Monday, June 6, 2011

စူပါစတား အာဟာရဓာတ် ကယ်(လ်)စီယမ်

လူ့ခန္ဓာကိုယ်အတွင်းမှ မည်သည့်အင်္ဂါမဆို ကယ်(လ်)စီယမ်ဓာတ်နဲ့ မကင်းနိုင်ပါ။ သို့သော် လူအတော် များများမှာ ယင်းဓာတ်ကို ခန္ဓာကိုယ်အတွက် လုံလောက်စွာ သိမ်းဆည်း သိုမှီး၍ မထားနိုင်ကြ။

ကယ်လ်စီယမ်ဓာတ်မှာ ခန္ဓာကိုယ်အတွင်း အပေါများဆုံး သတ္ထုဒြပ်စင်တခုဖြစ်ကာ အချိန်ကာလကြာမြင့်စွာ ကပင် ခန္ဓာကိုယ်၏ သန်မာသောအရိုးများ၊ သွားများ၏ ခိုင်ခန့်မှုနှင့် ဖွဲ့စည်းမှုတို့အတွက် အဓိကအရေး ပါကြောင်း သတ်မှတ်ခဲ့ပေသည်။ သို့သော် အရိုးများ ဖြစ်ပေါ်ဖွဲ့စည်းမှုတွင် ကယ်လ်စီယမ်ဓာတ်၏ အရေးပါပုံမှာ အဆုံးမဟုတ်ဘဲ အစမျှသာ ရှိပေသေးသည်။ တကယ်တော့ အရိုးများက ကယ်လ်စီယမ်ဓာတ်များ သိုမှီးထားရာ နေရာကြီးတခုအဖြစ် ဆောင်ရွက်နေခဲ့ပြီး ခန္ဓာကိုယ်က လိုအပ်လျှင် အရိုးများမှ ဆွဲယူ သုံးစွဲနိုင်၏။ လူ့ခန္ဓာကိုယ်ကြီးတွင်လည်း အစားအစာကဲ့သို့သော ပြင်ပအရာများမှ ကယ်လ်စီယမ်ဓာတ်ကို ရရှိနိုင်အောင် ဖန်တီးထားသော ဖြစ်စဉ်များ တည်ရှိပေသည်။

အထက်ဖော်ပြပါ ဖြစ်စဉ်နှဏ်ခုအနက် ခန္ဓာကိုယ်မှ ကယ်လ်စီယမ်ဓာတ်ကို စုပ်ယူသုံးစွဲနိုင်မှုကို လှုံ့ဆော်ပေးနိုင်သော အဓိကအရာမှာ ဗိုက်တာမင်(ဒီ) ဓာတ်ပင်ဖြစ်တော့သည်။ 

အာရှတိုက်တလွှား ကယ်လ်စီယမ်ဓာတ် မည်၍မည်မျှ နေ့စဉ် စားသုံးသင့်သည်ဟူသော အချက်မှာ ကွဲပြား ခြားနားမှုရှိ၏။ စင်ကာပူနိုင်ငံတွင် အရွယ်ရောက်သူများအား နေ့စဉ် ကယ်လ်စီယမ် (၅၀၀)မီလီဂရမ် စားသုံးရန် အကြံပြုထား၏။ ထိုင်ဝမ်တွင် (၆၀၀)မီလီဂရမ်၊ မလေးရှားတွင် (၄၅၀)မီလီဂရမ် စသည်ဖြင့် နေ့စဉ်စားသုံးရန် သတ်မှတ်ထားရှိပါသည်။ ယခုတိုင် ကမ္ဘာတလွှားမှ ကျွမ်းကျင်ပညာရှင်များက ကယ်လ်စီယမ်မှာ အရေးကြီးသော အာဟာရဓာတ်တခုအဖြစ် သဘောတူလက်ခံထားကြဆဲ ဖြစ်၏။ လူ့ခန္ဓာကိုယ်က လုံလောက်သော ကယ်လ်စီယမ်ဓာတ်ကို အစားအသောက်မှ မရရှိခဲ့ပါက ပါရာသိုင်းရွိုက် အကျိတ် ၄-မှ ထုတ်လုပ်သော ပါရာသိုင်းရွိုက်ဟော်မုန်းနှင့် ဗိုက်တာမင်(ဒီ)ဓာတ်တို့က အရိုးများအတွင်း သိမ်းဆည်းထားသည့် ကယ်လ်စီယမ်ဓာတ်များကို ထုတ်ပေးရန် အချက်ပြလိုက်တော့၏။ အကယ်၍ တစုံတယောက်မှာ ကယ်လ်စီယမ် (သို့မဟုတ်) ဗိုက်တာမင်(ဒီ)ဓာတ် ကြာမြင့်စွာ ချို့တဲ့နေခဲ့သည်ဆိုပါက အရိုးများမှ တဖြည်းဖြည်း ချိနဲ့အားနည်းလာပေမည်။

မကြာသေးခင်ကမှ ပြုလုပ်ပြီးစီးခဲ့သော သုတေသနပြုချက်များအရ ကယ်လ်စီယမ်ဓာတ်မှာ ကျန်းမာရေး ပြဿနာကြီး ၃-ရပ်အပေါ်၌ အလွန်ထိရောက်စွာ လွှမ်းမိုးမှုရှိနိုင်ကြောင်း အကြံပြုခဲ့ကြပါသည်။

သွေးတိုေးရာဂါ (High blood pressure)
လူတယောက်၏ သွေးပေါင်ချိန်ကို လွှမ်းမိုးထားသောအချက် များစွာရှိသည့်အနက် မျိုးရိုးဗီဇ၊ ကိုယ်အလေးချိန်၊ ကာယလေ့ကျင့်ခန်းများနှင့် တချို့လူနာများအဖို့ အငံစားသုံးသော ပမာဏ စသည့်အချက်များက အရေးပါလှသည်။ ၁၉၈၀-ခုနှစ် စောစောပိုင်းကပင် စတင်ခဲ့သော သုတေသနပြု လေ့လာချက်များအရဆိုလျှင် ကယ်လ်စီယမ်ဓာတ်-ကလည်း သွေးပေါင်ချိန်အပေါ်၌ သက်ရောက်မှု ရှိသည်ကို တွေ့ကြရ၏။

တချို့လူများ၌ ကယ်လ်စီယမ်ဓာတ်ကို သာမန်ထက် လျော့နည်းစွာ စားသုံးခြင်းကြောင့် သွေးတိုးရောဂါ ပိုမိုဖြစ်ပွားကြောင်း တွေ့ရှိရပါသည်။ ၁၉၉၄-ခုနှစ် ဟောင်ကောင်အစိုးရ၏ ထုတ်ပြန်ချက်တရပ်တွင် ပြင်ပလူနာအဖြစ် လာရောက်ပြသသော ရောဂါများအနက် သွေးတိုးရောဂါမှာ ကုသမှုအပေးရဆုံး ရောဂါ ဖြစ်နေ၏။ ဟောင်ကောင်မြို့၊ တရုတ်ယူနီဗာစီတီမှ အစာအာဟာရသိပ္ပံပညာရှင်  Georgia Guldan-၏ ယူဆချက်မှာ တရုတ်ဟင်းလျာများအထဲတွင် အငံဓာတ် (ဆား)များကို ပိုမိုပါဝင်မှုက သွေးတိုးရောဂါ ဖြစ်ရခြင်း၏ အကြောင်းရင်းတရပ် ဖြစ်ယုံမျှမက ကယ်လ်စီယမ်ဓာတ်ကို လျော့နည်းစားသုံးခြင်းကလည်း ဆက်နွယ်နေသော အကြောင်းရင်းတရပ်ဖြစ်နိုင်သည်ဟူ၍ပင်။ သွေးတိုးရောဂါ ဖြစ်တဲ့သူတိုင်းကို ကယ်လ်စီယမ်ဓာတ် လျော့နည်းစားသုံးတာကြောင့်လို့ ပြောလို့မရပေမယ့်လို့ တချို့လူနာ အတော်များများမှာ ဒီနှစ်ခုဟာ ဆက်စပ်မှုရှိတာတော့ အမှန်ပဲ-လို့ သူကဆိုခဲ့သည်။

သာမန်အားဖြင့် အသက်အရွယ်ကြီးရင့်လာချိန်တွင် သွေးပေါင်ချိန် မြင့်တက်လာတတ်သော အခြေအနေကို ကယ်လ်စီယမ်ဓာတ် လျော့နည်းလာခြင်းက ပိုမိုအားပေးသကဲ့သို့ ဖြစ်တတ်ပေသည်။

၁၉၉၇-ခုနှစ်တွင် အမေရိကန်နိုင်ငံမှ ကျယ်ကျယ်ပြန့်ပြန့် သုတေသနပြု စမ်းသပ်ချက်တခုအရ သွေးပေါင်ချိန် သာမန် သို့မဟုတ်-မြင့်တက်နေသော အရွယ်ရောက်သူများနှင့် သွေးတိုးရောဂါ အတန်အတင့်ရှိသူများ၏ သွေးပေါင်ချိန်ကို အဆီဓာတ်လျော့နည်းသော နို့ထွက်ပစ္စည်း အစားအစာများ နေ့စဉ် ကယ်လ်စီယမ်ဓာတ် ၁,၂၀၀ မီလီဂရမ်အထိ ပါဝင်သော သစ်သီးနှင့် ဟင်းသီးဟင်းရွက်များ စားသုံးခြင်းက သိသိသာသာကြီး လျော့နည်းကျဆင်းစေခြင်းပင် ဖြစ်တော့၏။

 ထို့ကြောင့် တချို့ပညာရှင်များက သွေးတိုးရောဂါကို ကုသရာတွင် ဆား(အငံ)ပါသော အစားအစာများကို လျော့စားသည်ထက် ကယ်လ်စီဝမ် ပြည်ဝသော အစားအစာများကို စားသုံးခြင်းက ပိုမိုထိရောက်မှု ရှိနိုင်ကြောင်း အမြင်ပြောင်းလဲလာခဲ့ကြပါသည်။

ဒေါက်တာ Guldan -က အာရှတိုက်မှ မြို့ပြနေ ကလေးငယ် အများစုမှာ အာဟာရဓာတ်ပြည်ဝမှု မရှိသော အစားအစာများကို စားသောက်နေကြကြောင်း၊ ဟောင်ကောင်တွင် အသက် ၁၀-နှစ်မှ ၁၂-နှစ်အရွယ် ကလေးလူဦးရေ၏ ထက်ဝက်မှာ ကယ်လ်စီယမ်ဓာတ်ကို လုံလောက်စွာမရရှိကြကြောင်း လေ့လာတွေ့ရှိ ခဲ့ရ၏။ ထို့အပြင် တခြားဖြည့်စွက်ရန် အချက်အရပ်မှာ ကာယလေ့ကျင့်ခန်းများကိုလည်း မှန်ကန် လုံလောက်စွာ မလုပ်ကြခြင်းလည်း ပါသည်။

ဒေါက်တာ Guldan-က ဆက်လက်၍ ရှင်းပြသည်မှာ လူတဦး၏ တသက်တာလုံးတွင် သူ၏အရိုးများအတွင်း၌ တပြိုင်နက်ဖြစ်ပေါ်နေသော ဖြစ်စဉ်ကြီးနှစ်ခု ရှိကြောင်း ယင်းဖြစ်စဉ်နှစ်ခုမှာ အရိုးများ ဖြစ်ထွန်း တည်ဆောက်ခြင်းနှင့် အရိုးများ ပျက်ယွင်းနေမှုတို့ဖြစ်ကြောင်း၊ ကာယလေ့ကျင်ခန်းများ မှန်မှန် မပြုလုပ်ခြင်းက  အရိုးများဖြစ်ထွန်းတည်ဆောက်နေမှု  ဖြစ်စဉ်ကို နှေးကွေးစေနိုင်ကြောင်း၊ ထို့ကြောင့် မိဘများက မိမိတို့၏ သားသမီးများကို ကယ်လ်စီယမ်ဓာတ်ပြည့်ဝသော အစားအသောက်များ ဖြစ်သည့် ပဲအမျိုးမျိုးနဲ့ စိမ်းလန်းသော ဟင်းသီးဟင်းရွက်များကို ပိုမိုစားသုံးကြရန် တိုက်တွန်းရုံတင်မကပဲ ကာယလေ့ကျင့်ခန်းများကိုလည်း မှန်မှန်ပြုလုပ်ကြရန် တိုက်တွန်းဖို့ လိုအပ်ကြောင်း ဒေါက်တာ Guldan-က ရှင်းပြခဲ့ပါသည်။

ကင်ဆာ (Cancer)
ခန္ဓာကိုယ်အတွင်းရှိ တစ်သျူးများမှာ အပေါ်ယံအရေပြား အလွှာကို ဖွဲ့စည်းထားသော epithelial ဆဲလ်များကဲ့သို့သော ဆဲလ်များဖြင့်အနားသတ်တလျှောက် ဖွဲ့စည်းတည်ဆောက်ထား၏။ ယင်းဆဲလ်များက  အသစ်ပေါက်ဖွားလာခြင်း၊ ရင့်ရော်လာခြင်း၊ ရွေ့လျောကွာကျသွားခြင်း၊ ယင်းနေရာများ၌ ဆဲလ်အသစ်များက အစားထိုးဝင်ရောက်လာခြင်း စသည်ဖြင့် သံသရာလည်နေ၏။ ခန္ဓာကိုယ်အတွင်း အူမကြီးနံရံ တလျှောက်ရှိ ယင်း epithelial ဆဲလ်များ ပွားများလာမှုနှင့် အူမကြီး ကင်ဆာဖြစ်မှုကို ဆက်စပ်၍ ပြသလာကြပါသည်။

လေ့လာချက်များအရ အဆီဓာတ်များစွာပါသော အစားအစာများနှင့် အူမကြီးကင်ဆာရောဂါ ဆက်စပ်မှုကို တွေ့ရှိကြရပါသည်။ သီအိုရီတခုမှာ အဆီဓာတ်များနှင့် သည်းခြေရည်အက်ဆစ်ဓာတ်များက ဆဲလ်များကို ထိခိုက်ပျက်စီးစေကာ သာမန်မဟုတ်သော ဆဲလ်များ တိုးပွားလာစေမှုကို လှုံ့ဆော်သည်ဟု ဆိုပါသည်။

ယမန်နှစ်က နယူးရော့ခ် St Luke's Roosevelt ဆေးရုံကြီးမှ အူနှင်အစာလမ်းကြောင်းဆိုင်ရာ ဌာနမှူး Peter Holt က အမေရိကန်ဆရာဝန်များအသင်း  ဂျာနယ်တွင် အစီရင်ခံ ဖော်ပြခဲ့သည်မှာ အူမကြီးအတွင်း polyp ခေါ် အသားပိုတခုအား ခွဲစိတ်ကုသမှု ခံယူရန်ရှိသည့် အရွယ်ရောက် လူနာ ၇၀-တို့အား လေ့လာ သုတေသနပြုလုပ်ခဲ့ရာ ယင်းလူနာများက အဆီဓာတ်လျော့နည်း၍ ကယ်လ်စီယမ်ဓာတ် ၁,၅၀၀ မီလီဂရမ်အထိ ပါဝင်သော နို့ထွက်အစားအသောက်များကို စားသုံးခြင်းကြောင့် အူမကြီးအတွင်း သာမန်မဟုတ်သော ဆဲလ်များ ပွားများလာမှုကို ဟန့်တားပေးကြောင်း လေ့လာတွေ့ရှိခဲ့ရပါသည်။ (ယင်း အူမကြီးအတွင်းရှိ polyp အသားပိုများမှာ အူမကြီးကင်ဆာအဆင့်သို့ ပြောင်းလဲသွားတတ်ပါသည်)

ရာသီသွေးမပေါ်မီ ဖြစ်ပေါ်သော ဝေဒနာစု (PMS)
အမျိုးသမီးဦးရေ၏ ၄၀-ရာခိုင်နှုန်းမှာ PMS ခေါ် ရာသီသွေးမပေါ်မီ ဖြစ်ပေါ်တတ်သော ဝေဒနာတချို့ကို ခံစားရလေ့ရှိပါသည်။ ယင်းတို့မှာ စိတ်အနေအထားများ ပြောင်းလဲမှုရှိခြင်း၊ မျက်နှာ, ခြေ, လက်များ ရောင်တတ်ခြင်း၊ သရေစာများ မကြာခဏ စားလိုစိတ်ရှိခြင်းနှင့် နာကျင်မှုဝေဒနာများ ဖြစ်ကြပါသည်။ ယင်းကဲ့သို့ ဖြစ်ရခြင်း အကြောင်းရင်းများအနက် ကယ်လ်စီယမ်ဓာတ်ကို တာရှည်စွာ အလုံအလောက် မရရှိမှုကြောင့်ဟု St Luke's Roosevelt ဆေးရုံကြီးမှ ဆေးညွှန်ကြားရေးမှူး Thys-jacobs က ယုံကြည်ယူဆခဲ့ပါသည်။

Thys-jacobs နှင့် တခြား ဆေးသုတေသနဌာနကြီး ၁၁-ခုတို့ အတူပူးပေါင်း၍ PMS ဝေဒနာခံစားနေကြ ရသော အမျိုးသမီး ၄၆၆-ယောက်အား ကယ်လိစီယမ်များကျွေး၍ စမ်းသပ်ကြည့်ရှုခဲ့ရာ လစဉ် သူတို့ခံစားနေကြရသော ဝေဒနာများမှ သက်သာမှုရှိကြောင်း လေ့လာတွေ့ရှိရပေသည်။ ထိုစမ်းသပ်မှုတွင် ပါဝင်သော အမျိုးသမီးများက နေ့စဉ် ကယ်လ်စီယမ် ၁,၂၀၀ မီလီဂရမ် စားသုံးပါက သူတို့၏ယေဝဒနာများ ၄၈-ရာခိုင်နှုန်းအထိ သက်သာပျော်ကင်းကြောင်း တွေ့ရှိရ၏။ ကယ်လ်စီယမ်မပေးဘဲ စမ်းသပ်သော သီးခြား အုပ်စုတွင် ၃၀-ရာခိုင်နှုန်းသာ သက်သာသည်ကို နှိုင်းယှဉ်တွေ့ရှိရ၏။ ကယ်လ်စီယမ် သောက်သုံးနေသူ လေးယောက်အနက် တယောက်တွင် နာကျင်ကိုက်ခဲမှုများ ၅၄-ရာခိုင်နှုန်းအထိ လျော့နည်းကျဆင်းသွားပြီး ကယ်လ်စီယမ် မစားသူ အုပ်စုတွင်မူ ၁၅-ရာခိုင်နှုန်းအထိ တိုးပွားလာကြောင်း စမ်းသပ်တွေ့ရှိရ၏။ Thys-jacods-က PMS ဝေဒနယ ခံစားနေရသူ အမျိုးသမီးများ၏ သွေးနှင့်ဆေးတွင် ကယ်လ်စီယမ်ဓာတ် ပမာဏ သာမန်အတိုင်းရှိကောင်း ရှိနိုင်သည်။ သို့သော် ပါရသိုင်းရွိုက်အကျိတ်၏ ဟော်မုန်းဓာတ်များ လွန်စွာမြင့်မားမှုက အရိုးများမှ ကယ်လ်စီယမ်ဓာတ်ကို စဉ်ဆက်မပြတ် ထပ်မံ ဖြည့်စွက်လိုက်သော အကြောင်းတရပ်ကိုလည်း Thys-jacods-ကပြောပြခဲ့သေးသည်။ ယင်းမှာ နေရောင်နဲ့ ထိတွ့လိုက်တာနဲ့ ဗိုက်တာမင်(စီ)ဓာတ် ၈၀-ရာခိုင်နှုန်းလောက် လူ့ခန္ဓာကိုယ်ရဲ့ အရေပြားထဲမှာ ထုတ်လုပ်ကောင်း ထုတ်လုပ်နိုင်ပါလိမ့်မယ်။ ဒါပေမဲ့ အမျိုးသမီး အတောများများဟာ နေရောင်ကို ရှောင်လေ့ရှိတတ်ကြတာမို့ သူတို့ရဲ့ ဗိုက်တာမင်(ဒီ)ပမာဏက သာမန်ထက် အများကြီး လျော့နည်းနိမ့်ကျနေပါလိမ့်မယ်-ဟူ၍ ဖြစ်ပါသည်။

ကယ်လ်စီယမ်ဓာတ် ပြည့်ဝသော အစားအသောက်များ-
၁။ သဘာဝအဆီ အနည်းငယ်သာ ပါဝင်သော ဒိန်ချဉ်-ပမာဏ ၂၀၀-ဂရမ်, ကယ်လ်စီယမ်(mg) ၄၂၀-မီလီဂရမ်။
၂။ ငါးသောတ္တာ(ဗူး), ၁၀၀-ဂရမ်, ၃၈၀-မီလီဂရမ်။
၃။ နို့ (အဆီနှုတ်ပြီး), လက်ဖက်ရည်ခွက် တခွက်စာ, ၃၂၀-မီလီဂရမ်။
၎။ တရုတ်ဂေါ်ဖီ, ၁၀၀-ဂရမ်, ၂၄၀-မီလီဂရမ်။
၅။ ပဲဒိန်, ၁၀-ဂရမ်, ၁၅၀-မီလီဂရမ်။
၆။ ချီဒါ(ဒိန်ခဲ), ၁၀-ဂရမ်, ၂၃၃-မီလီဂရမ်။
၇။ တောင်ကြာကလေး, ၁၀၀-ဂရမ်, ၁၁၄-မီလီဂရမ်။
၈။ တရုတ်ဂေါ်ဖီထုပ်, ၁၀၀-ဂရမ်, ၁၀၂-မီလီဂရမ်။
၉။ လိမ္မော်သီး, ၁-လုံး, ၇၀-မီလီဂရမ်။
၁၀။ ဒေါက်ခွရွက်, ၁၀၀-ဂရမ်, ၆၀-မီလီဂရမ်။

ဒေါက်တာဇော်သန်း
(Ref;The Superstar Nutrient by jane Brody Slogan, Reader's Digest, June, 1999.

No comments: