Thursday, July 28, 2011

သွေးအန်ရောဂါနှင့် အိမ်တွင်းကုသနည်း

ဥဏှဝါယောလွန်ကဲ၍ အပူကြီးမားမှုကြောင့် ဤရောဂါမျိုး ဖြစ်ရသည်။ မြန်မာ့ဆေးပညာအရ တေဇောဓာတ် လွန်လျှင် မိတ်ဖက်ဖြစ်သော ဝါယောဓာတ် လွန်ကဲခြင်းကြောင့် လေနှင့်အပူ သို့မဟုတ်-တေဇောနှင့် ဝါယော သဘာဝထက်လွန်၍ အဆုတ်နှင့် အစာအိမ်ရှိ သွေးကြောငယ်ကလေးများကို နှောင့်ယှက်ပျက်စေမှုကြောင့်
သွေးအန်လာရခြင်း ဖြစ်သည်။ အဆုတ်မှထွက်သော သွေးသည် နီရဲ၍ အမြှုပ်ထလေ့ရှိသည်။ 
အစာအိမ်မှထွက်သော သွေးသည် အမြှုပ်ထခြင်း မရှိ၊ 
သွေး၏အရောင်သည် နီညိုလက္ခဏာရှိကြောင်းကို အာယုဗ္ဗေဒနှင့် မြန်မာဆေးကျမ်းများ၌ ပြဆိုထားသည်။


မြန်မာဆေးပညာအရ ဤရောဂါကုသနည်းသည် သီတပထဝီဓာတ်စာဖြင့် ကုသမှုကို ပြုပေးရမည်။သီတပထဝီ ဆိုရာ၌ အရသာသည် အေး၊ ချို၊ ဆိမ့် ဖြစ်ရမည်။ အဖန်ဓာတ် အနည်းငယ် ပါဝင်စေရန် လိုအပ်ပါသည်။ အိမ်တွင်ကုသနည်းသည် ဇွန်းခြစ်အရွယ် အုန်းသီးနုနုနှင့် အုန်းရည်ကို အိမ်သုံးသကြား ချိုချို
ရေခဲအနည်းငယ်နှင့် ရောစပ်ကာ စားသုံးပေးရမည်။ ထိုသို့ ကုသပေးရမည်။
ဤကုသမှုသည် ရောဂါကို သက်သာစေနိုင်ပါသည်။ ကုသမှုကို ပြန်လည်သုံးသပ်ကြည့်လျှင် ရေခဲ၏ သဘာဝဓာတ်သည် ခန္ဓာကိုယ်အတွင်းပိုင်းရှိ ဆံချည်မျှင် သွေးကြောများကို ကျုံ့သွားစေခြင်းဖြင့်
သွေးအန်ခြင်းကို တားဆီးစေရာတွင် အထောက်အပံ့ ဖြစ်စေလေသည်။ ဤကုသမှုသည် အပူကြီး၍ လေနှင့်ပြိုင်ကာ သွေးအန်လေ့ရှိသော ရောဂါကိုသာလျှင် သက်သာပျောက်ကင်းစေနိုင်ပြီး အဆုတ်နာရောဂါကို မပျောက်ကင်းနိုင်ကြောင်းကို ဆေးအဖြစ် ကုသမှုဆောင်ရွက်မည့် စာဖတ်သူများသို့ သတိပြု မှတ်သားသင့်ပါသည်။

နောက်ထပ် အိမ်တွင်း ကုသနိုင်သည့် ကုပုံကို တင်ပြပါမည်။
တလည်းသီးပြုတ်ရည်ကို သကြားချိုချို အနည်းငယ်ထည့်၍ သောက်ပေးနိုင်ပါသည်။ ထို့ပြင် ဆီးဖြူသီးပြုတ်ကို အထက်ပါအတိုင်း သောက်ပေးနိုင်ကြောင်းကို ရေးသားတင်ပြလိုက်ရပါသည်။


ကျော်တင့်ဆွေ

No comments: