Thursday, July 28, 2011

ခေါင်းအုံ၊ မူးဝေရောဂါနှင့် အိမ်တွင်းကုသနည်း

အအေးဓာတ်၊ အပူဓာတ်နှင့် ပိုင်ဆိုင်ရာတွင် ဝါယောဓာတ်လွန်ပျက်သဖြင့် ခေါင်းအုံ မူးဝေခြင်း ဖြစ်သည်။ တခါတရံတွင် ရာသီဥတုကြောင့်သော်၎င်း၊ အစားအစာ ဓာတ်ကြောင့်သော်၎င်း ဖြစ်တတ်သည်။ မြန်မာ့
ဆေးပညာစစ်တမ်းအရ ကုထုံးဆေးချက်အရ အိမ်တွင်းကုသနည်း တရပ်အဖြစ် ရှောက်ချဉ်သီးအရည်နှင့် ပျားရည်ကို ဆတူရောစပ်၍ သောက်ပေးပါ။ သက်သာစေမှုကို ရရှိ်စေနိုင်ပါသည်။


အပူ ခေါင်းကိုကရောဂါနှင့် အိမ်တွင်းကုသနည်း---
မြန်မာဆေးပညာ အခြေခံအရ အပူလွန်သော ဥတု၌သော်၎င်း၊ ပူသော ဥတု၌သော်၎င်း၊ ကမ္မကြောင့်သော်၎င်း၊ ရုတ်တရက် သောကပွားမှုကြောင့်သော်၎င်း၊ အစားအစာကြောင့်သော်၎င်း၊ ခေါင်းကိုက်ခဲခြင်းရောဂါ ဝေဒနာကို ရရှိစေတတ်ပေသည်။ ထို့ကြောင့် ဤရောဂါဝေဒနာသည် လွန်ပျက်သည့် သည်းခြေတေဇော ခေါ် ဥဏှတေဇောပင် ဖြစ်သည်။ ကုထုံးဆေးချက်အနေဖြင့် သီတပထဝီဖြင့် ကုသပေးရသည်။ လွယ်ကူ၍ ထိရောက်သော အစာကုသနည်းမှာ ရှောက်ချဉ်သီးကိုနွှာ၍ ထန်းလျက်နှင့် စားပေးရမည်။ ဤသို့ မစားသောက်မီ ဦးခေါင်းကို လျှော်ပေးရမည်။

ခေါင်းချွေးထွက်၊ ခေါင်းမူးဝေရောဂါနှင့် အိမ်တွင်းကုသနည်း---
ခေါင်းချွေးထွက်ရခြင်းမှာ လေဓာတ်နှင့် အပူဓာတ် ပေါင်းစပ်၍ ရေဓာတ်ကို တွန်းထုတ်လေသောကြောင့်
ချွေးထွက်ရခြင်း ဖြစ်ပေသည်။ ခန္ဓာကိုယ်တခုလုံးမှာ ချွေးထွက်မှု မညီမျှမှုကြောင့် ဦးခေါင်းတလုံးတည်း ကွက်၍ ချွေးထွက်မှုကြောင့်လည်း မူးဝေရတတ်၏။ နေ့စဉ်စားသုံးသော အစားအစာများမှာလည်း အပူစာများ ဖြစ်နေခြင်း၊ ရာသီဥတုကလည်း ပူနေခြင်း၊ ပတ်ဝန်းကျင်၏ ဆူညံသံများကြောင့်လည်း ဤရောဂါနှင့် ကြုံတွေပရတတ်၏။ ဤရောဂါဝေဒနာကို မြန်မာ့ဆေးပညာ အခြေခံအရ စစ်တမ်းကောက်မည် ဆိုပါက ဥဏှ ဝါယော ပျက်မှုကြောင့် ဖြစ်ရပေသည်။ ထိုရောဂါကုထုံးအချက်မှာ သီတအာပေါပင် ဖြစ်ပါသည်။ အေး၍ မွှေးသောပစ္စည်းများကို ရှူရှိုက်ပေးပါ၊ သို့မဟတု- လိမ်းပေးနိုင်သည်။ သို့တည်းမဟုတ်- ငွေပန်း၊ စံပယ်ပန်း၊ မာလကာရွက်၊ သပြေရွက်တို့ တမျိုးမျိုး ရရာကို ရှူပေးပါ။ ချို၊ ချဉ်၊ ဖန် အရသာ ပေါ်လွင်စေသည့် ဆီးဖျော်ရည်ကို ရေခဲသင့်တင့်ရုံမျှ ထည့်၍ တိုကကျွေးပါက ချွေးထွက်ခေါင်းမူး
ရောဂါ ကုသရေးအတွက် ထိရောက်မှု ရှိသော အိမ်တွင်းကုသနည်းများ ဖြစ်ကြောင်းကို
ရေးသားတင်ပြလိုက်ရပေသည်။။


ကျော်တင့်ဆွေ

No comments: