Monday, June 20, 2011

သွားပိုးစားရင်

သွားပတ်မြှေးရောင်နာ ဘာကြောင့်ဖြစ်ရသလဲ---
သွားပတ်မြှေးရောင်နာကြောင့် သွားတွေ မဆုံးရှုံးသင့်ဘဲ ဆုံးရှုံးရတာ မနည်းပါဘူး။ ဆေးပညာမှာ ဒါကို Dontitis-လို့ခေါ်ပြီး သွားပတ်ပတ်လည်ရှိ တစ်သျှူးမျှင်တွေ ရောင်ရမ်းလာတာကို ဆိုလိုပါတယ်။ သွားဖုံး၊ သွားကို ထောက်မထားတဲ့ အောက်ခံအရိုး၊ ဒီအရိုးနဲ့သွားကို ငုံဆက်ထားတဲ့ကြွက်သားမျှင်တွေအားလုံး နာကျင်ထိခိုက်ရပါတယ်။

ဒီရောဂါဖြစ်ရခြင်းရဲ့ အကြောင်းရင်းဟာလည်း သွားချေးတွေကြောင့်ပါပဲ။ သွားချေးတွေ စုမိလာတော့ သွားဖုံးရောင်ရမ်းနာ ဖြစ်တယ်။ ဒါကို မကုစားဘဲ ဒီအတိုင်းထားရင် သွားပတ်မြှေးရောင်ရမ်းနာ အဆင့်အထိ ဖြစ်လာပြီး ပတ်ပတ်လည် ဧရိယာကို ထိခိုက်ပါတယ်။ သွားပတ်မြှေးရောင်ရမ်းနာကို ဒီအတိုင်းထားရင် ဒီထက်မက ဆိုးရွားတဲ့အကျိုးဆက်တွေ ခံစားရမှာ မလွဲပါဘူး။

သွားပတ်မြှေးရောင်ရမ်းနာ ဖြစ်နေကြောင်းကို ဘယ်လို သိနိုင်မလဲ---
အောက်ပါလက္ခဏာတွေ ဖြစ်နေပြီဆိုရင် သွားပတ်မြှေးရောင်ရမ်းနာ ဖြစ်နေပါပြီ။
* သွားဖုံးတွေ ရောင်ရမ်းရင်၊ သွေးထွက်ရင်၊
* သွားအောက်ခံ အရိုး စားသွားပြီဆိုရင်၊
* သွားဖုံးတွေ အောက်ကိုကျုံ့ဝင်နေပြီဆိုရင်၊
လုံးဝ သတိပေါ့လို့ မရတော့ပါဘူး။ ဒီအဆင့်ကိုရောက်နေတဲ့ လူနာဟာ ကျွမ်းကျင်သူ ပညာရှင် ဆရာဝန်တွေရဲ့ ကုသမှုကို ကောင်းစွာ မခံယူဘူးဆိုရင် ပြည်တည်အနာအိုင်း ဖြစ်လာပြီး အခံရခက်အောင် နာလာပါလိမ့်မယ်။


ရောဂါအခြေအနေ ဆက်ဆိုးလာပြီဆိုရင် သွားအောက်ခံအရိုးခုံ လုံးဝစားသွားနိုင်ပြီး သွားတွေနဲ့သည်ထက် နဲ့လာမယ်။ နောက်ဆုံးသွားတွေကို မနုတ်ပစ်လို့မရတဲ့ အခြေအနေ ရောက်လာနိုင်တယ်။


သွားဖုံးရောင်ရမ်းနာနဲ့ သွားပတ်မြှေးရောင်ရမ်းနာ ကင်းစင်အောင် ဘယ်လိုလုပ်ရပါ့မလဲ---
ကာယကံရှင်တွေဟာ
* သွားပွတ်တံနဲ့ဖြစ်ဖြစ်၊ ကြိုးမျှင်နဲ့ဖြစ်ဖြစ် သွားချေးများ အမှန်တကယ် စင်အောင် နည်းစနစ်ကျကျ ပုံမှန်သန့်စင်မှုလုပ်ရပါမယ်။
* သွားတွေနဲ့ သွားဖုံးတွေကို နေရာမလပ် တကယ် အကာအကွယ်ပေးနိုင်ဖို့ ခံတွင်းဆေးရည် (Mouth wash) နဲ့ ပုံမှန်ဆေးကြောတာကို လုပ်ပေးရပါမယ်။


သွားဆရာဝန်တွေအနေနဲ့---
* ခံတွင်းသန့်ရှင်းမှုအတွက် နည်းလမ်းကောင်းတွေ ညွှန်ကြားပေးရပါမယ်။
* သွားအရင်းမှာ ကပ်ငြိနေတတ်တဲ့ ချေးအလွှာကို ခွာပေးတာတို့၊ သွားအရင်းသန့်ရှင်းရေးတို့ကို လုပ်ပေးရမယ်။
*သွားချေးတွေ၊ အစာကျန်တွေ တတ်နိုင်သမျှ မကပ်ငြိအောင် ဖန်တီးပေးရပါမယ်။ (ဒါမှ ခံတွင်းကို သန့်ရှင်းအောင်လုပ်တာလည်း အဆင်ပြေလွယ်ကူပါမယ်)


ဒီရောဂါတွေဖြစ်နေတာ ဘယ်အဆင့်ပဲရောက်နေရောက်နေ ကာယကံရှင်က စိတ်ပါလက်ပါ ပူးပေါင်းဆောင်ရွက်မယ်ဆိုရင် ရောဂါအခြေအနေ ဒီထက်ပိုမဆိုးအောင် လုပ်ပေးနိုင်ပါတယ်။


တကယ်လို့ သွားပတ်လည် တစ်သျှူးတွေရဲ့ အခြေအနေကို သံသယရှိတယ်ဆိုရင် သွားဆရာဝန်နဲ့ ချက်ချင်းပြပါ။


သွားပတ်မြှေးရောင်ရမ်းနာကို မှန်မှန်ကန်ကန် မကုသရင် ဘယ်လိုဖြစ်သွားနိုင်သလဲ---
သွားဖုံးရောင်ရမ်းနာနဲ့ သွားပတ်မြှေးရောင်ရမ်းနာတို့ တဆင့်ချင်း ဘယ်လိုဖြစ်လာတယ်ဆိုတာကို ဖြေခဲ့ပြီးပါပြီ။ ရောဂါအရမ်းကျွမ်းနေတဲ့ အခြေအနေရောက်တဲ့အခါ လူနာရဲ့ပါးစပ်မှာ ပြည်တရွှဲရွှဲနဲ့အနာအိုင်းတွေဖြစ်လာမယ်။ နောက်ဆုံး နုတ်ပစ်ရတဲ့အဆင့်ကို ရောက်သွားမယ်၊ ဒါ့အပြင် ပါးစပ်က အနံ့ဆိုးတွေထွက်လာမယ်။


သွားပိုးမစားတဲ့အတွက် သင့်ရဲ့သွားများဟာ ကြံ့ခိုင်နေတယ်လို့ ယူဆလို့မရပါဘူး။ သွားပတ်လည် တစ်သျှူးတွေ မကောင်းတော့တာကြောင့် နုတ်ပစ်ဖို့လိုအပ်တဲ့ အခြေအနေကောင်း ဖြစ်နေမယ်ဆိုတာကို သဘောပေါက်ထားရပါမယ်။


တကယ်လို့များ သက်ဆိုင်ရာ သွားဖုံးနဲ့ တခြားထောက်မပေးတဲ့တစ်သျှူး ကြွက်သားတွေသာ ကောင်းမွန်သန်စွမ်းဆဲ ဆိုရင် သွားကကျိုးနေလို့ ငုတ်တိုလေးဖြစ်နေရင်တောင်မှ အမြင်လှအောင်ပြန်ပုံဖော်လို့ ရပါသေးတယ်။ သွားနုတ်မှဖြစ်တော့မယ်ဆိုပေမယ့် အဲဒီသွားရဲ့ နံဘေးကသွားဟာ ကြံ့ခိုင်တဲ့အောက်ခံအရိုးခံ သွားဖုံးတစ်သျှူးတွေနဲ့ ခိုင်ခိုင်မာမာ ရှိသေးတယ်ဆိုရင်တော့ ကွက်လပ်နေရာမှာ သွားတုထည့်ပြီးတော့ လုပ်ထားလို့ရပါတယ်။


လူတွေဟာ ကျန်းမာကြံ့ခိုင်တဲ့ သွားပတ်လည်တစ်သျှူးတွေရဲ့ အရေးပါမှုကို မသိမမြင်ကြဘူး။ ဒီတစ်သျှူးတွေက ထောက်မပေးထားတဲ့သွားကိုသာ အမြင်ကောင်းအောင် သနေတတ်ကြပြီး ဒီနေရာကို ကျန်းမာသန့်ရှင်းအောင် လုပ်ဖို့ လိုတယ်ဆိုတာ မသိကြပါဘူး။


တချို့လူတွေဟာ ဘာကြောင့် ပါးစပ်က အနံ့ထွက်တတ်ကြပါသလဲ---
ပါးစပ်မှ အနံ့ဆိုးထွက်ခြင်း (Halitosis) ဟာ
* စားသုံးတဲ့အစာ (ဥပမာ-ကြက်သွန်ဖြူနံ့)
* အကျင့်ဆိုး (ဥပမာ-ဆေးလိပ်သောက်ခြင်း)
* အစာလမ်းကြောင်း ပြဿနာများ (ဥပမာ-အစာအကြေခြင်း) စတာတွေကြောင့် ဖြစ်တတ်ပါတယ်။


အကြောင်းရင်း နောက်တခုက ပါးစပ်သန့်ရှင်းမှုကို ဂရုမစိုက်တဲ့အတွက် ဖြစ်ရပါတယ်။ အစကတည်းက သွားချေးတွေ ရှိနေတာ ကျောက်တောင်ဖြစ်နေပြီ၊ အခုလည်း ပါးစပ်ကို သန့်ရှင်းအောင် ဂရုတစိုက်မထားဘူးဆိုရင် အာပုပ်နံ့ထွက်တတ်ပါတယ်။
အာပုပ်နံ့ထွက်တာ ဒါတွေကြောင့်ချည်းပဲရယ်လို့လည်း ပြောလို့မရပါဘူး။ တခါတလေ ဘာအကြောင်းကြောင့်မှန်းမသိ အာပုပ်နံ့ထွက်နေတာပါပဲ။ ပါးစပ်ကိုလည်း သန့်ရှင်းအောင်ထားတယ်၊ အစာလမ်းကြောင်း ပြဿနာတွေလည်း မရှိဘူး၊ ဒါပေမဲ့ ပါးစပ်က အနံ့ထွက်နေတတ်တာလည်း ရှိပါတယ်။


အခုနက ပြောခဲ့တဲ့အကြောင်းရင်းတွေ မရှိပေမယ့် အာပုပ်နံ့ထွက်တုန်းပဲဆိုရင် ပူရှိန်းငုံထားခြင်း၊ ဗလရှင် ငုံထားခြင်း၊ ပီကေဝါးခြင်းတို့ဖြင့် အနံ့ဆိုးသက်သာစေနိုင်ပါတယ်၊ ဒါပေမဲ့ အာပုပ်နံ့ ထွက်နေတုန်းပဲဆိုရင် ကံကို ဆိုးတာပါပဲ။ ကိုယ်တယောက်ကလွဲလို့ ကျန်တဲ့လူတွေ အကုန်လုံးက ကိုယ့်ဆီက အနံ့ထွက်နေမှန်း သိနေကြတယ်။ ကိုယ်က သတိမထားမိတော့ ကာကွယ်တာတွေ၊ တားဆီးတာတွေ မလုပ်မိဘူး၊ ဒီအခြေအနေဟာ တဖက်သားကို အင်မတန်မှ အားနာစရာကောင်းပါတယ်။




No comments: