Tuesday, June 12, 2012

အိမ်သစ်ဆောက်ရာ ပန္နက်မှာ မှန်စွာထားတတ်မှ

အိမ်သစ်ကို ပန္နက်မချခင်မှာ ကန်တော့ပွဲနှင့် နတ်ဗြဟ္မာတွေကို ဦးစွာပူဇော်ရမယ်။ ပူဇော်တဲ့အခါ ပေါက်ပေါက်၊ သစ်သီး၊ ပန်း၊ ဆီမီး၊ မုန့်ထမင်းတို့ထည့်ပြီး ပူဇော်ရမယ်။ ဒီလို ပူဇော်ပြီးမှ အိမ်ပန္နက် ချရမယ်။

၁။ တနင်္ဂနွေနေ့မှာ တနင်္လာအခါ သောက်ကြားသားကို အိမ်ဆောက်ဖို့ ပန္နက်ချစေရမယ်။
၂။ တနင်္လာနေ့မှာ အင်္ဂါအခါ စနေသားကို အိမ်ဆောက်ဖို့ ပန္နက်ချစေရမယ်။
၃။ အင်္ဂါနေ့မှာ ဗုဒ္ဓဟူးအခါ တနင်္ဂနွေသားကို အိမ်ဆောက်ဖို့ ပန္နက်ချစေရမယ်။
၎။ ဗုဒ္ဓဟူးနေ့မှာ ကြာသပတေးအခါ တနင်္လာသားကို အိမ်ဆောက်ဖို့ ပန္နက်ချစေရမယ်။
၅။ ကြာသပတေးနေ့မှာ သောကြာအခါ အင်္ဂါသားကို အိမ်ဆောက်ဖို့ ပန္နက်ချစေရမယ်။
၆။ သောကြာနေ့မှာ စနေအခါ ဗုဒ္ဓဟူးသားကို အိမ်ဆောက်ဖို့ ပန္နက်ချစေရမယ်။
၇။ စနေနေ့မှာ တနင်္ဂနွေအခါ ကြာသပတေးသားကို အိမ်ဆောက်ဖို့ ပန္နက်ချစေရမယ်။

အခု ဆရာပေးတဲ့ ပန္နက်ချဟာ အမြင်၊ နေ့စွဲ၊ အညွှန့်၊ အခါတွေမှာ ခရေဆောက်ထိပ်သား ဖြစ်တဲ့သဘော၊ နေ့(၆)နေ့မှာ နိုင်နင်းတဲ့ အခါကောင်းပဲ။


ပန္နက်သားကတော့---
ကြီးပွားချမ်းသာချင်ရင် သီဟရာဇာသား ပန္နက်ကို စနေထောင့်မှာ ထားပြီး ကျန်ပန္နက်ကို ထားလိုရာ ထားပြီး စိုက်နိုင်တယ်။
အကြီးအကဲ ဖြစ်ချင်ရင်တော့ ထိန်သားပန္နက်ကို အင်္ဂါထောင့်မှာ ထားပြီး ကျန်ပန္နက်တွေကို ထားလိုရာထားပြီး စိုက်နိုင်တယ်။
ဘေးရန်ကင်းဖို့ ဆိုရင်တော့ ဧကရာဇ်သား ပန္နက်ကို ရာဟုထောင့်မှာ ထားပြီး ကျန်ပန္နက်ကို ထားလိုရာထားပြီး စိုက်နိုင်တယ်။


မင်္ဂလာ ဆရာကြည်မြင့်

1 comment:

Mary Grace said...

Hi looks so impressive and interesting blogs, come and visit us back too:
http://ads.com.mm/?cid=4fd9a687e4b0fa6db841e34f&utm_campaign=ads_mm_lb_blog_mgesc&utm_source=ads_lb_blog&utm_medium=lb_blog