Wednesday, January 25, 2012

ခရီးသွားလျှင် ရွတ်စေချင်, အန္တရာယ်ကင်းစင် အမှန်ပင်

နတ်မောက်မြို့၏ မြောက်ဘက် ရွှေကန်ရွာသို့ ရောက်ရှိစဉ် မိတ်ဆွေ ဦးကြည်မှ မိတ်ဆက်ပေးသဖြင့် ဦးအောင်မင်း ဆိုသူနှင့် တွေ့ဆုံစကားပြောခဲ့ရပါသည်။
ဦးအောင်မင်းက သူငယ်စဉ်ကပင် ဖခင်ဖြစ်သူက ခရီးသွားတိုင်း အန္တရာယ်ကင်းစေရန်အတွက် ရွတ်ဖတ်ရန် နှုတ်တိုက်သင်ပေးခဲ့သော ဂါထာတော်မြတ်တစ်ပုဒ်  ပြောဆိုရွတ်ပြသဖြင့် တင်ပြလိုက်ပါသည်။

ကုန်းလမ်း၊ ရေလမ်း၊ လေလမ်း မည်သည့်ခရီးလမ်းသို့ သွားသည်ဖြစ်စေ နေအိမ်မှအထွက်တွင် (၉)ခေါက်၊ မိမိလိုရာခရီး (ဒေသ-နေရာ) ရောက်လျှင် (၉)ခေါက် ဤဂါထာကို ရွတ်ဆိုလျှင် အန္တရာယ်ကင်း
ဘေးရှင်းစေသည်ဟု ပြောပြပါသည်။ ယုံကြည်လေးနက်စွာ ရွတ်ဆိုနိုင်ကြပါစေ။

အန္တရာယ်ကင်း ဂါထာတော်မြတ်မှာ အောက်ပါအတိုင်း ဖြစ်ပါသည်။
ကတာ မေ ရက္ခာ၊ ကတံ မေ ပရိတ္တံ။
ပဋိက္ကမန္တု ဘူတာနိ၊ သောဟံ နမော ဘဂဝတော။
နမော သတ္တာနံ သမ္မာသမ္ဗုဒ္ဓါနံ။

ဂါထာအနက်---
မေ-ငါသည်၊ ရက္ခာ-အကာအကွယ် အစောင့်အရှောက်ကို၊ ကတာ-ပြုအပ်ပြီ။
မေ-ငါသည်၊ ပရိတ္တံ-အရံအတားကို၊ ကတံ-ပြုခဲ့ပြီးပေပြီ။
ဘူတာနိ-အန္တရာယ်ပြုတတ်သော သတ္တဝါတို့သည်၊ ပဋိက္ကမန္တု-ဖယ်ခွါရှောင်ရှားကြကုန်လော။
သောဟံ-ထိုငါသည်၊ ဘဂဝတော-ပရိနိဗ္ဗာန်စံဝင်ခဲ့ကြ ရှေးဘုရားရှင်မှန်သမျှအား၊ နမော-ရှိခိုးခြင်းကို၊ (ကရောမိ-ပြုလုပ်ပါ၏)၊ 
သတ္တာနံ-ခုနစ်ဆူကုန်သော၊ သမ္မာသမ္ဗုဒ္ဓါနံ-ဝိပဿီအစရှိသော ဘုရားရှင်တို့အား၊ နမော-ရှိခိုးခြင်းကို၊ (ကရောမိ-ပြုလုပ်ပါ၏)။

အန္တရာယ်ကင်း ဘေးရှင်းကြပါစေ
မြေမိုးချစ် (နတ်မောက်)
(နက္ခတ္တ ၂၀၀၆-၃) 

No comments: