Saturday, July 23, 2011

ဆီးချုပ်လျှင် ဆေးနည်းတိုများ

ယောက်ျားမှာ ဆီး၊ မိန်းမမှာ မီး-ဆိုသကဲ့သို့ အမျိုးသားများတွင် ဆီးချုပ်၊ ဆီးကျန်ခြင်း၊ ဆီးသွားရ အားမရခြင်းရောဂါ အဖြစ်များတတ်ပါသည်။
ထိုကဲ့သို့ ဆီးချုပ်ခြင်းအတွက် အလွယ်သုံးဆေးနည်းတိုများ တင်ပြအပ်ပါသည်။ မိမိနှင့် နီးစပ်ရာ၊ အလွယ်တကူ ရနိုင်ရာ ဆေးအမည်နှင့် ပြုလုပ်သုံးစွဲနိုင်ပါသည်။

* ငုရွှေဝါပင်၏ အနှစ်ကို ရေနှင့်သွေး၍ ချက်အောက်ဆီးခုံပေါ် မကြာခဏ လိမ်းပေးပါ။
* ကုလားမျက်စိအရွက် ပြုတ်ရည်ကို သောက်ပေးပါ။ (ဇံရွေးနွယ်ပင်ကို ကုလားမျက်စိပင်ဟု ဆိုပါသည်)
* ခွေးလေးယားစေ့အမှုန့် ၅-ရွေးသား ရေနှင့် ဖျော်သောက်ပေးပါ။
* တောကြက်မောက်ဆူးပင် ပဉ္စငါးပါးသတ္တုရည် တဇွန်းနှင့် သံပရာရည်ကို ရေနှင့်ဖျော်သောက်ပါ။
* တမာသီးကို စားပေးပါ။
* ဆေးမြင်းခွါရွက် သတ္တုရည်ကို သကြားနှင့် ဖျော်သောက်ပေးပါ။
* ဒန္တသုခပင် တပင်လုံး အခြောက်လှန်းပြီး လက်ဖက်ခြောက်ကဲ့သို့ ရေနွေးတွင် ခတ်သောက်ပေးပါ။

အလွယ်သုံး သက်သာပျောက်ကင်းစေသော ဆေးနည်းတိုများ ဖြစ်ပါကြောင်း တင်ပြအပ်ပါသည်။

နတ်မောက် မင်းသန့်နိုင် 
(သူရဇ္ဇ ၂၀၀၉-ခု ဇူလိုင်လ) 

No comments: