Wednesday, January 11, 2012

(၇) အရှင်လကုဏ္ဍကဘဒ္ဒိယမထေရ်အကြောင်း သိကောင်းစရာ

ဧတဒဂံ္ဂ ဘိက္ခဝေ မမ သာဝကာနံ ဘိက္ခူနံ မဉ္ဇုဿရာနံ လကုဏ္ဍကဘဒ္ဒိယော။ (အံ၊ ၁-၂၃)

အရှင်လကုဏ္ဍကဘဒ္ဒိယမထေရ်အလောင်း ရှေးဆုတောင်း---
အရှင်လကုဏ္ဍကဘဒ္ဒိယ အလောင်းတော်သည် ပဒုမုတ္တရဘုရားလက်ထက်တော်ဝယ် ဟံသာဝတီမင်းနေပြည်၌ ပစ္စည်းဥစ္စာကြွယ်ဝသောအမျိုး၌ဖြစ်၍ တနေ့သောအခါ ဘုရားရှင်က သာယာသော အသံရှိသော ရဟန်းတို့တွင် အမြတ်ဆုံးဧတဒဂ်အရာ၌ထားသော ရဟန်းတပါးကို တွေ့မြင်ရ၍ ခုနစ်ရက်တိုင်တိုင် ဘုရားအမှူးရှိသော သံဃာတော်အား အလှူကြီးပေးလှူကာ အသံသာသောအရာ၌ အမြတ်ဆုံး ဧတဒဂ်ဆုကို တောင်းခဲ့လေသည်။

ဆုံးဘဝသစ်၊ ရဟန်းဖြစ်၊ ရလစ်ဧတဒဂ်---
ထိုဆုတောင်းကြောင့် အရှင်မြတ်အလောင်းတော်သည် ကျွန်ုပ်တို့၏ ဘုရားလက်ထက်တော်ဝယ် သာဝတ္ထိမင်းနေပြည်၌ စည်းစိမ်ချမ်းသာသော အမျိုး၌ဖြစ်ကာ နောက်ဆုံး ရဟန်းပြု၍ အရဟတ္တဖိုလ်ပေါက် ဆိုက်ရောက်လျက် သာယာချိုမြိန်သော အသံရှိကြသည့် တပည့်ရဟန်းတို့တွင် အမြတ်ဆုံး ဧတဒဂ်ဘွဲ့ထူးကို ဆွတ်ခူးရရှိလေသည်။

No comments: