Sunday, April 29, 2012

စတုမဓူ ယိုတစ်မျိုး

နတ်မောက်မြို့ ဘုရားကြီးကျောင်းတိုက်မှ တောင်ဖီလာဆရာတော် ဦးဇနပတိ-နှင့် အတူ ချက်လုပ်ခဲ့ဖူးသော “စတုမဓူယို” ချက်နည်း တင်ပြလိုပါသည်။
စတုမဓူ ချက်ဆေး-ဟု ခေါ်လျှင်လည်း ရနိုင်ပါသည်။ ယိုကဲ့သို့ ပေါင်မုန့်စသည်တို့နှင့် သုတ်စားနိုင်သဖြင့် “စတုမဓူယို”ဟု တင်ပြရခြင်း ဖြစ်ပါသည်။


လိုအပ်သော ဆေးအမည်များမှာ---
၁။ သကြားဖြူ
၂။ ပျားရည်စစ်စစ်
၃။ နှမ်းဆီ
၎။ ဆီဦးထောပတ်
အထက်ပါ ဆေးအမည် လေးမျိုးကို ကြွေဇလုံကြီးထဲတွင် အလေးချိန် ဆတူထည့်၍ ဒန်အိုးကြီးထဲတွင် ရေထည့်ပြီး ဆေးဇလုံကို အပေါ်တင်၍ အဖုံးဖုံးကာ ရေနွေးငွေ့ဖြင့် နှစ်နာရီမှ သုံးနာရီထိ ချက်ရပါသည်။


လေနာရောဂါ၊ ရင်ဘတ်နာ၊ အားနည်း ပိန်လှီချည့်နဲ့သူများ၊ ပထဝီသွေးပျက်နေသော လူနာများနှင့် သင့်တော်ပြီး တစ်နေ့လျှင် ဟင်းသောက်ဇွန်း တစ်ဇွန်း မှန်မှန် စားပေးရပါမည်။ လိုသလို ချင့်၍ ဆေးကို တိုး၍ စားနိုင်ပါသည်။


နတ်မောက်-လှမြင့်သစ်

No comments: