Monday, August 29, 2011

ကျန်းမာ လှပ

(မေး) သမီး အသက် ၁၄-နှစ်ပါ၊ သမီးရဲ့ ပြဿနာကနားအတွင်း နားဖာချေး အထွက်များတဲ့ ပြဿနာပါ။နားသန့်ရှင်းရေးကို နှစ်ပတ်တခါလောက် လုက်ရပါတယ်။ အဲဒီလို သန့်ရှင်းရေး မလုပ်နိုင်ဘူးဆိုရင် အသံဗလ့တွေကို တိုးတိုးလေးပဲ ကြားရပါတယ်။ သန့်ရှင်းရေး လုပ်တဲ့အခါ နားဖာချေးက ခြောက်ပြီး ပျစ်နေတော့ အလုပ်ရ ခက်သလို အတွင်းပိုင်း နာေးတွကလည်း နားကျပ်တဲ့ ဂွမ်းထိပ်များကြောင့် နာပြီး ကျန်နေတတ်ပါတယ်။ နားအတွင်းထဲ ထည့်တဲ့ ဆေးတွေလည်း ရမ်းပြီး မထည့်ရဲလို့ နားသန့်ရှင်းရေးမှာ လွယ်ကူစေမယ့် နည်းလမ်းတွေ သိချင်ပါတယ်။


(ဖြေ) နားအတွင်း နားဖာချေး (wax) တနည်း-စီရူမင်း (cerumen)ဟာ သဘာဝအလျောက် နားအပြင်ဘက် လမ်းကြောင်းကို အကာအကွယ် ပေးဖို့အတွက် ဖြစ်ပေါ်လာတာပါ။ တခါတရံမှာ လိုအပ်တာထက် ပိုထွက်ရင် အသံလှိုင်းတွေ အတွင်းနားထဲ ဖြတ်သန်း ဝင်ရောက်ဖို့ရာမှာ အတားအဆီးလို ဖြစ်နေတဲ့အတွက် အကြားအာရုံ လျော့နည်းခြင်း (conductive deafness) ဖြစ်တတ်ပါတယ်။ ခုသမီးပြောသလိုဆိုရင် ခြောက်နေတဲ့ နားဖာချေးကို အလွယ်တကူဖယ်ရှားဖို့ ဒီလိုလုပ်ကြည့်ပါ။ စတိုးနှင့် စူပါမားကက်တွေမှာ ဝယ်လို့ရတဲ့ သံလွင်ဆီ (olive oil)ကို နားအတွင်း နှစ်စက် သုံးစက်ခန့် သုံး၇က်ဆက်တိုက် ထည့်ပေးပါ။ အဲဒီလို ပြုလုပ်တဲ့အတွက် မာနေတဲ့ နားဖာချေးဟာ ပျော့ပျောင်းပြီး ဖယ်ရှားရ လွယ်ကူသွားပါလိမ့်မယ်။ နားကျပ်တယ်၊ နားကလော်တယ် ဆိုပေမယ့် အတွင်းဘက်ကို သိပ်ပြီး မရောက်ဖိုပတော့ လိုပါတယ်။ အပြင်နှင့်အတွင်းနားကို ကန့်ထားတဲ့ နားစည်မြှေး တင်ပဲနစ် မန်ဘဂိမ်း (tympanic membrane) ပါက်သွားနိုင်လို့ပါပဲ။
**********
(မေး) ကျွန်တော်ဟာ လေယာဉ်နှင့် မကြာခဏ ခရီးသွားလာနေရတဲ့ စီးပွားရေးသမား တယောက်ပါ။ အမြဲတမ်းတော့ မဟုတ်ပါဘူး။ တခါတရံမှာ လေယာဉ်စီး ခရီး နည်းနည်းကြာသွားခဲ့ရင် ဆိုလိုတာက မိမိ စီးရမယ့် ခရီးစဉ်တခု အတါင်းမှာပဲ မထင်မှတ်တဲ့ အခြားခရီးစဉ်တွေကို လိုက်ပါ စီးနင်းရတဲ့ အခါမှာ ကျွန်တော် နားကိုက်တဲ့ ဝေဒနာကို ခံစားရပါတယ်။ ကျွန်တော့်မြို့က ဆရာဝန်နှင့် ပြကြည့်တဲ့အခါ လေဖိအား အပြောင်းအလဲကြောင့် ဖြစ်တဲ့ နားကိုက်ခြင်း (Barotrauma)လို့ ပြာပါတယ်။ ကျွန်တော့်အလုပ်က လေယာဉ်စီးနင်း သွားလာနေရတဲ့အတွက် (Barotrauma)အဲဒါကို ကာကွယ်နိုင်မယ့် နည်းလမ်းများ ရှိခဲ့ရင် သိထားချင်ပါတယ်။


(ဖြေ) ဒီပြဿနာဟာ လေယာဉ်စီးတဲ့ အခြေအနေမှာမှ မဟုတ်ပါဘူး။ ရေငုပ်တဲ့သူတွေမှာလည်း
တွေ့နိုင်ပါတယ်။ အဲဒီလို ပြောလိုက်လို့ လေကြောင်းခရီး သွားသူတွေ၊ ရေငုပ်သူတွေ အားလုံး ဒီပြဿနာ ဖြစ်မယ်လို့ မဆိုလိုပါဘူး။ အရင်ကတည်းက နားနှင့် အာခ့တွင်းကို ဆက်သွယထားတဲ့ ယူစတေရှင်ပြွန် (Eustachian tube) ပိတ်နေတတ်သူတွေဟာ ပတ်ဝန်းကျင်မှာ ရှိတဲ့ လေဖိအား၊ ရေဖိအား အပြောင်းအလဲမှာ နားစည်မြှေး (Ear drum)နောက်မှာ အရည် သို့မဟုတ်-သွေးတွေ စုစေပြီး ဖိအား များလာတဲ့အတွက် နားကိုက်ခြင်း၊ နားအတွင်း တင်းကျပ်ခြင်းနှင့် နားမကြားခြင်းတွေ ဖြစ်ပေါ်နိုင်ပါတယ်။ အထူးသဖြင့် လေယာဉ်စီးတဲ့ ခရီးသည်တွေ လေယာဉ်အဆင်းမှာ ဖြစ်ပေါ်လေ့ရှိပါတယ်။ အဲဒါကို ကာကွယ်ဖို့အတွက် နှာခေါင်းအတွင်း ထည့်နိုင်တဲ့ နှာခေါင်းပွင့်ဆေး (decongestants) ဥပမာ xylo metazoline ဆေးရည်ကို လေယာဉ်မဆင်းမီ တနာရီခန့်မှ စတင်ပြီး မိနစ် ၂၀-စီခြားပြီး ဆေးထည့်ပေးရမှာ
ဖြစ်ပါတယ်။ အကယ်၍ ဆေးအလွယ်တကူ မရှိခဲ့လျှင် ပါးစပ်နှင့်နှာခေါင်းကို ပိတ်ပြီး အဆုတ်အတွင်းမှ လေကို ညှစ်ထုတ်တဲ့ နည်းလမ်း ဗာဆာဗာမနူဗာ(Valsava manoeuvre)ကို ထပ်ခါတလဲလဲ လေယာဉ်အဆင်းမှာ ပြုလုပ်ပေးဖို့ လိုပါတယ်။


ပြီးတဲ့အပြင် နားအတွင်း ရောင်ရမ်းရောဂါ (Otitis media) ရှိပြီးမပျောက်ကင်းသူတွေနှင့် နား အလယ်ပိုင်းမှာ အရည်စုတဲ့ ဝေဒနာရှင်တွေ အနေနှင့် ပျောက်ကင်းအောင် ကုသမှု မပြုနိုင်သေးခင်မှာ လေယာဉ် မစီးသင့်ပါဘူး။
မိတ်ဆွေအနေနှင့် နားအတွင်း အရည်ရှိခဲ့ရင်လည်း ရက်သတ္တပတ် အနည်းငယ်အကြာမှာ သူ့အလိုအလျောက် ခြောက်ခန်းသွားနိုင်တယ် ဆိုတဲ့အကြောင်း ပြောပါရစေ။
**********
(မေး) ဆရာ နိုဘယ်ခင်ဗျား၊ ကျွန်တော်ဟာ တွင်ခုံလုပ်ငန်းမှာ အလုပ်လုပ်ကိုင်နေသူ တဦါ်ဖစ်ြပါတယ်။ တွင်ခုံလုပ်ငန်းဆိုပေမဲ့ သံထည်ပစ္စည်းများကို သံဂဟေဆက်ခြင်း (welding) လုပ်ငန်းများကို လုပ်ရပါတယ်။ လွန်ခဲ့တဲ့ နှစ်ပတ်ခန့်က မျက်စိနာ၍ အလုပ်မဆင်းဘဲ အိမ်တွင်နားခဲ့ရပါသည်။ တွင်ခုံ လုပ်ငန်းမှ မသန့်ရှင်းသော အမှုန်အမွှားများ ဝင်ခြင်းကြောင့် သို့မဟုတ်-မိမိအလုပ်များသော welding ကြောင့်လား ဆိုတာ စိတ်ထဲ မတင်မကျ ဖြစ်နေပါတယ်။ တန်ဖိုးရှိသော မျက်စိ နှစ်ကွင်း အချိန်မတန်မီ ပျက်စီးသွားမည်ကိုလည်း စိုးရိမ်ပါသည်။ ဆရာ့အနေနှင့် အကြံပြုနိုင်မည်ဟု ထင်ပါသဖြင့် စာရေးမေးမြန်းရခြင်း ဖြစ်ပါသည်။
(ဖြေ) ကိုယ့်ဆရာ တွင်ခုံမှာ အလုပ်လုပ်တယ်ဆိုတာကြောင့် ကျွန်တော် မျက်စိထဲမှာ လုပ်ငန်းခွင်သဘောကို မြင်ယောင်ပြီးပါပြီ။ တွင်ခုံပေါ်မှာ စက်နှင့် ခုတ်စားခြင်း ပြုတဲ့အခါမှာ ထွက်ပေါ်လာတဲ့ သတ္ထုဖြတ်စတွေ၊ အချောကိုင်ဖို့ ကော်ပတ်စက်နှင့် ပွတ်စားတဲ့အခါမှာ သတ္ထုအမှုအမွှာေးတွ၊ အဲဒါတွေဟာ အာရုံစိုက်ကြည့်နေတဲ့ အခြေအနေမှာ မျက်စိကို တသမတ်တည်း ဖွင့်ထားတဲ့ အနေအထားမို့ အကယအကွယ် မျက်မှန် (safety glass) လုံလုံခြုံခြုံ တပ်ဆင်ထားခြင်း မရှိရင် ပြောခဲ့တဲ့ သတ္ထုအစအနတွေ မျက်စိထဲ ဝင်ရောက်နိုင်ပြီး ပြင်ပအရာဝတ္ထု (foreign bodies) မျက်စိအတွင်း ဝင်ရောက်ခြင်းကြောင့် မျက်ကြည်လွှာ ကော်နီယာ (cornea) ကိုထိခိုက် ပွန်းပဲ့နိုင်ပါတယ်။ ဒီလိုအခြေအနေမှာ အနီးအနားမှာ မျက်စိကု ဆရာယန် သို့မဟုတ်-အထေါထွေ ရောဂါကု ဆရာဝန်များနှင့် တွေပဆုံဖို့ အခြေအနေမပေးဘူးဆိုရင် ဦးစွာ အမှုန့်ဝင်သွားတဲ့ မျက်စိကို ရေသန့် ရေဖလားအတွင်း အဖွင့်အပိတ် လုပ်ပြီး ဆေးကြောသန့်စင်သင်ပါတယ်။ အပေါ်ယံ မျက်ခွံနှင့် အော်ကမျက်ခွံ အတွင်းဘက်တွေကို လှန်ပြီး အမှုန်အမွှား ရှိ-မရှိ စစ်ဆေးဖို့နှင့် မျက်နက်ဝန်း အပေါ်ရှိ မျက်ကြည်လွှာကိုလည်း စစ်ဆေးသင်ပါတယ်။ အသားအတွင်း စိုက်ဝင်နေတဲ့ သတ္ထုအမှု အစအနတွေကို ကိုယ်တိုင် ဖယ်ရှားဖို့ မကြိုးစားသင့်ပါဘူး။ အဲဒီလို အခြေအနေမျိုး ဆို၇င် အနာအကျင် သက်သာစေမယ့် ပါရာစီတမောလို ဆေးမျိုးကို သောက်ပြီး သန့်ရှင်းတဲ့ အဝတ်နဲ့ မျက်စိနှစ်ဖက်ကို အကာအကွယ် ဖုံးအုပ်ပြီး နီးရာမြို့နယ်က ဆေးရုံဆေးခန်းကို ပြေးရပါလိမ့်မယ်။

နောက်တချက်က (welding) သံဂဟေဆက်ရာမှာ အကာအကွယ် မျက်မှန်အမည်း မတပ်ဆင်ဘဲ အလုပ်လုပ်သူတွေ အနေနှင့် welding ဆော်ရာက ထွက်ပေါ်လာတဲ့ အလင်းနှင့် အတူ ခရမ်းလွန်ရောင်ခြည် (UV Light) ဟာ ကြည့်ရှုသူရဲ့ မျက်ကြည်လွှာကို ထိခိုပ်စေပါတယ်။ အဲဒီထိခိုက်မှုဟာ မျက်စိထဲ ပြင်ပပစ္စည်း (foreign bodies) ဝင်ရောက်သလို ခိုးလိုး ခုလုနှင့် ခံစားမှုပေဲး့ အပြင် မျက်ရည်ကျခြင်း၊ မျက်ခွံနှစ်ခြမ်း ဖွင့်မရခြင်း၊ မျက်စိ နာကျင်ခြင်း အစရှိသည်တို့ ဖြစ်တတ်ပါတယ်။ ဒီအခြေအနေမှာလည်း အလားတူ မျက်စိကို အနားပေး၊ သန့်စင်သော အဝတ်စဖြင့် မျက်စိ နှစ်ဖက်ကို အုပ်၍ နီးရာ ဆရာဝန် တဦးဦးနှင့် ပြသရမှာ ဖြစ်ပါတယ်။


ခုပြောခဲ့တဲ့ ပြဿနာ နှစ်ရပ်လုံးရဲ့ အကောင်းဆုံး ကုသမှုကတော့ မျက်စိ အကာအကွယ် မျက်မှန် (safety galss) တပ်ဆင် လုပ်ကိုင်ခြင်းပါပဲ။
**********
(မေး) မယူကီရှင့် သမီး ဆံပင်ဟာ နဂိုကောက်လေးပါ။ ပြီးတဲ့အပြင် ဆံပင် ဆံလုံး သေးသွယ်ပြီး ချောမွေ့ပါတယ်။ သမီး ဆံပင်က ပခုံးလောက် အနေအထားမို့ နှစ်ရက် တခါ ခေါင်းလျှော် သန့်စင်ပါတယ်။ ခေါင်းအလျှော် မတတ်ရင် ဆံပင်ပျက်စီးတတ်ပါတယ်လို့ မဂ္ဂဇင်းတချို့မှာ ဖတ်ဖူးတာကြောင့် ဘယ်လို ဆောင်ရွက်သင့်တယ်ဆိုတာ သိချင်ပါတယ်။
(ဖြေ)နဂိုကောက် ဆံပင်သားရဲ့ အခြေအနေ (Hair texture) ဟာ အဏုကြည့် မှန်ဘီလူး မိုက်ခရိုစကုတ် (microscope)နှင့် ကြည့်မယ်ဆိုရင် ဆံပင်သား အပေါ်ယံအလွှာ ကျူတီကယ် (cuticles)လို့ ခေါ်တဲ့ ငါး အကြေးခွံသဏ္ဍာန် အလွှာလေးတွေဟာ အခြားဆံပင် အမျိုးအစားထက် စာရင် ပိုပြီး ကွာဟနေတဲ့သဘော ရှိပါတယ်။ ဒါကြောင့် ဆံပင်သားမှာရှိတဲ့ အစိုဓာတ်ကို ကြာကြာ မထိန်းနိုင်တဲ့သဘောရှိတဲ့ အပြင် ခေါင်းလျှော် သန့်စင်ရာမှာ အသုံးပြုတဲ့ ခေါင်းလျှော်ရည်မှာ ပါတဲ့ ဓာတုပစ္စည်းနှင့် ရေတို့ဟာ ဆံပင်အတွင်းသားအတွင်း ဝင်ရောက်နိုငတဲ့အတွက် ဆံပင်သား ကျိုးကျေ ပျက်စီးခြင်းနှင့် ဖြီးသင်ရခက်သော အခြေအနေ (frizzy) မှာ ရှိနေတတ်ပါတယ်။ အဲဒီအတွက် မကြာခဏ ခေါင်းလျှော်ခြင်းကို အားမပေးလိုပါဘူး။ သမီး ယခု လျှော်တဲ့အကြိမ် ရက်သတ္တပတ်မှာ သုံးကြိမ်ခန့် ခေါင်းလျှော်သန့်စင်ခြင်းဟာ သင့်တော်ပါတယ်။ အဲဒီလို ခေါင်းလျှော်ရာမှာ ဆံပင်သားကို လက်ဖဝါးပြင် နှစ်ဖက်အတွင်း ထည့်ပြီး ကြမ်းတမ်းစွာ ပွတ်တိုက်ခြင်း၊ ဦးခေါင်းထိပ်မှာ စုပုံတင်ထားခြင်းမျိုေးတွ မလုပ်ဆောင်သင့်ပါဘူး။ တကယ်လို့ သမီါ်လို ဆံပင်ကောက်သား ပိုင်ရှင်ဖြစ်ပေမဲ့ ဆံပင်သား ကြမ်းသူဆိုရင်တော့ ပိုပြီး ပျက်စီးလွယ်တတ်တာမို့ တပတ်မှာ နှစ်ကြိမ်လောက် ခေါင်းလျှော်ဖို့ပဲ သင့်ပါတယ်။ ခေါင်းလျှော်ရာမှာလည်း အဓိက ဆံပင်သားထက် ဦးရေပြားကို ပိုပြီး အဓိကထား သန့်စင်ဖို့ လိုပါတယ်။ ဒီလို သန့်စင်ရာမှာ မိမိရဲ့ လက်ချောင်း ထိပ်ဖျာေးလးတွေနဲ့ ပွတ်တိုက် သန့်စင်ဖို့ လိုသလို ခေါင်းလျှော်ပြီး ဆံပင် ရှင်းလင်းရာမှာ အသွားကျဲဘီးနှင့် ဆံပင် အဖျားပိုင်းကတဆင့် အဆင့်ဆင့် ရှင်းလင်းပြီး နော်ကဆုံးကျမှ ဦးရေပြားနှင့် င=ကပ်လျက် ဆံပင်ကို ဖြီးသင် ရှင်းလင်းရမှာ ဖြစ်ပါတယ်။


အသုံးပြုတဲ့ ခေါင်းလျြှေ်ရည် (shampoo)အမျိုးအစား အနေနဲ့ ပျော့သော အမျိုးအစား (mild)ဖြစ်သင့်တဲ့အပြင်
နောက်ဆက်တွဲ အသုံးပြုမဲ့ ဆံပင်အားဖြည့်ဆေး (conditioner)အတွင်းမှာ ဆံပင်ကို အားဖြည့်တဲ့ ပရိုတင်း အသားဓာတ် ပါဝင်ရင် ပိုကောင်းပါလိမ့်မယ်။
***********
(မေး) မမ ယူကီရှင့်၊ အရင်တုန်းက ခေါင်းလျှော်ရည် (shampoo) ဝယ်ရင် သိပ်စဉ်းစားစရာ မလိုပါဘူး။ ခု နောက်ပိုင်း (shampoo) ဘူးတွေပေါ်မှာ pH balanced ဆိတဲု့ စကားလုံးလေးတွေ ပါလာတော့ အဲဒီ ရှမ်ပူကို ဘယ်လို လူမျိုးတွေ အသုံးပြုဖို့ ထုတ်လုပ်ထားတယ်ဆိုတာ သိချင်ပါတယ်။ လူတိုင်း အသုံးပြုလို့ ရပါသလားရှင့်။
(ဖြေ) အရင်ဦးဆုံး pH ဆိတဲ့ စကားလုံးလေးဟာ ဘာကို ကိုယ်စားပြုသလဲဆိုတဲ့ အကြောင်း အရင်ပြောပြပါမယ်။ pH ဆိုတာ ဓာတုပစ္စည်းတခုမှာ အက်စစ် (acid)နှင့် အယ်လ်ကာလီ (alkali) တို့ ဘယ်လောက် အချိုးအစားနှင့် ပါဝင်တယ်ဆိုတာ ကိုယ်စားပြု ဖော်ပြထားတဲ့ သတ်မှတ်ချက် ယူနစ် တခုပါ။ အက်စစ်သဘောကတော့ အလွယ်ပြောရရင် အရသာအနေနှင့် (ရှောက်သီး၊ သံပုရာသီးလို) ချဉ်တဲ့ အရသာရှိတဲ့ ဓာတုပစ္စည်းတခုလို့ မှတ်ယူနိုင်ပြီး အယ်လ်ကာလီ ဆိုတာကတော့ အက်စစ်နှင့် (ဓာတုဗေဒ သဘောအရ) ဆန့်ကျင်ဘက်ဖြစ်သော ဆော်ဒါ (soda)ကဲ့သို့ အရာလို့ ယေဘုယျအဓိပ္ပယါ ပြန်ဆိုချင်ပါတယ်။ ဒါပေမဲ့ သတိထားရမှာက အစွမ်း ပျော့သည်ဖြစ်စေ၊ ပြင်းသည်ဖြစ်စေ အက်စစ်နှင့် အယလ်ကာလီကိုတော့ အရသာခံခွဲခြားဖို့ မကြိုးစားသင့်ပါဘူး။ ဘာကြောင့်လဲဆိုတော့ အခန့်မသင့်ရင် အရေပြားနှင့် ပါးစပ်ချွဲမြှေး (mucous membrane) တွေကို လောင်စားစေတတ်လို့ပါပဲ။ ကဲလိုရင်းကို ဆက်ပြီး ဆွေးနွေးရအောင်ပါ။ အဲဒီအက်စစ်နှင့် အယ်လ်ကာလီတွေရဲ့ ဂုဏ်သတ္တိကို နံပါတ်စဉ် ၁-မှ ၁၄-အထိ အစဉ်လိုက် ကိန်းဂဏန်းနှင့် သတ်မှတ်ပေးထားပါတယ်။ နံပါတ် ၇-အောက် ငယ်တြ့ဂဏန်းတွေကို အက်စစ် ဂုဏ်သတ္တိကို ဖော်ပြရာမှာ
အသုံးပြုပြီး ၇-ထက် ကြီးတဲ့ နံပါတ်စဉ်တွေကိုတော့ အက်လ်ကာလီသတ္တိ အတွက် အသုံးပြုဖော်ပြပါတယ်။


ခေါင်းလျှော်ရည် အများစုအနေနဲ့ pH ၅-မှ ၇ အကြား အမျိုးမျိုး ဖော်စပ်ကြပြီး ဆေ့းါဝင်သော ခေါင်းလျှော်ရည် အတွက်ကိုတော့ pH ၇.၃ တွင် ထားရှိခြင်းဖြင့် pH မျှခြေ ၇-နှင့် အနီးစပ်ဆုံး ဖြစ်အောင် ကြိုးစားကြပါတယ်။ မေတို့ ဆံပင် ဦးရေပြားမှထွက်သော အဆီ (sebum)ရဲ့ pH သတ္တိကတော့ ၄.၅. မှ ၅.၅ ကြား ရှိပြီး အက်စစ်သတ္တိအနည်းငယ် ရှိသည့်အတွက် ဦးရေပြားရှိ ဘက်တီးရီးယားပိုးများ အသက်ရှင်ရပ်တည်နိုင်မှုကို လျော့ပါးစေပါသည်။ ခေါင်းလျှော်လိုက်သောအခါ ၄င်း sebum ကင်းစင်သွားခြင်းကြောင့် အက်စစ်သတ္တိကို ဆက်လက်ထိန်းသိမ်းရန် ခေါင်းလျှော်ရည်တွင် ပါဝင်သော pH သတ္တိက တာဝန်ယူနိုင်ရန် လိုအပ်ပါသည်။


အချို့အချို့သော ခေါင်းလျှော်ရည်များတွင် pH balanced ဆိုသော စကားလုံး ပါဝင်လေ့ရှိပါသည်။ ထိုစကားလုံး၏ အဓိပ္ပါယ်သည် ဦးရေပြားရှိ ဆံပင်၏အက်စစ်သတ္တိနှင့် တူညီအောင် ဖော်စပ်ထားသည်ဟု အဓိပ္ပါယ်ရပါသည်။ ထိုကဲ့သို့သော စကားလုံးပါဝင်သည့် ခေါင်းလျှော်ရည်ကို ဆံပင် ကျိုးကြေသူများ၊
ဆေးအသုံးပြု၍ ဆံပင် မကြာခဏ ကောက်သူများ၊ ဆံပင်ဆိုးဆေး မကြာခဏ အသုံးပြုသူများက ဦးစာေးပး အသုံးပြုရန် ဖြစ်ပြီး ဆံပင်သား အခြေအနေ ကောင်းသူများ အနေဖြင့် pH balanced ခေါင်းလျှော်ရည်များကို အသုံးပြုရန် မလိုဘဲ သာမန်ခေါင်းလျှော်ရည် အသုံးပြုပြီး နောက် ဆံပင်အားဖြည့်ဆေး (conditioner) များကို နောက်ဆက်တွဲ အသုံးပြုလျှင် ပြည့်စုံလုံလောက်ပါသည်။


Yokiko Kyi (Reiju Tokyo & Dr. Noble
( အပျိုစင် ၂၀၀၅-ဖေဖော်ဝါရီလ)


2 comments:

007 said...

ဆရာဖြေထားတာတွေက ဗဟုသုတရပါတယ်ခင်ဗျ။
ကျွန်တော့်လည်းတစ်ခုလောက် ကူညီဖြေကြားစေချင်ပါ တယ်ခင်ဗျ။ တစ်ခြားတော့ မဟုတ်ပါဘူး။ သုတ်ထွက်မြန်နေလို့ပါ။ နှေးအောင် ဘာလုပ်ရမယ် ဆိုတာပြောပြပေးပါခင်ဗျ။ ကျေးဇူးတင်ပါတယ်။

မြတ်နိုးချစ်သူ said...

'ဘယ်လိုမေးရမယ်ဆိုတာကို မသိလို့ ဖြေပေးကြပါဦး =( မြတ်နိုး ဘယ်ကို စာပို့ ပြီး မေးရမယ်ဆိုတာကို သိတဲ့သူများရှိရင် ပြောပြကြပါနော်.. ကျေးဇူးတင်ပါတယ်