Tuesday, August 28, 2012

ကျေးဇူးတော်ရှင်တို့၏ ကျေးဇူးစကား (၁)

( ဘဝင်မြင့်သူတွေ )
ပရိယတ္တိဘက်က စာသင်စာချနေတဲ့ ပုဂ္ဂိုလ်တွေ၊ တရားဟောနေတဲ့ ဓမ္မကထိကတွေ၊ ပဋိပတ္တိဘက်က   တရားကျင့်သုံးဟောပြောနေတဲ့ ပုဂ္ဂိုလ်တွေ၊ ဒီလိုပုဂ္ဂိုလ်တွေထဲမှာလဲ တချို့က အစပိုင်းမှာ မာနဖြင့် အထင်ကြီးရုံမျှပဲ၊
နောက်ပိုင်းကျတော့ အလွန့်အလွန် အထင်ကြီးပြီး ဘဝင်မြင့်နေတာလည်း ရှိတတ်တယ်။ အဲဒီလို ပုဂ္ဂိုလ်တွေက ပြောဟောရာမှာလည်း ဘဝင်မြင့်တဲ့ အပြောအဆိုတွေကို ပြောဆိုလေ့ရှိတတ်တယ်။ ကျမ်းစာရေးရာမှာလည်း ဘဝင်မြင့်တဲ့ အသုံးအနှုန်းတွေက်ု ရေးသားလေ့ရှိတတ်တယ်။ တရားအားထုတ်နေတဲ့ ဟောဂီထဲကတောင် တချို့က ဥဒယဗ္ဗယဉာဏ် ရောက်တဲ့အခါ သူများက သူ့လို မသိဘူးလို့ ထင်တတ်တယ်။ သူ့ကမ္မဋ္ဌာန်းဆရာကိုတောင် သူသိသလို သိဟန်မတူဘူးလို့ ဒီလို အထင်ကြီးပြီး ဘဝင်မြင့်သူလည်း နည်းနည်း ရှိတတ်သေးတာပဲ။

( လစ်ဟင်းနေတတ်တယ် )
လူလောကမှာ စီးပွားဥစ္စာကို ရလွယ်ပြီး ကြီးပွားနေတဲ့ လူတွေက အဲဒီ စီးပွားဥစ္စာတွေနဲ့ မာန်ယစ်နေတတ်ကြတယ်။ ဥပုသ်စောင့်ဖို့ တရားနာဖို့ တရားအားထုတ်ဖို့ဘက်မှာ စိတ်မဝင်စားဘဲရှိနေတတ်တယ်။ အားလပ်တဲ့အချိန် မရှိဘူးဆိုပြီး အဲဒီစီးပွားရေးထဲမှာသာ စိတ်ဝင်စားနေတတ်တယ်။ 
ရဟန်းများမှာ လာဘ်လာဘပေါများပြီး ဘုန်းကြီးနေရင် အဲဒီလာဘ်လာဘကို စွဲမှီပြီး မာန်ယစ်နေတတ်တယ်။
ဟိုအလှူ သည်အလှူ စသည်တွေအတွက် ကြောင့်ကြစိုက်နေရတာနဲ့ တရားကျင့်ရေးဘက်က လစ်ဟင်းနေတတ်တယ်။ သမဏဓမ္မ ရဟန်းတရားဆိုတဲ့ သီလ၊ သမာဓိ၊ ပညာအကျင့်ကို အထူးအလေးပြုသင့်တာပဲ။

( ဟန်သမားများ )
တချို့က ပစ္စည်းလေးပါးကို အလွယ်တကူ ရအောင်၊ ဘုန်းကြီးအောင်၊ ကြိုးစားအားထုတ်နေကြတယ်။ လှူဒါန်းမည့် တကာ တကာမတွေများအောင် နည်းအမျိုးမျိုးနဲ့ အားထုတ်နေကြတယ်။ 
တချို့က အကြားအမြင် ပေါက်သယောင်ယောင် သူတပါးစိတ်ကို သိသယောင်ယောင် ဟန်ဆောင်နေကြတာလည်း ရှိတယ်။ ရဟန္တာဖြစ်သယောင်ယောင် ဟန်ဆောင်နေကြတာလည်း ရှိတယ်။ 
တချို့က ထွက်ရပ် ဝိဇ္ဇာ ပေါက်သယောင်ယောင်၊ ကျန်းမာရေး၊ စီးပွားရေး၊ ရာထူးဌာနန္တရ မဆုတ်ယုတ်ဘဲ တိုးတက်ရေး စသည်အတွက် စွမ်းဆောင်နိုင်သယောင်ယောက် ဒီလိုဟန်ဆောင်နေတာလည်း ရှိတယ်။ 
အဲဒီလို မတရားသဖြင့် စီးပွားရှာမှုကိုတော့ ဝိနည်းတော်အရ လုံးဝ မပြုသင့်ပါဘူး။

( မာန်ယစ်ကြတာတွေ )
ပျိုမျစ်နုနယ် အသက်ငယ်သေးတာကို အကြောင်းပြုပြီးမာန်ယစ်နေလို့ တရားအားမထုတ်နိုင်တာလည်း ရှိတယ်။
လာဘ်လာဘပစ္စည်းတွေ ပေါများလို့ မာန်ယစ်ပြီး အားမထုတ်နိုင်တာလည်း ရ်ှတယ်။
အများက အလေးပြုနေကြလို့၊ ရှေ့ဆောင်ဖြစ်နေလို့၊အခြွေအရံတွေ များနေလို့ စသည်ဖြင့် မာန်ယစ်ပြီးတော့ တရားအားမထုတ်နိုင်တာလည်း ရှိတယ်။
ပရိယတ်စာပေတတ်နေလို့ စာမတတ်တဲ့ ပုဂ္ဂိုလ်ထံမှာ အားမထုတ်နိုင်တာလည်း ရှိတယ်။
အကျင့်သီလနှင့် ပြည့်စုံနေတာကို စွဲမှီပြီး ဒါနလောက်နဲ့ အားရနေလို့ အားမထုတ်နိုင်တာလည်း ရှိတယ်။
တရားအားထုတ်ဖို့ စပ်ဆိုင်သူက တိုက်တွန်းရင် တချို့က ဒီလို ငြင်းပယ်နေတာလည်း ကြားသိရတယ်။ 
ကျွန်ုပ်တို့ ကျွန်မတို့မှာ သီလနဲ့ပြည့်စုံနေတာပဲ မတော်မသင့်တာ ပြုမိတယ်လို့ မရှိပါဘူး၊ ဒီတော့ အားထုတ်ဘို့ မလိုပါဘူး လို့ ဒီလို ငြင်းပယ်တာလည်း ရှိတယ်။
တချို့က ပုတီးစိပ်နေတာတဲ့ အားရပြီးနေလို့ တရားအားထုတ်ဖို့ တိုက်တွန်းတာကို ငြင်းပယ်တာလည်း ရှီတယ်။
အဲဒါတွေဟာ တရားအားထုတ်ရေးကို အန္တရာယ်ပြုတဲ့ မာန်ယစ်မှုတွေပါပဲ၊ အဲဒီလို မာန်ယစ်မှုဟူသမျှတွေကို ဆင်ခြင်ပြီးတော့ ဖြစ်စေ၊ ရှုမှတ်ပြီးတော့ ဖြစ်စေ ပယ်ဖို့ပါပဲ။ 

ဆဋ္ဌသင်္ဂီတိ ပုစ္ဆက၊ အဂ္ဂမဟာပဏ္ဍိတ၊ ကျေးဇူးတော်ရှင် မဟာစည် ဆရာတော်ဘုရားကြီး

No comments: