Thursday, August 2, 2012

သင့်ကလေးငယ် ကိုယ့်ကိုယ်ကို ယုံကြည်စိတ်ချမှုရှိအောင် ပျိုးထောင်ရမည့် အဆင့်များ

(၁) သင့်မိသားစု ဝန်းကျင်တွင် အပြုသဘောဆောင်သည့် အခြေအနေဖြစ်ရအောင် အလုံးစုံ ဆောင်ရွက်ရမှု---
မိဘဖြစ်သည့် သင်ကိုယ်တိုင်ကပင် ကိုယ့်ကိုယ်ကို ယုံကြည်စိတ်ချမှုရှိသည့် သဏ္ဍာန်များ ပေးလွင်ထင်ရှားအောင် ပြသတတ်ဖို့ လိ်ုအပ်လိမ့်မည်ဖြစ်သည်။ သင်၏မိသားစုကို ကောင်းမွန်စွာ၊ သာယချေငံစွာ ပြောဆိုတတ်ပြီး အချင်းချင်းတို့ကိုပါ တဦါ်ပေါ်တဦး ဖြျှေော့စွာဖြင့် လေးလေးစားစား ဆက်ဆံနေတတ်ဖို့ကို သင်ကိုယ်တိုင်ကပင် စီစဉ်ဆောင်ရွက်ပေးနိုင်ခြင်း ရှိရမည်။ 
ဤသည်မှာ အပြုသဘောဆောင်သည့် စိတ်ဓာတ်ကို မြှင့်တင်ခြင်းပင် ဖြစ်လျက် ဤစိတ်ဓာတ်မှတဆင့် ကောင်းမွန်သော အကျိုးရလာဘ်များ တည်ရှိလာနိုင်၏။ ထိုအတွက်---


* သင်မှအစပြု၍ သင့်ရင်သွေးတွေအတွက် ဦးဆောင်ပြပေးပါ။ သူတို့လေးတွေအပေါ် မိမိက ဂရုတစိုက် ရှိနေကြောင်း သူတို့သိအောင် ဖော်ပြရမည်။ 
* မိမိနှင့်ပတ်သက်၍ ကူညီဆောင်ရွက်ပေးလေ့ရှိသော သူတို့၏လုပ်အားတိုင်းကို ကျေးဇူးတင်ကြောင်း ပြောပေးပါ။ 
* သူတို့၏အပြုစိတ်ဓာတ် အရည်အသွေး ကောင်းလေးတွေကို လိုတိုရှင်းနှင့် ချီးမွမ်းပြောဆိုပေးပါ။ 


(၂) သူတို့လေးတွေ၏ ဘဝထဲသို့ မိဘ သင်ပါ ပါဝင်ပတ်သက်ပါ---
သင့်ရင်သွေးငယ်တို့၏ လှုပ်ရှားဆောင်ရွက်ခြင်းကိစ္စရပ်တို့တွင် သင်ကိုယ်တိုင် ရောနှောပါဝင်ခြင်းဖြင့် သူတို့လေးတွေ၏ အားနည်းချက်ရော အားသာချက်တို့ကိုပါ သင်မျက်ဝါးထင်ထင် မြင်လာနိုင်ပေမည်။ သို့မှသာပဲ သူတို့လေးတွေ၏ စိတ်ဓာတ်ကို ပံ့ပိုးပေးနိုင်လာသော အခွင့်အလမ်းတို့နှင့်အတူ အားပေးမှုနှင့် လမ်းညွှန်မှုတို့ပါ ပြုလုပ်လာနိုင်ခြင်း ရှိမည်။ 
သူတို့ရဲ့ ကျောင်းတက်ချိန် ဘဝကိုသိအောင် စုံစမ်းမေးမြန်းရမည့် အချိန်တချိန် ယူပါ။ ကျောင်းတက်ချိန် ဘဝဆိုသည်မှာ သူတို့နှင့် အမြဲထိတွေ့မည့် ဆရာ ဆရာမအကြောင်း အတန်းတက်ဖက်အကြောင်း သင်ရိုးညွှန်းတန်းများအကြောင်း စသည်တို့ မလွဲမချွတ်ပါဝင်မည်။ 
သူ့စိတ်ဝင်စားမှုနှင့်ပတ်သက်၍ ပြောဆိုခြင်း၊ သူ့ရည်မှန်းချက် အိပမက်နှင့်စပ်လျဉ်း၍ ပြောဆိုခြင်းနှင့် သူ့စိတ်အား ထက်သန်နေသည့် ကိစ္စဆိုင်ရာကို ပြောဆိုခြင်း၊ အကယ်၍ ကလေးငယ်ထံမှ သင်ဆောင်ရွက်ချက် အပိုင်းများရှိနေပြီး ပြသလာခဲ့လျှင်မူ အထူးတလည် ကောင်းမွန်စွာ ဆောင်ရွက်ပေးလိုက်ပါ။


(၃) သင့်ကလေးငယ်၏ အပြုစိတ်ဓာတ်ဟု ထင်နေသည့် မှားသောစိတ်ခံစားချက်ကို မြင်အောင် ကြည့်ပြီး ကူညီပံ့ပိုးဖို့ လုပ်ပါ---
ကလေးငယ်၏ ခံစားချက်အမှားကို ကိုယ်တွယ်ရာတွင် အောက်ဖော်ပြပါ လမ်းညွှန်ချက်နှင့်အညီ ဆောင်ရွက်တတ်ဖို့ အရေးကြီးပါ၏။


သိပ်ခရေစေ့အတွင်းကျကျ ဖြစ်ချင်မှုကို ရှောင်ရှားပါ---
ခရေစေ့အတွင်းကျကျနှင့် သိပ်တိကျအောင် ဆောင်ရွက်ချင်သူတို့သည် ဘယ်သောအခါမျှ စိတ်မပျော်ပိုက်နိုင်ပေ။ အဘယ်ကြောင့်ဆိုသော် မိဘဘက်က အများတကာက မိမိတို့အပေါ် ဘယ်လိုမြင်ကုန်ကြမလဲဆိုသော စိတ်ပေါ်တွင် အားထားဆောင်ရွက်နေရသည့်သေဘာ ရှိနေ၍ပင် ဖြစ်လေသည်။ 

အကောင်းမြင်ဝါဒ တည်ရှိအောင် သင်ကြားပါ---
ဘဝတွင် ကိုယ့်ကိုယ်ကို ယုံကြည်စိတ်ချစိတ် တည်ရှိနေဖို့ဆိုသည်မှာ အကောင်းမြင်ဝါဒစိတ်နှင့် ဆိုင်သည်။ သင့်တွင် အကောင်းမြင်ဝါဒ တည်ရှိလာသောအခါ ဘဝအပေါ် အဆိုးထက် အကောင်းဘက်သို့ အမြင်ပိုအလေးသာသွားရတတ်၏။  ပြဿနာဟူသမျှတိုင်း ဖြေရှင်းလို့ရမည်ဟုပါ မြင်လာနိုင်သည်။ သင့်ဘဝ တည်ဆောက်ခဲ့ပုံတို့ကို သင့်ရင်သွေးအား မကြာခဏ ပြောပြရမည်။ ဒုက္ခအပေါင်းကို သင်ဘယ်သို့ကျော်လွှား၍ အောင်မြင်လာပုံတို့ကို ပြောပြဖို့ လိုမည်။ ဘဝဆိုတာ စိန်ခေါ်မှုအမျိုးမျိုးနှင့် အရင်းတည်နိုင်မှသာ အောင်မြင်လာနိုင်မည့် အကြောင်းများကို အဓိက အသိပေးခြင်းပင်။

(၄)သင့်ရင်သွေး၏ ဒုက္ခပေးတတ်သော အပြုအမူကို ခွဲခြားစိစစ်တတ်ပါ---
သင့်ကလေး၏ ဒုက္ခပေးနေသော အပြုအမူကို ဖော်ထုတ်ရန် နည်းလမ်းမှာ-
* သူ၏ အဓိက ဒုက္ခပေးတတ်သော အပြုအမူကို အတိအကျ ဖော်ထုတ်ခြင်း။
* သူ၏ ပြဿနာဖြစ်ရသော အကြောင်းသည် လူကြောင့်မဟုတ်ဘဲ အပြုအမူကြောင့်သာ ဖြစ်ရကြောင်း သင့်ရင်သွေးသိအောင် ပြောပြပါရန်။
ထိုသောအကျင့်အပေါ် သင့်ရင်သွေး ထိန်းသိမ်းအုပ်ချုပ်တတ်လာရန်ပါ သင်ကိုယ်တိုင်ကပင် နည်းလမ်းရှာပေးခြင်းများ စသည်---


(၅) သင့်ရင်သွေး တွေးခေါ်တတ်အောင် ပျိုးထောင်ပေးခြင်း---
မတူညီခြားနားသော အတွေးအမျိုးမျိုးတို့ သီးပွင့်တတ်၍ ကလေးငယ်၏စိတ်ဆိုသည်မှာ ပန်းဥယျာဉ်နှင့် တူနေပေသည်။ သို့မို့ကြောင့် သူတို့၏ ကိုယ့်ကိုယ်ကို ယုံကြည်စိတ်ချစိတ်ဓာတ်များ ဖွံ့ဖြိုးလာဖို့လည်း မိဘ၏ ပျိုးထောင်မှုနှင့် ဆိုင်နေသေးပေ၏။


* သင့်ကလေးငယ်၏ စိတ်ထဲတွင် ပြောနေတတ်သော စကားလုံးတို့က သူ့ကို မည်ကဲ့သို့သော အကောင်းနှင့်အဆိုး ခံစားနေစေကြောင်း ပြောကြည့်ခိုင်းရမည်။
* ခံစားချက်အကောင်းနှင့် ခံစားချက်အဆိုးတို့ကို ဥပမာ စကားလုံးလေးများ တန်ဆာဆင်၍ ပြောပြခိုင်းပါ။
* သင့်ကလေး စိတ်တခုထဲတွင် ကျရှုံးစိတ်(သို့မဟုတ်) စိတ်ပျက်စိတ်တို့ ဝင်နေသည်ကို မြင်ရသည့်အခါ သူလေး၏ ဦးခေါင်းထဲတွင် ဘာစကားသံတွေများ ထွက်နေသလဲ မေးမြန်းကြည့်ရမည်။
* ဒီစိတ်ပေါ်ချိန် ရောက်သည့်အခါကျတိုင်း သူတို့ကိုယ်တိုင်ကိုပါ စစ်ဆေးခိုင်းပါ။
* ကောင်းသောအတွေးများ တွေးခေါ်တတ်အောင် သင့်ဘက်က အားပေးပျိုးထောင်တတ်ရမည်။
*  အကယ်၍ အောင်စိတ်ဝင်၍ ခံစားချက် ကောင်းမွန်နေသည်ကို မြင်ရသည့်အခါမှာပါ သူ့ခေါင်းထဲတွင် မည်သည့်စကားသံများ မြည်ဟည်းနေ၍ သူ ဤကဲ့သို့ ကောင်းမွန်သောသဘောကို ထားရှိနိုင်လာသလဲဟုပါ မေးမြန်းကြည့်ပါ။
* ဤကဲ့သို့ ကောင်းမွန်သော ခံစားချက်ကို မှတ်မိအောင်ပါ မကြာခဏ ရေရွတ်ခိုင်းရမည်။


(၆) ပြဿနာဖြေရှင်းနည်းများ ကျွမ်းကျင်လာအောင် သင့်ကလေးကို လေ့ကျင့်ပေးခြင်---
သင့်ရင်သွေး အမှားတခုပြုမိပြီဆိုလျှင် မိဘဖြစ်သည့် သင်က အောက်ဖော်ပြပါ နည်းစနစ်များဖြင့် ဆောင်ရွက်တတ်ဖို့ သတိပြုရမည်။
*  အမှားတခုခု ပြုမိမှုနှင့်ပတ်သက်၍ ဝမ်းနည်းပန်းနည်းရှိနေသော ခံစားချက်ဟူသမျှ ပြောခိုင်းပြီး သင် နာေးထာင်နိုင်စွမ်းရမည်၊ သူ ဘယ်သူ့အပေါ် အဓိက မကျေနပ်၍ ဝမ်းနည်းပန်းနည်း ဖြစ်နေရတာလဲဟူ၍ သင်တွေးဖို့ လုပ်ရမည်။
*  သင့်ရင်သွေးတွင် ပြဿနာဖြေရှင်းဖို့ လိုအပ်လာတိုင်းမှာ သင်က ဖုတ်ပူမီးတိုက်ဝင်ဖြေရှင်းဖို့ လုပ်ရမည့်အစား ပထမဦးစွာ စိတ်ရှည်ရှည်ထား၍ နားထောင်တတ်ဖို့ လိုမည်၊ ပြီးတော့မှပင် တတ်နိုင်မည့်ဘက်က ဝင်ကူညီဖို့ နည်းလမ်းရှာ ဆောင်ရွက်ရမည် ဖြစ်သည်။
* ဘာလုပ်နိုင်မလဲ၊ ဒါမှမဟုတ် ဘာလုပ်သင့်သလဲ ဆိုတာကို သင့်ရင်သွေးခမျာ တွေးဆဖြေရှင်းတတ်လာအောင် သင်က ကူညီလမ်းညွှန်ပေးတတ်ဖို့လိုသည်။ သို့မှပဲ နောင်အနာဂါတ်များ၌ အသေးအဖွဲအကြောင်းကအစ သင့်ရင်သွေးတွေ ဆက်ဖြေရှင်းနိုင်တတ်လာမည်ဖြစ်သည်။ 

ဤအတွက် သင့်ရင်သွေးကို မေးခွန်း(၅)သွယ်ထုတ်ဖို့ လိုအပ်လာမည်။
*  အဲဒီအချိန်တုန်းက သား ဘာကိ်ုအဓိက လိုချင်ခဲ့တာလဲ-ဆိုသော မေးခွန်းမျိုး။
* နောက်တခါလောက် ပြန်တွေးကြည့်စမ်း၊ အဲဒီတုန်းက သားပြောတဲ့ပြဿနာကို ကျော်လွှားနိုင်မယ့် တခြားထွက်ပေါက်ရော တကယ်မရှိလို့လား၊ စဉ်းစားကြည့်ပါအုံး၊ တခြားနည်းလမ်း ရှိချင်ရှိမှာပါ-ဟူသည်မျိုး။
* အဲဒီအတိတ်ကို ခဏလောက် တွေးပါအုံး၊ လုပ်သင့်တဲ့ကိစ္စကို မင်းဘယ်လိုတွေးနေခဲ့လို့လဲ စဉ်းစားလိုက်ပါဦး၊ ဒါမှမဟုတ် မင်း ဘာကိုလုပ်ခဲ့ပြီးလဲဆိုတာ တွေးကြည့်စမ်း-ဟု တိုက်တွန်းသည်မျိုး။
*  နောက်တခါရောက်ရင်ရော သား ဘယ်လိုမတူအောင် လုပ်ဦးမှာလဲ-ဟု မေးမြန်းစူးစမ်းသည်မျိုးတွေ။
*  သား အခုလုပ်ဖို့ရော ဘာလိုအပ်နေသေးလဲ၊ ဥပမာ-တယောက်ယောက်ထံ တောင်းပန်ဖို့ လိုအပ်နေပြီလား စသည်ဖြင့် မေးတတ်ဖို့ပင် ဖြစ်သည်။


(၇) သင့်ရင်သွေးအတွက် အောင်မြင်မှုပွတြော် ကျင်းပခြင်း---
သူတို့လေးတွေ၏ အောင်မြင်မှုအပေါ် ဂုဏ်ယူနေသည့် စိတ်ဓာတ်လေးတွေအား မိဘ၏မြှောက်စားမှု ခံရသော ရင်သွေးတို့လောက် ပီတိပိုဖြာနိုင်သောအရာသည် အဘယ်မှာလျှင် ရှိပါချေမည်နည်း။

 မိဘများ ရှောင်ကြဉ်ရန်ကား---
*  သင့်ရင်သွေး၏ အမှားများတို့အား ဆွဲထုတ်ပြပြီး လွန်ကဲစွာ အပြစ်တင်ပြောဆိုနေခြင်းများ။
*  သင်တို့လေးတွေ၏ အတိတ်က အမှားများအား အဆက်မပြတ် သတိရရှိအောင် ဖန်တီးနေသည်နှင့်မခြား ရှိခြင်းသည် ရင်သွေးတို့၏ ကိုယ့်ကိုယ်ကို ယုံကြည်စိတ်ချစိတ်အား နွမ်းလျမှေါ်မှိန်စေပါသည်။


သင့်ကလေး၏ အောင်မြင်မှုများကို မျက်စိလျှမ်းနေခြင်း---
* မိဘထံမှ ချီးကျူးမှုကို အနည်းအပါးမျှသာ ရရှိသော ရင်သွေးသည် မိမိ၏ ယုံကြည်စိတ်ချမှုကို အနည်းအကျဉ်းသာ မြှင့်တင်နိုင်ပါမည်။


သန်းမြင့်ဦး
(ဂမ္ဘီရ ၂၀၀၈-စက်တင်ဘာလ)







No comments: