Wednesday, September 5, 2012

ပျက်စီးခြင်း လေးပါး နှင့် တရားလေးပါး

ထုလ္လကောဋ္ဌိက နိဂုံးမှ အမျိုးကောင်းသား ရဋ္ဌပါလသည် မြတ်စွာဘုရား အထံ၌ ရှင်အဖြစ်၊ ရဟန်းအဖြစ်ကို ရပြီး ပြင်းစွာအားထုတ်လျက် ရဟန္တာဖြစ်တော်မူသည်။ ထိုရဟန္တာအသျှင် ရဋ္ဌပါလသည် ထုလ္လကောဋ္ဌိက နိဂုံး ကောရဗျမင်း၏ မိဂဓီရဥယျာဉ်တွင် သီတင်းသုံးတော်မူစဉ် ကောရဗျမင်းသည် ချဉ်းကပ်ဖူးမြော်ပြီး အသျှင်ရဋ္ဌပါလအား---

“အသျှင်ရဋ္ဌပါလ---အိုမှုဟူသော ပျက်စီးခြင်း၊ နာမှုဟူသော မျက်စီးခြင်း၊ စည်းစိမ်ပျက်စီးခြင်း၊ ဆွေမျိုးပျက်စီးခြင်း ဟူသော ပျက်စီးခြင်းလေးပါးနှင့် ပြည့်စုံသောသူ အချို့တို့သည်သာ ဆံမုတ်ဆိတ်ကိုပယ်၍ ဖန်ရည်ဆိုးသော အဝတ်တို့ကို ဝတ်ပြီး လူ့ဘောင်မှ ရဟန်းဘောင်သို့ ဝင်ရောက်ကြပါကုန်၏။ ထိုလေးပါးသော ပျက်စီးခြင်းတို့သည် အသျှင်ရဋ္ဌပါလ၌ မရှိကုန်၊ အသျှင်သည် အဘယ်အကျိုးကိုသိ၍ မြင်၍ ကြား၍ လူ့ဘောင်မှ ရဟန်းဘောင်သို့ ဝင်ရောက်ပါသနည်း”ဟု လျှောက်၏။

မင်းကြီး---သိတော်မူ မြင်တော်မူ၍  ပူဇော်အထူးကို ခံတော်မူထိုက်သော မြတ်စွာဘုရားသည် လေးပါးသောတရားအကျဉ်း တို့ကို ညွှန်ပြတော်မူ၏၊ ငါသည် ယင်းတရားတို့ကို သိ၍ မြင်၍ ကြား၍ ရဟန်းဘောင်သို့ ဝင်ရောက်ခဲ့၏၊ အဘယ်လေးပါးတို့နည်း ဟူမူ---
မင်းကြီး---အိုခြင်း သေခြင်းသည် လူအပေါင်းကို ဆောင်သောကြောင့် အမြဲမတည်ဟူ၍ လူအပေါင်းသည် ခိုကိုးရာ မရှိ၊ အားထားရာ မရှိဟူ၍ လူအပေါင်းသည် ကိုယ်ပိုင်ဥစ္စာ မရှ်ိ၊ အလုံးစုံသော ဥစ္စာကို စွန့်လွှတ်၍ သွားရ၏-ဟူ၍ လူအပေါင်းတို့သည် အလိုမပြည့်၊ ယုတ်လျော့လျက်သာ ရှိ၏၊ ရောင့်ရဲမှု မရှိ၊ တဏှာ၏ကျွန်တည်း-ဟူ၍ ကိုယ်တိုင် မှန်စွာ သိတော်မူသော မြတ်စွာဘုရားသည် ညွှန်ပြ၏”ဟုဆိုပြီး 

---“နှစ်ဆယ် အစိတ်အရွယ်က သင်မင်းကြီးသည် ဆင်စီး မြင်းစီး ဓားလှံ လေးအတတ်တို့ တတ်မြောက်ပြီး၍ စစ်မြေပြင်၌ ကျင်လည်နိုင်သော အတ္တဘောစွမ်းအား ရှိခဲ့ဖူးသည် မဟုတ်ပါလော၊ ယခု ထိုစွမ်းအား ရှိသေး၏လော” ဟုမေး၏၊
---“အရှင်ရဋ္ဌပါလ၊ မဖြစ်နိုင်တော့ပါ၊ ယခုအခါ အိုမင်းကြီးမြင့်၍ နောက်ဆုံးအရွယ်ရောက်ပါပြီ၊ ရှစ်ဆယ်အရွယ် ရှိပါပြီ”ဟု လျှောက်၏၊
“မင်းကြီး---မြတ်စွာဘုရားသည် ဤသည်ကို ရည်ရွယ်၍ အိုခြင်း၊ သေခြင်းသည် လူအပေါင်းကို ဆောင်သောကြောင့် အမြဲမတည်ဟု ဟောတော်မူ၏”
“မင်းကြီးသည် သက်သာရာ မရအောင် နာကျင်သော အနာတစုံတခု ဖြစ်ဖူး၏လော”ဟုမေး၏၊
“ဖြစ်ဖူးပါ၏”ဟု လျှောက်၏၊
“သင်မင်းကြီးသည် အဆွေခင်ပွန်း ဆွေမျိုးသားချင်းတို့ကို အမောင်တို့ ငါခံစားရသည့် ဝေဒနာ ပေါ့ပါးသက်သာအောင် သင်တို့သည် ခွဲယူ၍ ခံကြပါကုန်”ဟု ဆို၍ ရပါလတံ့လော”
“အသျှင်ရဋ္ဌပါလ မရနိုင်ပါ”
“မင်းကြီး---မြတ်စွာဘုရားသည် ဤသို့သဘောရှိသောအကြောင်းကို ရည်ရွယ်၍ လူအပေါင်းသည် ခိုကိုးရာ မရှိ၊ အားထားရာ မရှိ-ဟု ဟောတော်မူ၏၊
“သင်မင်းကြီးသည် ယခုဘဝ၌ ငါးပါးသော ကာမဂုဏ်တို့ဖြင့် ရောင့်ရဲသည်ဖြစ်၍ ပြည့်စုံသည်ဖြစ်၍ စံပယ်ခံစားဘိသကဲ့သို့ တမလွန်လောက၌လည်း ထို့အတူသာလျှင်စံပယ်ခံစားရအံ့ဟု သင်မင်းကြီး ရနိုင်ပါမည်လော၊ ထိုသို့မဟုတ် တပါးသောသူတို့သည် ဤစည်းစိမ်ကို သုံးဆောင်၍ သင်မင်းကြီးမှာမူ ကံအားလျော်စွာ သွားရမည် မဟုတ်ပါလော။
“အသျှင်ရဋ္ဌပါလ-ကျွန်ုပ်မှာ ကံအားလျော်စွာသာ သွားရပါမည်”
“မင်းကြီး မြတ်စွာဘုရားသည် ဤသည်ကို ရည်ရွယ်၍ လူအပေါင်းသည် ကိုယ်ပိုင်ဥစ္စာ မရှိ၊ အလုံးစုံသော ဥစ္စာတို့ကို စွန့်ပစ်ခဲ့၍ တမလွန်လောကသို့ သွားရ၏ဟု ဟောတော်မူ၏။

“မင်းကြီးသည် စည်ပင်ဝပြောသော ကုရုတိုင်းကို စိုးအုပ်၍နေသည် မဟုတ်ပါလော”
“အသျှင် မှန်ပါ၏”
ယုံကြည်သင့်၍ ခိုင်လုံသော စကားရှိသော ယောက်ျားတယောက် တယောက်တို့သည် အရှေ့ အနောက် မြောက် တောင်အရပ်မှ သမုဒ္ဒရာတဖက်ကမ်းမှလာ၍ သင်မင်းကြီးအား ချဉ်းကပ်ပြီး ထိုအရပ်တို့၌ ပြည့်လည်းပြည့်စုံ၍ စည်ပင်ဝပြောကာ ဆင်-မြင်း-ရထား-ခြေသည် သူရဲအပေါင်းများကုန်သော၊ ဥစ္စာ စပါး ရွှေငွေ ပေါများသော သိမ်းယူသင့်သော မိန်းမလည်း ပေါများသော နယ်ပယ်ကြီးများ ရှိပါ၏၊ စစ်သည် ဗိုလ်ပါ ရဲမက်အနည်းငယ်မျှဖြင့် အောင်မြင်နိုင်ပါသည်ဟု ဆိုလျှင် သင်မင်းကြီး အသို့ပြုရာသနည်း”
“အသျှင် ထိုနယ်ပယ်တို့ကိုလည်း ကျွန်ုပ် သိမ်းပိုက်စိုးအုပ်နေကုန်အံ့”

“မင်းကြီး---မြတ်စွာဘုရားသည် ဤသည်ကို ရည်ရွယ်၍ လူအပေါင်းသည် အလိုမပြည့် ယုတ်လျက်သာ ရှိ၏၊ မရောင့်ရဲနိုင်၊ တဏှာ၏ကျွန်တည်း-ဟု ဟောတော်မူ၏”ဟု ဆို၏၊
ထို့ပြင် အသျှင်ရဋ္ဌပါလသည် ဤဂါထာများကို ဟောကြားပြန်၏၊
မင်းကြီး-လောက၌ ဥစ္စာရှိသူတို့ကို ငါမြင်ရသည်မှာ မောဟဖက်၍ ရပြီးဥစ္စာကို မလှူရက်ကြသည့်ပြင် လောဘတက်၍ ဥစ္စာသိမ်းဆည်းမှုကိုသာ ပြုကြကုန်၏၊ ကာမဂုဏ်တို့ကို တိုး၍တိုး၍သာ ပြုကြကုန်၏။

မင်းသည်၎င်း အခြား လူအများသည်၎င်း တပ်မက်မှု မကင်းခြင်းဖြင့်သာ သေခြင်းသို့ ရောက်ကြကုန်၏၊ လောက၌ ကာမဂုဏ်တို့ဖြင့် ရောင့်ရဲမှု မရှိသည်သာတည်း၊
အသက်ရှည်မှုကို ဥစ္စာပေး၍ မရနိုင်၊ စည်းစိမ်းပေးသဖြင့်လည်း အိုခြင်းကို မပယ်ဖျောက်နိုင်ကြကုန်၊ ပညာရှိတို့သည် ဤအသက်ကား နည်းငယ်တိုလှ၏၊ ဖောက်ပြန်တတ်သော သဘောရှိ၏ဟု ဆိုကြကုန်၏၊ လူမိုက်သည်ကား တုန်လှုပ်ချောက်ချားကာ သေရာညောင်စောင်း၌ လျောင်းအိပ်ရ၏၊ ပညာရှိသည်သာ သေခြင်းအတွေ့ဖြင့် တွေ့သော်လည်း မတုန်လှုပ်၊
ထို့ကြောင့် ပညာသည်သာ ဥစ္စာထက် မြတ်၏၊ ပညာဖြင့် ကိစ္စအားလုံး ပြီးဆုံးရာ အရဟတ္တဖိုလ်ကို ရနိုင်၏၊ မိုက်မဲတွေဝေသူတို့သည် (ကိစ္စအားလုံး) မပြီးဆုံးသေးသောကြောင့်သာလျှင် ဘဝကြီးငယ်တို့၌ ယုတ်မာမှု အကုသိုလ်ကို ပြုမိကြကုန်၏။

မင်းကြီး-ကာမဂုဏ်ငါးပါးတို့သည် ဆန်းကြယ်ကုန်သည်သာတည်း၊ သာယာဖွယ်၊ မွေ့လျော်ဖွယ် ကဲ့သို့ ဖြစ်ကုန်၏၊ အထူးထူးသော သဘောဖြင့် စိတ်ကို မွှေနှောက်တတ်၏၊ ကာမဂုဏ်တို့၌ အပြစ်ကို မြင်သောကြောင့် ငါသည် ရဟန်းပြု၏၊ 

မဇ္ဈိမပဏ္ဏာသ ပါဠိတော် မြန်မာပြန် ရာဇဝဂ် ရဋ္ဌပါလသုတ်


No comments: