Thursday, December 29, 2011

မျက်စိနာအတွက် ဆေးနည်းတလက်

တနေ့ ညောင်လေးပင်မြို့ ရိုးမစားသောက်ဆိုင်ပိုင်ရှင် ဒေါ်အုန်းကြည်၏ မွေးနေ့ အလှူမင်္ဂလာပွဲသို့ ကျွန်တော်နှင့်အတူ ဆရာတော်ကြီး ဦးနာဂိန္ဒ အမှူးပြုသော သံဃာတော်များ ရောက်ရှိသွားကြပါသည်။ ဆရာတော်ကြီးနှင့် ပင့်သံဃာတော်များအား ဆွမ်းကပ်လှူ တရားနာအပြီး ဧည့်ပရိသတ်များနှင့် အတူ စကားလက်ဆုံ ပြောမိကြသည်။


မျက်စိ ခွဲစိတ်ကုသကြသူများနှင့် မျက်စိရောဂါအကြောင်း အမျိုးမျိုး ပြောနေကြသည်။ ဒီစကားဝိုင်းသို့ ညောင်လေးပင်မြို့ ဈေးကြီးအတွင်း တိုင်းရင်းဆေးဆိုင် ဖွင့်ထားသူ ဒေါ်ခင်လေးသိန်း (၅၈)နှစ်မှ မျက်စိအတွက် မျက်လုံးရောဂါရှင်များအတွက် ဆေးနည်းတလက်ကို စေတနာဖြင့် ပေးလာခဲ့ပါသည်။ ဤဆေးနည်းကို သူတို့မိသားစု အမြဲအသုံးပြုကြောင်း ယနေ့ထိလည်း အနီးအဝေး မျက်မှန်မတပ်ရကြောင်း
ပြောပြပါသည်။


ဆေးနည်းနှင့် လိုက်နာ လုပ်ဆောင်ရမည့် အချက်များကလည်း မခက်လှသည့်အတွက် (၇)ရက်သားသမီးများ အကျိုးရှိစေခြင်းငှါ နက္ခတ္တရောင်ခြည်မဂ္ဂဇင်းမှ တင်ပြအပ်ပါသည်။
ဆေးနည်းနဲ့ လိုက်နာ လုပ်ဆောင်ရမည့် အချက်များမှာ---
ဆန်ဆေးရည်ဖြင့် ဒူး၏ အောက်ပိုင်းကို နေ့စဉ် နံနက်တကြိမ်၊ ညတကြိမ် ဆေးပေးရပါမည်။
ညဘက်တွင် မန်ကျည်းသီးနှင့် ဆားအနည်းငယ်ရောပြီး ဖြေဖဝါးအား ပွတ်ပေးပါ။
နံနက် မျက်နှာမသစ်မီ ပြုလုပ်ရမှာက သက်ရင်းမြစ်နှင့် တမာမြစ် နှစ်မျိုးတို့အား ဆတူသွေးပြီး ခြေထောက်၏ ဒူးဆစ်အောက်ကို လိမ်းပေးရမည်။


တခုသတိပြုရမှာက သွေးလိမ်းမည့် သက်ရင်းမြစ်နှင့် တမာမြစ်တို့မှာ အပင်၏အရှေ့ဘက် (သို့) နေထွက်ရာဘက်သို့ သွားသော အမြစ်များ ဖြစ်ရပါမည်။ 
ဤဆေးနည်းကို စေတနာထား ပေးလာခဲ့သော ဦးချမ်းအေး+ဒေါ်ခင်လေးသိန်း ရွှေကျင်ပရဆေးဆိုင်
-ညောင်လေးပင်အား ကျေးဇူးတင်စွာဖြင့် လူသားတိုင်း မျက်စိဝေဒနာ ကင်းဝေးကြပါစေကြောင်း
ရေးသားလိုက်ရပါသည်။


ကိုမြသွေး (ပေါင်းလောင်းမြေ)
(နက္ခတ္တ ၂၀၀၇-၄)

No comments: