Sunday, October 16, 2011

စိတ်တန်ခိုးရှင်

လူတိုင်းတွင် စိတ်ဆိုသည့် မနောသန္တာန်ရှိသည်။ ရှိသောအရာမှန်သမျှသည် ပစ်ထားလျှင် ညစ်သွားပေသွားမည်ဖြစ်သည်။ ဆေးကြောတိုက်ချွတ်ပေးမှ သန့်ပြီးတောက်ပြောင်လာပေမည်။ ဓားဆိုလျှင် သွေးနေမှ ထက်လေမည်။ စက်ဆိုလျှင် မောင်းနေမှ ကောင်းပေမည်။ ရန်ကန်ုမြို့ရှိ တိုက်ခန်းနေသူများတွင် ရေစုပ်မော်တာကလေးများ ကိုယ်စီရှိကြသည်။ ထိုမော်တာသည် နေ့စဉ်ရေစုပ်ရန် မောင်းပေးနေလျှင် နှစ်နှင့်ချီ၍ ကောင်းနေ၊ ခုတ်မောင်းနေသည်။ အကယ်၍ တလတန်သည် ခရီးဝေးသို့ထွက်ခွါသွား၍ အိမ်ကို ပိတ်ထားခဲ့သည်ဆိုအံ့၊ ပြန်ရောက်၍
မော်တာမောင်းသောအခါ ဂျမ်းဖြစ်၍ ကွိုင်လောင်သွားသည်မျိုး ကြုံဖူးကြပါမည်။

လူ့စိတ်သည်လည်း တန်ခိုးတက်အောင် လုပ်နိုင်သည်။ ရှင်သန်နေအောင် လေ့ကျင့်နေရမည်။ စိတ်ကို လေအောင် ပစ်ထားပါက စိတ်တန်ခိုးကျပေမည်။

ယခုခေတ်သစ် ဆေးသိပ္ပံအလိုအရ ဦးနှောက်ပိုင်းဆိုင်ရာ ဓာတုနည်းပညာနှင့် သုတေသနပြုသောအခါ လူ့ဦးနှောက်သည် ၃-ပေါင်ခွဲလောက် ပျမ်းမျှအလေးချိန်ရှိသည်ကို တွေ့နိုင်၏။ ဦးနှောက်တခုလုံးတွင် Nerve Cells ခေါ် အာရုံကြော ကလာပ်စည်းပေါင်း (၁၀၀,၀၀၀,၀၀၀,၀၀၀)ရှိသည်။ ထိုကလာပ်စည်းကလေးများကို Neurons ဟု ခေါ်သည်။ အတွေး၊ အသိ အာရုံကို ဓာတုအချက်ပြနည်းဖြင့် ဓာတ်ကူး၍ ဖြစ်ပေါ်စေသည်။ လူ့စိတ်က တချက်တွေးလိုက်သည့် ဖြစ်ပေါ်လာသော စေတသိက်အသိကလေးအတွက် ထို(၁၀၀)ဘီလျံရှိသော Neurons များက Synapses ခေါ် အချင်းချင်းဆက်သွယ်ထိခတ်မှုအကြိမ်(၁၅,၀၀၀)
ဖြစ်ပေါ်စေသည်။ ထိုအခါ ဦးနှောက်အတွင်း စုစုပေါင်းဆက်သွယ်ထိခတ်မှု အရေအတွက်ပေါင်းသည် billions ပေါင်း ရာနှင့်ချီလေသည်။ ဤကား အနောက်တိုင်းဆေးသိပ္ပံအလိုအရ ခေတ်အမြင်နှင့် တင်ပြခြင်းဖြစ်သည်။

ဗုဒ္ဓမြတ်စွာ၏ အဘိဓမ္မာကျမ်းလာအရဆိုလျှင် ရုပ်နာမ်တရားတို့သည် ဥပါဒ်၊ ဌီ၊ ဘင် တည်းဟူသော ဖြစ်၊ တည်၊ ချုပ် ဆိုသည့် သဘောတရားသုံးချက်ဖြင့် အစဉ်မပြတ် ဖြစ်ပေါ်နေသည်ဟူ၏။ 
ထိုသို့ဖြစ်ပေါ်ရာတွင် စိတ်သည် ရုပ်ထက် ၁၇-ဆ မြန်သည်ဟူ၏။ မျက်စိတမှိတ် လျှပ်တပြက်တွင် စိတ်အကြိမ်ပေါင်း ကုဋေတသိန်း ဖြစ်သည်။ ဤတွင် ဗုဒ္ဓ၏ အဘိဓမ္မာသဘောအရ စိတ်၏လျင်မြန်နှုန်းနှင့် အနောက်တိုင်း ဆေးသိပ္ပံ ဦးနှောက်ဇီဝဓာတုပညာအရ အာရုံကြောကလာပ်စည်းများ ဓာတ်ကူးပုံအရေအတွက် တို့ကို နှိုင်းယှဉ်ကြည့်ပါက နီးစပ်စွာတူညီကြောင်း သတိပြုမိကြပေမည်။


ဗုဒ္ဓ၏အဘိဓမ္မာအရ စိတ်အကျဉ်း(၈၉)၊ အကျယ်(၁၂၁) မျိုးရှိကြောင်း ဖွင့်ဆိုသည်။ လူတိုင်း လူတိုင်း ဉာဏ်ကောင်းကောင်း၊ ဉာဏ်ထိုင်းထိုင်း၊ ထက်ထက်၊ ထုံထုံ ဤအရေအတွက်အတိုင်း စိတ်အတူတူရှိကြသည်။ စိတ်တန်ခိုးတက်အောင်၊ စိတ်တန်ခိုးရှင်ဖြစ်အောင် ပါရမီရှိမှမဟုတ်၊ လူတိုင်း ကျင့်ကြံအားထုတ်နိုင်သည်။ ကျင့်နည်းမှန်ရန်သာ လိုသည်။


စိတ်စွမ်းအင်နှင့် ရောဂါကုပေးနေသူများ၊ အကြားအမြင်ဖြင့် ဗေဒင်ဟောနေသူများ၊ နတ်မျက်စိဖြင့် ရှေ့ရေးကို ဖတ်ကြားပေးသူများကို တွေ့ဖူးကြမည်ဖြစ်သည်။ ထိုဆရာများသည် ဉာဏ်ပညာထူးချွန်သည့် တက္ကသိုလ်မှ ပါမောက္ခကြီးများမဟုတ်ပေ၊  သူလိုငါလို လူထဲကလူမျှသာဖြစ်ကြပြီး အကြောင်းအားလျော်စွာ စိတ်တန်ခိုးရှင်ဖြစ်အောင် ကျင့်ခွင့်ရခဲ့ကြသောကြောင့် ဆရာကောင်းတွေ့သောကြောင့်သာလျှင် စိတ်တန်ခိုးရှင် ဖြစ်ခဲ့ကြခြင်းမည်၏။


ဤသို့ဆိုသော် လူတိုင်းလည်း ကျင့်ခွင့်ကြံခွင့်ရ၍ ကျင့်ကြံအားထုတ်ဖြစ်ပါက စိတ်တန်ခိုးရှင် ဖြစ်လာနိုင်ပါသည်။
ယခု စာရှုနေသူသည် သာမန်လူတယောက်ဟုပင် မိမိကိုယ်ကို ထင်နေမည်ဆိုပါက အောက်ပါအချက်များကို
ဝေဖန်သုံးသပ်ကြည့်စေလိုသည်။
(၁) အနီးအနားရှိ လယတယောက်နှင့် တပြိုင်တည်းလိုလို ရှေ့ဆင့်နောက်ဆင့် သမ်းဝေဖူးပါသလား။
(၂) မိမိတဦးတည်း လမ်းလျှောက်သွားစဉ် နောက်မှ တစုံတဦး လိုက်လံစောင့်ကြည့်နေသကဲ့သို့ ခံစားမိ၍ ရုတ်တရက် လှည့်ကြည့်သောအခါ အမှန်ပင် လူတဦး မယောင်မလည် လိုက်လာသည်ကို မြင်ဖူးပါသလား။
(၃) အိမ်တံခါးခေါက်သံ ကြားလိုက်သည်နှင့် အပြင်ဘက်တွင် ဘယ်သူဖြင့် ရောက်နေတာပဲဟု တွေးသိမိပြီး တံခါးသွားဖွင့်ပေးသည့်အခါ မိမိတွေးသည့်သူ အမှန်ဖြစ်နေကြောင်း တွေ့ဖူးပါသလား။
(၄) မိမိတွေ့လိုသူတဦးကို စိတ်ကူးမိစဉ် လမ်းခရီး၌ ထိုသူနှင့် မျက်နှာချင်းဆိုင် ဆုံရသည့်အဖြစ်မျိုး ကြုံဖူးပါသလား။
(၅) ဆွေမျိုး မိတ်ဆွေတဦးကို သတိရ၍ ထ,ပြီး ဖုန်းဆက်လိုက်သောအခါ တဖက်မှ ဖုန်းထူးသူက အတော်ပဲ ...အခုပင် မင်းဆီကို ဖုန်းဆက်မလို့လုပ်နေတုန်း အခုမင်းဆက်လာတာကိုးဟု ပြောခံရသည်ကို ကြုံဖူးရဲ့လား။
(၆) မီးဖိုဆောင်၌ ဟင်းအိုးကြီးတည်ထားပြီး အခြားအလုပ်တခုပေါ်လာ၍ သွားလုပ်နေစဉ် (သို့မဟုတ်) ဧည့်သည်လာ၍ သွားဧည့်ခံနေစဉ် ဖျတ်ဆို မိမိတည်ခဲ့သည့် ဟင်းအိုးကို ပြေးသတိရပြီး အမြန်သွားကြည့်ရာ ဝေကျလုနီးပုံ ဖြစ်နေသည်ကို ကြုံဖူးပါရဲ့လား။
(၇) အထားမှား၍ ရှာမတွေ့ဘဲဖြစ်နေသည့် ပစ္စည်းတခုကို တချိန်တွင် စိတ်ထဲ၌ ဖျတ်ခနဲပေါ်လာသောနေရာသို့ သွားကြည့်သောအခါ ပြန်တွေ့သည်ကို ကြုံဖူးပါရဲ့လား။
(၈) မိမိအလွန်ဝတ်ချင်သည့် အဝတ်အထည်၊ အလွန်စားချင်သည့် အစားအသောက် စသည်ကို မကြာမီ ဝတ်ရ၊ စားရသည်မျိုး ကြုံဖူးပါသလား။
(၉) နံနက်အိပ်ရာထတွင် စိတ်ထဲ၌ လေးလံထိုင်းမှိုင်း၍ တစုံတခု စိုးရိမ်ပူပန်သလိုဖြစ်နေပြီး ထိုနေ့တွင် ပြဿနာအခက်အခဲတခုနှင့် အမှန်ပင် ကြုံရသည့်အဖြစ်မျိုး ဖြစ်ဖူးပါရဲ့လား။
(၁၀) ရပ်ဝေးနေ မိမိဆွေမျိုး၊ မိတ်ဆွေတဦးကို စိတ်ပူစရာတခု တွေးမိသောနေ့မှာပင် ထိုသူ ဒုက္ခရောက်ကြောင်း သူ့သတင်းဆိုး ကြားရသည်မျိုး ဖြစ်ဖူးပါရဲ့လား။
(၁၁) သီချင်းတပိုဒ်ကို ရုတ်တရက် ဆိုချင်စိတ်ပေါက်လာ၍ ကောက်ဆိုလိုက်စဉ် မရှေးမနှောင်းမှာပင် မိမိဘေးက လူ(သို့) ရေဒီယို (သို့) ရုပ်မြင်သံကြားက ထိုသီချင်းပိုဒ်ကိုဆိုသည့် အသံထွက်လာသည်ကို တိုက်ဆိုင်ဖူးပါသလား။
(၁၂) စာအုပ်တအုပ်၊ (သို့) အဘိဓာန်တအုပ်ကို ကောက်လှန်လိုက်ရာ မိမိကြည့်လိုသော စာမျက်နှာကို ဒက်ထိ လှန်မိသည်မျိုး ကြုံဖူးပါသလား။


အထက်ဖော်ပြပါ တိုက်ဆိုင်မှုကလေးများသည် သင့်စိတ်၌ ဖြစ်ပေါ်သည်နှင့် ဖြစ်ပျက်သည်တို့ အကြောင်းမဲ့ တိုက်ဆိုင်ခြင်းမျိုးမဟုတ်ပါ။ စိတ်၏စွမ်းအင်၊ စိတ်၏တန်ခိုးကြောင့် ဖြစ်မည့်ကိစ္စကို ကြိုတင်ခံစားသိရှိခြင်းမျိုးသာ ဖြစ်သည်။ ဤသည်ပင်လျှင် သင့်စိတ်၌ တန်ခိုးတခု ကိန်းဝပ်တည်ရှိနေကြောင်း သက်သေပြခြင်းဖြစ်သည်။


သာမန်လူတယောက်၊ သာမန်အချိန်မျိုးမှာပင် ဤသို့ စိတ်တန်ခိုးရှိကြောင်း ပြသမှုကလေးရှိနေခဲ့လျှင် ထိုသာမန်လူသည် ထိုစိတ်တန်ခိုးကို ရှင်သန်တိုးတက် ကြီးမြင့်လာအောင် အားထုတ်ကျင့်ယူရရှိမလာပြီလော။ ကျင့်နည်းမှန်လျှင် သာမန်လူများလည်း စိတ်တန်ခိုးရှင်ဖြစ်လာမည်ဟု ယုံကြည်သင့်လေသည်။


လူ့ဘဝတိုးတက်ရေးကို ရရှိလိုပါက မလုပ်သင့်သည်ကို ရှောင်ရန်လိုသည်။ 
မလုပ်သင့်သည်များကို လုပ်နေသောသူများ ဘယ်တော့မှ တိုးတက်မည်မဟုတ်။ 
အလားတူ လုပ်သင့်သည်ကို လုပ်ဖြစ်မှ တိုးတက်မည်။ 
လုပ်သင့်သည်ကို မလုပ်ဖြစ်သောသူတို့ တိုးတက်လာမည်မဟုတ်။
အနှစ်ချုပ်ကား ဤနှစ်ချက်သာ ဖြစ်သည်။


အလုပ်လုပ်ရာတွင် တိုးတက်ကြီးပွားချမ်းသာရေးကို ဟန့်တားနှောင့်ယှက်ပျက်စီးစေသော အမှုစရိုက်များစွာ ရှိသည်။ ထိုစရိုက်များမှာ----
* အမျက်ဒေါသကြီးဖြင်း
* ရန်ငြိုးဖွဲ့ခြင်း
* ဂုဏ်ပြိုင်ခြင်း
* ကျေးဇူးမသိ၊ ကျေးဇူးကန်းခြင်း
* ကောက်ကျစ်စဉ်းလဲ ဖြားယောင်းသွေးဆောင်တတ်ခြင်း
* မှားသောအယူရှိခြင်း
* မကောင်းသော စိတ်ဆန္ဒရှိခြင်း
* ငြူစူစောင်းမြောင်းတတ်ခြင်း
* တယူသန်ခြင်း၊ တဇောက်ကန်း ပြုမူခြင်း
* နေမြင့်အောင် အိပ်ခြင်း
* ပျင်းရိခြင်း
* နှိုး၍ ထခဲခြင်း
* အပျော်အပါး မက်ခြင်း
* အချိန်မလေးစားခြင်း
* စည်းစနစ်ကို လိုက်နာမှုမရှိခြင်း
* အလုပ်ထဲတွင် စိတ်ဝင်စားမှုမရှိခြင်း
* စိတ်လွယ်ပြီး ပေါ့ပေါ့လုပ်ခြင်း


အထက်ပါ အကျင့်စရိုက်ဆိုးများကို ရုန်းမထွက်နိုင်သူတို့သည် မိမိစိတ်ကို မခိုင်သောသူများသာ ဖြစ်ကြသည်။ စိတ်တန်ခိုးတက်လာပါက စိတ်ကိုနိုင်သောအခါ အထက်ပါ စရိုက်ဆိုးများကို ပြုပြင်ဖယ်ရှားပစ်နိုင်သည်ဖြစ်၏။


ကြီးပွားချမ်းသာသူများသည် အောက်ပါအရည်အချင်းများနှင့် ပြည့်စုံသူများဖြစ်ကြသည်။
* မာနမတက်၊ မကြွားတတ်သူဖြစ်ခြင်း
* စကားတည်၊ ကတိတည်သူဖြစ်ခြင်း
* သူတပါးကျေးဇူးကို သိတတ်ခြင်း
* လုံ့လဝီရိယ ရှိခြင်း
* ဆုံးဖြတ်ချက် လျင်မြန်ပြတ်သားခြင်း
* အရာရာကို သတိရှိခြင်း
* ဝေဖန်ပိုင်းခြားပြီး လုပ်ခြင်း၊ ဝေဖန်သုံးသပ်ပြီးပါက ရဲဝံ့စွာလုပ်ခြင်း
* ရိုးသားသန့်ရှင်းစွာပြုလုပ်ခြင်း
* စူးစမ်းဆင်ခြင်ခြင်း
* စောစောအိပ်ရာ ထလေ့ရှိခြင်း
* သူများထက် နောက်မကျဘဲ ဦးအောင်လုပ်လေ့ရှိခြင်း
* သည်းခံနိုင်ခြင်း
* ရန်ငြိုးမဖွဲ့ခြင်း
* ဆက်ဆံရေးကောင်းခြင်း
* ဂုဏ်မပြိုင်ဘဲ အလုပ်သာ ပြိုင်လုပ်ခြင်း
* ပြုပြင်သွန်သင်ရလွယ်ခြင်း
* မှန်သောအယူရှိခြင်း
* တည့်မှန်စွာဆက်ဆံခြင်း
* ကုသိုလ်ကောင်းမှု၌ မမေ့မလျော့ခြင်း


အထက်ပါအရည်အချင်းများ ပြည့်စုံအောင်လုပ်ရန်မှာ မိမိစိတ်ကို နိုင်မှဖြစ်သည်။ စိတ်မနိုင်သူများဤအရည်အချင်းမျိုး တည်မြဲအောင်ထိန်းထားရန် ခက်လှသည်။ စိတ်တန်ခိုးရှိသူများသာ ဤအရည်အချင်းများ အမြဲကိန်းအောင်းနေအောင် ထိန်းထားနိုင်သည်။ ပြည့်ဝနေသည်။ ထိုသူများသာ ကြီးပွားချမ်းသာကြသည်။


ကျင့်ကြံအားထုတ်၍ စိတ်တန်ခိုးရှင်ဖြစ်လာသော် မိမိရှေ့ရေးကို ကြိုတင်မြင်သိနိုင်သည်။ ရှောင်စရာရှိ ရှောင်၍
ဆောင်စရာရှိ ဆောင်ဖြစ်သောကြောင့် အမှားကိုပယ်၍ အမှန်ကို ဆည်မိနိုင်သည်။ ဘေးကိုလွတ်စေ၍ သုခချမ်းသာ အောင်မြင်မှုကို ရရှိစေသည်။ ကြုံလာမည့်အခက်အခဲကို ကြိုတင်သိရှိသောအခါ ထိုအခက်အခဲကို မည်သို့ရင်ဆိုင်ရမည်၊ မည်ကဲ့သို့ ဖြေရှင်းရမည်ဟူ၍ ကြိုတင်ပြင်ဆင် စီစဉ်ပြီး အောင်မြင်နိုင်သည်။


အထူးသဖြင့် စီးပွားရေးလုပ်သူများသည် ကုန်ဈေးနှုန်း တက်မည်လား၊ ကျမည်လား ဆိုသောအချက်ကို ကြိုတင်တွက်ဆတတ်ပါက အရှုံးကို ရှောင်နိုင်သည်။ အမြတ်ကို ဆောင်နိုင်သည်။ စိတ်တန်ခိုးရှင်တို့ ဤအချက်ကို ကြိုတင်တွက်ဆနိုင်လေ့ရှိသည်။
ထို့ပြင် ထွက်ကုန်ပစ္စည်းများ တိုးထွက်မည်လော၊ လျှော့ထွက်မည်လော၊ ပျက်မည်လော၊ အောင်မည်လော၊ ရှားမည်လော၊ ပေါမည်လော၊ ဆိုသည့် အခြေခံအချက်ကို ကြိုတင်ခန့်မှန်းတတ်ပါက ကြီးပွားချမ်းသာနိုင်သည်။ ဤအချက်ကို စိတ်တန်ခိုးရှင်များ ကောင်းမြတ်သောရည်ရွယ်ချက်ထားပါက မှန်ကန်စွာ တွက်ချက်နိုင်လေ့ရှိသည်။


စီးပွားရေးလုပ်ကိုင်သူသည် မိမိနှင့် အရောင်းအဝယ်လုပ်မည့်သူ စီးပွားဖက်၏ စိတ်နေသဘောထား အမှန်ကို သိရှိရန်လိုသည်။ လူကောင်းလား၊ လူလိမ်လား၊ အရှည်ကြံသူလား၊ တနပ်စားလား ခွဲခြားသိမြင်ရန်လိုသည်။ စိတ်တန်ခိုးရှင်များသည် ဤသို့ခွဲခြားသိမြင်နိုင်စွမ်းရှိသည်။
မိမိနှင့် ဖက်စပ်လုပ်ကိုင်မည့်သူ၊ အစုစပ်လုပ်ကိုင်လိုသူဟူ၍ လာရောက်ဆက်ဆံသောသူကို အမှန်ပင် စာချုပ်ချုပ်လုပ်ကိုင်မည်လား၊ သတင်းစုံစမ်းရုံသက်သက်လား၊ ရိုး၏လား၊ မရိုး၏လား ဆိုသောအချက်ကို ကြိုတင်သိရှိရန် လိုသည်။ ယင်းသို့ သိရှိနိုင်သူမှာ စိတ်တန်ခိုးရှင်မှ ဖြစ်ပေမည်။


ထို့ကြောင့် တိုးတက်ရေး၊ ကြီးပွားချမ်းသာရေးတို့တွင် စိတ်တန်ခိုးသည် များစွာအရေးကြီးကြောင်း ထိရောက်မှုအလွန်ရှိကြောင်း အကျိုးပြုကြောင်း သဘောပေါက်ရန် ဖြစ်ပါတော့၏။


အောင်ချိန်ဘွား
(ဂမ္ဘီရ ၂၀၀၄-၈)

No comments: