်။


ထိုဦးခန္တီ၏ အဆောင်ကောင်းဂါထာရွတ်၍ ပုတီးစိပ်ခဲ့သောကြောင့် သီရိမင်္ဂလာကျောင်းတော်ကို အလိုအလျောက် အလှူရှင်များ ပေါ်ပေါက်လာပြီး ကျပ်သိန်း(၁၅၀)ကျော် အကုန်အကျခံ၍ ခမ်းနားဝင့်ထည်သော ကျောင်းတော်ကြီးအဖြစ် အောင်မြင်စွာ ပြုပြင်နိုင်ခဲ့လေသည်။


အလားတူ ဖြစ်ရပ်တခုကို တင်ပြပါမည်။
ဆရာတော် အရှင်ဉာဏိဿရသည် ပဲခူးတိုင်း က၀မြို့နယ် မက္ကဘင်းကျေးရွာ ဇာတိသားဖြစ်သည်။ ထိုရွာ၌ ရှေးကျောင်းကြီးတကျောင်းရှိသည်။ ကျေးရွာရှိ မိဘများထံ ဆရာတော် ခေတ္တပြန်သွားစဉ် ထိုရှေးဟောင်း ကျောင်းကြီးကို ပြုပြင်မွမ်းမံပေးရန် ရွာလူထု၏ လျှောက်ထားတောင်းပန်ချက်အရ မငြင်းသာဘဲ ဆရာတော် တာဝန်ယူခဲ့ရသည်။ ဆရာတော်သည် ပထမမူအတိုင်း ရသေ့ကြီး ဦးခန္တီ၏ ပုတီးစိပ်ကိုပင် အဓိဋ္ဌာန်(၉)ရက်ဝင်၍ အာရုံယူကာ ပုတီးစိပ်ခဲ့လေသည်။ အဓိဋ္ဌာန်ပြည့်မြောက်ပြီးနောက် ရွာနီးဝန်းကျင်မှ စေတနာရှင်များ ပေါ်ပေါက်လာပြီး ကျပ်သိန်း(၃၀၀)ကျော်ဖြင့် ကြီးကျယ်ခမ်းနားသော ကျောင်းသစ်ကြီး အဖြစ် အောင်မြင်စွာ ပြုပြင်ပေးနိုင်ခဲ့ပါသည်။


ကဲ---ကိုမြင့် အခုပြောပြခဲ့တဲ့ ဖြစ်ရပ်တွေဟာ ရသေ့ကြီး ဦးခန္တီရဲ့ အဆောင်ကောင်း ဘုရားရှိခိုး ဂါထာရဲ့ အစွမ်းသတ္တိကြောင့် ရရှိအောင်မြင်ခဲ့တဲ့ တကယ့်ဖြစ်ရပ်မှန်တွေဖြစ်တယ်-ဟုဆို၍ ဦးသန်းထွန်းက သူ၏စကားကို ဖြတ်လိုက်သည်။
အမှန်ဆိုရသော် ရသေ့ကြီး ဦးခန္တီ၏ အဆောင်ကောင်း ဂါထာသည်ကား ဗုဒ္ဓမြတ်စွာ ဟောကြားတော်မူ ခဲ့သော ဓမ္မက္ခန္ဓပေါင်း ရှစ်သောင်းလေးထောင်ထဲမှ ရွေးထုတ်ထားသော တရားအနှစ်သာရများပင် ဖြစ်သည်။ မည်သူမရှိ သဒ္ဓါစိတ်သန့်သန့်ဖြင့် ယုံယုံကြည်ကြည် ပွားများ အားထုတ်ပါက လိုအပ်သောဆန္ဒများ အမှန်ပင် ပြည့်ဝအောင်မြင်ပါသည်။


ထို့ကြောင့် ဆရာတော်အရှင်ဉာဏိဿရသည် ရသေ့ကြီး ဦးခန္တီ၏ အဆောင်ကောင်း ဘုရားရှိခိုး ပုတီးစိပ် ဂါထာကို သူ၏တပည့် တကာ-တကာမအပေါင်အား လက်ဆင့်ကမ်း ဖြန့်ဝေပေးပြီး နေ့စဉ် မှန်မှန် ရွတ်ဆိုပွားများစေပါသည်။ ထိုသို့ ရသေ့ကြီးဦးခန္တီ၏ အဆောင်ကောင်း ဘုရားရှိခိုး ဂါထာကို ယုံကြည်မှုသဒ္ဓါ ထက်ထက်သန်သန်ဖြင့် ရွတ်ဆိုပွားများ ပူဇော်ကန်တော့ကြသော ဓမ္မမိတ်ဆွေအပေါင်း တို့သည် စီးပွားလာဘ်လာဘများ တိုးပွားစည်ပင်၍ နှလုံးစိတ်ဝမ်း ချမ်းမြေ့မှုကို အမှန်ပင်ရရှ်ိခံစားကြရပါ သည်။ သို့ပါ၍ စာရှုသူအပေါင်းတို့သည် ရသေ့ကြီး ဦးခန္တီ၏ အဆောင်ကောင်း ဘုရားရှိခိုးဂါထာကို ယုံကြည်မှုသဒ္ဓါ ပြင်းပြစွာ နေ့စဉ် ရွတ်ဆိုပွားများ ပူဇော်ကြခြင်းဖြင့် လိုတိုင်းရ၍ တောင့်တတိုင်း ပြည့်ဝပါစေကြောင်း စေတနာရှေ့ထား ရေးသားတင်ပြအပ်ပါသည်။


ယဉ်ယဉ်မင်းထိုက်
(ရောင်ပြန်မဂ္ဂဇင်း ၂၀၁၀-နိုဝင်ဘာလ)

No comments: