Thursday, September 29, 2011

အားထားဖွယ်ရာ တိုင်းရင်းဆေးများ

မျက်စိနာဝေဒနာ ခံစားရလျှင်---
ကွမ်းရွက်ရိုးကို ထုခြေ၍ မျက်ခမ်းတလျှောက် အပေါ်, အောက် သုတ်လိမ်းခြင်း၊ ကွမ်းရွက်စိမ်းဖြင့် မျက်စိအပေါ် အုပ်ပေးခြင်း၊ ခန်းတောက်မြစ်ကိုသွေး၍ မျက်စိတွင် ကွင်းပေးခြင်း၊ ရှားစောင်းလက်ပတ်အနှစ်ကို မျက်လုံးပေါ် အုံပေးခြင်း ပြုလုပ်ပေးပါက မျက်စိနာသက်သာ၍ ပျောက်ကင်းစေပါသည်။ 
(သတိပြုရန်မှာ ကွမ်းရွက်ကို အသုံးမပြုမီ ရေဖြင့် စင်ကြယ်စွာ အထပ်ထပ်ဆေးရန် မမေ့ပါနဲ့။ ကွမ်းပင်များတွင် ဓာတ်ဆေးများ ဖျန်းထားတတ်၍ ဖြစ်သည်။)
*****
သွားနှင့်ခံတွင်းရောဂါများမှ ကင်းဝေးစေရန်---
ဒန္တသုခ၊ တမာ၊ ယုဇနရွက် ပြုတ်ရည်များကို ငုံထွေးရည်ပြုလုပ်၍ မကြာခဏ ငုံထွေးပေးပါ။ 
ပါးစပ်မှ အနံ့အသက်မကောင်းပါက ဆားရည်နွေးကို မကြာခဏ ပလုပ်ကျင်းပေးပါ။ 
သွားချေး၊ ကွန်းချေးတက်ပါက တမာရိုးနှင့် မကြာခဏ တိုက်ပေးပါက ဖြူစင်၍ သွားများကို ခိုင်ခံ့စေပါသည်။
*****
နားအူ၊ နားကိုက်၊ နားလေထွက်သော်---
ကြက်သွန်နီဥကို အရည်ညှစ်၍ မီးဖြင့် အနည်းငယ်နွေးအောင်ပြုလုပ်ပြီး နားအတွင်းသို့ (၃-၄)စက်မျှ ထည့်ပေးပါ။
(သို့) ရှားစောင်းမြင်းနားရွက်ကို မီးဖြင့် နွေးအောင်ပြုလုပ်၍ အရည်ညှစ်ယူပြီး နားတွင်းသို့(၃-၄)စက် ထည့်ပေးပါက အထက်ပါရောဂါများ ပျောက်ကင်းစေပါသည်။


ထို့ပြင် ကြောင်လျှာပွင့်သုပ်၊ တရုတ်စကားပွင့်သုပ်၊ ဖလံတောင်ဝှေးတို့ကို စားသောက်ပေးခြင်းဖြင့်လည်း အဆိုပါရောဂါများကို ပျောက်ကင်းစေပါသည်။


နားတွင်း၌ အနာဖြစ်၍ ပြည့်ထွက်သော် အုန်းဆီကို မီးဖြင့် နွေးအောင်ပြုလုပ်၍ ဂွမ်းတုတ်ကလေးဖြင့် တို့ကာ နားတွင်းသို့ သန့်စင်အောင်ပြုလုပ်ပြီး (၃-၄)စက်ခန့် ထည့်ပေးပါက အနာကျက်၍ ပျောက်ကင်းစေပါသည်။
*****
ချောင်းဆိုး၊ သွေးအန်၊ သွေးလျှံ၊ သွေးလွန်၊ သွေးဝမ်းသွားလျှင်---
မုရားကြီးရွက် အရည်ညှစ်၍ ရရှိသော သတ္တုရည်တွင် သကြားအနည်းငယ်ထည့်ကာ ဟင်းစားဇွန်း(၁)ဇွန်းခန့် တနေ့ (၃)ကြိမ် သောက်ပေးပါက ရောဂါပျောက်ကင်းပါသည်။
*****
ချောင်းဆိုးရင်ကျပ်လျှင်---
ကွမ်းရွက်စိမ်းရည် (သို့) ပင်စိမ်းရွက်ရည် ဟင်းစားဇွန်း(၁)ဇွန်း၊ တနေ့(၃)ကြိမ် သောက်ပေးပါ။ ကလေးများကိုလည်း တိုက်ကျွေးနိုင်ပါသည်။
*****
သန်ကောင်၊ တုတ်ကောင်ကျစေလိုလျှင်---
သင်္ဘောသီးအစိမ်းအား အတုံးငယ်များပြုလုပ်၍ ဆိတ်သားနှင့် ဟင်းချက်စားပါ။ နာနတ်သီးအသားအား ပျားရည်အနည်းငယ်သုတ်၍ စားနိုင်သမျှ စားပေးပါ။
၂၄-နာရီအတွင်း ဝမ်းတွင်းရှိ သန်နှင့်တုတ်များ ကျလာမည်ဖြစ်သည်။
*****
လည်ချောင်းနာ၍ အသံဝင်သော်---
ချင်းတက်ကို ထန်းလျက်နှင့် ဆတူရောစပ်၍ ရေနှင့် ကျိုချက်ပြီး လက်ဖက်ရည်ဇွန်း ၂-ဇွန်းခန့် တနေ့(၃)ကြိမ် တိုက်ပေးပါ။
*****
ထိခိုက်ရှနာ ဒဏ်နာဖြစ်လျှင်---
ကုက္ကိုရွက် (သို့) ပိစပ်ရွက်အား အရည်ညှစ်ယူ၍ ထိခိုက်ရှနာ၊ ဒဏ်ရာများကို ထည့်ပေးပါ။
ကြာကြာထား၍ သုံးစွဲလိုလျှင် ပိစပ်ရွက်အား နုပ်နုပ်စဉ်း၍ ရေစင်ကြယ်အောင်ဆေးကြောပြီး ပုလင်းတလုံးထဲသို့ ထည့်ပါ။ အရက် တပုလင်းထည့်ကာ (၂-၃)ရက်ခန့် စိမ်ထားပြီးလိုအပ်သည့်အချိန်တိုင်း ထုတ်ယူသုံးစွဲနိုင်ပါသည်။
အချိန်ကြာမြင့်စွာအာနိသင်ရှိကြောင်း၊ လက်တွေ့သုံးစွဲပျောက်ကင်းခဲ့ပါသည်။
*****
ကလေးသူငယ်များ သူငယ်နာရောဂါမှ ကင်းဝေးစေရန်---
ပင်စိမ်း၊ ကွမ်းရွက်၊ ကျပ်ခိုး၊ နနွင်း တို့ကို ဆတူရောစပ်ကြိတ်၍ လက်ထက်ရည်ဇွန်း(၁)ဇွန်းခန့် တိုက်ပေးပါ။
၎င်းဆေးအား ကျော်နှင့်ရင်တို့သာမက ဝမ်းဗိုက်ပါ လိမ်းပေးနိုင်ပါသည်။
*****
အအေးမိ တုပ်ကွေးဖျား ဖျားလျှင်---
ကွမ်းရွက်(၃)ရွက်နှင့် ချင်းတက်(၇)လွှာကို ရောစပ်ပြုတ်ကျို၍ လက်ဖက်ရည်ပန်းကန်တဝက်ခန့် တနေ့(၃)ကြိမ် သောက်ပါ။
*****
အသည်းရောဂါများမှ ကာကွယ်လိုလျှင်---
ပေါက်ပွင့်၊ တောင်ဆီးဖြူ၊ ကြိတ်မှန်၊ ကင်ပွန်းချဉ် ရရာတို့ကို ဆတူရောစပ်၍ ရေဖြင့်ကျိုပြီး လက်ဖက်ရည်ပန်းကန်တဝက်ခန့် တနေ့(၃)ကြိမ် သောက်ပါ။


အရက်များများသောက်သဖြင့် အသည်းကျွမ်းရောဂါဖြစ်မည်စိုးသောသူများ ကြိုတင်၍ကာကွယ်သောအနေဖြင့် သောက်သုံးနိုင်ကြပါသည်။
*****
နာတာရှည် အစာအိမ်ရောဂါများ၊ အဖျားရောဂါများ၊ အသည်းနှင့် ပတ်သက်သောရောဂါများ၊ အရေပြား ယားယံခြင်းများ၊ သက်သာပျောက်ကင်းစေရန်---
စူလာနဖာပင် ပဉ္စငါးပါးအားရေ၊ ထန်းလျက် သင့်ရုံထည့်၍ (၃)ခွက် (၁)ခွက်တင် ပြုတ်ကျိုပြီး ဟင်းစားဇွန်း (၃)ဇွန်းခန့် တနေ့ သုံးကြိမ် သောက်ပါ။
စူလာနဖာပင် ပဉ္စငါးပါးအား ပြုတ်တို့၍ စားပေးပါက ဖော်ပြပါရောဂါများ သက်သာပျောက်ကင်းစေပါသည်။
*****
အနာရောဂါကင်း၍ ကျန်းမာအသက်ရှည်လိုလျှင်---
မြင်းခွါရွက်၊ ပရန္နဝါရွက်၊ ဖလ့တော်ငဝှေး၊ ဟင်းနုနွယ်ရွက်၊ ဆီးဖြူသီး၊ သံပရာသီး၊ ရှောက်သီး၊ ကြက်သွန်နီ၊ ကြက်သွန်ဖြူ၊ ချင်း တို့ကို နေ့စသ်စားသုံးပေးရပါမည်။
*****
သွေးတွင်း အဆီဓာတ် ကိုလက်စထရော ကျလိုလျှင်---
ကြက်သွန်ဖြူ (တလုံးဥ) (၃)ဥခန့် ထမင်းစားတိုင်း မှန်မှန် စားပေးပါ။ အမြွှာဆိုလျှင် (၅)မြွှာခန့် စားပေးပါ။
*****
ဆံပင်ကျွတ်ခြင်း၊ ဆံပင်ဖြူခြင်းကင်း၍ အသားအရေ စိုပြည်လှပလိုလျှင်---
ရှားစောင်းလက်ပပ်အနှစ်အား သုတ်လိမ်းပေးခြင်း၊ အစိမ်းသော်၎င်း၊ ယုထိုး၍သော်၎င်း၊ စားသောက်ပေးနိုင်ပါသည်။

ဥက္ကာကျော် (ပုသိမ်)
(ဂမ္ဘီရ ၂၀၀၉-ဇူလိုင်လ)

No comments: