Sunday, June 19, 2011

အချိန်ကုန် ငွေကုန် သက်သာစေဖို့

မျက်မှန်တွေကို ဘယ်လိုအကောင်းဆုံး တိုက်မလဲ---
အဝတ်ဟောင်းတစပေါ်မှာ သွားတိုက်ဆေး နည်းနည်းတင်လိုက်ပြီး မှန်မျက်နှာပြင်ကို ညင်သာစွာ ပွတ်တိုက်ပါ။ ပြီးလျှင် ရေဖြင့် စင်ကြယ်စွာဆေးပါ။ ကပ်နေတဲ့ ဖုန်အမှိုက်တွေနဲ့ ဆီချေးတွေ စင်သွားပါလိမ့်မယ်။ 


လက်ဝတ်ရတနာတွေ အမြဲတောက်ပနေစေဖို့---
လက်ဝတ်ရတနာထည့်ထားတဲ့ ဘူးလေးတွေထဲမှာ မြေဖြူခဲတတောင့်လောက်စီ ထည့်ထားပါ။ သင့်ရဲ့ လက်ဝတ်ရတနာတွေကိ်ု တောက်ပအောင်ပွတ်တိုက်နေစရာမလိုဘဲ အမြဲတမ်း လင်းလက်နေပါလိမ့်မယ်။

ပင်မှည့်သီးတွေ မြန်မြန်မှည့်အောင်---
ပင်မှည့်သီးတွေကို မမှည့်သေးဘဲစားရင် အင်မတန်မှ ချဉ်ပါတယ်။ မြန်မြန်မှည့်စေချင်ရင် အဲဒီ ပင်မှည့်သီးအစိမ်းတွေကို ပန်းသီးနီတွေနဲ့ရောပြီး စက္ကူအိတ်တအိတ်မှာထည့်၊ ပြီးရင် လုံအောင်ပိတ်ပြီး ရေခဲသတ္တာထဲကိုထည့်ထားလိုက်ပါ။ ပင်မှည့်သီးတွေ ချက်ချင်းမှည့်သွားပါလိမ့်မယ်။


ဆန် ပိုးမတက်အောင်---
ဆန်တွေကို နှစ်လ-သုံးလစာလောက် အိမ်မှာ ဝယ်လှောင်ထားမယ်ဆိုရင် မီးသွေးခဲတခဲကို ဆန်ပုံးထဲမှာ ထည့်ထားပါ။ ဆန်ပိုးတွေ မလာတော့ပါဘူး။


ခြင်ဆိုးတွေ မရှိအောင်---
သင့်ရဲ့အိမ်ဝင်းအတွင်းရှိ ရေပန်းတွေ၊ တခြားရေသေရှိတဲ့ နေရာတွေဟာ ခြင်တွေပေါက်ပွားဖို့အတွက် အကောင်းဆုံးနေရာတွေ ဖြစ်နေပါတယ်။ သက်သက်သာသာနဲ့ လွယ်လွယ်ကူကူ ဒီခြင်တွေကို နှိမ်နင်းချင်ရင် ဒီနေရာတွေမှာ ဆားတွေ ဖြူးထားလိုက်ပါ။


မူလအရောင် ပြန်ရအောင်---
အဝတ်လျှော်စက်ထဲမှာ အကုန်ရောထည့် လျှော်တာကြောင့် ခြေအိတ်တွေ အရောင်ပြောင်းကုန်လို့ စိတ်ညစ်နေပါသလား။ အိုးတအိုးထဲမှာ ရေထည့်၊ အဲဒီခြေအိတ်တွေထည့်၊ ရှောက်သီး နှစ်ကွင်း-သုံးကွင်းလောက်ထည့်ပြီး ပြုတ်လိုက်ပါ။ သဘာဝအရောင်ချွတ်ဆေးဖြစ်တဲ့ ရှောက်သီးကြောင့် မူလအရောင် ပြန်ရလာပါလိမ့်မယ်။


ဖိနပ်မပွန်းအောင်---
ရှူးဖိနပ်အတွင်းသား အောက်ခံ (insole)တွေကြောင့် သင့်ဖနောင့်တွေ ပွန်းစားတာ၊ နာကျင်တာ ဖြစ်နေပါသလား၊ ရှူးဖိနပ်အတွင်းဘက် ဖနောင့်နေရာမှာ ဖယောင်းတခဲနဲ့ တိုက်လိုက်ပါ။ သွားလာရတာ အဆင်ပြေသွားပါလိမ့်မယ်။


အထည်သစ်တွေ အရောင်မကျွတ်ဖို့---
ရေဇလုံကြီးထဲမှာ ရှာလကာရည်တဇွန်း လောင်းထည့်ပြီး ကောင်းစွာသမအောင် မွှေပါ။ ပြီးရင် တခါမှ မလျှော်ရသေးတဲ့ အဝတ်အသစ် ကျပ်ချွတ်တွေကို နှစ်နာရီ-သုံးနာရီလောက် စိမ်ပစ်လိုက်ပါ။ ဒီလိုလုပ်လိုက်တော့ တခြားအရောင်ဖျော့တဲ့ အဝတ်တွေနဲ့ ရောပြီး လျှော်တဲ့အခါ ဆေးမစွန်းတော့ပါဘူး။


Ref: The Singapore Women's Weekly, February, 2001.


1 comment:

mie nge said...

ပဲတွေကိုလည်း ပိုးမတက်အောင်လုပ်လို့ရလားဟင်
ဘယ်လိုသိမ်းရလဲဟင် ကြာရှည်ခံအောင်


ကျေးဇူးပြုပြီး ပြောပြပေးပါနော်

မီးငယ်လေး