Monday, June 20, 2011

မုယောစပါးအကြောင်း သိကောင်းစရာ

လူသားတို့ ကျန်းမာရေးအတွက် အာဟာရဓာတ်သည် အရေးပါသည်။ စားသုံးသောအစာမှ ခန္ဓာကိုယ်အတွက် လိုအပ်သော အာဟာရဓာတ်ကို ရရှိရန် လိုအပ်ပါသည်။ သို့အတွက် အာဟာရဗေဒပညာရှင်များက ခန္ဓာကိုယ်အတွက် နေ့စဉ်လိုအပ်သော အစာအာဟာရ ပမာဏကို စံနှုန်းတခုအဖြစ် သတ်မှတ်ပေးထားသည်။

စံနှုန်းများနှင့်ကိုက်ညီသော အစာအာဟာရအများစုကို သဘာဝ ကောက်ပဲသီးနှံ များနှင့် ပြုလုပ်ထားကြ သည်။ 
များသောအားဖြင့် မုယောစပါးဖြင့် ပြုလုပ်ထားသော အစာအာဟာရများသည် သတ်မှတ်ထားသော စံနှုန်းများနှင့် ကိုက်ညီသည်။ မုယောစပါးသည် ဂျုံ၊ ဘာလီ၊ ဆန်ကဲ့သို့ စပါးအမျိုးနွယ်ဝင် အပင်တမျိုးဖြစ်သည်။ 
မုယောစပါးတွင် ကာဗိုဟိုက်ဒရိတ် ၉၀%နှင့် ခန္ဓာကိုယ်အတွက် လိုအပ်သော အခြားသတ္ထုဓာတ်အမျိုးအစား ၅၀-ခန့် ပါဝင်ပါသည်။ ထို့အပြင် ကလေးငယ်များ၏ ကျန်းမာရေးကို အထောက်အကူပြုသော အမိုင်နိုအက်စ် ၁၈-မျိုး ပါဝင်သည့် ပရိုတိန်တမျိုး ပါဝင်ပါသည်။ အရသာမှာ ဂျုံ၊ ဘာလီတို့နှင့် ဆင်တူသည်။

မုယောစပါးကို စိုက်ပျိုးပုံမှာ အပူချိန် ၅၅-ဒီဂရီဖာရင်ဟိုက်တွင် စပါးမျိုးစေ့များကို နှစ်ရက်မှ လေးရက်အထိ
ရေစိမ်ရသည်။ ထိုသို့ စိမ်စဉ်အတွင်း ရေကို မကြာခဏ လဲလှည်ရမည်။ ထို့နောက် ရေစိမ် စပါးများကို ၁၂-ရက် နေလှန်း၍ အပူပေးကာ အပင်ဖောက်ရသည်။

ထိုကဲ့သို့ ပြုလုပ်ခြင်းကြောင့် မုယောစပါးပင်မှ အင်ဇိုင်းသည် ကစီဓာတ်ကို သကြားအဖြစ်သို့
ပြောင်းလဲပေးနိုင်ပြီး အစာကို ကြေလွယ်စေပါသည်။

မုယောစပါးပါသော အစာများသည် လူကို အရသာရှိစေရုံသာမက ထိုအစာများ စားသောက်ခြင်းဖြင့် ခန္ဓာကိုယ်၌ အဆီဓာတ်များ တိုးပွားလာမည်ကို စိုးရွံ့သူတိုင်းသည် မုယောစပါးပါဝင်သော အစားအစာများကို စားသုံးခြင်းဖြင့် ခန္ဓာကိုယ်ကို လန်းဆန်း ကျန်းမာစေပါသည်။

မြန်မာနိုင်ငံတွင်မူ မုယောစပါးကို အာဟာရအဖြစ် ရှေးယခင်ကတည်းက စားသုံးနေကြသည်ကို
ရှေးဟောင်းဇာတ်၊ နိပါတ်၊ ပြဇာတ်စာပေများတွင် အခိုင်အမာ တွေ့ရှိနိုင်ပါသည်။
မြန်မာစွယ်စုံကျမ်းတွင် မော့လ်(ခေါ်) မုယောစပါး ပါဝင်သော နို့မှုန့်သည် အစာကြေလွယ်သဖြင့် လူနာနှင့် ကလေးများကို တိုက်ကျွေးရန် အထူးသင့်လျော်သည်ဟု ဖော်ပြပါရှိပါသည်။

ယနေ့ခေတ်တွင် မုယောစပါးအား နို့မုန့်၊ အာဟာရ အမှုန့်များ ပြုလုပ်ရာတွင် အမြောက်အမြား ထည့်သွင်းပြုလုပ်ကြသည်။

No comments: