တရုတ်ပြည် ရှေးဟောင်း သုံးပြည်ထောင်ခေတ် (AD 221-263) ဆူဟန်ပြည်ထောင်၏ စစ်သူကြီး ကွမ်းသည် စစ်ချီကျမ်းကျိန် သစ္စာဆိုပွဲပြီးနောက် စခန်းတွင် အနားယူသည်။ ငိုက်မျည်းရင်း အိပ်မက်မက်သည်။ ရုတ်တရက် တောဝက်တကောင် ပေါ်လာသည်။ နွားကဲ့သို့ ကြီးသည်။ တကိုယ်လုံး မည်းတူးနေသည်။ စခန်းသို့ ပြေးဝင်ပြီး မိမိ၏ခြေကို လာကိုက်သည်။ လန့်နိုးလာသောအခါ ဘယ်ခြေသည် နာနာကျင်ကျင်ဖြစ်နေသည်။
စစ်သူကြီးကွမ်းသည် မည်သည့်အတိတ်နိမိတ်ဆောင်သည်ကို သိလို၍ စုံစမ်းကြည့်သောအခါ မွေးစားသား ကွမ်းဖိင်သည် မျက်နှာလိုမျက်နှာရ ၀က်ဆိုတာ နဂါးပုံပေါက်တယ်၊ နဂါးက ခြေမှာလာကပ်တယ်ဆိုတော့ ပျံတက်ခြင်းအဓိပ္ပါယ် ဆောင်တယ်။ စိုးရိမ်ဖွယ်မရှိ-ဟုဆိုသည်။ ဤသို့ ပြောဆိုခြင်းသည် စစ်သူကြီး ကွမ်းအား ရောဂါကုသရန် နှောင့်နှေးကြန့်ကြာစေခဲ့သည်ကို သူမသိ။ စစ်ပွဲကို ကြီးမှူးကွပ်ကဲ အုပ်ချုပ်ရသော စစ်သူကြီးကွမ်းမှာမူ နာတာရှည်ရောဂါ စွဲကပ်ခံစားနေရတော့သည်။
ယခုခေတ် ရှေးပညာရှင် ရှုထောင့်မှကြည့်လျှင် စစ်သူကြီးကွမ်း ခြေနာသည်ဟု မြင်မက်ခြင်းသည် ဒူလာရောဂါ သိသာထင်ရှားစွာ ရောဂါဖောက်ပြန်လာခြင်း ဖြစ်နိုင်သည်။
ဒူလာရောဂါသည် အသက်ကြီးယောက်ျားများတွင် ဖြစ်လေ့ရှိသော အဆစ်အမြစ်ကိုက်ခဲခြင်း ရောဂါပင် ဖြစ်သည်။ အဆစ်အမြစ်ကိုက်ခဲစေသော တိုက်ရိုက်အကြောင်းရင်းသည် သွေးရည်ထဲ၌ ယူရစ်အက်စ် များလာသောကြောင့် ဖြစ်သည်။ သွေးရည်ထဲတွင် ယူရစ်အက်စစ်ဆား ပျော်ဝင်နိုင်မှု အားနည်းလာသည်။ ပိုလျှံသော ပိုတက်စီယမ် ယူရစ်အက်စ် ဓာတ်ဆားပွင့်ကလေးများ ဖြစ်လာပြီး အဆစ်များ၏ အစေးမြှေးတွင် အနယ်ထိုင်သည်။ ထိုအခါ အဆစ်အမြစ်များသည် ရောဂါပိုးမရှိဘဲလျက် နာကျင်ရောင်ရမ်းလာသည်။ အဆစ်များ နီမြန်းပူနွေးလာတတ်သည်။
အရက်သောက်ခြင်းသည် အဆစ်အမြစ်ကိုက်ခဲခြင်းကို ပိုမိုဆိုးဝါးစေနိုင်သည်။ အရက်ပြန်သည် လူ့ခန္ဓာကိုယ်ထဲသို့ ရောက်သောအခါ လူ့ခန္ဓာကိုယ်တွင်းရှိ (Lactic acid) လက်တစ်အက်စ် ဖြစ်မြောက်ခြင်းကို တိုက်ရိုက်မြန်ဆန်စေသည်။ ထိုလက်တစ်အက်စ်သည် ကျောက်ကပ်မှ ယူရစ်အက်စ် စွန့်ထုတ်ခြင်းကို ဟန့်တားသည်။ သို့နှင့် အဆစ်အမြစ်ကိုက်ခဲ သံသရာစစေသည်။
စစ်သူကြီးကွမ်းသည် ရှေးတရုတ် သုံးပြည်ထောင်ခေတ် ဆူဟန်ပြည်ထောင်(AD 221-263) ၏ စစ်သူကြီး ဖြစ်သည့်ပြင် ပြည့်ရှင်မင်း လျိုပေ့နှင့်လည်း သွေးသောက်ညီအကိုဖြစ်၍ အဆင့်မြင့်သည်။ ကြက်၊ ဘဲ၊ ငါး၊ အသား စားကောင်းသောက်ဖွယ် နေ့စဉ်စားနေကျဖြစ်သည်။ ထို့ပြင် ရာထူးကြီးမှုကြောင့် စားပွဲ ခဏခဏသွားရသည်။ အရက်သောက်ခြင်း အကြိမ်များသည်။ စားကောင်းသောက်ဖွယ်တို့ များလွန်းသဖြင့် ခန္ဓာကိုယ် ပျက်စီးသည်မှာ မလွဲမသွေ ဖြစ်တော့သည်။ သွေးတွင်း ယူရစ်အက်စ်ဓာတ် ပိုကဲသောရောဂါဖြစ်လာမည်။
ယခုခေတ် ဆေးပညာအရ သွေးတွင်းယူရစ်အက်စ်ဓာတ် ပိုကဲခြင်းကို ကာလကြာရှည်စွာ မပြုပြင် မကုသပါက အဆစ်အမြစ်တွင် ဆားပွင့်များ အနယ်ထိုင်ပြီး အဆစ်အမြစ်ကိုက်ခဲခြင်း ဖြစ်လာလေသည်။ အဆစ်အမြစ်ကိုက်ခဲခြင်း ဝေဒနာရှင်များစွာတို့သည် ဆရာဝန်ကို ရောဂါဖြစ်စဉ် ပြောပြသောအခါတွင် ထိုခေတ်ထိုအခါက စစ်သူကြီးကွမ်းကဲ့သို့ပင် အိပ်မက်ထဲ၌ မြွေ သို့မဟုတ်-အကောင်တမျိုးမျိုး အကိုက်ခံလိုက်ရပြီး နိုးလာသောအခါ အကယ်ပင် ခြေနာနေတော့သည်။
များသေားအားဖြင့် ညဘက်တွင် အဆစ်အမြစ်ကိုက်ခဲခြင်း ရောဂါ ဖောက်ပြန်ဆိုးဝါးလာတတ်သည်။ အကြောင်းရင်း (၁) ညဘက်အိပ်ရာဝင်ချိန်တွင် အစာနှင့်ရေ ခန္ဓာကိုယ်တွင်း မ၀င်ရောက်တော့၍ သွေးရည်သည် ရေဓာတ်လျော့နည်းလာပြီး ယူရစ်အက်စ်ဓာတ် စေးပျစ်မှု ပိုမိုလွန်ကဲလာသည်။
(၂) အဆစ်အမြစ်ကိုက်ခဲခြင်းကို ထိန်းချုပ်နိုင်သော ကျောက်ကပ်အထက်ဂလင်း အရေပါး ဟော်မုန်းထုတ်လွှတ်မှု လျော့နည်းနေချိန်တို့ကြောင့် ဖြစ်သည်။
လူ၏ခြေအစုံသည် ခန္ဓာကိုယ်တခုလုံး၏ အလေးချိန်ကို ထမ်းထားရသည်။ ပထမခြေမျက်လွန် ခြေဖ၀ါးအဆစ်သည် တကိုယ်လုံးတွင် ဖိအားခံယူမှု အများဆုံး အဆစ်ဖြစ်သည်။ အဆစ်များ၏ အစေးမြှေးသည် အနည်းငယ် ရောင်ရမ်းနာကျင် ဖြစ်တတ်သည်။ ထိုအစေးမြှေးတွင် ဆိုဒီယမ်ယူရစ်အက်စ် ဆားပွင့်ကလေးများ အလွယ်တကူ စုရုံးအနယ်ထိုင်လာကြသည်။ ထို့ကြောင့် ပထမခြေမျက်လွန် ခြေဖ၀ါးအဆစ်သည် ဦးဆုံးရောဂါ ဖောက်ပြန်သောနေရာ၊ ခဏခဏ ရောဂါဖောက်ပြန်တတ်သော နေရာလည်း ဖြစ်သည်။
တရုတ်ဆေးပညာအရ ဆိုရသော် အဆစ်အမြစ်ကိုက် ဒူလာရောဂါကို ၀ါယောဓာတ် ဖောက်ပြန်ခြင်း ရောဂါ-ဟု ခေါ်သည်။ အကြောအဆစ် ထုံကျဉ်ကိုက်ခဲခြင်း ရောဂါအမျိုးအစား ဖြစ်သည်။ စားကောင်းသောက်ဖွယ်များ အစားကြူး၍ အစိုပူဖြစ်ပေါ်ပြီး ချွဲသလိပ် ပျစ်ညစ်၍ အေးခဲသည်။ သွေးလေမမှန်ဘဲ ရောဂါအခြေအနေပေါ်မူတည်ပြီး ဆေးကုသမှု ခံယူသင့်သည်။ အစားအသောက်ကိုလည်း တင်းကျပ်စွာ ထိန်းချုပ်ရမည်။ ဘီယာ၊ တိရစ္ဆာန်ကလီစာများ၊ အသားများ၊ ငါး၊ ပုစွန်၊ ကဏန်း၊ ပင်လယ်ခူ၊ ခရု၊ ကမာ၊ ပဲပုပ်၊ ပဲကြီး၊ မှို စသည့်အစာတို့ကို ရှောင်ရမည်။
ကလေးနှင့် လူငယ်များတွင် အဖြစ်များသော အဆစ်အမြစ်ကိုက်ခဲခြင်းသည် (Rheumatism) ရူမက်တစ်ဇင်ရောဂါ ဖြစ်သည်။ နာတာရှည်၍ ထပ်ခါထပ်ခါ ဖောက်ပြန်တတ်သော တကိုယ်လုံး နာတတ်သောရောဂါဖြစ်သည်။ အေး၍ စိုစွတ်သော အနွေးပိုင်းဒေသတွင် အဖြစ်များသည်။
အဆစ်ရောင်နာနှင့် နှလုံးရောင်နာသည် အဓိကလက္ခဏာများဖြစ်သည်။ ကိုယ်လည်း ပူနိုင်သကဲ့သို့ အင်ပျဉ်လည်း ထနိုင်သည်။ အရေပြားအောက် အထုံးကလေးများလည်း ပေါ်တတ်သည်။ အကြောဆွဲရောဂါလည်း ပေါ်တတ်သည်။ ဤရောဂါသည် နှလုံးကြွက်သား၊ နှလုံးဖုံးမြှေးနှင့် နှလုံးအခင်းမြှေးတို့ကို ထိခိုက်စေနိုင်သည်။ ရူမက်တစ်ဇင် နှလုံးအခင်းမြှေးရောဂါ ဖြစ်သွားနိုင်သည်။
ထို့ကြောင့် ခန္ဓာကိုယ်ခုခံအားကောင်းစေရန် ကိုယ်လက်ကြံ့ခိုင်အားကစား လှုပ်ရှားမှု ကြိုးစားလေ့ကျင့် သင့်သည်။ အအေးမိ၊ အာသီးရောင်၊ လည်ချောင်းနာရောဂါများ မဖြစ်အောင် ကာကွယ်ရမည်။ ဖြစ်လျှင်လည်း ဆရာဝန်ညွန်ကြားသည့်ဆေးကို အပတ်လည်အောင် သောက်ရမည်။
အဆစ်ရောင်နာ (Arthritis)သည် အဆစ်အမြစ် ရောင်ရမ်းကိုက်ခဲသော နာတာရှည်ရောဂါဖြစ်သည်။ ရောဂါပြင်းထန်လျှင် နီ၊ ရောင်၊ ပူ၊ နာတတ်သည်။ လှုပ်ရှားရန် ခက်ခဲပြီး အဆစ်အမြစ်များ ပုံပျက်သွားနိုင်သည်။ ရောဂါဖြစ်နိုင်သော အကြောင်းရင်းများစွာရှိသည်။ အကြမ်းဖျင်း ငါးမျိုး ခွဲခြားနိုင်သည်။
(၁) ဓာတ်မတည့် တုံ့ပြန်ခြင်း (ရူမက်တွိုက် အာသရိုက်တစ်နှင့် ဆင်တူအဆစ်ရောင်နာတို့ ပါဝင်သည်။)
(၂) ရောဂါပိုးမွှား ကူးစက်ခြင်း၊ ပြည်တည်အဆစ်အမြစ်ရောင်နာ၊ အာသီးရောင်၊ အအေးမိ ချောင်းဆိုးတို့ ပါဝင်သည်)။
(၃) ဇီဝဖြစ်ပျက် ပြောင်းလဲဖြစ်စဉ် စနစ်မကျ ရှုပ်ထွေးယိုယွင်းခြင်း (ဒူလာရောဂါ အပါအ၀င်ဖြစ်သည်)။
(၄) ထိခိုက်အနာတရဖြစ်ခြင်း(ထိခိုက်၊ ခွဲစိတ်အပါအ၀င်)။
(၅) မရှင်းလင်းသော အကြောင်းရင်း (သမင်ဖြူရြေ၈ါ အပါအ၀င်)။
ရူမက်တွိုက် အာသရိုက်တစ်၏ ထူးခြားချက်သည် လှညြ့်လည်တတ်သော သဘောရှိသည်။ အဓိကဒုက္ခပေးသော နေရာများမှာ ပခုံး၊ တံတောင်ဆစ်၊ လက်ကောက်ဝတ်၊ ဒူးခေါင်း၊ တင်ပါးဆစ်၊ ပေါင်ရင်းဆစ် စသည့် အဆစ်ကြီးများဖြစ်သည်။ သို့သော် ပြည်တည်ခြင်းမရှိ။ ရောဂါဖောက်ပြန်ခြင်း မရှိသော အခါတွင် အဆစ်များသည် ဘာမျှမဖြစ်သကဲ့သို့ပင် ရှိ၏။
ကြိုတင်ကာကွယ်လိုလျှင် အာခေါင်းနာ၊ အာသီးရောင်နာတို့ မဖြစ်စေရန် ရေခဲရေသောက်ခြင်း၊ အအေးမိခြင်းကို ရှောင်ရမည်။ ဆရာဝန်ညွှန်ကြားသော ဆေးကို ဆေးပတ်လည်အောင် သောက်ရမည်။
ဆင်တူ အဆစ်ရောင်နာသည် နာတာရှည် တွယ်ဆက်တစ်မှူးရောဂါတမျိုး ဖြစ်သည်။ တစုံတရာသော ရောဂါရပြီးနောက် ဖြစ်ပေါ်လာသော မိမိကိုယ်ကို ရောဂါဖြစ်ခြင်း တုံ့ပြန်မှုဖြစ်သည်။ များသောအားဖြင့် ခြေလက်အဆစ်များကို ဒုက္ခပေးတတ်သည်။ ရောဂါဖြစ်ခါစတွင် ရောင်ရမ်းနီမြန်းခြင်း ဖြစ်တတ်သည်။ ရောဂါကျွမ်းလာသောအခါ အဆစ်မျက်နှာပြင်များ ပျက်စီးလာသည်။ တွဲကပ်လာသည်။ အဆစ်များအဓမ္မ ဆွဲဖြောင့်သကဲ့သို့ တိုးလိုးတွဲလောင်းပုံစံ ဖြစ်လာမည်။ ဆေးကုသမှု၊ ဟော်မုန်းဆေးသွင်း ကုသမှု၊ အပ်စိုက်ကုသမှုအပြင် လိုအပ်လျှင် ခွဲစိတ်ကုသမှုကိုပါ ခံယူရမည်။
ပါမောက္ခ ဒေါ်ခင်ဖြူ (မြင်းခြံ)
တရုတ်ဘာသာ Family Doctor စာစောင်နှင့် တရုတ်ဘာသာ The Nobel Prize in Medicine စာအုပ်များကို ကိုးကားဘာသာပြန်ပါသည်။
(မြတ်မင်္ဂလာ ၂၀၁၀-ဇူလိုင်လ)
