Friday, July 29, 2011

အသည်းရောဂါ မေးစရာ

ပါမောက္ခ ဒေါက်တာခင်မောင်ဝင်း (အသည်းရောဂါ အထူးကု ဆရာဝန်ကြီး) ဖြေသည်။

အသည်းရောင် အသားဝါရောဂါဖြစ်ရင် ဘယ်လိုကုမှာလဲ---
သိပ်မေးသင့်တဲ့ မေးခွန်းပါ။ ဘာလို့လဲဆိုတော့ ဆေးဝန်ထမ်းတွေရော ပြည်သူတွေပါ အယူအဆတွေ မျိုးစုံနဲ့ အသည်းရောင် အသားဝါရောဂါကို ကုကြတာမှာ လွဲနေတာတွေ အများကြီး တွေ့နေရလို့ပါ။ ဒါကြောင့် အသားဝါရောဂါကို ဘယ်လို ကုရမယ်ဆိုတာ မပြောခင် လွဲမှာေးနတဲ့ ကုထုံးအယူအဆတွေကို အရင်ဆုံး ရေးပြသွားပါမယ်။ 

လွဲမှားနေတဲ့ အယူအဆတွေ---
၁။ ရေ များများ သောက်ရမယ်။
အသားဝါဖြစ်ရင် ထုံးစံအားဖြင့်တော့ လူနာကို တနေ့ ရေ-၆-ပုလင်းလောက် တိုက်လေ့ရှိတယ်။ အသားဝါ မကျဘူးဆိုရင်လည်း ဝိုင်းပြောကြတယ်။ ကောင်လေးက တော်တော် ဝါနေသေးတာပဲ၊ အဝါဓာတ်က ဘယ်ကျပါ့မလဲ ရေသောက်တာက သိပ်နည်းတာကိုး၊ ရေ ၃-ပုလင်းလောက် သောက်ရုံနဲပတော့ အဝါမကျနိုင်ဘူး။ သောက်သာသောက် များများသောက်၊ သောက်နိုင်သလောက်သောက်၊ ဒါမှ အဝါကျမှာ ဆိုပြီး ရေကို ဂါလံပုံးနဲ့ ပါးစပ်ထဲ လောင်းမထည့်ရုံတမယ်ပဲ၊ အဲဒီလောက်တောင် ရေကိုတိုက်ချင်ကြတာ၊ ကျွန်တော်က ကိုယ်တိုင် အသားဝါဖြစ်ဖူးတဲ့သူ ဆိုတော့ ကျွန်တော့အတွေ့အကြုံကို ပြောရမယ်ဆိုရင် အသားဝါ ဖြစ်နေတဲ့အချိန်မှာ နုံးပြီး ပျို့ချင်အန်ချင် ဂိုင်းဂလန် ဖြစ်နေတာ။ တနေ့ထဲ ရေ ၆-ပုလင်း
သောက်ရမယ်ဆိုရင်တော့ သေဖို့သာ ရှိတော့တယ်။ ဘယ်သောက်နိုင်ပါ့မလဲ။ နောက်ပြီးတော့ ရေကို မတန်တဆတိုကလို့ ပျို့မယ်၊ အန်မယ်ဆိုရင် အစာမျိုလမ်းကြောင်းရဲ့ အဆုံးနားက သွေးကြောလေးတွေ 
ပေါက်ပြီး သွေးအန်နိုင်တယ်။ သွေးအန်တယ်ဆိုတာနဲ့ အဲဒီလူဟာ သတိလစ်ပြီလို့သာ တွက်လိုက်တော့။ ဒါကြောင့် ရေအများကြီး သောက်ခိုင်းတာက အသားဝါရောဂါသည် တယောက်အတွက် အန္တရာယ် ရှိနိုင်ပါတယ်။

ရေအများကြီးသောက်လို့ ဒုက္ခရောက်နိုင်တဲ့ နောက်တချက်ကတော့ အသည်းရော်ငအသားဝါ ရောဂါ
ဖြစ်နေတဲ့သူဟာ နဂိုကတည်းက အသည်းအားနည်းတဲ့ အသည်းခြောက်တဲ့ရော၈ါအခံသာ ရှိမယ်ဆိုရင်တော့
ရေ ၆-ပုလင်းသောက်တာနဲ့ ခြေထောက်ရောင်၊ ရေဖျင်းစွဲ ဒုက္ခလှလှကြီး တွေပပါလိမ့်မယ်။ ရေအများကြီး
သောက်ခိုင်းတာဟာ ပြည်သူတွေထဲမှာသာမက ဆေးလောကထဲမှာလည်း ပျံ့နှံ့နေတဲ့ အယူအဆပါ။ ဆရာဝန် တော်တော်များကလည်း အသည်းရောင် အသားဝါဖြစ်တဲ့ လူနာတွေ့တာနဲ့ တခါတည်း ခင်များ-ရေများများသောက်၊ ဒါမှ အဝါကျမှာ-လို့ ပြောကြပါတယ်။ ရောများများသောက်ရင် အဝါကျမယ်ဆိုတဲ့ အယူအဆဟာ ဘယ်ကစလို့ ဘယ်လိုပျံ့နှံ့နေသလဲတော့ မသိပါ။ ဒါပေမယ့် အဲလို အသားဝါရောဂါသည် တွေကို ရေအများကြီးတိုက်တာဟာ ကျွန်တော်တို့ဆီမှာ လူအများစု လက်ခ့တဲ့ သက်ဝင်ယုံကြည်တဲ့ အသည်းရောင်အသာဝါ ကုထုံးတရပ်ပါ။ ရေများများသောက်ရင် အဝါဓာတ်လို့ ခေါ်တဲ့ ဘီလီရူဘင် (Bilirubin) ကျသွားနိုင်သလားဆိုတာ စဉ်းစားကြည့်ကြရအောင်။


ဘီလီရူဘင်ဆိုတာ သွေးနီဥလေးတွေ သက်တန်းစေ့ပြီး ပျက်စီးသွားရာကနေ ထွက်လာတဲ့ ဓာတ်တမျိုးပေါ့။ အဲဒီ ဘီလီရူဘင်တွေကို အသည်းက တာဝန်ယူ ဖျက်ဆီးပစ်လိုက်ပြီး ဆီးထဲမှာ တချို့ စွန့်ထုတ်ပစ်တယ်။ ဒါကြောင့် ဆီးနဲ့ဝမ်းဟာ ဝါနေတာ။ အသည်းဟာ ရောင်နေတယ်၊ အသည်းကောင်းကောင်း အလုပ်မလုပ်ဘူး ဆိုတာနဲ့ အသည်းက အဝါဓာတ်တွေကို စွန့်ထုတ်မပစ်နိုင်တော့ဘူး။ အဲဒီမှာ အဝါဓာတ်တွေဟာ သွေးထဲကို လျှံလာပြီး တကိုယ်လုံးကို အဝါဓာတ်တွေ ပျံ့နှံ့တော့တာ။ အဲဒါကို အသည်းရောင် အသားဝါလို့ခေါ်တာ။ သက်တန်းစေ့လို့ ပျက်စီးသွားတဲ့ သွေးနီသတွေက နေ့စဉ်ပုံမှန် အဝါဓာတ်တွေကို သွေးထဲကို အမြဲပို့ပေးနေမှာ။ အဲဒါတွေကို အသည်းက မဖျက်ဆီးနိုင်တော့ဘူး၊ စွန့်မပစ်တော့ဘူးဆိုတော့ အသားဝါဖြစ်တော့တာပေါ့။ ကျွန်တော်တို့ပြောနေတဲ့ အသားဝါနဲ့ ရေဇာတ်လမ်းကို ပြည်စဉ်းစားကြည့်ရအောင်။


ကျွန်တော်တို့ ရေတွေကို ဘယ်လောက်ပဲသောက်သောက် အသည်းနဲ့ကျောက်ကပ် ကောင်းနေတဲ့ လူတယောက်မှာ သွေးထဲက ရေပမာဏကို ပုံသေဖြစ်အောင် ထိန်းထားတာ တနည်းပြောရရင်
သွေးအပြစ်အကျဲ ပြောင်းလွဲမှုတွေမရှိအောင် သာမန်လူကောင်းတွေမှာ ခန္ဓာကိုယ်က ထိန်းစိမ်းထားပြီး သားပါ။ အဲတော့ေ၇တွေ များများကြီး သောက်ပေမယ့်လဲ သွေးက ကျဲသွားမှာမဟုတ်ဘူး။ အဝါဓာတ်ကလည်း လျော့သွားတော့မှာ မဟုတ်ပါ။ ပြီးတော့ ဒဏ်ရာရနေတဲ့ အသည်းကလည်း ရေသောက်လို့
ကောင်းလာမှာ မဟုတ်ဘူးဆိုတော့ ရေကြောင့် အဝါဓာတ်ကျလာမှာ မဟုတ်ဘူးဆိုတာ ရှင်းပြီ။ 


နော်ကတခု စဉ်းစားရမှာက ရေ ဘယ်လောက်သောက်ရမလဲ၊ အများကြီး မသောက်ရဘူးဆိုရင်
လျှော့သောက်ရမလား၊ အဖြေမှန်ကတော့ ရေကို လုံလောက်အောင် သောက်ရပါ့မယ်။ ရေအများကြီး မသောက်ရဘူး ဆိုပေမယ့် လုံလော်ကတဲ့ ရေပမာဏ ရအော်ငတော့ သောက်ရမှာပါ။ ဆန္ဒရှိသလောက်ပဲ
သောက်ပါ။ အရည်ကို လုံးဝ မသော်ကနိုငဘူး ပျို့အန်နေမယ်ဆိုရင်တော့ ပုလင်းကြီး ချိတ်ပေးရပါလိမ့်မယ်။ တနေ့ကို အနည်းဆုံး အရည် ၁၅၀၀ cc-တာ့ ဝင်ဖို့လိုပါလိမ့်မယ်။ အရည်ဆိုတာ ရေတခုတည်းကိုပြောတာ မဟုတ်ပါဘူး။ ဘာအရည်ဖြစ်ဖြစ်ကို ပြောတာပါ။ Fluid intake ကို ဆိုလိုတာ၊ ဟင်းချိုသောက်သောက် သရက်သီး၊ သင်္ဘောသီးဖျော်ရည်၊ ဘာအရည်ကို ဖြစ်ဖြစ် ၂၄-နာရီအတွင်းမှာ အရည်ဝင်တာဟာ ၁၅၀၀ cc ကျော်နေရင် မဆိုးပါဘူး။ ၁၅၀၀ cc ဆိုတာ drip ပုလင်းကြီး သုံးပုလင်းစာလောက်ပေါ့။ အဲဒီလောက်တော့ ဝင်အောင် သွင်းပေး၊ သောက်ပေးရလိမ့်မယ်။ ဒါကြောင့် ပြန်ပြောရမယ်ဆိုရင် အသည်းရောင်အသားဝါ
ရောဂါသည်တယောက်ဟာ လုံလောက်တဲ့ အရည်သောက်သုံးမှု ရှိရပါမယ်။ အရည်တွေ ရေတွေ အလွန်အကျွံ သောက်ဖို့ မလိုပါဘူး။ ပြန်ပြောရမယ်ဆိုရင် အသည်းရောင် အသားဝါဖြစ်နေတဲ့ လူနာတေယာက်ကို သူ့အာသီသရှိသလောက် သောက်ချင်သလောက် သောက်ပါစေ။ ဇွတ်မတိုက်ပါနဲ့။ အဲလို သူ့သဘောနဲ့သူ သောက်ခိုင်းလို့မှ အရည်တွေ မသောက်နိုင်ဘူး၊ ပျို့အန်နေတယ်ဆိုရင် drip သွင်းပေးပါ။
ဇွတ်ကြီး ရေတွေကိုက်ရင် လူနာအခြေအနေ ပိုဆိုးပါလိမ့်မယ်။ 

မှတ်သားဖို့ရာ---
က။ အသည်းရောင် အသားဝါ ဖြစ်နေတဲ့သူကို ရေအများကြီး မသောက်ခိုင်းပါနဲ့။
ခ။ ရေတွေအများကြီးသော်ကလို့ အဝါမကျပါ။ အသည်းရောင်တာ မပျောက်ပါ။
ဂ။ လုံလောက်တဲ့ အရည် သောက်ပါစေ။ 
     (Adequate fluid intake) အလွန်အကျွံ ရေသောက်တာ (Excessive fluid intake) မဖြစ်ပါစေနဲ့။
ဃ။ ရေတွေအများကြီး သောက်ခိုင်းတာဟာ အသည်းရောင် အသားဝါလူနာအတွက်   
       အန္တရာယ်ဖြစ်စေနိုင်ပါတယ်။

ပါမောက္ခ ဒေါက်တာခင်မောင်ဝင်း (အသည်းရောဂါ အထူးကုဆရာဝန်ကြီး)
( ကလျာမဂ္ဂဇင်း ၂၀၀၆-အောက်တိုဘာလ)



No comments: