Wednesday, April 20, 2011

ဘာသာရေး ပြဿနာ (၁၀၆)

(ဘဒ္ဒန္တ တိလောကသာရ ဖြေသည်)

(ပရိတ်ရွတ်၍ ကျန်းမာခြင်း)
(မေး) အရှင်ဘုရား၊ လူများသည် ကံ စိတ် ဥတု အာဟာရ မညီမျှမှုကြောင့် ပထ၀ီ၊ အာပေါ၊ တေဇော၊ ၀ါယောဓာတ်များ ဖောက်ပြန်ကြပြီး ကျန်းမာရေးချို့တဲ့ကြပါသည်။ ပရိတ်ရွတ်ခြင်းဖြင့် ကျန်းမာလာနိုင်ပါသလားဘုရား။
(မသင်းသင်းအေး၊ ဒဂုံမြို့သစ်မြောက်ပိုင်း)

(ဖြေ) 
ပရိတ် မေတ္တာ ဘာဝနာ တရားတို့သည် ကံအလုပ်များ ဖြစ်ကြ၏။ ကုသလကမ္မ-ကောင်းသောကံအလုပ်ကို လုပ်ကိုင်နေသူများအဖို့ စိတ်ကလည်း ကြည်လင်ရွှင်ပျလာသည်။ စ်ိတ်၏ ကြည်လင်ရွှင်ပျမှုကြောင့် ပူမှု၊ အေးမှု၊ ဥတု (အထူးအားဖြင့် ခန္ဓာကိုယ်တွင်းရှိ ဥသ္မာ တေဇောဓာတ်) ညီညွတ်မျှတမှုကြောင့် စားသောက်သော အာဟာရကိုလည်း ပါစကတေဇောက ကြေကျက်စေသည်။ 

ကျန်သော အာပေါ ၀ါယော ဓာတ်တို့ကလည်း အညီအမျှ လှုပ်ရှားကောင်းမွန်စေ၍ စိတ်၏ကျန်းမာခြင်း၊ ကိုယ်၏ချမ်းသာခြင်းတို့လည်း ဖြစ်ပေါ်လာရပါသည်။ ဗောဇ္ဈင်သုတ်ကို ရွတ်ဆိုခြင်းဖြင့် ကျန်းမာသည်ဆိုရာ၌ ဗောဇ္ဈင် ၇-ပါးတရားကြောင့် ကံ-စိတ်-ဥတု-အာဟာရ နှင့် ဓာတ်ကြီးလေးပါး ညီမျှစေကြောင်း၊ ဣနြေ္ဒတို့ ကြည်လင်စေကြောင်း မြတ်စွာဘုရား ကိုယ်တော်တိုင် ဟောထားချက် ရှိပါသည်။
*********************************************************************************
( မာတုဂါမ မောင်းသောကား )
(မေး) အရှင်ဘုရား မာတုဂါမများ မောင်းသောကားကို ရဟန်း သံဃာများ စီးခွင့် ရှိ-မရှိ သိလိုပါသည်၊ ဖြေကြားပေးတော်မူပါ အရှင်ဘုရား။
(မနှင်းသီရိ၊ သံတွဲ)

(ဖြေ) ဆရာတော် အရှင်ဇနကာဘိဝံသ စီရင်သော ခုဒ္ဒသိက္ခာ ဘာသာဋီကာ ၄၄၂-၌ အောက်ပါစကားရပ်များ ပါရှိ၏။
”အနုဇာနာမိ ဘိက္ခဝေ ဂိလာနဿ ယာနံ ပုမယုတ္တံ” နွားထီး၊ မြင်းထီး စသည် ကအပ်သော (တပ်သော) ယာဉ်ကိုလည်းကောင်း၊ (ဟတ္ထဝဋ္ဋကံ) လက်ဖြင့် လည်စေအပ်သော (လက်ဖြင့်မောင်းသော) ယာဉ်ကိုလည်းကောင်း၊ မကျန်းမာသော ရဟန်း စီးကောင်းသည်။
ပုမယုတ္တ-နွားထီးစသည့် အထီးသတ္တ၀ါ ကသည့် (တပ်ထားသည့်) ယာဉ်ဖြစ်လျှင် မောင်းနှင်သူမှာ ယောက်ျားဖြစ်ဖြစ် မိန်းမဖြစ်ဖြစ် အပ်၏ဟု ဆိုအပ်၏။ မိန်းမမောင်းသော မော်တော်ယာဉ် စသည်မှာ အထူးဆိုဖွယ်ပင် မလိုချေ၊ စီးကောင်း စီးခွင့်ရှိသည်ဟု သိနိုင်ပါသည်။ 
***********************************************************************************
( ဆည်းလည်း-ဆွဲလဲ)
(မေး) အရှင်ဘုရား၊ စေတီတော်တို့၏ ထီးတော်အောက်ဆုံးအဆင့် သံခွေ၌ ချိတ်ဆွဲပူဇော်ထားသော အသံသာယာစွာ မြည်တတ်သည့် အရာဝတ္ထုများကို အချို့က ခေါင်းလောင်း၊ အချို့က ဆွဲလွဲဟု အငြင်းပွားလျက် ရှိကြပါသည်။ သို့အတွက်ကြောင့် အမည်နာမ အမှန်ကို အငြင်းပွားသူတို့ စိတ်နှလုံးအေးလောက်အောင် ဖြေကြားပေးတော်မူပါဘုရား။
(ဂေါပကအဖွဲ့၊ သမိုင်းဝင် မြစည်းခုံစေတီတော် အင်းမမြို့)

(ဖြေ) 
ခေါင်းလောင်းသံညည်း၊ ရွှေဆည်းလည်း၊ ချည်းချည်းသံလွင်လွင်”ဆိုသည့်အတိုင်း ခေါင်းလောင်းနှင့် ဆည်းလည်း (ဆွဲလဲ) သည် ပုံစံတူဖြစ်လျက် အကြီး အသေးသာ ကွာခြားပါသည်။ စေတီတော်တို့၏ ထီးတော်၌ ဆွဲထားသော ခေါင်းလောင်း ငယ်ကို ခေါင်းလောင်းဟု မခေါ်၊ ဆည်းလည်းဟုသာ ခေါ်ပါသည်။ တွဲလွဲဆွဲသည် ဟူသော မြန်မာဝေါဟာရ စကားသံအတိုင်း အများအားဖြင့် ဆွဲလွဲ-ဟု ခေါ်ကြပါ၏။ မြန်မာအဘိဓာန်တွင် ဆည်းလည်း-န/ဆွဲလဲ/။

၁။ လေတိုက်လျှင် လှုပ်ခတ်ရန် ညောင်ရွက်ဆွဲ အဆန်ထည့်ထားသည့် ခေါင်းလောင်းငယ် (စေတီ ထီးတော်တွင် ဆွဲတပ်လေ့ရှိသည်) လေညင်းလာက၊ ပဉ္စင်္ဂလည်း၊ မြမြချည်းချည်း၊ ရွှေဆည်းလည်းနှင့်၊ နရည်းစရာ၊ မနှိုင်းသာတည့်။ ဘုံ၃၃၊ ညောင်းညောင်း ချည်းချည်း၊ ရွှေဆည်းလည်းနှင့်၊ နရည်းမြူးကွန့်” ဟု ဖော်ပြထားပါသည်။ ထို့ကြောင့် စေတီတော်တို့၌ ဆွဲထားသည့် ခေါင်းလောင်းငယ်ကို ခေါင်းလောင်း-ဟု မခေါ်၊ ဆည်းလည်း (စကားသံဖြင့်-ဆွဲလဲ) ဟုသာ ခေါ်ကြောင်း မှတ်သားထားသင့်ပါသည်။
***********************************************************************************
( မြေခိုးခြင်း)
(မေး) အရှင်ဘုရား၊ အိမ်နှစ်အိမ်ကြား ၀န်းခြံကာသောအခါ တဖက်ခြံမြေမှ အနည်းငယ် ၃”၄”ခန့် ပိုကာမိ၍ တဖက်ခြံမြေရှင်က ကျေနပ်ခွင့်လွှတ်မှု မရှိပါလျှင် အဒိန္နာဒါနကံ မြောက်ပါသလား၊ ထိုအဒိန္နာဒါနကံသည် ခြံဝင်းကာစဉ် ခဏ(တကြိမ်တည်းသာ) မြောက်ပါသလား၊ ထိုခြံဝင်းတည်နေသမျှ ကာလပတ်လုံး ကံမြောက်နေသည် ဆိုခြင်းမှာ မှန်ပါသလား အရှင်ဘုရား။

ခြံမြေအပို ယူထားသူသည် ဥပုသ်နေ့များ၌ ၈-ပါးသီ ခံယူဆောက်တည်ပါကလည်း အဒိန္နာဒါနကံ ကျိုးပေါက်ပြီး ဖြစ်နေသည်(ဥပုသ်သီလ မမြောက်) ဆိုခြင်းမှာ မှန်ပါသလား အရှင်ဘုရား၊ သံသရာအကျိုးကို မျှော်ကိုး၍ ဖြေကြားပေးတော်မူပါရန် တောင်းပန်လျှောက်ထားပါသည် အရှင်ဘုရား။
(မစန်းခင်-မီးစက်ကွက်သစ်၊ တောင်ကုတ်မြို့)

(ဖြေ)
ခိုးယူအပ်သော ဥစ္စာသည် ဇင်္ဂမဥစ္စာ၊ ထာဝရဥစ္စာ ဟူ၍ ၂-မျိုးရှိသည်။ ရွှေ၊ ငွေ၊ ကျွဲ၊ နွား စသော ဥစ္စာသည် ဇင်္ဂမ-ရွှေ့ပြောင်း၍ ရသောဥစ္စာဖြစ်၍ လယ်၊ ယာမြေ၊ တိုက်တာ အိုးအိမ် စသော ဥစ္စာသည် ထာဝရ-ရွှေ့ပြောင်း၍ မရသော ဥစ္စာ ဖြစ်သည်။ 

ဇင်္ဂမ-ထာဝရ-မည်သည့်ဥစ္စာမဆို ခိုးယူစဉ် အခိုက်အတန့်( မူလနေရာမှ ရွှေ့စဉ်) ၌သာ အဒိန္နာဒါန ဖြစ်သည်။ 
တဖက်မြေမှယူ၍ ခြံကာသူအဖို့ ခြံကာစဉ်၌ အဒိန္နာဒါနဖြစ်သည်။ 
သို့သော် ထာဝရဥစ္စာဖြစ်၍ မည်သည့်အခါမျှ ပျောက်ပျက်မသွား၊ အစဉ်တွေ့မြင်နေရ၍ အခြားသူ မသိသော်လည်း မိမိသိ၍ မြင်တိုင်း သိတိုင်း ငါခိုးမိသည်၊ ယူမိသည်ဟု စိတ်နှလုံး မချမ်းမသာ ဖြစ်နေမည်။ တသက်လုံး ၀ိပ္ပဋိသာရ=စိတ်နှလုံး မသာရွှင်မှု၊ ပူပန်မှု ဖြစ်နေရမည်။

ဇင်္ဂမဥစ္စာကို ခိုးမှု၌ ကုသိုလ်ကောင်းမှု အထပ်ထပ်ပြုနေ၍ သီလ ဘာဝနာ ပွားများ၍ အကုသိုလ်မပျောက်သည့်တိုင် အားသေးသွား၍လည်းကောင်း၊ ကုသိုလ်က အားကောင်း၍လည်းကောင်း အပါယ်ပဋိသန္ဓေ မပေးနိုင် ဖြစ်သွားသော်လည်း ထာဝရဥစ္စာ ခိုးမှုမှာ ပစ္စည်းက မပျောက်မပျက်၊ တသက်လုံး တွေ့မြင်နေရပြီး တွေ့မြင်တိုင်းလည်း ၀ိပ္ပဋိသာရ ဖြစ်ရတော့ သည်။ ကုသိုလ်ပြုတိုင်းလည်း ၀ိပ္ပဋိသာရဖြစ်နေ၍ ရွှင်ပျကြည်လင် သာရွှင်ခြင်းမဖြစ်၍ အဒိန္နာဒါန အကုသိုလ်က အပါယ်အကျိုး မပေးသည့်တိုင်အောင် ယင်းဝိပ္ပဋိသာရက အပါယ်သို့ ပို့ဆောင်တတ်လေသည်။ ထို့ကြောင့် ထာဝရဥစ္စာ လယ်ယာ မြေခြံတို့ကို မခိုးယူမိအောင် အထူးပင် ရှောင်ကြဉ်သင့်ပါသည်။
***********************************************************************************
(လျှပ်စစ်မီးနှင့် ဖယောင်းတိုင်)
(မေး) အရှင်ဘုရား၊ ဘုရားမီးပူဇော်ခြင်းနှင့် ပတ်သက်၍ နေ့လယ်ပိုင်း အလင်းရောင်ရှိနေစဉ်နှင့် မီးချောင်း ရောင်ခြည်တော် တို့ဖြင့် ပူဇော်ထားလျှင် ထပ်မံ၍ ဖယောင်းတိုင်ဆီမီးဖြင့် ပူဇော်ခြင်း မပြုရပါ ဆိုသည်ကို ဖြေကြားပေးတော်မူပါဘုရား။
(ဒေါ်အေးအေး၊ ရန်ကုန်)

(ဖြေ)
နေ့လယ် နေရောင် ထွန်းလင်းနေချိန်၌ ဖယောင်းဆီမီး ပူဇော်ခြင်းမှာ အဓိပ္ပါယ်မရှိလှ၊ နေလွဲချိန်တွင် ဆွမ်းကပ်လှူသကဲ့သို့ အချိန်အခါနနှင့် ပူဇော်လှူဒါန်းမှု လွဲချော်နေ၍ ကုသိုလ်အထူး ဖြစ်ဖွယ်မရှိပါ။ သို့သော် ညဥ့်အခါ၌ လျှပ်စစ်မီးရောင် လင်းနေသော်လည်း ဖယောင်းဆီမီး ညှိထွန်းပူဇော်မှုကား အဓိပ္ပါယ်မရှိ မဟုတ်ပါ။ 

ဘုရားလက်ထက်တော်ကပင် အခြားသူများ အဖိုးတန်ပန်းများ လှူဒါန်းထားသော်လည်း (နတ်များက မန္ဒာရ နတ်ပန်းများဖြင့် ပူဇော်ထားသော်လည်း) ဆင်းရဲသူမလေးတဦးက အဖိုးမတန်သော သပွတ်ခါးပန်းကလေးဖြင့် စေတနာထက်သန်စွာ လှူဒါန်းသဖြင့် တန်ခိုးကြီးသော နတ်သမီး ဖြစ်ရကြောင်း ၀တ္ထုရှိပါသည်။ သူဌေးသူကြွယ်များ အဖိုးတန်သော ဆွမ်းများဖြင့် ပူဇော်လှူဒါန်းထားသည့်ကြားမှ မိမိတတ်အားသမျှ ၀င်ရောက်လှူဒါန်းသည်ကိုလည်း မတားမြစ်အပ်ပါ။ ထို့အတူ လျှပ်စစ်မီးများ ပူဇော်ထားသည့်ကြားမှပင် ဖယောင်းတိုင်စသည်တို့ဖြင့် ထွန်းညှိပူဇော်ခြင်းမှာ ပြုသင့်ပြုထိုက်သော လှူဒါန်းပူဇော်မှုပင် ဖြစ်ပါကြောင်း ဖြေကြားအပ်ပါသည်။
***********************************************************************************
(ဘုရားအနေကဇာတင်နှင့် ဆန်ပန်းပေါက်ပေါက်)
(မေး) အရှင်ဘုရား၊ ဘုရားအနေကဇာတင်သော အလေ့အကျင့်သည် မည်သည့်ခေတ်က ပေါ်ပေါက်ခဲ့ပါသလဲ ဘုရား။ အနေကဇာတင်ဂါထာများကို ရွတ်ဆို၍ ဆန်ပန်းပေါက်ပေါက်တို့ဖြင့် ဆင်းတုတော်ကို ပက်ခြင်း၏ အကျိုးအာနိသင်ကို ရှင်းပြပေးတော်မူပါဘုရား။
(ဦးထွန်းရင် ရွှေပြည်သာမြို့)

(ဖြေ)
ဘုရားအနေကဇာတင်ခြင်းကို ဗုဒ္ဓါဘိသေက မင်္ဂလာပြုခြင်း အနေဖြင့် အင်းဝခေတ်ပြု ၀ိနည်းဋီကာဖြစ်သော ၀ိနယာလင်္ကာရဋီကာတွင် တောင်ဖီလာဆရာတော် ရေးခဲ့သည်ကို တွေ့ရ၍ မြန်မာနိုင်ငံ သာသနာတော်တလျှောက်လုံးပင် ပြုလုပ်ခဲ့သည်ဟု ယူဆရ၏။ ထို့ထက်စော၍ ဘုရင့်နောင်မင်းတရားကြီး လက်ထက်တွင် ပြုလုပ်ခဲ့ကြောင်း အထောက်အထားလည်း တွေ့ရသေးသည်။ 

ဆန်ပန်းပေါက်ပေါက် ဆိုင်ရာမှာ ”ဒဗ္ဗတိဏ၊ သုဒ္ဓတဏ္ဍုလ၊ သိဒ္ဓတ္ထ၊ သုမနမကုလ၊ လာဇသင်္ခါတာနိ”ဟူသော ဇာတ်ဋီကာစကားအရ နေစာမြက်၊ ဆန်ပန်း၊ မုန်ညင်း၊ မလေးငုံပေါက်ပေါက် ဤငါးမျိုးမှာ ပစ်ပေါက် ပူဇော်ရသော ပန်းငါးမျိုးဟု ကျမ်းဂန်တို့တွင် ဆိုသည်။ ယင်းငါးမျိုးလုံးကိုဖြစ်စေ လေးမျိုး သုံးမျိုး နှစ်မျိုး-မရနိုင်အဆုံး တမျိုးတည်းကို ဖြစ်စေ ဘုရားစသည်၌ ပစ်ကြဲ၍ ပူဇော်ကြရကုန်၏။ ဤခေတ်တွင် ဆန်ပန်း (အစိမ်း၊ အနီ၊ အ၀ါ စသည် ဆေးဆိုးထားသောဆန်)နှင့် ပေါက်ပေါက်ကို ရော၍ အသုံးပြုလေ့ရှိကြသည်။ 
***********************************************************************************
(ပိသုဏ၀ါစာ မဂ်ပယ်ရာ)
(မေး) အရှင်ဘုရား၊ မနောကံ သုံးပါး၌ ပိသုဏ၀ါစာကို အနာဂါမိမဂ်က ပယ်ကြောင်း ”ပိသုဏ၀ါစာ ဖရုသ၀ါစာ ဗျာပါဒေါတိ တတိယဉာဏ၀ဇ္ဇာ”ဟု ၀ိသုဒ္ဓိမဂ်၌ ဆိုပါသည်။ သို့သော်”ပါဏာတိပါတော အဒိန္နာဒါနံ မိစ္ဆာစာရော မုသာဝါဒေါ ပိသုဏ၀ါစာ မိစ္ဆာဒိဋ္ဌီတိ ဣမေတာဝ သောတာပတ္တိ မဂ္ဂေန ပဟိယျန္တိ”ဟူ၍  ပိသုဏ၀ါစာကို သောတာပတ္တိမဂ်ပယ်ကြောင်း အင်္ဂုတ္တရ အဋ္ဌကထာက ဆိုပါသည်။ ထိုအဖွင့်အဆို နှစ်မျိုးအား မည်ကဲ့သို့ ညှိယူရမည်ကို ဖြေကြားတော်မူပါဘုရား။
(အရှင်သုမင်္ဂလ-မန်း)

(ဖြေ)
ပိသုဏ၀ါစာကို ၀ိသုဒ္ဓိမဂ်၌ အနာဂါမိမဂ်ပယ်ကြောင်း အင်္ဂုတ္တရအဋ္ဌကထာ၌ သောတာပတ္တိမဂ် ပယ်ကြောင်း အဆိုမညီ ရှိသော်လည်း ကုက္ကုစ္စကို ထို့အတူပင် အဆိုမညီရှိရာ၌ ”ကထာကတာ ကုသလာကုသလ ၀ိသယံ”စသည်ဖြင့် ၀ိသုဒ္ဓိမဂ် ဋီကာ ဖွင့်ဆိုကာ အပါယ်လားကြောင်း  ကမ္မပထဖြစ်သော ကုက္ကုစ္စကို သောတာပတ္တိမဂ်က ပယ်၍ အပါယ်လားကြောင်း မဟုတ်သော ကုက္ကုစ္စအနံ့ကို အကြွင်းအကျန်မရှိ  အကုန်အစင် အနာဂါမိမဂ်က ပယ်ကြောင်းဆိုသကဲ့သို့ပင် အပါယ်လားကြောင်း ကမ္မပထမြောက် ပိသုဏ၀ါစာကို သောတာပတ္တိမဂ်က ပယ်၍ အပါယ်လားကြောင်း မဟုတ်သည့် သိမ်မွေ့သော သုခုမဒေါသကို အနာဂါမိမဂ်က အကုန်အစင်ပယ်ကြောင်း ယူသင့်သည်ဟု ဆရာအရှင်သူမြတ်တို့ ဆုံးဖြတ်တော်မူကြပါသည်။
***********************************************************************************
(ကာမေသု အမျိုးဆက်လား)
(မေး) အရှင်ဘုရား၊ အချို့သော ယောက်ျားလေးများသည် ကျားကျားလျားလျား မရှိဘဲ မိန်းမစိတ်ပေါက်ကာ မိန်းမလျာ ဖြစ်နေကြပါသည်။ သနပ်ခါးလိမ်း၊ နှုတ်ခမ်းနီ၊ ပါးနီ မိတ်ကပ်ခြယ်သကာ မိန်းမကဲ့သို့ ၀တ်စားပြင်ဆင်၍ သူတို့၏ လက်ရှိဘ၀နှင့် အံမ၀င်ခွင်မကျ ဖြစ်နေရခြင်းမှာ-
(၁) ရှေးရှေးဘ၀က အကုသိုလ်၏အကျိုးဆက်ကြောင့် ဟူသည် မှန်ပါသလား။
(၂) လူအများ ပြောကြသကဲ့သို့ ၄င်းတို့သည် ယခင်ဘ၀များက ကာမေသုမိစ္ဆာစာရကံကို ပြုခဲ့၍ ဟူသည် မှန်ပါသလား။
ဖြေကြားပေးပါရန် လျှောက်ထားပါသည် အရှင်ဘုရား။
(သိန်းလွင်၊ ရေပြားကျေးရွာ-ဖြူးမြို့နယ်)

(ဖြေ)
ယောက်ျားဘ၀၊ ယောက်ျားစစ်စစ် ဖြစ်လျက် ယောက်ျားစိတ်မရှိ၊ မိန်းမစိတ်ပေါက်လျက် စိတ်မမှန်သူ မိန်းမလျာများမှာပြဿနာရှင် ဆိုလိုသကဲ့သို့ ကာမေသုမိစ္ဆာစာရကံ အကုသိုလ် အကျိုးဆက်ကြောင့် ဖြစ်ရသည်ဟု ဆိုလျှင် မမှားပါ။ 
အရှင်အာနန္ဒာလောင်းသည် ပါရမီပြည့်စုံသော ယောက်ျားစင်စစ် ရွှေပန်းတိမ်သည်သား ဖြစ်ရာမှ လူပေါင်းမှား၍ ကာမေသုမိစ္ဆာစာရကံ (အကုသိုလ်)ကို ပြုမှားမိပြီး ထိုဘ၀မှနောက် မဟာရောရုဝငရဲ၌ ကာလနှစ်ပေါင်း သိန်းသောင်းသင်္ချေ အကုဋေမက ခံရပြီးမှ ဆိတ်၊ မျောက်၊ နွားဘ၀တို့၌ ဖြစ်၍ အသင်းခံရ၏။ ထို့နောက် ကျား-မ မဟုတ်၊ ပဏ္ဍုတ် မိန်းမလျာ ဘ၀တို့၌ ဖြစ်ပြန်ရလျက် ယောက်ျားဘ၀ကို ကမ္ဘာများစွာပင် ပြန်မရဘဲ ရှိနေရကြောင်း သံဝေဂ၀တ္ထုဒီပနီ စသည်တို့၌ ပါရှိလေသည်။ ထို့ကြောင့် မိန်းမလျာတို့သည် ကာမေသုမိစ္ဆာစာရကံ၏ အကျိုးဆက် အကျိုးဖျားကို ခံစားနေရသူများ ဖြစ်သည်ဟု ဆိုထိုက်ပါသည်။
***********************************************************************************
(ဘုရားလောင်းများ ငယ်မည်)
(မေး) အရှင်ဘုရား၊ ပွင့်ပြီးကုန်သော နှစ်ကျိပ်ရှစ်ဆူ မြတ်စွာဘုရားများ၏ (ဂေါတမ မြတ်စွာဘုရား၏ သိဒ္ဓတ္တ-ဟူသော အမည်လို) ငယ်မည်များကို နှစ်ကျိပ်ရှစ်ဆူလုံး အစဉ်လိုက် ၁-ကအစ ၂၈-အဆုံး ဖြေကြားပေးတော်မူပါဘုရား။ တပည့်တော်တို့ နှစ်ကျိပ်ရှစ်ဆူ ဘုရားသမိုင်းကို ဘောချပ်တင်၍ လှူဒါန်းလို၍ ဖြစ်ပါသည်ဘုရား။
(ကိုငြိမ်း၊ ကြိမ်ခါးကုန်းရွာ၊ ကျောက်တံခါးမြို့နယ်၊ ပဲခူးတိုင်း)

(ဖြေ)
နှစ်ကျိပ်ရှစ်ဆူဘုရားများ ဗုဒ္ဓ၀င်တွင် ငယ်မည်မပါကြ။ ဒီပင်္ကရာဘုရားမှစ၍ ဘုရားအမည်တော်၊ ကမ္ဘာ၊ ဗောဓိပင်၊ ခမည်းတော်၊ မယ်တော်၊ မိဖုရား၊ သားတော်၊ တောထွက်ရာ၌ ယာဉ်၊ လက်ယာရံ၊ လက်ဝဲရံ၊ ရဟန္တာ၊ ရဟန္တာမ အလုပ်အကျွေး စသည်မျှသာ ပါရှိပါသည်။ များသောအားဖြင့် ဘုရားအမည်တော်တို့မှာ အမည်ရင်း(ငယ်မည်များ) မဟုတ်၊ အနွယ်တော်ဆိုင်ရာ အမည်များသာ ဖြစ်သည်။ ငယ်မည်ကို ဖော်ပြရေးသားလျှင် မရိုသေရာကျသဖြင့် အနွယ်အမည်ကိုသာ အသုံးပြုကြရသည်။ ငါတို့ဘုရားအမည် ဂေါတမဘုရားဟူသည်မှာလည်း ဂေါတမအနွယ်က ဖြစ်လာသဖြင့် ထိုအမည်ဖြင့် ခေါ်ဆိုခြင်း ဖြစ်ပါသည်။ ကဿပအနွယ်မှဖြစ်၍ ကဿပဘုရား၊ ကောဏာဂမန အနွယ်မှ ဖြစ်၍ ကောဏာဂုံဘုရား စသည်တို့ ဖြစ်ပါသည်။

ဘဒ္ဒန္တတိလောကသာရ (ရဝေထွန်း)
(မြတ်မင်္ဂလာ ၂၀၀၀-ပြည့် ဇန်န၀ါရီလ)

No comments: