Thursday, May 5, 2011

မိမိကိုယ်ကို ဂရုစိုက်ပေးခြင်းဖြင့် ခေါင်းကိုက်ခြင်းကို သက်သာအောင် ပြုလုပ်နည်း

လူတိုင်းလိုလို တခါတရံ ခေါင်းကိုက်ခြင်းကို ကြုံဖူးကြပေမည်။ သို့သော် မကြာခဏ ခေါင်းကိုက်ခြင်းမျိုး ဖြစ်နေပါက မိမိ၏ တနေ့တာလုပ်ဆောင်မှုကိ်ု အနှောင့်အယှက်ဖြစ်စေပါသည်။ လွယ်လင့်တကူ ၀ယ်သောက်နိုင်သည့် အကိုက်အခဲပျောက်ဆေးများ ရှိသော်လည်း ဖြစ်နိုင်ပါက ဆေးမသုံးဘဲ ခေါင်းကိုက်မှုသက်သာအောင် လုပ်ဆောင်နိုင်မည့်နည်းတခုမှာ မိမိကိုယ်ကို ကောင်းစွာဂရုစိုက်ပေးခြင်း ဖြစ်ပါသည်။ အောက်ပါအချက်များကို လိုက်နာကျင့်သုံးခြင်းဖြင့် မိမိကိုယ်ကို ဂရုစိုက်ပေးပါ။  

ကျန်းမာရေးနှင့် ညီညွတ်မည့် နေထိုင်စားသောက်မှုစနစ်ကို ရွေးချယ်ကျင့်သုံးပါ။
ဤကဲ့သို့ ကျင့်သုံးပါက ခေါင်းကိုက်ခြင်း ပြင်ထန်းမှုနှင့် ခေါင်ကိုက်သည့် အကြိမ်အရေအတွက်ကိုပါ လျော့ကျစေပါသည်။ အောက်ပါ အခြေခံအချက်များကို ကြိုးစားကျင့်သုံးပါ။
* ကျန်းမာရေးနှင့် ညီအောင် စားသောက်ရန်
အစာကို နပ်မှန်အောင် စားပါ။ အစာလွတ်သွားသည်မှာ မကောင်းပါ။ အထူးသဖြင့် နံနက်စာကို စားဖြစ်အောင် စားပါ။

* ကိုယ်လက်လေ့ကျင့်ခန်း မှန်မှန်လုပ်ရန်
ကိုယ်လက်လေ့ကျင့်ခန်း လှုပ်ရှားမှုများပြုနေစဉ် ခန္ဓာကိုယ်တွင်းမှ ထွက်လာမည့် ဓာတုပစ္စည်း (Chemicals) အချို့သည် ဦးနှောက်မှ လက်ခံမည့် နာကျင်မှုဝေဒနာ ခံစားမှုကို ဖြတ်တောက်ပေးပါသည်။ မိမိဆရာဝန်မှ ခွင့်ပြုလျှင် မိမိနှစ်သက်သည့် မည်သည့်အားကစားတခုခုကိုမဆို ပြုလုပ်နိုင်ပါသည်။ လမ်းလျှောက်ခြင်း၊  စက်ဘီးစီးခြင်း၊ ရေကူးခြင်းများ လုပ်နိုင်လျှင်လည်း ကောင်းပါသည်။ သို့သော် ဖြည်းဖြည်းနှင့် မှန်မှန်စတင်ရန် အရေးကြီးသည်။

* အိပ်ရေး၀၀ အိပ်ရန်
ညအိပ်ရာဝင်ချိန်နှင့် နံနက်အိပ်ရာထချိန်မှာ မှန်မှန် ဖြစ်သင့်သည်။ ရုံးပိတ်ရက်များ၊ အားလပ်ရက်များ  ဖြစ်သည့်တိုင် အချိန်မှန်မှန် အိပ်၊ ထသင့်သည်၊ အိပ်ရာမ၀င်မီ ကိုယ်စိတ်နှစ်ပါးစလုံး လျှော့ထားပါ။ အိပ်ရာတွင်းဝင်ပြီး ၁၅-မိနစ်ခန့်တွင် အိပ်မပျော်သေးပါက ပြန်ထပြီး စာဖတ်ခြင်း သို့မဟုတ်-တခုခုကို  ငိုက်မျဉ်းစေလာမည့် အချိန်ထိ လုပ်ပါ။ ကဖင်း သို့မဟုတ်-စိတ်ကို နိုးကြွစေသည့်ဓာတ်ပါသောဆေးများနှင့် ခေါင်းကိုက်ပျောက်ဆေးအချို့မှာ အိပ်ရေးကို အနှောင့်အယှက် ဖြစ်စေသည်ကို သတိပြုပါ။

* ကဖင်းဓာတ် အများအပြား သုံးစွဲခြင်းကို ရှောင်ရန်
တခါတရံ ကဖင်းဓာတ်က ခေါင်းကိုက်မှုကို ထိန်းပေး၍ သက်သာစေရန် ကူညီပေးပါသည်။ သို့ဖြစ်၍ အချို့သော ခေါင်းကိုက်ပျောက်ဆေးများတွင် ကဖင်းဓာတ်ပါတတ်သည်။ သို့သော် နေ့စဉ် ကဖင်းဓာတ်များစွာ (၆၀၀-မီလီဂရမ်၊ ကော်ဖီ ၄-၇ ခွက်ထိ) သောက်သုံးမည်ဆိုပါက ခေါင်းကိုက်ခြင်း၊ စိတ်ဆတ်ခြင်းများကို ဖြစ်စေပါသည်။


စိတ်ဖိစီးမှုနည်းအောင် မိမိကိုယ်ကို ထိန်းပါ
စိတ်ဖိစီးမှုများခြင်းနှင့်  ခေါင်းကိုက်ခြင်းတွဲလျက် ရှိတတ်ပါသည်။ သို့ဖြစ်၍ အောက်ပါနည်းများဖြင့် စိတ်ဖိစီးမှုနည်းအောင် ကြိုးစားကြည့်ပါ။
* ဘ၀ရှင်သန် ရပ်တည်ရန် ကိစ္စများဆောင်ရွက်ရာ၌ အေးဆေးစွာ လုပ်ဆောင်ရန်
ဥပမာ တရက်တာအတွင်း မနိုင်မနင်းဖြစ်စေမည့် လုပ်ဆောင်မှုများကို ဖျစ်ညှစ်လုပ်ဆောင်မည့်အစား မိမိလုပ်ဆောင်နိုင်မည့် အတိုင်းအတာတခုတွင် အရေးကြီးသည့် ကိစ္စများကို ဦးစားပေးဆောင်ရွက်ရန်။ မလုပ်လျှင်ရသေးသည့် ကိစ္စများကို ခေတ္တထားပြီး နောက်ရက်များတွင် ဆောင်ရွက်ရန်။

* အချိန်ကို ဉာဏ်နှင့်ယှဉ်၍ အသုံးပြုရန်
အိမ်တွင်ဖြစ်စေ၊ လုပ်ငန်းခွင်တွင်ဖြစ်စေ နေ့စဉ် တနေ့တာလုပ်ဆောင်ရမည့်ကိစ္စများကို ကြိုတင်သံုးသပ်၍ ကိုယ်စားလုပ်နိုင်သည့်ကိစ္စဖြစ်က အခြားသူကို လုပ်ဆောင်စေရန်၊ လုပ်ငန်းစီမံချက်အကြီးစားများကို ကိုင်တွယ်နေသူဖြစ်က ခွဲခြမ်းစိတ်ဖြာ၍ စီမံလုပ်ဆောင်နိုင်မည့် အခြေအနေအတွင်း တဆင့်ပြီးမှတဆင့် လုပ်ဆောင်ရန်။

* ခေတ္တအနားယူချိန်ပေးရန်
အလုပ်လုပ်ချိန်တွင် ပင်ပန်းနွမ်းနယ်လာသည်ဟု ထင်ပါက ခေတ္တနား၍ ဖြည်းဖြည်းအကြောဆန့်ပေးခြင်း သို့မဟုတ်-ခပ်သွက်သွက် လမ်းလျှောက်ပေးခြင်းကို အချိန်အနည်းငယ်မျှ လုပ်ပေးခြင်းဖြင့် မိမိ၏ လုပ်နိုင်စွမ်းအင်ကို ပြန်လည်အားဖြည့်ရန်။

* မိမိ၏ ခံယူချက်စရိုက်ကို ထိန်းညှိရန်
အကောင်းဘက်မှ ကြည့်တတ်သည့်စိတ်ကို မွေးရန်။
ဥပမာ-ကိစ္စတခုကို စွမ်းဆောင်ရန် မဖြစ်နိုင်ဟု တွေးမည့်အစား ဤကိစ္စမှာ အတော်လေးခက်ခဲသော်လည်း အဆင်ပြေအောင် လုပ်နိုင်မည်ဟု တွေးရန်။

* မလုပ်နိုင်သည့်ကိစ္စကို ထားလိုက်ရန်
မိမိ မထိန်းနိုင်၊ မလုပ်နိုင်သည့်ကိစ္စတရပ်အတွက် စိတ်သောက မရောက်ပါစေနှင့်၊ ဤအတိုင်း လျစ်လှူရှုလိုက်ပါ။

ကြွက်သားများ တောင့်တင်းမှုကို လျှော့ချပါ---
ပခုံး၊ လည်ပင်းကြွက်သားများ တောင့်တင်းနေခြင်းသည် ခေါင်းကိုက်မှုကို အစပျိုးပေးနိုင်ပါသည်။ သို့ဖြစ်၍ ကြွက်သားများ တောင့်တင်းသည်ဟုထင်ပါက အပူ သို့မဟုတ်-အအေးကို ပခုံး သို့မဟုတ်  ဇက်ပေါ် တင်ပေးနိုင်ပါသည်။ ရေနွေးအိတ် သို့မဟုတ်-ပုလင်း သို့မဟုတ်-ရေနွေးဖတ် အသုံးပြု၍ သို့မဟုတ်-ရေနွေးနွေးဖြင့် ရေချိုးခြင်း ပြုလုပ်နိုင်ပါသည်။ အအေးသုံးမည်ဆိုပါက ရေခဲတုံးများကို ပလတ်စတစ် အိတ်တွင်းထည့်၍ ပ၀ါဖြင့်ထုပ်ကာ အသုံးပြုနိုင်ပါသည်။

နည်းသယ်၊ ခေါင်းခွံ၊ ဇက်နှင့် ပခုံးကို ကိုယ်တိုင် သို့မဟုတ်-အခြားသူတဦးအား အကူအညီတောင်း၍ နှိပ်ပေးခြင်းဖြင့် အကြောလျော့စေပါသည်။

ကိုယ်စိတ်နှစ်ပါး လျှော့ပြီး အနားယူပါ---
တနေ့တာ အလုပ်လုပ်ပြီးချိန်တွင် ကိုယ်စိတ်လျှော့ချနိုင်ရန် အချိန်ပေးပါ။ အသက်ပြင်းပြင်းရှူသည့် လေ့ကျင့်ခန်းကို ကြိုးစားလုပ်ကြည့်ပါ။ ပက်လက်လှန် အိပ်လျက် အနေအထားဖြစ်စေ၊ ထိုင်လျက်အနေအထား ဖြစ်စေ လက်နှစ်ဖက်ကို ၀မ်းဗိုက်နှင့် ရင်ဘတ်ပေါ်တွင်ထားပြီး ၀င်သက်၊ ထွက်သက်ပြုစဉ် ရင်ဘတ်နှင့် ၀မ်းဗိုက်ဖောင်းခြင်း၊ ပိန်ခြင်းကို တရားမှတ်သကဲ့သို့ မှတ်ပြီး ၁၀-ကြိမ်ခန့်ပြုပါ။ ဤသို့ပြုခြင်းကလည်း ကြွက်သားတောင့်တင်းခြင်းကို လျော့စေပါသည်။ ပြီးက ၂-၃ မိနစ်ခန့် ငြိမ်ငြိမ်လေးထိုင်ပါ။

ခေါင်းကိုက်မှုကို နေ့စဉ် မှတ်တမ်းလုပ်ထားပါ---
နေ့စဉ် မှတ်တမ်းရေးခြင်းဖြင့် မည်သည့်အကြောင်းအရာက မိမိ၏ ခေါင်းကိုက်ခြင်းကို အစပြုသည်ကိုသိရန် အထောက်အကူပြုပါသည်။ ခေါင်းစကိုက်သည်နှင့် စတင်မှတ်သားရန်၊ ထိုအချိန်တွင် မိမိဘာလုပ်နေသည်၊ အချိန်မည်မျှကြာသည်၊ မည်သည့်နည်းဖြင့် သက်သာသွားသည် စသဖြင့် ရေးမှတ်ထားပါ။ ထိုသို့ ရေးထားခြင်းဖြင့် မိမိ နေ့စဉ် လှုပ်ရှားနေရခိုက် ခေါင်းကိုက်မှုကို အစပြုပေးသော အခြေအနေပုံစံကို သတိထားမိပေမည်။ ထို့ပြင် ပြောင်းလဲပြီးသည့်နောက် မည်သို့ အကျိုးကျေးဇူးရရှိလာသည်ကို မှတ်သားထားသင့်ပါသည်။

ရှန်ရှန် (ဂျီပီ)
(အာရောဂျံ မဂ္ဂဇင်း ၂၀၀၈-ခု ဇန်န၀ါရီလ)

No comments: