Tuesday, November 22, 2011

လေဖြတ်သလား လက်ပံခါး

လေဖြတ်ခဲ့သော်---
လက်ပံခါး လက်ကောက်ဝတ်ခန့် အတုံးများကို အရှည် ၅-လက်မခန့် ဖြတ်ပြီး ထန်းချက် အခဲ ၂၀-ထည့်ပြီး ရေချိုးခွက်နဲ့ ရေ ၃-ခွက် ထည့်၍ တခွက်ကျန်အောင် ကျိုချက်ပါ။
ပြီးလျှင် ပျားရည်ရှိလျှင် ပျားရည်နဲ့ နံနက်တကြိမ်၊ ညတကြိမ် အကြမ်းပန်းကန် တလုံးကျ သောက်ပါ။
ပျားရည်မရှိလျှင် ဒီအတိုင်း သောက်ပါ။ 
လက်ပံခါးပြုတ်ရည် နံနက်-ည သောက်၍ ၂-ရက်ပြည့်သောအခါ ဝမ်းပျော့ပျော့ တနေ့ ၃-ကြိမ် တခါတရံ ၄-ကြိမ် သွားပါမည်၊ စိုးရိမ်စရာ မရှိပါ၊ မှန်မှန်ဆက်သောက်ပါ။

လက်ပံခါး အကိုင်းအခက်များကို ဓားဖြင့် နုပ်နုပ်စဉ်း၍ အခြောက်လှန်း၊ သံဆုံဖြင့် အမှုန့်ထောင်း၍ ဆန်ခါချထားပါ။ ပြီး လက်ပံခါးအမှုန့် အကြမ်းပန်းကန် တလုံးနှင့် ပျားရည် အကြမ်းပန်းကန် ၃-လုံး ရောစပ်၍ တေပြီး အဝကျယ်သော ဖန်ပုလင်းတွင်ထည့်၍ လေလုံအောင် ပိတ်ထားပြီး  တပတ်ပြည့်သောအခါ ဆေးမှာ ပွ၍ ပွားလာပြီး ပျစ်နေပါမည်။ 
ထိုအခါ ပျားရည် တပန်းကန် ထပ်မံရော၍ သမအောင် မွှေပေးပြီး လက်ဖက်စားဇွန်းဖြင့် နံနက်-ည တနေ့ ၂-ကြိမ်ကျ မှန်မှန်သောက်ပါ။ 


ဦးကျော်ဒင်

မော်လူး
(ကောက်နှုတ်ဖော်ပြသည်)

No comments: