Wednesday, October 5, 2011

ဆောင်ရန် ရှောင်ရန်

နှစ်စဉ်နှစ်တိုင်း ချိန်ခါရာသီအလိုက် ဆောင်ရန်-ရှောင်ရန် နေထိုင်စားသောက်ရန်များ

ပြာသိုလ်လပြည့်ကျော်(၁)ရက်နေ့မှ တပေါင်းလပြည့်နေ့အထိ နှစ်လတာ ကာလသည် ရတုချိန်ခါ တွက်ဆပါလျှင် သီသီရ,ရတုဟု ခေါ်၏။
ထိုနှစ်လတာ ကာလတွင် လိုက်နာနေထိုင်ရန်နှင့် ရှောင်ကြဉ်ရန်မှာ အမြဲတမ်း ချွေးထွက်စေရန် ကိုယ်လက်လှုပ်ရှားမှုကို ပြုလုပ်ပြီးလျှင် နံနက်စောစောတွင် ရေချိုးခြင်းကို ရှောင်ရမည်ဖြစ်၏။


အနှိပ်အနင်းခံပြီး စိမ့်ရေ၊ စမ်းရေများ မသောက်သုံးရ၊ ရေမချိုးရ၊ လုံခြုံရာမှာ နေထိုင်ပြီး နွေးထွေးစွာနေထိုင် ရမည်။ စိုစွတ်သောအဝတ်အထည်များကို မဝတ်ဆင်ရပါ။ အခိုးပွင့်သော အစားအစာများ စားပေးပြီး ဆီးနှင်းများမမိရန် သတိပြုပါ။


မကျန်းမာသော လက္ခဏာများ---
ချွေးမထွက်ဘဲ ကိုယ်ပူခြင်း၊ ခေါင်းအုံကိုက်ခဲခြင်း၊ ဝမ်းချုပ်ခြင်း၊ ဆီးဖြူခြင်း၊ အာနံ့န့ခြင်း၊ ညာကြော တင်းခြင်း၊ စားမဝင် အိပ်မပျော်ခြင်းများ ဖြစ်တတ်၏။


စားသုံးသင့်သော အာဟာရဓာတ်စာများ---
ပူသော အစားအစာများ၊ ခါးစပ်သော အရသာများ၊ ဆိမ့်ဖန်သော အာဟာရများ။
ဥပမာ---ဟင်းလျာများအနေဖြင့် ခွေးတောက်ရွက်၊ ကြောင်လျှာရွက်၊ တမာရွက်၊ စသည်များ။ ငါးကြင်း၊ ငါးကျည်း၊ ငါးခူ၊ ငါးရံ့၊ ကြက်သား၊ ဆိတ်သား၊ အမဲသားများဖြင့် ရော၍ ခါး၊ စပ်၊ ဆိမ့်၊ ဖန် ရသာပေါ်အောင် ချက်ပြုတ်၍စားနိုင်သည်။ မုန့်ဟင်းခါး၊ ဒံပေါက်၊ ကော်ဖီ၊ ပေါင်မုန့်၊ ချင်းသုပ်၊ မန်ကျည်းဖျော်ရည်၊ ဘိလပ်ရည် စသည်များ သင့်၏။


ရှောင်ရမည့် အစာများ---
အေးသောအစားအစာများ၊ ချဉ်ငန်ရသာများနှင့် ချိုဆိမ့်ဖန်အရသာ မတည့်ပါ။
ဥပမာ---ဘူး၊ ဖရုံ၊ မန်ကျည်း၊ ကင်ပွန်း၊ အသီးအရွက်များနှင့် ဝက်သား၊ ဘဲသား၊ ကျွဲသား၊ ဆင်သား၊ စသည်များ ရောပြီး အေးချို၊ ငန်ချို၊ ချိုဆိမ့်ဖန်ဖြစ်အောင် မစားသင့်ပါ။ ထို့ပြင် ချဉ်ရည်ဟင်းများ၊ လက်ဖက်ရည်၊ လက်ဖက်သုပ်၊ နို့၊ ဒိန်ချဉ်၊ ကြံရည် စသည်များကို မစားသုံးသင့်ပါ။
*****


တပေါင်းလပြည့်ကျော်(၁)ရက်နေ့မှ ကဆုန်လပြည့်နေ့အထိ နှစ်လတာ ကာလ ရတုချိန်ခါတွက်ဆပါလျှင် နိန္ဒြရတု ဟုခေါ်၏။
ထိုနှစ်လတာအတွင်း လိုက်နာနေထိုင်ရန်နှင့် ရှောင်ရန်များမှာ မွန်းလွဲမှ ၃-နာရီအထိ ရေမချိုးရ။ ထုံးဓာတ်ပါသော ရေများ၊ ဆားဓာတ်ပါသော ရေများ၊ ယမ်းဓာတ်ပါသော ရေများ၊ စိမ့်စမ်းရေများ မချိုးရ။ အိပ်ရာခင်းများ စွတ်စိုခြင်းမရှိစေရ၊ စွတ်စိုသော နေရာများတွင် နေထိုင်ခြင်းကို ရှောင်ရမည်။ မွန်းလွဲပိုင်းမှ နေဝင်သည့်တိုင် ရေနွေးကိုသာ သောက်သုံးရမည်။ နှာရှူပေးရမည်။ ယောဂီရောင်အဝတ်အစားများကို ဝတ်သင့်၏။


မကျန်းမာသော လက္ခဏာများ---
အစားအသောက်ပျက်ခြင်း၊ အအိပ်ပျက်ခြင်း၊ ကိုယ်သားကိုယ်ရေ အေးပြီး ချွေးခြောက်ခြင်း၊ ဆီးဖြူခြင်း၊ ခေါင်းခဲခြင်းများ  ဖြစ်တတ်၏။


စားသုံးသင့်သော အာဟာရဓာတ်များ---
ပူသောအစားအစာများ၊ ခါးစပ်သော ဆိမ့်ဖန်အရသာများ စားသုံးနိုင်၏။
ဥပမာ---ချင်း၊ မိဿလင်၊ ဆိတ်ဖူး၊ ဥသျှစ်သီး ပွင့်ရွက်တို့ဖြင့် ငါးကျည်း၊ ငါးခူ၊ ဆိတ်၊ ကြက်သားများ ရောပြီး ပူဆိမ့်ဖန်၊ ပူခါးစပ်ရော၍ ချက်စားနိုင်သည်။ မန်ကျည်းဖျော်ရည်၊ ဥသျှစ်ဖျော်ရည်၊ အုန်းထမင်း၊ ဘိလပ်ရည်၊ ဒံပေါက်၊ ပေါင်မုန့်၊ ကော်ဖီ စသည်တို့လည်း သင့်၏။


ရှောင်ရမည့် အစားအစာများ---
အေးသောအစားအစာများ၊ ချဉ်ငန်အရသာနှင့် ချိုဆိမ့်ဖန် ရသာများကို ရှောင်ပါ။
ဥပမာ---ဘူးသီး၊ ဘူးရွက်၊ ဖရုံသီး-ရွက်၊ ကင်ပွန်းသီး-ရွက် စသည်များနှင့် ဝက်သား၊ ကျွဲသား၊ ဘဲသား စသည်တို့ကို ဆေး၊ ချဉ်၊ ငန်၊ ချို၊ ဆိမ့်၊  ဖန် ရသာဖြစ်အောင် ရောချက်စားသောက်ခြင်းကို ရှောင်ပါ။ လက်ဖက်ရည်၊ လက်ဖက်သုပ်၊ နို့၊ ဒိန်ချဉ်၊ ကြံရည် စသည်များကိုလည်း မစားသောက်သင့်ပါ။
*****


ကဆုန်လပြည့်ကျော်(၁)ရက်နေ့မှ ဝါဆိုလပြည့်နေ့အထိ နှစ်လတာကာလသည် ရတုချိန်ခါ တွက်ဆပါလျှင် ဂိမှရတုဖြစ်၏။
ထိုနှစ်လတာကာလတွင် လိုက်နာနေထိုင်ရန် ရှောင်ကြဉ်ရန်တို့မှာ နေ့လယ်နေ့ခင်း နေပြင်းပြင်းပူသော အချိန်တွင် ရေမချိုးရ။ မြစ်ရေ၊ ချောင်းရေများ မချိုးရ။ နေ့လယ်နေ့ခင်း မအိပ်ရ၊ ယပ်လေမခတ်ရ၊ တွင်းရေများ၊ ရေတံခွန်ရေများ ချိုးသင့်သည်။ လွန်မင်းစွာ ပင်ပန်းသောအလုပ်များ မလုပ်ရ။ ညအချိန်တွင် လမ်းလျှောက်ခြင်းကို ရှောင်ကြဉ်ရမည်။

မကျန်းမာသောလက္ခဏာများ---
အိပ်မပျော်ခြင်း၊ စားမဝင်ခြင်း၊ ချွေးထွက်နည်းခြင်း၊ ဆီးဖြူခြင်း၊ ခေါင်းအုံခြင်း၊ ကိုယ်ပူ၍ ညာတင်းခြင်းများ ဖြစ်တတ်၏။


စားသုံးသင့်သော အစားအစာများ---
ပူ၍ ခါးဖန်အရသာရှိသော အစားအစာများ၊ ပူ၍ ဆိမ့်စပ်သော အစားအစာများ။
ဥပမာ---ကြောင်ပန်း၊ ခံတက်၊ ဒန့်သလွန်၊ ရဲယိုသီး-ရွက်များ၊ ကြက်သား၊ ဆိတ်သား၊ ငါးရံ့၊ ငါးကျည်း၊ ငါးခူတို့ကို ရောပြီး ချက်စားသင့်သည်။ ပူ၊ ခါး၊ ဖန်၊။ ပူ၊ ဆိမ့် အရသာဖြစ်အောင် ချက်စားသင့်သည်။ ကော်ဖီ၊ ပေါင်မုန့်၊ ဒံပေါက်၊ မန်ကျည်းဖျော်ရည်၊ ရှောက်သီးသုပ် စသည်များလည်း တည့်၏။


ရှောင်ရမည့် အစားအစာများ---
အေး၍ ခါးဖန်အရသာရှိသော အစားအစာများနှင့် အေး၍ ဆိမ့်ချဉ်ရသာရှိသော အစာများကို ရှောင်ရမည်ဖြစ်၏။
ဥပမာ---ဆီးဖြူ၊ ဖန်ခါး၊ ချဉ်ပေါင်၊ သျှိသျှား၊ ကန့်ကလာ အသီး-အရွက်များနှင့် ဝက်သား၊ ပုဇွန်၊ ငါးတို့ဖြင့် အေးဆိမ့်ချဉ်၊ အေးခါးဖန် အရသာဖြစ်အောင်ချက်၍ မစားသင့်ပါ။ လက်ဖက်ရည်၊ နွားနို့၊ ကြံရည် စသည်တို့နှင့်လည်း မတည့်ပါ။
*****


ဝါဆိုလပြည့်ကျော်(၁)ရက်မှ တော်သလင်းလပြည့်နေ့အထိ နှစ်လတာကာလသည် ချိန်ခါရတုတွက်ဆရလျှင် ဝဿနရတုဟုခေါ်၏။
ထိုနှစ်ကာလတွင် လိုက်နာနေထိုင်ရန်၊ ရှောင်ကြဉ်ရန်မှာ မိုးအေးနေစဉ် ရေမချိုးရ၊ လုံခြုံစွာ အနွေးထည်ဝတ်၍ နေထိုင်သင့်သည်။ နေ့လယ်နေ့ခင်းတွင် မအိပ်ရ၊ ချွေးအောင်းပြီး အမွှေးအကြိုင်များလိမ်း၍ ပေးထားပါ။


မကျန်းမာသော လက္ခဏာများ---
အအိပ်ပျက်ခြင်း၊ အစားအသောက်ပျက်ခြင်း၊ ချွေးများထွက်တတ်ခြင်း၊ ဘယ်ကြောတင်းခြင်း၊ ဆီးနီခြင်း၊ ခေါင်းကိုက်ခြင်း၊ ခေါင်းခဲခြင်း၊ အာနံ့နံခြင်း၊ ရေ ခဏ ခဏသောက်သော်လည်း မတင်းတိမ်ဘဲနေတတ်ခြင်းများ ဖြစ်တတ်၏။


စားသုံးသင့်သော အာဟာရဓာတ်စာများ---
အေး၍ ခါးဖန်သောအစာများ၊ အေး၍ ဆိမ့်ချဉ်သောအစာများ စားသင့်၏။
ဥပမာ---ချဉ်ပေါင်၊ သျှိသျှား၊ ကန့်ကလာ၊ ဆီးဖြူ၊ ဖန်ခါး အသီး အရွက်များနှင့် ဝက်သား၊ ကြက်သား၊ ပုစွန်၊ ငါးတို့ကို အေးဆိမ့်ချဉ်၊ အေးခါးဖန် ရသာရှိအောင် ချက်စားသင့်သည်။ ချဉ်ဟင်း၊ ထမင်း၊ ပေါင်မုန့်၊ နို့၊ လက်ဖက်ရည်၊ ဒိန်ချဉ်၊ ကြံရည်တို့ တည့်၏။


ရှောင်ကြဉ်ရမည့် အစားအစာများ---
ပူ၍ ဆိမ့်စပ်သော အစာနှင့် ခါးဖန်သောအစာများကို ရှောင်ရမည်ဖြစ်၏။
ဥပမာ---ကြောင်ပန်း၊ ဒန့်သလွန်၊ ခံတက်၊ ရဲယိုသီးရွက်များကို ကြက်၊ ငှက်၊ ဆိတ်၊ နွား အသားများနှင့် ပူဆိမ့်စပ်၊ ပူခါးဖန် ရသာပေါ်အောင် ရောနှော၍ ချက်မစားသင့်ပါ။ ချင်းသုပ်၊ မုန့်ဟင်းခါး၊ ဒံပေါက်၊ အုန်းထမင်း စသည်များလည်း မတည့်ပါ။
*****

တော်သလင်းလပြည့်ကျော်(၁)ရက်နေ့မှ တန်ဆောင်မုန်းလပြည့်နေ့ထိ နှစ်လတာကာလသည် ကျရောက်ချိန်ခါ ရတုမှာကား သရဒဟု ခေါ်၏။
ထိုနှစ်လကာလတွင် လိုက်နာနေထိုင်ရန်နှင့် ရှောင်ကြဉ်ရန်တို့မှာ မိုးအေးစဉ် ရေချိုးခြင်းကို ရှောင်ကြဉ်ပါ။ မိုးရေနှင့် ဆီးနှင်းရေများ မချိုးမိစေရန် သတိပြုပါ။ နေ့လယ်နေ့ခင်းတွင် မအိပ်သင့်ပါ။ အရက်သောက်ခြင်းကို ရှောင်ပါ။ ချွေးထုတ်ပေးပြီး ဝမ်းမှန်မှန်နုတ်ပေးသင့်၏။


မကျန်းမာသောလက္ခဏာများ---
အစား အအိပ်ပျက်ခြင်း၊ ချွေးများစွာထွက်တတ်ခြင်း၊ ကိုယ်ရေကိုယ်သား ပူခြင်း၊ ရေငတ်ခြင်း၊ ဆီးနီခြင်း၊ ဘယ်ကြောတင်းတတ်ခြင်းများ ဖြစ်တတ်၏။


စားသုံးသင့်သော အာဟာရဓာတ်စာများ---
အေး၍ချဉ်သော အစာများနှင့် အေး၊ ချို၊ ဆိမ့်၊ ဖန် ရသာများသာ စားသင့်၏။
ဥပမာ---မန်ကျည်း၊ ဘူး၊ ဖရုံ၊ ကင်ပွန်း အသီးအရွက်များဖြင့် ဝက်၊ ကျွဲ၊ ဘဲ၊ ငါးရံ့၊ ငါးခူ၊ ငါးကျည်း၊ စသည်တို့ကို ရောကာ အေးချိုဆိမ့်ဖန်၊ အေးချဉ်ငန် အရသာပေါ်အောင် ရောနှောချက်စားသင့်သည်။ သင်္ဘောသီး၊ လက်ဖက်ရည်၊ ကြံရည်၊ ပဲထမင်း၊ နို့၊ ပေါင်မုန့် စသည်များကို စားသင့်၏။


ရှောင်ကြဉ်ရမည့် အစားအစာများ---
ပူခါးစပ်၊ ပူဆိမ့်ဖန် ရသာများကိုရှောင်ပါ။
ဥပမာ---ခွေးတောက်၊ တမာ၊ ကြောင်လျှာသီးရွက်တို့ဖြင့် ဆိတ်၊ ကြက်၊ ငှက်တို့ကို ပူခါးစပ်၊ ပူဆိမ့်ဖန် ရသာဖြစ်အောင် ရောနှောချက်ပြုတ်၍ မစားသင့်ပါ။ ချင်းသုပ်၊ မုန့်ဟင်းခါး၊ ဒံပေါက်၊ အုန်းထမင်း စသည်များနှင့်လည်း မတည့်ပါ။
*****

တန်ဆောင်မုန်း လပြည့်ကျော်(၁)ရက်နေ့မှ ပြာသိုလပြည့်နေ့အထိ နှစ်လတာကာလသည် ကျရောက်ချိန်ရတုမှာကား ဟေပရတု-ဟု ခေါ်၏။
ထိုနှစ်လတာကာလတွင် လိုက်နာနေထိုင်ရန်နှင့်  ရှောင်ကြဉ်ရန်တို့မှာ ကန်ရေ၊ ကျုံးရေ၊ မြောင်းရေများကို မချိုးရ၊ လေတိုက်မခံရ၊ လုံခြုံရာတွင် နေထိုင်ပါ။ နွေးထွေးစွာဝတ်ဆင်ပြီး နေ့လယ်နေ့ခင်းတွင် အိပ်စက်နိုင်သည်။ ညနေ ၄-နာရီကျော်လျှင် ရေမချိုးသင့်ပါ။ ဆီးနှင်းနှင့် ယပ်လေတို့ကို မခံရပါ။ ထမင်းလျှော့၍ စားရမည်ဖြစ်၏။


မကျန်းမာသော လက္ခဏာများ---
ဆီး, ဝမ်းချုပ်ခြင်း၊ ဆီးနီခြင်း၊ ရေမကြာခဏ ငတ်ခြင်း၊ ချွေးများစွာ ထွက်တတ်ခြင်း၊ ဘယ်ကြောတင်းခြင်း၊ အာနံ့နံခြင်း၊ ခေါင်းခဲခြင်းများ ဖြစ်တတ်၏။ 


စားသုံးသင့်သော အာဟာရဓာတ်စာများ---
အေး၊ ချို၊ ဆိန့်၊ ဖန် ရသာနှင့် အေး၊ ချဉ်၊ ငန် ရသာများ စားသုံးသင့်၏။
ဥပမာ---ထောက်ရှာ၊ ပိန်းဥ၊ သပြေ၊ မန်ကျည်း၊ ပဲ၊ ကင်ပွန်း၊ ဆီး အသီး-အရွက်များနှင့် ငါး၊ ပုစွန်၊ ဝက်၊ ကျွဲ၊ ဘဲသားတို့ကို အေးချဉ်ငန်၊ အေးချိုဆိမ့်ဖန် ရသာပေါ်အောင် ရောပြီးချက်စားသင့်သည်။ ဘိလပ်ရည်၊ ကြံရည်၊ နို့၊ ပေါင်မုန့်၊ လက်ဖက်ရည်၊ ပဲထမင်း စသည်များတည့်၏။


ရှောင်ကြဉ်ရမည့် အစားအစာများ---
ပူခါးစပ်၊ ပူဆိမ့်ဖန် အာဟာရများကို ရှောင်ရမည်ဖြစ်၏။
ဥပမာ---ပဲ၊ ရဲယို၊ ခွေးတောက်၊ ဥသျှစ် အရွက် အသီးများဖြင့် သမင်သား၊ ဒရယ်သား၊ ခါသား၊ ယုန်သား၊ ဆိတ်သားတို့ကို ပူခါးစပ်၊ ပူဆိမ့်ဖန် အရသာပေါ်အောင် ရောပြီး ချက်မစားသင့်ပါ။ ချင်းသုပ်၊ မုန့်ဟင်းခါး၊ ဒံပေါက်၊ အုန်းထမင်းတို့နှင့်လည်း မတည့်ပါ။

သတ္တဝါများ ချမ်းသာပါစေ
သုတေသီ မြင့်ထွန်း
(ဂမ္ဘီရ ၂၀၀၄-၇)

No comments: