Monday, May 7, 2012

ကျန်းမာရေး မေး+ဖြေ

ဒေါက်တာ မောင်မော်ငညို၊ ဒေါက်တာ နန်းဥမ္မာ ဖြေသည်။
(မေး) ဒေါက်တာရှင့် ကြောင်ကလေးများနှင့် အိပ်ခြင်း၊ ဖက်ခြင်း၊ နမ်းခြင်း၊ ပွေ့ခြင်းတို့ဖြင့် မည်သို့သော ဆိုးကျိုးများ ရနိုင်ပါသလဲရှင်၊ ကျေးဇူးပြု၍ ဖြေကြားပေးပါ။
(ညိုအိ-ဗန်းမော်မြို့)

(ဖြေ) ခွေး-ကြောင် စသည့် တိရစ္ဆာန်များနှင့် အတူအိပ်ခြင်း၊ ဖက်ခြင်း၊ နမ်းခြင်းတို့မှာ ကျန်းမာရေးရှုထောင့်မှ ကြည့်လျှင် လုံးဝမကောင်းပါ။ တိရစ္ဆာန်၏ အမွေးအမှင်များကြောင့် ယားယံခြင်း၊ အဖုအပိမ့်ထခြင်း၊ ရင်ကျပ် ပန်းနာ ထခြင်း စသည့် ဓာတ်မတည့်မှု လက္ခဏာများကို ခံစားရတတ်ပါသည်။ ထို့အပြင် ယင်းတို့၏ကိုယ်မှ သန်း၊ လှေး စသည်များ ကိုက်ခြင်းကြောင့် ယားနာများ၊ ရောဂါပိုးဝင်သော ပြည်တည်နာများ ပေါက်နိုင်ပါသည်။ ခွေးရူးကာကွယ်ဆေး ထိုးမထားလျှင် ခွေးရူးရောဂါ ကူးစက်ပြီး မိမိအား လျှာဖြင့်လျက်ခြင်း ပြုပါက မိမိပါ ရောဂါကူးစက်၍ အသက်အန္တရာယ် ဖြစ်နိုင်ပါသည်။ တစ်ခါတစ်ရံ ကြောင်၏လက်သည်းများဖြင့် ကုန်ခြစ်မိက ကြောင်ခြစ်ဖျားရောဂါ (Cat Scratch Fever) ဟုခေါ်သော ဗိုင်းရပ်စ်ရောဂါလည်း ဖြစ်နိုင်ပါသေးသည်။
ခွေးကြောင်များကို ချစ်၍ မွေးလျှင် အန္တရာယ်ကင်းရှင်း၍ ကျန်းမာရေးနှင့်ညီညွတ်စွာ မွေးနိုင်ရန် တိရစ္ဆာန်ဆေးကု ဆရာဝန်နှင့် တိုင်ပင်၍ သူ့အား အချိန်မှန် ပြသစစ်ဆေးသင့်ပါသည်။
===============
(မေး) ဆရာနှင့်ဆရာမရှင့် ကျမ၏သွားများမှာ မည်မျှပင် တိုက်စေကာမူ ဖြူလာခြင်းမရှိဘဲ ဝါနေပါသည်။ ကျမ၏သွားများ ဖြူအောင် ဘယ်လိုလုပ်ရပါ့မလဲရှင့်၊ ကျမသူငယ်ချင်းတစ်ယောက်ကမူ သွားဖုံးများ အပေါ်သို့ကြွတက်ပြီး သွားပေါ်ဖုံးအုပ်လာသကဲ့သို့ ဖြစ်နေပါသည်။ ဘာကြောင့်ဖြစ်ပါသလဲ၊ မည်သို့ ပြုလုပ်သင့်ပါသလဲ။
(နှင်းစပယ်ဖြူ-ရန်ကုန်)
(ဖြေ) သွားများဝါခြင်းမှာ နဂို ကလေးဘဝကတည်းက ဝါခြင်းလော၊ ယခုနောက်ပိုင်းမှ ဝါလာခြင်းလောဆိုသည်ကို ဦးစွာခွဲခြားရန် လိုပါသည်။ အချို့သူတို့မှာ မျိုးရိုးအရဖြစ်စေ၊ မိခင်က ကိုယ်ဝန်ဆောင်စဉ် တက်ထရာဆိုက်ကလင်း ဆေးများ စားခဲ့၍ဖြစ်စေ၊ ထုံးဓာတ်ချို့တဲ့ခဲ့၍ ဖြစ်စေ ဝါနေတတ်ပါသည်။ အချို့ကလည်း သွားနှင့်ခံတွင်း သန့်ရှင်းရေးကို စနစ်တကျ ဂရုမစိုက်၍ ဝါနေသည်လည်း ဖြစ်တတ်ပါသည်။ မှန်မှန်သွားတိုက်ပါလျက် ဝါနေသောသွားများ မဖြူလျှင် သွားဆရာဝန်နှင့်ပြ၍ သွားချေးများ၊ ထုံးကျောက်များ ဖယ်ရှား၍ သွားအရောင်တင်ခြင်း ပြုလုပ်နိုင်ပါသည်။


သွားဖုံးသားများ သွားမျက်နှာပြင်ပေါ်သို့ ဖုံးအုပ်လာခြင်း၊ သို့မဟုတ် သွားဖုံးသားများ နိမ့်ဆင်းလာပြီး သွားအခြေပေါ်လာခြင်းမှာ သွားဖုံးရောဂါတွင် တွေ့ရသော လက္ခဏာတွင် ပါဝင်သဖြင့် ထိုသို့ဖြစ်လာလျှင် သွားဆရာဝန်နှင့် ပြသရပါမည်။ သွားဖုံးရောဂါကြောင့် ဖြစ်၍ မကုသဘဲထားလျှင် အစာဝါး၍ မကောင်းဘဲ သွားနာလာခြင်း၊ ကျဉ်လာခြင်း၊ သွားများယိုင်နဲ့ခြင်း၊ ရွေ့ခြင်း၊ ကျွတ်ခြင်းများအထိ ဖြစ်နိုင်သဖြင့် မပေါ့ဆသင့်ပေ။
===============
(မေး) ဆရာခင်ဗျား အသည်းရောင် အသားဝါရောဂါမှာ အင်္ဂလိပ်ဆေးနှင့် အမြစ်ပြတ်ခြင်းမရှိဟု လူအတော်များများ ပြောကြပါသည်။ ဟုတ်ပါသလား။ ရောဂါအမြစ်ပြတ်စေရန် မည်သည့်ဆေးဝါးများ စားသင့်ပါသလဲ၊ မည်သည်တို့ကို ရှောင်ရပါမလဲ၊ ဆောင်သင့်၊ ရှောင်သင့်သော အချက်များကို ဆရာအနေနဲ့ ကျေးဇူးပြုပြီး ဖြေကြားပေးပါခင်ဗျား။
(သီဟ-ကန်တော်)
(ဖြေ) အသည်းရောင် အသားဝါရောဂါဟု သားမန်စကားဖြင့် ပြောကြသော အသည်းရောင်ရောဂါမှာ ဆေးပညာအရ အမျိုးပေါင်းများစွာ ရှိပါသည်။ ဗိုင်းရပ်စ်ရောဂါကြောင့် အဖြစ်များနေသော အသည်းရောင် အသားဝါရောဂါတွင်ပင် အေ၊ ဘီနှင့် အေ-မဟုတ် ဘီ-မဟုတ် စီအမျိုးအစား၊ အီးအမျိုးအစား အစရှိသည်ဖြင့် အမျိုးမျိုးခွဲခြားထား၍ ရောဂါဖြစ်စဉ်နှင့် ပြင်းထန်မှု၊ နောက်ဆက်တွဲ အသည်းပျက်စီးမှုများမှာလည်း မတူကြပါ။ လူအမျိုးမျိုးတွင်လည်း ရောဂါတစ်မျိုးတည်းကပင် နောက်ဆက်တွဲပြဿနာ ပေးနိုင်သည်လည်းရှိ၍ ရောဂါလုံးဝပျောက်ကင်းသွားသည်လည်း ရှိပါသည်။ ပုံသေ ကောက်ချက်ချ မှတ်သားထား၍မရပါ။ သို့ဖြစ်၍ မိမိမှာ အသည်းရောင်အသားဝါရောဂါရလျှင် မည်သည့်ရောဂါပိုးကြောင့် မည်သည့်အကြောင်းကြောင့် ဆိုသည်ကို သိ၍ အနာနှင့်ဆေး တည့်အောင်ပေးနိုင်ရန်အတွက် ဆောင်ရန်၊ ရှောင်ရန်ကို သိရှိဖို့ရန် တတ်ကျွမ်းနားလည်သော ဆရာဝန်နှင့် အချိန်ယူ၍ ပြသစစ်ဆေးတိုင်ပင်ခြင်းမှာ အကောင်းဆုံးဖြစ်ပါသည်။


ဗဟုသုတအနေဖြင့် သိလိုလျှင်မူ အသည်းရောဂါ အမျိုးမျိုးအကြောင်း ရေးသားထားသော ဆေးပညာပေး စာအုပ်များကို ရန်ကုန်မြို့ ဂုစ်ထူးစာပေ ၃၃-လမ်းတွင် ဝယ်ယူဖတ်ရှုနိုင်ပါသည်။
ယေဘုယျအားဖြင့်ကူးစက်တတ်သော အသည်းရောင်အသားဝါရောဂါ မရစေရန် ယင်အုံ ယင်နားစာများ မသန့်ရှင်းသော ရေခဲရေ၊ ရေခဲချောင်း၊ ရေခဲမုန့်များကို ရှောင်ခြင်း၊ အစာမစားမီ လက်ကိုစင်ကြယ်စွာ ဆေးခြင်း၊ အိမ်သာတက်ပြီးလျှင်လည်း လက်ကို စင်ကြယ်စွာဆေးခြင်းများကို ဂရုစိုက် လိုက်နာရမည်။ ထို့ပြင် ဆိုးဝါးသောဗိုင်းရပ်စ် ဘီ အမျိုးအစား အသည်းရောင်အသားဝါ ရောဂါမှာ သွေးမှတဆင့်၊ လိုင်ဆက်ဆံမှုမှတဆင့်လည်း ကူးစက်တတ်သဖြင့် ဆေးထိုး၊ သွေးသွင်း၊ အကြောဆေးသွင်းခြင်းများ၊ မုတ်ဆိတ်ရိတ်၊ ဆံပင်ညှပ်၊ လက်သည်းညှပ်၊ သွားတိုက်ရာတွင် ရောဂါပိုးသယ်ဆောင်ထားသူ သုံးပြီး ပစ္စည်းများကို ရှောင်နိုင်အောင် ဆင်ခြင်ရမည်။ ဂရုပြုရမည်။

ရောဂါရှိသူနဲ့ ထိတွေ့မိပါက ဆရာဝန်နှင့်တိုင်ပင်၍ ရောဂါပိုးကို တိုက်ခိုက်နှိမ် နင်းပေးနိုင်မည့် ဆေး (Hepatitis, Hyperimmune Globulin) ကို ထိုးနိုင်ရန် စီစဉ်ရမည်။ ထို့အတူ ရောဂါရှိသူနဲ့ ဆက်ဆံရသော ဝန်ထမ်းများ၊ မိသားစုများ အနေဖြင့်လည်း သင့်တော်သောရောဂါပြီးဆေး (Gamma Globulin) သို့မဟုတ် ရောဂါကာကွယ်ဆေး (Vaccine) ကို ဆရာဝန်နဲ့တိုင်ပင်၍ ထိုးသင့်ပါသည်။


အခြားရောဂါပိုးများနှင့် အဆိပ်အတောက်များကြောင့် ဖြစ်တတ်သော အသည်းပျက်စီးသည့် အသည်းရောင် အသားဝါရောဂါ မဖြစ်ရန်မူ ကြွက်စွန့် အညစ်အကြေးများ ရှိသောနေရာ ရေမြောင်း ရေချောင်းများကို ရှောင်ခြင်း၊ ကာလသားရောဂါမရအောင် ဆင်ခြင်ခြင်း၊ အသည်းရောင်ရောဂါ အဖြစ်များသောဒေသသို့ ခရီးသွားမည်ဆိုလျှင် ကာကွယ်ဆေး ကြိုတင်ထိုးသွားခြင်းနှင့် အရက်အလွန်အကျွံသောက်ခြင်း၊ ဥပမာ-၁၀-နှစ်၊ ၁၅-နှစ်ခန့် တစ်ရက်လျှင် အရက်ပျံ ၁၂၀-ဂရမ်ခန့်နှင့် ညီမျှသော အရက်ပမာဏထက် ပိုသောက်ခြင်း၊ ၁၂-အောင်စဝင် ဘီယာ ၁၂-လုံးခန့်နှင့်ညီမျှသော အရက်ပျံ ပမာဏကို သောက်သုံးခြင်း၊ မူးယစ်ဆေးဝါးများ သုံးစွဲခြင်း၊ အသည်းကိုထိခိုက်စေသော ဆေးဝါး၊ ဓာတုပစ္စည်းများနှင့် ကြာရှည်ထိတွေ့ သောက်သုံးခြင်း၊ ဥပမာ-ကာဗွန်တက်ထရာ ကလိုရိုက်၊ ကရိုလိုဖောင်း၊ ပြဒါးကဲ့သို့သော သတ္တုများ စသည်တို့ကို ရှောင်သင့်ပါသည်။
===============
(မေး) ဒေါက်တာရှင့် ဝသောသူများ ကြိုးခုန်လျှင် ပိန်သည်ဆိုသည်မှာ ဟုတ်ပါသလား၊ ပိန်သောသူများ ကြိုးခုန်လျှင်ကော ဘာဖြစ်တတ်ပါသလဲဆိုသည်ကို ဖြေကြားပေးပါ။
(နွေနှောင်း-လေးမျက်နှာမြို့)
(ဖြေ) ဝသောသူများ ကြိုးခုန်ရုံဖြင့် ပိန်မသွားပါ။ ကြိုးလည်းခုန်၊ အဆီ၊အဆိမ့် အချိုများလည်း လျှော့စားပါမှ ခန္ဓာကိုယ်တွင် ပိုနေသောအဆီများ ကျသွား၍ အသားကျစ်သွားနိုင်ပါသည်။ ပိန်သောသူများ ကြိုးခုန်လျှင်မူ အရိုးနှင့်ကြွက်သားများ ပိုမိုသန်စွမ်း၍ အမောခံနိုင်ပြီး ကျန်းမာရေးကောင်းလာပါမည်။ သို့သော် မြေပြင်ညီ၍ ခြေထောက်ခြေဖဝါးများကို မထိခိုက်မိအောင် အားကစားဖိနပ်စီး၍ ခုန်နိုင်လျှင် ပို၍အကျိုးရှိနိုင်ပါသည်။
===============
(မေး) ဆရာနှင့်ဆရာမခင်ဗျား ကျွန်တော်၏ခန္ဓာကိုယ်မှာ အမြဲလို ပူလောင်နေတတ်ပါသည်။ အထူးသဖြင့် နေ့လည် အိပ်ရာထပြီး ရေသောက်လျှင် ပို၍ပူလောင်လာပါသည်။ မနက်ပိုင်းအချိန်သာ နေ၍ကောင်းပြီး ကျန်အချိန်များမှာ ပူနေပါသည်။ စာကြည့်လျှင် စိတ်မပါသလိုလည်း ဖြစ်နေပါသည်။ မည်သည့်ဆေး စားရမည်ကို ညွှန်ကြားပေးစေလိုပါသည် ခင်ဗျား။
(အောင်ဌေးဝင်း-ရန်ကုန်)
(ဖြေ) ခန္ဒာကိုယ် အမြဲပူနေခြင်းမှာ ခန္ဓာကိုယ်တွင်း၏ အခြေခံဇီဝကမ္မနှင့် ဇီဝဓာတုယန္တရား (Basal Metabolism) ဟုခေါ်တွင်သော ကိုယ်တွင်းဓာတ်သဘာဝ ဖြစ်ပျက်ပြောင်းလဲမှုများမှာ သာမန်ထက် မြင့်နေ များနေသောကြောင့် အပူပိုထွက်လာခြင်း ဖြစ်နိုင်ပါသည်။ ထိုသို့ ဇီဝကမ္မယန္တယား ပိုများခြင်းမှာ လည်ပင်းရှေ့ရှိ သိုင်းရှိုက်အကျိတ် (Thyroid Gland) မှ ဟိုမုန်းပိုထွက်ခြင်းကြောင့်၎င်း၊ မိမိ၏ အလိုအလျောက် အာရုံကြောစနစ်မှ ခန္ဓာကိုယ်ကို နှိုးဆွပေးသောအပိုင်းမှာ ပို၍ အားသန်နေခြင်းကြောင့်၎င်း၊ ဖြစ်တတ်ပါသည်။ ဘာကြောင့်ဖြစ်သည်ကို သိရန် သမားတော်တစ်ဦးဦးနှင့် ပြသအစစ်ဆေးခံသင့်ပါသည်။ ဘာမှစိုးရိမ်စရာ မလိုပါ။ သင့်တော်သောဆေးကို ဆရာဝန်ညွှန်သည့်အတိုင်း သောက်လျှင် သို့မဟုတ်-ညွှန်သည့်အတိုင်း ဆင်ခြင်နေထိုင် စားသောက်လျှင် အဆင်ပြေသွားပါမည်။


ဒေါက်တာမောင်မောင်ညို နှင့် ဒေါက်တာနန်းဥမ္မာ။



1 comment:

မိမိတင် said...

ဆရာရှင်
ကျန်းမာရေးကန္တက ဖြေကြားပေးမည်ဆိုပါက သိခွင့်ရှိလိုပါသည်
ဘီပိုးကူးစက်ပုံ၊ ကူးစက်ခံထားရသူ၏ ဘီပိုးကြောင့်ဖြစ်နိုင်သည့်ဆက်တွဲ ဆိုးကျိုးများ၊ ဆောင်ရန်၊ ရှောင်ရန်များနှင့် သက်သာပျောက်ကင်းသွားနိုင်မည့် နည်းလမ်းကောင်းများရှိလျှင် သိခွင့်ရှိလိုပါသည်။
ဖြေကြားပေးပါရှင်