Tuesday, September 6, 2011

အသည်းရောဂါ ဖြစ်ခြင်း အကြောင်းရင်း

အသည်းရောဂါဖြစ်ပွားရခြင်း၏ အကြောင်းရင်းကို အချို့က မိဘမျိုးရိုး နွယ်စဉ်လိုက်၍ ဖြစ်သည်ဟူ၍၄င်း၊ တချို့က အရက်သေစာ၊ မူးယစ်ဆေးဝါး အလွန်အကျွံ သုံးစွဲခြင်းကြောင့် ဖြစ်သည်ဟူ၍၄င်း၊ ကိုယ်ကျင့်တရား ပျက်ပြား၍ ဖြစ်သည်ဟူ၍၄င်း အကြောင်းအမျိုးမျိုးတို့ကို အခြေခံ၍ သုံးသပ်ကြပါသည်။

ထိုစကားရပ်တို့သည် တစိတ်တဒေသ မှန်ကောင်းမှန်ပါလိမ့်မည်။ သို့သော် အသည်းရောဂါဖြစ်ရခြင်းသည် အစားအသောက်၊ အနေအထိုင်၊ အမူအကျင့်၊ ဒေသဌာန၊ အလုပ်တို့နှင့်လည်း စပ်ဆိုင်နေပါသည်။ မည်သည့်အကြောင်းကြောင့်ဖြစ်စေ အသည်းရောဂါဖြစ်ခြင်း၏ အကြောင်းရင်းကို တိုင်းရင်းဆေးပညာ အမြင်ဖြင့် ရှာလျှင်---

ရောဂါ စတင်ဖြစ်ပွားချိန်၌ လူ့ခန္ဓာကိုယ်တွင် ပထဝီဓာတ်နှင့် အာပေါဓာတ်တို့ ခန်းခြောက်နေသည်ကို
တွေ့ရှိရမည်။ ထိုအခါ ဍဟတေဇော၊ ဇီရဏတေဇောတို့သည် လောင်မြိုက်လာ၏။ ဤသို့ ပထဝီဓာတ် ပျက်လာသောအခါ တေဇောဓာတ်နှင့် ဝါယောဓာတ်ပါလွန်၍ အပူဥဏှနာ ဖြစ်ပေါ်လာရတော့သည်။ အသည်းရောဂါသည် အပူအကြောင်းခံ၍ ဖြစ်ပေါ်လာရခြင်း ဖြစ်သည်။ တခါတရံ ရေဖျဉ်းမှစတင်၍ သီတ+ဥဏှ အကြောင်းခံ၍လည်း ဖြစ်တတ်ပါသည်။


အသည်း၏တည်ရာ---
အသည်းကို ဒေသနာအရ ယကနံ-ဟုခေါ်သည်။
အသည်းသည် အလယ်တွင် ကွဲသော ယောက်သွားခုံးသဏ္ဌာန်နှင့်တူသည်။ ခန္ဓာကိုယ်အတွင်း၌ သားမြတ်နှစ်ခုတို့၏ အကြားတွင် လက်ယာနံပါးကိုမှီ၍ တည်ရှိ၏။ သတိပဋ္ဌာန်လေးပါးရှိရာတွင် ကာယာနုပဿနာ သတိပဋ္ဌာန်၌ ပထဝီကောဋ္ဌာသ ပထဝီကာယနှစ်ဆယ်တွင် ပပ္ဖာသပဉ္စက ငါးပါး၌ အသည်း-သည် ပါဝင်၏။


အသည်းရောဂါ အမျိုးအစားများ---
အသည်းရောဂါတွင် 
၁။ အသည်းကြီးခြင်း
၂။ အသည်းရောင်ခြင်း
၃။ အသည်းကြွပ်ခြင်း
၎။ အသည်းမာခြင်း။
၅။ အသည်းခြောက်ခြင်း
၆။ အသားဝါခြင်း
၇။ အသည်းအနာဖြစ်ခြင်း
၈။ အသည်းအကျိတ်တည်ခြင်း
ဟူ၍ ဖြစ်ပေါ်လာသော ရောဂါအပေါ် မူတည်၍ ခွဲခြားသတ်မှတ်၍ အမည်ပေးကြသည်။ အဆီအဆိမ့်များများ စားသုံးသူတို့တွင် အဆီဓာတ်များလွန်းသဖြင့် အသည်းအဆီဖုံးသော ရောဂါလည်း ဖြစ်တတ်ပါသည်။ မူးယစ်ဆေးဝါး အလွံန်အကျွံသုံးစွဲသူများသည် သာမန်လူတို့ထက် အသည်းရောဂါအဖြစ် မြန်ကြသည်။


အသည်းရောဂါ၏ အခြေစိုက်စခန်းများ---
ထိုရောဂါတို့ကို စစ်ဆေးရာတွင် တွေ့ရှိရသော အချက်အလက်တို့မှာ မတူကွဲပြား ခြားနားသည်ကို တွေ့ရသည်။ မသင့်တင့်သော အစားအစာ စားမိ၍ဖြစ်စေ၊ ရာသီဥတု ကြမ်းတမ်းသော အရပ်ဒေသသို့ သွားရောက်လုပ်ကိုင် ရသောအခါ၌ဖြစ်စေ၊ တေဇောလွန် ဝါယောဓာတ် ဖောက်ပြန်၍ ဝိတ္ထမ္ဘိတဖြစ်ပေါ်လာကာ အသည်းရောဂါ ဖြစ်ပေါ်လာတတ်သည်။ တဖန် အရက်မျိုးစုံကို အလွန်အကျွံသောက်မိသောအခါ၌ အသည်းကြီး၍ ရောင်တတ်သည်။ အပူအအေး မမျှတသော ဒေသ၌လည်း အသည်းရောဂါ ဖြစ်ပေါ်လာ တတ်သည်။ မီးပူ-နေပူခံ၍ အလုပ်လုပ်သော လုပ်သားများနှင့် အပူအစပ် အစားများသူများ၊
တေဇောဓာတ်လွန်သဖြင့် အသည်းကြွပ်ခြင်း၊ အသည်းမာခြင်း၊ အသည်းခြောက်ခြင်းများ ဖြစ်ပေါ် လာတတ်ကြသည်။


ထို့အပြင် အညှော်နံ့ခံ၍ လုပ်ကိုင်သူများ၊ စားဖိုမှူးများ၊ လောင်စာဆီနှံ့ အမြဲရှူရှိုက်နေရသူများ၊ အကြော်အလှော် အမြဲစားသူများ၊ အရက်သေစာ မူးယစ်ဆေးဝါး နေ့စဉ် သောက်သုံးသူများ၊ ၄င်းတို့တွင် အသည်း၌ အနာဖြစ်ခြင်း၊ အသည်း၌ အဖုအကျိတ်ဖြစ်ခြင်း စသဖြင့် ရောဂါများ ကျရောက်တတ်ပါသည်။


လူ့ခန္ဓာကိုယ်၌ ပထဝီဓာတ်ယုတ်၊ တေဇောဓာတ်လွန်၊ အာပေါဓာတ် ခန်းခြောက်လာသောအခါဤ ဖြစ်စေ၊ ဓာတုဗေဒ ဆေးဝါးပါသော အစာကို နေ့စဉ်စားမိ၍ဖြစ်စေ၊ လက်လုပ်ချဉ်များများ စားမိ၍ဖြစ်စေ၊ အသားဝါရောဂါ ရလာတတ်သည်။ တနည်းအားဖြင့် အသားဝါ အသည်းရောင်ရောဂါ ဖြစ်တတ်သည်။ အသည်းမာခြင်း၊ အကျိတ်ဖြစ်လာခြင်း၊ အနာဖြစ်ခြင်းတို့မှလည်း စတင်၍ ဖြစ်ပွားတတ်ပါသည်။


အသည်းရောဂါ ဖြစ်ပွားခြင်းတမျိုးလည်း ရှိပါသေးသည်။ စီးပွားရေး၊ စားဝတ်နေရေးအတွက် မဟုတ်ဘဲ ကပွဲရုံများ၊ ဟိုတယ်၊ မိုတယ်တို့၌ အပျော်အပါး လွန်ကြူးပါကလည်း အနိဋ္ဌာရုံတို့မှပေးအပ်လိုက်သော အသည်းရောဂါတမျိုး ဖြစ်တတ်ပါသည်။ ရောဂါပိုးတို့သည် ပဉ္စာရုံကြောင့် ကူးစက်ပြန့်ပွားတတ်သည်။ ထိုရောဂါပိုးကြောင့် ကမ္ဘာတဝန်းလုံးတွင် တနှစ်လျှင်(၁)သန်းကျော် အသည်းရောဂါကြောင့် သေဆုံးနေကြ ရကြောင်း လေ့လာသိရှိရပါသည်။


တိုင်းရင်းဆေးပညာအမြင်---
မြန်မာ့ဆေးပညာ ဒေသနာနည်းအရဆိုလျှင် ကံ၊ စိတ်၊ ဥတု၊ အာဟာရ၊ သမုဋ္ဌာန် တရားလေးချက်နှင့် ဓာတ်ချက်လက္ခဏာချက်ကို စစ်ဆေး၍ ပိတ္တ-သေမှ-ဝါတ-သန္နိပါတ-ဥတု-ဝိသမ-သြပက္ကမိက-ကမ္မ-ဟူသော သံယုတ်ပါဠိတော်လာ ရောဂါဖြစ်ကြောင်း ၈-မျိုးနှင့် ဓာတ်ကြီး ၄-ပါး ဖော်ပြန်မှုတို့ကို အခြေခံ၍ ဝေဖန်သုံးသပ် ဆုံးဖြတ်လျက် ပရမတ်အမြင်၊ ဓာတ်အမြင်တို့ဖြင့် ရှုဆင်ခြင်ကြသည်။


သတိချပ် သိမှတ်စရာ---
အသည်းရောဂါ ဖြစ်ပွားသူသည် ရောဂါပိုး(ကီမိ)ရှိသည်ဖြစ်အံ့။ သာမန်ရိုးသားစွာ ဖြစ်ပေါ်ရသောသူ၌ 
ရောဂါဖြစ်ပွားမှုမရှိဘဲ မိမိတဦးတည်းသာ ဝေဒနာခံစားရ၏။ ကုသပျောက်ကင်းနိုင်၏။ ကိုယ်ကျင့်တရား ပျက်ပြားခြင်း၊ ရောဂါရှိသူနှင့် လိင်ဆက်ဆံခြင်း၊ အပျော်အပါး လိုက်စားခြင်း၊ မူးယစ်သေစာ ဆေးဝါးသုံးစွဲခြင်း စသော အကြောင်းတို့ကြောင့် ကူးစက်ရောဂါပိုး ကိန်းအောင်း၍ ရောဂါပြန့်ပွားစေတတ်သည်။ သုရာ+ကာမေသုကံများ ကျူးလွန်သူများ၌ ရောဂါဖြစ်သည်ဟု အများက လက်ခံထားကြသည်။ အကုသိုလ်ဟိတ် သိပ်များနေလျှင်တော့ ဆေးအာဟာရ-ကုမပေးသွင်း မရလျှင်တည်း-ဟု နရသုခိဆရာက ဆိုထားသဖြင့် အသာဓျရောဂါ-ပင် ဖြစ်ပါသည်။ အထက်၌ဖော်ပြခဲ့သော အသည်းရောဂါဖြစ်ခြင်း အကြောင်းရင်းတို့အရ အချိန်မီကုသခွင့်ရလျှင် ပျောက်ကင်းနိုင်ပါသည်။


ရောဂါအကြောင်းခံ ဖြစ်ပွားပုံ---
အသည်းရောဂါ ဖြစ်ပေါ်တော့မည်ဆိုလျှင် အောက်ပါလက္ခဏာချက်တို့ကို တွေ့ရပါမည်။ ယင်းတို့မှာ ကိုယ်သားကိုယ်ရေ ပူနွေးလာမည်။
-ဆီးဝါမည်။
-အိပ်၍မပျော် ဖြစ်မည်။
-ကျောရင် အောင့်မည်။
-စားသောက်မကောင်း ဖြစ်မည်။
-ကြုံလှီ၍ ကိုယ်အလေးချိန် လျော့လာမည်။
-ရင်၌ပြည့်အင့်၍ ဣစ္ဆိသယဝါတ ခေါ် အတွင်းလေ ပွတက်လာမည်။
-မောဟိုက်လာမည်။
-အသားဝါ၍လာမည်။
-နှလုံးသွေးအားနည်း၍ ကတုန်ကယင် ဖြစ်လာမည်။


လူတို့၏ ခန္ဓာကိုယ်၌ စောင့်ရှောက်နေသော ဥသ္မာ-ဍဟ-ဇီရဏ တေဇောတို့သည် အားကြီး၍ ဖိစီးလာသောအခါ အာပေါဓာတ်သည် စွမ်းအားရှိသလောက် အားထုတ်ခုခံ ဖွဲ့စည်းပါသော်လည်း အားချင်းပြိုင်၍ မနိုင်သဖြင့် တေဇောဓာတ်သည် လွှမ်းမိုး၍လာတော့သည်။ ထိုအခါ အသည်းရောဂါ ကျရောက်နေပြီဟု ဆုံးဖြတ်ရတော့သည်။ ထိုအခြင်းအရာကို စိစစ်သောအားဖြင့် အသည်းရောဂါမှန်လျှင် အပူ(ဥဏှ)အကြောင်းခံ၍သာ ဖြစ်ပွားရကြောင်း ဆုံးဖြတ်ရပါသည်။


ရောဂါဖြစ်ပွားနိုင်သော အခြင်းအရာ---
အသည်းရောဂါသည် ဗာလအရွယ်၊ မဇ္ဈိမအရွယ်၊ ဝဒ္ဓအရွယ်ဟု ဆိုအပ်သော အရွယ် ၃-ပါး၌လည်း
ဖြစ်ပွားတတ်၏။ ဇင်္ဂလဒေသ (ကုန်းခေါင်-ခြောက်သွေ့)၊ နှောပကဒေသ (ရွှံ့ညွှန်ထူထပ် ရေများအရပ်)၊ သာဓာရဏဒေသ (စိမ့်စမ်း စွတ်စိုအရပ်)၊ ဟူသော ဒေသ ၃-ပါး၌လည်း ဖြစ်ပွား တတ်၏။ ဂိမန္တ၊ ဝသန္တ၊ ဟေမန္တ ဟုဆိုအပ်သော ဥတု ၃-ပါးနှင့် သိသိရ၊ ဝဿန္တ၊ ဂိမှ၊ ဝဿာန၊ သာရဒ၊ ဟေမ -ဟုဆိုအပ်သော ဥတု ၆-ပါး၌လည်း ဖြစ်ပွားတတ်၏။ အရွယ်မရွေး၊ ဒေသမရွေး၊ ရာသီဥတုမရွေး၊ ဆင်းရဲချမ်းသာမရွေး၊ လူမျိုးမရွေး၊ ဘာသာမရွေး ဖြစ်ပွားတတ်သော ရောဂါမျိုး ဖြစ်ပါသည်။


ထိုအသည်းရောဂါ ပျောက်ကင်းချမ်းသာနိုင်ရေးအတွက် ငယ်စဉ်ကပင် အဘိုးတော်သူ မြန်မာသမား
တော်ကြီးနှင့် မြန်မာနိုင်ငံ အရှေ့မြောက်ပိုင်းရှိ တောင်တန်းဒေသများမှာ စာတွေ့, လက်တွေ့ ဘဝဖြင့် ကျွန်တော်သည် ဆေးမြစ်, ဆေးဥ ရှာဖွေရန် ဖဝါးခြေထပ်လိုက်၍ ပညာသင်ကြားခဲ့ပါသည်။


ဆေးမြစ်တို့၏ ဂုဏ်သတ္တိကိုသိရန် စား၍ဝါး၍ ရသာ ၆-ပါး အကျိုးသွားကို လေ့လာခဲ့ရသည်။ အမိ, အဖ တို့နှင့်လည်း ဆေးမြစ်တူးရန် အတူလိုက်ခဲ့ရသေးသည်။ နောက်ဆုံးတွင် သယံဇာတ ပေါကြွယ်ဝသော
မြန်မာနိုင်ငံတွင် အဖိုးတန်အစွမ်းထက်သော သဘာဝဆေးပင်များ ပေါက်ရောက်ကြောင်း ကိုယ်တွေ့သိရသောအခါ သတ္တဝါများကို ကယ်လိုသောဆန္ဒဖြင့် ဆေးဆရာဘဝသို့ ကျွန်တော်ခြေစုံပစ်၍ ဝင်ရောက်ခဲ့သည်။ မိဘဘိုးဘွား အမွေပေးလမ်းညွှန်ခဲ့သော မြန်မာနိုင်ငံအတွင်းမှာ ပေါက်ရောက်သည့် ယာဟတ်လိတ်၊ ယာဂျူးခမ်းနှင့် ယာခမ်းဝှိုက် ဆေးပင်များ-ကို စနစ်တကျ စီမံဖော်စပ်ပြီးလျှင် ဤရောဂါကြောင့် ဘဝဆုံးပြီထင်ကြသော အသည်းရောဂါများကို ပျောက်ကင်းချမ်းသာသည်ကို ဝမ်းသာဖွယ်ရာ တွေ့ကြုံရ ပါသည်ခင်ဗျား။


အသည်းရောဂါကြောင့် ဝေဒနာခံစားနေရသူများ ရောဂါဝေဒနာမှ ကင်းဝေးပျောက်ကင်းနိုင်ကြပါစေ။


သမားတော်ကြီး ဦးကျော်စိန်
(ဂမ္ဘီရ ၂၀၀၇-၂)

No comments: