Wednesday, October 5, 2011

မိဘစိမ်ရေ မသင့်စေလို

ကျွန်းဦးဇမ္ဗူသပြေပင်ရှိရာ အရပ်ဆီကို ဖောင်စကြာနဲ့ လှည့်လည်တော်မူခဲ့တဲ့ မဏိစည်သူမင်းဟာ စိတ်ထဲကခံစားမိတဲ့အတိုင်း ဖောင်တော်ဦးမှာရပ်ပြီး ဟစ်ကြွေးတော်မူခဲ့သတဲ့။

ငါ၏ ဘေးလောင်းတော်၊ ဘိုးလောင်းတော်၊ ခမည်းတော်တို့အား ဤကျွန်းဦးဇမ္ဗူသပြေပင်ကို
မြင်စေချင်ပါဘိသည်-လို့ ဆိုပြီး ၄င်းဘေးလောင်းတော်၊ ဘိုးလောင်းတော်၊ ခမည်းတော်တို့ကို ရှုမြင်စေလို၍ စိတ်နှလုံးကြံစည်ရုံမျှနဲ့ မင်းကြီးရဲ့ မျက်စိတွေဟာ ရုတ်တရက် ကွယ်ခဲ့ရသတဲ့။ ဒီအခါမှာ ပညာရှိ၊ သမား၊ ဟူးရား စသည်တို့ဟာ အထူးထူးသော ဆေးဝါးများဖြင့် ကုသကြပါသော်လည်း ချမ်းသာရာမရခဲ့ရှာဘူး။ ဒီတော့ ပညာရှိမှူးမတ်တို့က---

အရှင်မင်းကြီး...အရှင်မင်းကြီး၏ စိတ်နှလုံးတော်သည် ရှေးဘေးလောင်းတော် ဘိုးလောင်းတော် ခမည်းတော်တို့နှင့်စပ်လျဉ်းပြီး အဘယ်ကဲ့သို့ ကြံစည်မိပါသလဲလို့ မေးလျှောက်ကြသတဲ့။ ဒီအခါမှာ မင်းတရားကြီးက မိမိစိတ်မှာ ကြံစည်မိခဲ့တဲ့အတိုင်း ပြောပြလိုက်သတဲ့။ ဒီတော့ ပညာရှိကြီးများက အရှင်မင်းကြီး...အရှင်ကိုယ်တော်၌ အခြားသောရောဂါကို မမြင်၊ ဤမကြံစည်အပ်သော အရာတိုို့ကို ကြံစည်မိ၍သာ မိဘဘိုးဘွားတို့ရဲ့ စိမ်ရေသင့်ခြင်း ဖြစ်ပေသည်။ ထို့ကြောင့် အပြစ်များ
ကြေပျောက်စေခြင်းငှါ ဘေးလောင်းတော် ဘိုးလောင်းတော် ခမည်းတော်တို့၏ ရုပ်ပုံတော်သဏ္ဌာန်ကို
ရွှေဖြင့်သွန်းလုပ်၍ ပေါက်ပေါက်၊ ဆန်၊ ပန်း တို့ဖြင့် ပူဇော်ကန်တော့ရပါမည်လို့ လျှောက်တင်ကြသတဲ့။


မင်းကြီးလည်း ပညာရှိတို့ရဲ့ စကားအတိုင်း အနောရထာမင်းစောအရုပ်၊ စောလူးမင်းအရုပ်၊ ကျန်စစ်သားမင်းအရုပ်တို့ကို ရွှေဖြင့်သွန်းလုပ်ပြီး ပေါက်ပေါက်၊ ဆန်၊ ပန်းတို့ဖြင့် ရှိခိုးပူဇော် ဖူးမြော်ဦးချတဲ့အခါမှာတော့ အနော်ရထာမင်းစောအရုပ်၊ ကျန်စစ်သားမင်းအရုပ်သာလျှင် မလဲဘဲ ကြံ့ကြံ့တည်နေခဲ့သတဲ့။ အခြားသောအရုပ်မှာတော့ ဦးချလိုက်တာနဲ့ တပြိုင်နက် လဲသွားသတဲ့။ ဒီအခါမှာ မင်းကြီးလည်း မျက်စိအလင်း ပြန်ရခဲ့သတဲ့။


ကဲ ..ကြည့်ကြစမ်း၊ မိမိကဲ့သို့ ရှုမြင်စေလိုတာကို စိတ်နှလုံး ကြံစည်မိရုံနဲ့ပဲ အခုလို စိမ်ရေသင့်ခဲ့ရတယ်ဆိုတော့ အခုခေတ်ကာလဟာ အလွန်မောဟထူပြောတဲ့ ကာလကြီးဖြစ်နေတော့ ဘိုးဘွားမိဘတွေကို မရိုသေခြင်း၊ သီလရှိသူ၊ ကျေးဇူးကြီးသူတို့ကို မရိုသေခြင်း၊ ကိုယ့်မင်းကိုယ့်ချင်း ပြုချင်တဲ့စိတ်တွေ များပြားကြတော့ အနာရောဂါ၊ ကြမ္မာဥပါဒ်၊ ကပ်အန္တရာယ်အမျိုးမျိုး ငြိတွယ်ထိပါးပြီး သက်ရှည်၍ ဘုန်းမကြီး၊ ဘုန်းကြီး၍ သက်မရှည် ဖြစ်ကြရတာပေါ့ကွယ်။ သံသရာမှာတော့ ဆိုဖွယ်ရာမရှိပြီပေါ့။ ပစ္စက္ခမျက်မှောက်ဘဝမှာပဲ ထင်ရှားတဲ့ သာဓကတွေ အများကြီးတွေ့နေကြရတာပဲ။ ဒါကြောင့်မို့ အမျိုးကောင်းသား၊ အမျိုးကောင်းသမီးတို့ ထိုစိမ်ရေမှ လွှတ်ကြရအောင် ဂါရဝတရားကို နှလုံးသွင်းပြီး သံဝေဂပြုနိုင်ကြပါစေလို့ ဆုတောင်းပါတယ်။


စိမ်ရေသင့်ခြင်းရဲ့ အကျိုးအပြစ်---
အကြင်သူသည် ဘိုးဘွားမိဘ ဆရာသမား အသက်အားဖြင့်ကြီးသူ သီလ၊ သမာဓိ၊ ပညာ စသော ကျေးဇူး 
ကြီးသူတို့ကို ကိုယ်,နှုတ်,နှလုံးတို့ဖြင့် ပြစ်မှားကျူးလွန်အံ့၊ ထိုသူသည် မိဘ ဘိုးဘွား ဆရာသမား စသော ဂုဏ်ရှိသူတို့၏ စိမ်ရေသင့်တတ်၏။ ထိုစိမ်ရေသင့်သူကား-
၁။ ဆွံ့အတတ်ခြင်း။
၂။ အမွေး၊ အတောင် ညစ်ခြင်း။
၃။ ပိန်ကျုံ့ခြင်း။
၎။ သက်ရှည်၍ ဘုန်းမကြီးခြင်း။
၅။ ဘုန်းကြီး၍ သက်မရှည်ခြင်း။
၆။ ခွန်အား ဉာဏ်ပညာ ဆုတ်ယုတ်တတ်ခြင်း။
၇။ ချည့်နဲ့၊ ကျိုးကန်းတတ်ခြင်း...
စသော အပြစ်တို့ကို သံသရာဘဝ၌မဆိုသေး ဤပစ္စက္ခမျက်မှောက်ဘဝ၌ပင် ခံစားရတတ်၏။ ထိုအခါ ထိုသူကို သက်ကြီးရွယ်အို၊ ဘိုးဘွားမိဘတို့၏ စိမ်ရေသင့်ပြီဟူ၍မှတ်။


စိမ်ရေဒုက္ခ ချုပ်ငြိမ်းရမည်---
လဂ်,စန်း,ဒသာ ကောင်းကျိုးဖြာ၍ 
ကောဇာဂြိုဟ်စီး အကောင်းချည်းဟု
စစ်ဆေးရှာဖွေ တွေးပါလေလည်း
လက်တွေ့ဘဝ အခြေမလှခဲ့
လက်တွေ့အခါ အခြေမသာခဲ့
လှေလှော်တက်ကျိုး အဖြစ်ဆိုးနှင့်
ဆိုးကျိုးဖြစ်ထွေ သင်တွေ့ချေသော်
သင့်မိ,သင့်ဖ သတိရလျက်
ဘိုးဘွားဘီဘင် ဆွေမျိုးစဉ်ကို
မထီလေးစား ပြုခဲ့ငြားအံ့
သင်ကားမှားမိ တုမရှိပြီ
မိဘစိမ်ရေ သင့်ခြင်းတည်း။


ထိုထိုအမှား သင်သိငြားက
မှားကြောင်းပြုပြင် သင်ဆင်ခြင်လျက်
ဝပ်တွားဦးချ တောင်းပန်ခ၍
ခွင့်လွှတ်ကြည်ဖြူ ပြစ်မဲ့သူဟု 
ဖ,မိ စိတ်မှာ ကြည်လင်ပါလည်း
ဦးခိုက်ရိုကျိုး သင်ရှိခိုးလျက်
ကျွေးမွေးလုပ်ကိုင် ပြုစုနိုင်မှ
မိဘစိမ်ရေ သင့်လေဒုက္ခ
ချုပ်ငြိမ်းရမည် တိတ္ထုံကျမ်းလာ
အလိုတည်း။


မသိ၍မှားခြင်း, သိလျက်နှင့် မှားမိခြင်းများမှ ထာဝရကင်းဝေးကြပါစေ။


လင်းမြတ်သူ
(မြန်မာနိုင်ငံ ဝေဒသုတေသနအဖွဲ့)
မှီငြမ်း---ဟံသာဝတီတိုက်ထုတ် မဟာတိတ္ထုံကျမ်းကြီး (ဒုတိယအကြိမ်)။

No comments: