Thursday, May 19, 2011

စကားခြောက်မျိုး

၁။ အဘူတံ အတစ္ဆံ အနတ္ထသံဟိတံ - သာစ ပရေသံ အပ္ပိယာ အမနာပါ။
    မဟုတ်မမှန် အကျိုးမရှိ - သူတပါးတို့လည်း မနှစ်သက်သော စကားတမျိုး။
၂။ ဘူတံ တစ္ဆံ အနတ္ထသံဟိတံ - သာစ ပရေသံ အပ္ပိယာ အမနာပါ။
    ဟုတ်မှန်သော်လည်း အကျိုးမရှိ - သူတပါးတို့လည်း မနှစ်သက်သော စကားတမျိုး။
၃။ ဘူတံ တစ္ဆံ အတ္ထသံဟိတံ - သာစ ပရေသံ အပ္ပိယာ အမနာပါ။
    ဟုတ်မှန် အကျိုးရှိသော်လည်း သူတပါးတို့ကမူ မနှစ်သက်သော စကားတမျိုး။
၎။ အဘူတံ အတစ္ဆံ အနတ္တ္ထသံဟိတံ - သာစ ပရေသံ ပိယာ မနာပါ။
    မဟုတ်မမှန် အကျိုးမရှိ - သူတပါးတို့ နှစ်သက်သော စကားတမျိုး။
၅။ ဘူတံ တစ္ဆံ အနတ္ထသံဟိတံ - သာစ ပရေသံ ပိယာ မနာပါ။
    ဟုတ်မှန်သော်လည်း အကျိုးမရှိ - သူတပါးတို့ နှစ်သက်သော စကားတမျိုး။
၆။ ဘူတံ တစ္ဆံ အတ္ထသံဟိတံ - သာစ ပရေသံ ပိယာ မနာပါ။
    ဟုတ်မှန် အကျိုးရှိ - သူတပါးတို့လည်း နှစ်သက်သော စကားတမျိုး။
   ( စကားခြောက်ခွန်း၊ လူ၌ထွန်း၊ လေးခွန်းကိုပယ်၊ နှစ်ခွန်းတွယ်) ဆိုသည့်အတိုင်း မြတ်ဗုဒ္ဓသည် ၃ နှင့် ၆ -ကိုသာ ပြောတော်မူသည်။ 
( မဇ္ဈိမပဏ္ဏာသ အဘယရာဇကုမာရသုတ် ပဏ်-၂-၅၇) 


စကားအရာ အင်္ဂါလေးတန်---
၁။ သုဘာသိတ-ကောင်းသောစကားကိုသာ ပြောဆိုရာ၏။
                   ဆိုးဝါး ကြမ်းတမ်းသောစကားကို မပြောဆိုရာ။
၂။ ဓမ္မ-တရားနှင့်လျော်သော စကားကိုသာ ပြောဆိုရာ၏။
                   တရားမဲ့သောစကား စည်းကမ်းမဲ့သောစကားကို မပြောဆိုရာ။
၃။ ပီယ-ချစ်ဖွယ်သောစကားကိုသာ ပြောဆိုရာ၏။
                   ရွံမုန်းဖွယ်စကားကို မပြောဆိုရာ။
၎။ သစ္စာ-မှန်သောစကားကိုသာ ပြောဆိုရာ၏။
                   မဟုတ်မမှန် လုပ်ကြံမပြောဆိုရာ၊ နားစွန်းနားဖျား သူများစကားဖြင့် 
                   ဟုတ်သယောင် ချဲ့ထွင်မပြောရာ။
( သဂါထာဝဂ္ဂသံယုတ် သုဘာသိတသုတ် နှာ-၁၉၀) 
* ဘ၀န္တဂု, သုံးလူ့ထွတ်ချာ, စောမြတ်စွာလည်း, သုဘာသိတ, ဓမ္မစသား, ပီယ သစ္စာ, ကျိုးနပ်ရာဟု, အင်္ဂါလေးတန်, ဟောမိန့်ညွှန်၏။ ( မဃဒေ၀လင်္ကာသစ်) 


စကားပြောရာ အချိန်အခါစသည် ၅-မျိုး ---
၁။ ကာလ-ပြောသင့်ရာ အခါမှသာ ပြောဆိုရာ၏။ 
             အချိန်အခါမဟုတ် အချိန်အခါ မသင့်တော်လျှင် မပြောဆိုရာ။
၂။ သစ္စာ-အမှန်ကိုသာ ပြောဆိုရာ၏။
၃။ သဏှ-နူးညံ့သောစကားကိုသာ ပြောဆိုရာ၏။
            ခက်ထန် ရင့်သီးသောစကားကို မပြောဆိုရာ။
၎။ အတ္ထသံဟိတ-အကျိုးစီးပွားဖြစ်မည့် စကားကိုသာ ပြောဆိုရာ၏။
            သူတပါးအကျိုးယုတ်စေသော စကားကို မပြောဆိုရာ။
၅။ မေတ္တာစိတ္တ-မေတ္တာရှေ့ထား၍ ပြောဆိုရာ၏။
            မိမိပြောဆိုသောစကားဖြင့် သူတပါးအကျိုးယုတ်စေရန် ဒေါသ မောင်းတင်၍ ပြောဆိုခြင်း 
            မပြုရာ။ ( အံ-၅-၀ါစာသုတ် ၂၁၃)


No comments: