Friday, April 8, 2011

ပစ္စည်းပျောက်ရင် ဒီမှာရှာ

သင် ဘာပစ္စည်းပျောက်နေသလဲ
ဘယ်နေ့က ပျောက်သလဲပြောပါ။ ရှာဖို့နေရာ ပြောပါမည်။

(၁) တနင်္ဂနွေနေ့တွင် ပစ္စည်းပျောက်ပါက အို-ကြင်-ယာ-ဥဒကေ-ဆိုသည့် စာချိုးအတိုင်း 
အို-တနင်္ဂနွေနေ့၌ ကျွဲ, နွား ဥစ္စာပျောက်သည်ရှိ်သော် 
ကြင်-တနင်္လာမည်သော အရှေ့အရပ်မှတ်ထုတ်၍ 
ယာ-ဗုဒ္ဓဟူးမည်သော တောင်အရပ်ရှိ
ဥဒကေ-ရေအနီး၌ ရှိအံ့။

(၂) တနင်္လာနေ့တွင် ပစ္စည်းပျောက်ပါက ကြာ-ကန်-သူ-၀နေ- ဆိုသည့်အတိုင်း
ကြာ-တနင်္လာနေ့၌ ဥစ္စာပျောက်သော်
ကန်-အရှေ့အရပ်မှ ထုတ်ယူပြီး
သူ-သောကြာခေါ် မြောက်အရပ်ရှိ
ဝနေ-တော်၌ ရှိအံ့။

(၃) အင်္ဂါနေ့တွင် ဥစ္စာပစ္စည်းပျောက်သည်ရှိသော် စိတ်-တူ-၏-ဂူပေ- ဆိုသည့်အတိုင်း
စိတ်-အင်္ဂါနေ့၌ ဥစ္စာပစ္စည်းပျောက်သည်ရှိသော်
တူ-စနေမည်သော အနောက်တောင်အရပ်မှတ်ထုတ်၍
၏-တနင်္ဂနွေမည်သော အရှေ့မြောက်အရပ်ရှိ 
ဂူပေ-လိုဏ်ဂူ ဥမင်တို့၌ ရှိအံ့။


(၄) ဗုဒ္ဓဟူးနေ့တွင် ပစ္စည်းဥစ္စာပျောက်ရှခဲ့ပါက လှ-ဒီ-သာ-ဂါမေ- ဆိုသည့်စာနှင့်အညီ 
လှ-ဗုဒ္ဓဟူးနေ့တွင် ဥစ္စာပစ္စည်းပျောက်ပါက
ဒီ-စနေမည်သော အနောက်တောင်အရပ်မှထုတ်၍
သာ-သောကြာခေါ် မြောက်အရပ်ရှိ
ဂါမေ-ရွာ၌ ရှိအံ့။

(၅) ကြာသပတေးနေ့တွင် ပစ္စည်းဥစ္စာပျောက်သည်ရှိသော် ပျော်-ရွှင်-ရာ-ပဗ္ဗတေ- ဆိုသည့်အတိုင်း 
ပျော်-ကြာသပတေးနေ့ ပစ္စည်းပျောက်ပါက
ရွှင်-ဗုဒ္ဓဟူးမည်သော တောင်အရပ်မှ ထုတ်ပြီး
ရာ-ရာဟုမည်သော အနောက်မြောက်အရပ်ရှိ
ပဗ္ဗတ-တောင်ကုန်းမှာ ရှိအံ့။


(၆) သောကြာနေ့တွင် ပစ္စည်းဥစ္စာ ပျောက်ခဲ့ပါက သင်-တို့-မောင်-မဂ္ဂေ- ဆိုသည့်အတိုင်း
သင်-သောကြာနေ့ ပစ္စည်းပျောက်ပါက
တို့-စနေမည်သော အနောက်တောင်အရပ်မှထုတ်၍ 
မောင်-ကြာသပတေးမည်သော အနောက်ဘက်အရပ်ရှိ
မဂ္ဂေ-လမ်းခရီး၌ ရှိအံ့။


(၇) စနေနေ့တွင် ပစ္စည်းပျောက်ပါက တို့-ဆောင်-ပန်း-အာသန္နေ-ဆိုသည်နှင့်အညီ 
တို့-စနေနေ့၌ ဥစ္စာပျောက်သည်ရှိသော်
ဆောင်-အင်္ဂါမည်သော အရှေ့တောင်အရပ်မှထုတ်၍
ပန်း-ကြာသပတေးမည်သော အနောက်အရပ်ရှိ 
အာသန္နေ-အိမ်ယာအနီး၌ ရှိအံ့။


မင်းဣန္ဒက (ခေတ္တ-စစ်ကိုင်းတောင်တန်း)

No comments: