Friday, July 29, 2011

နိုးတဝက် အိပ်မက် မဖြစ်စေလို

အိပ်စက်ခြင်းဟာ အကောင်းဆုံးအနားယူခြင်း ဖြစ်တာကြောင့် လူတိုင်းရယူလိုကြစမြဲပါ။ ဒါပေမဲ့ အိပ်လို့မပျော်ဘူးဆိုတဲ့ စကားကို မိမိကိုယ်တိုင်ကသော်၎င်း၊ တဦးတယောက်ဆီမှာသော်၎င်း ပြောမိ ကြားမိဖူးမှာပါ။ ဒါဟာ လူတိုင်း မကြာခဏဆိုသလို ကြုံတွေပခံစားနေရတဲ့ နေ့စဉ် အဖြစ်အပျက်တွေထဲက အဖြစ်အပျက်တခုလို့ ဆိုရပေမယ့် ကြာလာတာနဲ့အမျှ ရောဂါသဘောသက်ရောက်လာပြီး ကျန်းမာရေး ထိခိုက်စေနိုင်သလို နေ့စဉ် လူမှုဘဝရဲ့ လုပ်ငန်းဆောင်တာ ဆက်သွယ်ပြောကြားရာမှာ မလိုလားအပ်တဲ့ ထိခိုက်ဆုံးရှုံးမှုတွေ ဖြစ်ပေါ်စေနိုင်ပါတယ်။


ဒီ“-ရောဂါကို သိခြင်းသည် ကုသမှုကို တဝက်ပြီးမြောက်စေ၏-”လို့ဆိုရိုးရှိပါတယ်။ ဒါကြောင့် လူတိုင်း သိရှိနားလည်စေဖို့ အိပ်မရခြင်းရဲ့ ရောဂါလက္ခဏာ ခြောက်ခုကို ဖော်ပြလိုက်ပါတယ်။


အိပ်ပျော်နေစဉ် လမ်းထလျှောက်ခြင်း---
စားရင်းကိုင် အလုပ်လုပ်သူ အသက် ၃၂-နှစ်အရွယ် Laura တယောက် ညဘက်အိပ်ပျော်နေတုန်း တပတ်ကို တကြိမ် သို့မဟုတ်-နှစ်ကြိမ် သူ့ရဲ့ အိမ်ခန်းတဝိုက်မှာ ဦးတည်ရာမဲ့ လမ်းထလျှောက်နေတတ်ပါတယ်။ အဲဒီလို ဖြစ်တာကို သူ့အမျိုးသား မိတ်ဆွေက အားလပ်ရက်အနားယူဖို့ တိုကတွန်းကြည့်တဲ့အခါ သူက “ကျွန်မကိုယ် ကျွန်မ ဒီလို သတိလက်လွတ် ညဘက် လမ်းလျှောက်နေတာကို ကြောက်ရွံ့မိတယ်”လို့ ပြန်ပြောပါတယ်။
ဒီလိုဖြစ်ရခြင်းရဲ့ ဇာစ်မြစ်ကို သေသေချာချာ မသိ၇သေးပေမယ့် သိသာတာကတော့ နှစ်နှစ်ခြိုက်ခြိုက် အိပ်ပျော်မှု အဆင့်မှာ ဖြစ်ပေါ်တတ်ပြီး ဝေဒနာရှင် စိတ်ဖိစီးမှု ခံစားရချိန်မှာ ပိုမိုဖြစ်လေ့ဖြစ်ထရှိတာကို
တွေ့ရတယ်လို့ စိတ်ပညာရှင် Cliff Arnoll က ဆိုပါတယ်။


အိပ်ပျော်နေစဉ် လမ်းထလျှောက်သူ တယောက်ဟာ သူဘာလုပ်နေတယ်ဆိုတာကို မသိနိုင်ပါဘူး။ ဒီလိုဖြစ်နေချိန်မှာ သူဟာ သူ့ရဲ့အိမ်မှာရှိပြီး ဘယ်နေရာမှာ ဘာပစ္စည်းရှိတယ်ဆိုတာ သိရင်ကောင်းပါတယ်။ အဲဒီလိုမဟုတ်ဘဲ လမ်းမပေါ် လမ်းထွက်လျှောက်မယ် ဒါမှမဟုတ် တခုခုနဲ့ ဝင်တိုက်မိမယ်ဆိုရင်တော့ အန္တရာယ်များလှပါတယ်။ ဘာကြောင့်လဲဆိုတော့ အဲဒီအချိန်မှာ အသိဉာဏ်က လမ်းကြောင်းသွေဖည် သွားနိုင်ကြောင်း Loughborough တက္ကသိုလ်မှ အိပ်စက်ခငြ်းသုတေသနဌာနရဲ့ ပါမောက္ခ Jim Home က ဆိုပါတယ်။


ကျွမ်းကျင်သူများက ကြိုတင်သတိပေးပြင်ဆင်တဲ့အနေနဲ့ ဝေဒနာရှင် အိပ်ရာမဝင်ခင် ချွန်ထက်တဲ့အရာများကို အဝေးတနေရာရာမှာ လုံခြုံစွာ သိမ်းထားဖို့နဲ့ အဖော် ဒါမှမဟုတ်-မိသားစုဝင်တဦးဦးကို စောင့်ကြည့်ခိုင်းဖို့ လိုအပ်သလို စောင့်ကြည့်သူအနေနဲ့ ဝေဒနာရှင် ညဘက်အိပ်ပျော်နေစဉ် လမ်းထလျှောက်တဲ့အခါ လှုပ်မနိုးမိစေဘဲ ညင်သာစွာ ပွေ့ဖက်ပြီး အိပ်ရာထဲကို ပြန်ခေါ်သွားပေဖို့ လိုအပ်ပါတယ်။ အဲဒီလို မဟုတ်ဘဲ လှုပ်နိုးမိမယ်ဆိုရင် ရုတ်တရက် ထိတ်လန့်မှုက ကြီးမားတဲ့စိတ်သောက ဖြစ်စေနိုင်တယ်လို့ ဆိုပါတယ်။


ဆိုးရွားတဲ့ရောဂါ အခြေအနေမျိုးမှာ ဆရာဝန်အနေနဲ့ စိတ်ငြိမ်ဆေးအပျော့စားကို စားသုံးဖို့ တိုက်တွန်းကောင်း တိုက်တွန်းပါလိမ့်မယ်။ ယေဘုယျအားဖြင့်တော့ စိတ်ဖိစီးမှုကို ဖြစ်ပေးစေတဲ့အကြောင်းခြင်းရာကို
ဖော်ထုတ်နိုင်ရန် ရောဂါဖြစ်ပွားမှု အလားအလာကို လျှော့ချနိုင်မှာ ဖြစ်ပါတယ်။ ကလေးငယ်တွေမှာ ဒီရောဂါ ခံစာေးနရတယ်ဆိုတာသိရင် ရက်အနည်းငယ်လောက် အိပ်ရာပြောင်းသိပ်ပေးပါက ညဘက်အိပ်ပျော်နေစဉ် လမ်းထလျှောက်ခြင်းကို ရပ်တန့်စေနိုင်မှာ ဖြစ်တယ်လို့ ပါမောက္ခ Home က အကြံပေးထားပါတယ်။


အိပ်ပျော်နေစဉ် စကားပြောခြင်း---
သူနဲ့ စေ့စပ်ထားသူက ရံဖန်ရံခါ သူ အိပ်နေစဉ် စကားပြောနေတာကို ကြားရတယ်လို့ ပြောလိုကတဲ့အခါ မှာတော့ အသက် ၂၃-နှစ်အရွယ် သူနာပြုဆရာမ Julia တယောက် တအံ့တသြ ဖြစ်ခဲ့ရပါတယ်။ ဒါပေမဲ့ ကျွန်မ ဘာပြောတယ်ဆိုတာကို သူ နားမလည်နိုင်ပါဘူးလို့ သူကဆိုပြီး ကျွန်မ အခု အိပ်နေစဉ် စကားပြောတယ်ဆိုရင်တော့ ဟားတိုက်ရယ်မိမှာပဲလို့ ဆိုပါတယ်။


“အိပ်ပျော်နေစဉ် စကားပြောသူ တော်တော်များများဟာ သူတို့တဦးတည်းရှိနေစဉ်မှာ ဒီလိုပြောဆိုတတ်တာ ကြောင့် လူဘယ်နှစ်ယောက် ဒီလိုဖြစ်တတ်သလိုဆိုတာ ခန့်မှန်းဖို့မလွယ်ကူလှပါဘူး။ ဒါပေမဲ့ ဒီလိုပြောဆိုခြင်းဟာ အန္တရာယ်မရှိနိုင်ပါဘူး။ တခြားသူများကို အနှောင့်အယှ့်မဖြစ်ဘူးဆိုရင်ပေါ့”လို့ ပါမောက္ခ Home က ဆိုပါတယ်။ ဒီလူတော်တော်များများဟာ ပြောဆိုရာမှာ စကားလုံး အနည်းငယ်ထက် ပိုမပြောတတ်ကြပါဘူး။


အိပ်နေစဉ် စကားပြောခြင်းဟာ အိပ်မက်များအကြားမှာ ဖြစ်တတ်ပါတယ်။ လူတယောက်ဟာ မိနစ်ကိုးဆယ်ခြားတိုင်း အိပ်မက်မက်လေ့ရှိပြီး အိပ်မက်မက်ချိန် မိနစ်နှစ်ဆယ်မှ သုံးဆယ်ထိ ကြာတတ်ပါတယ်။ ဒီလိုခြင်းဖြင်းဟာ သာမန်အားဖြင့် တွေးတောမှုရှုပ်ထွေးခြင်းရဲ့ လက္ခဏာတခုဖြစ်ပြီး စိုးရိမ်စရာမရှိပါဘူး။ ဘာဖြစ်လို့လဲဆိုတော့ စိတ်ဟာ အမြဲမပြတ် နိုးကြားနေလို့ပဲ ဖြစ်ပါတယ်။


ညဘက် ယောင်ယမ်းအော်ဟစ်ခြင်း---
ညဘက်ယောင်ယမ်းအော်ဟစ်တယ်ဆိုတာ ရုတ်တရက် လန့်နိုးပြီး ကယောင်ကတမ်း အော်ဟစ်တိာကု ပြောတာပါ။ ဒီလိုဖြစ်ပွားမှုဟာ များသောအားဖြင့် ကလေးငယ်များမှာ တွေပရပါတယ်။ နေ့ဘက်အချိန် တွေ့ကြုံကြားသိခဲ့၇တဲ့ မကျေနပ်မှုရဲ့ စေ့ဆော်တိုကတွန်းမှုကြောင့် ဖြစ်ရပြီး အသက်အရွယ်မရွေး သက်ရောက်စေနိုင်ပါတယ်။
နောက်ပြီး ဒါဟာ မကြာခဏဆိုသလို အတိတ်က စိတ်ဒုက္ခရောက်ဖွယ်အဖြစ်အပျက်များနဲ့ ဆက်စပ်နေပါတယ်။ လူတွေက သူတို့အနေနဲ့ အဖြစ်အပျက်ကို မေ့ပစ်ခဲ့ပြီလို့ထင်ပေမယ့် ဒီအသိစိတ်က ညဘက်ကျမှ ပြန်ပေါ်လာပါတယ်။ အရွယ်ရောက်သူများအနေနဲ့ စိတ်ကသိကအောက် ဖြစ်ရခြင်းရဲ့ အခြေအမြစ်ကို သိအောင်ကြိုးစားပြီး သက်ဆိုင်ရာကုထုံး ဆရာဝန်နဲ့ တွေပဆုံတိုင်ပင်သင့်ပါတယ်။


ညဘက် အိပ်နေစဉ် ခြေထောက်လှုပ်ယမ်းသည့်ရောဂါ---
ညစဉ်လိုလို အသက် ၂၈-နှစ်အရွယ် ဆရာမ Emma တယောက် မသက်မသာ လှုပ်လှုပ်ရွရွ ခံစားနေရပါတယ်။ အဲဒါကတော့ သူဲ့ရဲ့ ခြေထောက်တွေကို ဟိုဘက်သည်ဘက် လှုပ်ယမ်းခြင်းမှ မရပ်တန့်နိုင်ခငြ်းပဲ ဖြစ်ပါတယ်။
နောက်ပြီး သက်သာရာရမယ်ထင်ရတဲ့ ဟာတွေ လုပ်တော့လည်း ဘာမျှမထူးခြားလာပါဘူး။ ဒီလိုဖြစ်ရခြင်းရဲ့ နောက်ကွယ်မှာ ရိုးစင်းတဲ့အကြောင်းတရား တခုတော့ ရှိစမြဲပါ။ အဲဒါကတော့ မဂ္ဂနီဆီယမ်ဓာတ် လျော့နည်းရခြင်းဖြစ်ပြီး ဖြည့်စွက်စားသုံးပေးခြင်းဖြင့် လိုအပ်တဲ့ချို့တဲ့မှုကို ဖြည့်စွမ်းပေးနိုင်မှာ ဖြစ်ပါတယ်။


ကိုယ်ဝန်ဆောင်နေစဉ်အချိန် ဒါမှမဟုတ်-ကောင်းမွန်တဲ့ သွေးလှည့်ပတ်စီးဆင်းမှုမရှိတဲ့ အချိန်တွေမှာ ဒီလိုဖြစ်တတ်တာမို့ ဝေဒနာရှင်များအနေနဲ့ ကျန်းမာရေးလေ့ကျင့်ခန်း ပိုမိုပြုလုပ်သင့်ပါတယ်။ လိုအပ်ရင် ဆရာဝန်ဆီသွားရောက်ပြသပြီး ညွှန်ကြားမှုကို ရယူသင့်ပါတယ်။


ညဘက် အိပ်နေစဉ် သွားကြိတ်ခြင်း---
စိတ်ဖိစီးမှုက သွားကြိတ်ခြင်းကို ဖြစ်ပေးစေပါတယ်။ ခန့်မှန်းခြေအားဖြင့် လူနာ ၈၀-ရာခိုငနှုန်းလောက်မှာ ဒီလိုဝေဒနာမျိုး ဖြစ်ပေါ်တာကို တွေ့ရကြောင်း သွားအလှကုသမှုဆိုင်ရာ ဆရာဝန် Jonathan က ခန့်မှန်းပြောဆိုထားပါတယ်။


သွားကြိတ်ခြင်းက သွာေးတွကို ဆိုးဆိုးရွားရွား ထိခိုက်စေနိုင်ပါတယ်။ မေးရိုး၊ လည်ပင်း၊ ကျောနဲ့ ပခုံးတွေမှာ နာကျင်ကိုက်ခဲစေမှု ဖြစ်စေနိုင်သလို အကျိုးဆက်အနေနဲ့ ခေါင်းတခြမ်း ကိုက်ခဲခြင်းကိုလည်း ဖြစ်ပေါ်စေနိုင်ပါတယ်။


အထူးစီမံပြုလုပ်ထားတဲ့ ပါးစပ်အကွာအကွယ် (Mouth-guard) က သွားကြိတ်ခြင်းကို ကာကွယ်ပေးနိုင်တယ်ဆိုပေမယ့် အကြောင်းရင်းခံဖြစ်တဲ့ စိတ်ဖိစီးမှု ပပျောက်အောင် ပုံမှန်လေ့ကျင့်ခန်း
ပြုလုပ်ခြင်းနဲ့ အပန်းဖြေလျေ့ကင့်ခန်းပြုလုပ်ပေးခြင်းသည်သာ အကောင်းဆုံး နည်းလမ်းတွေ ဖြစ်ပါတယ်။


ညဘက်အိပ်နေစဉ် လေဖြတ်သလို ကိုယ်လက်လှုပ်မရခြင်း---
အိပ်နေစဉ်နဲ့ အိပ်မက်မက်နေစဉ် ခန္ဓာကိုယ် ကြွက်သားများလှုပ်ရှားမရဖြစ်နေတာ ခံစားရတတ်ပြီး ဒါကို မသိနားမလည် ဖြစ်ရပါတယ်။ တခါတရံ ကိုယ့်စိတ်က လန့်နိုးနေပေမယ့် ခန္ဓာကိုယ်ကြီးက လေဖြတ်သလို ခံစားရတာဟာ အရမ်းကို ကြောက်စရာကောင်းပါတယ်။ ဒီလိုမျိုး တွေ့ကြုံခံစားရသူများ ပြန်ပြောပြတဲ့အထဲမှာ အဓိကပါဝင်တဲ့ အခြေအနေတွေကတော့ တဝီဝီမြည်သံ၊ တစုံတယောက် ကိုယ်နဲ့အတူ အခန်းထဲမှာရှိနေသလို ခံစားရတာမျိုးနဲ့ ကြက်သီးမွေးညင်းထရလောက်အောင် တစုံတယောက်က ကိုယ့်ကိုဖက်လုံးထွေးနေသလို ဒါမှမဟုတ် ကိုယ်က တခြားတနေရာကိ်ု ရောက်နေသလိုခံစားရတာတွေ ဖြစ်ကြပါတယ်။


ဒီလိုညဘက် အိပ်နေစဉ် လေဖြတ်သလို ဖြစ်တာမျိုး နော်ကထပ်မဖြစ်ရအောင် မျက်စိကိုဖွင့်လိုက် ပိတ်လိုက် လုပ်ပြီး မျက်တောင်ကို လျင်မြန်စွာ ခတ်ပေးပါ။ ဘာဖြစ်လို့လဲဆိုတော့ အဲဒီလိုအခြေအနေမျိုးမှာ မျက်စိက လှုပ်ရှားနိုင်နေသေးပြီး အဲဒီလို မျက်တောင်ကို လျင်မြန်စွာ ခတ်ပေးခြင်းက စိတ်ချောက်ချားဖွယ် အိပ်မက်ဆိုးမှ လွတ်မြောက်စေနိုင်မှာ ဖြစ်ပါတယ်။
Ref: She, February, 2001


ထင်လင်း 
(Life style ၂၀၀၁-သြဂုတ်လ)

No comments: